睇咗
1. Netflix：《今際之國的有栖（Alice in Borderland）》第三季
「米老鼠加」通常一個禮拜播一集，魔術師通常等播完才一次性追看。所以未睇《異形》劇前，又睇吓《有栖》第三季能否擺脫 Netflix 原創劇本必爛的宿命，結果今次一如所料爛爛哋，起碼沒有前作爆紅女配角水雞（朝比奈彩飾），安（三吉彩花飾）又只是客串性質，新關卡的（女）參加者又無乜顏值，遊戲關卡除「御神籤」外亦焦乜亮點，宇佐木返回遊戲國度（以致有栖去搵佢）的動機不強，到結局甚至唔記得咗自己點解會來到這裡，實在有點無厘頭。
魔術師評分：80分（100分滿分）
2. Disney+：《異形：地球（Alien: Earth）
魔術師不嬲都係人類敵人的鐵粉，當中荷里活三大殺手（異形、Predator、Terminator）殺人不眨眼，每次都睇得魔術師眉飛色舞。今次《異形》有影集推出，魔術師無理由錯過，但傷民有影評話本片是左膠戲，實在太驚嚇。睇完之後發現左膠有少少（例如身份認同之類，甚至乎去到「人人都可以變『處女生仔』」），但更重要的是講出「當小屁孩成為世界核心」時係幾咁大鑊，闖禍不負責任，殺人不眨眼，分分鐘恐怖過異形（也全靠成年人演員演活小屁孩的神情與小動作）：
魔術師評分：80分（100分滿分）
3. Disney+：《潔西卡瓊斯（Marvel's Jessica Jones)》第二季
本來第一季作為起能力街頭英雄劇尚可一看，但本季卻變成了女權主義、愛情、豆腐情、姐妹情、親子情、加家庭倫理劇，好似《真情》一樣，缺乏中心奸角，劇情拖拉節奏緩慢；唔係對白中串人時頗有喜感的話，評分會更低。
魔術師評分：40分（100分滿分）
將睇未睇：
1. Disney+：《Marvel 喪屍大亂鬥（Marvel Zombies）》
由 Marvel 平行宇宙衍生出《洛基（Loki）》系列，再衍生出《無限可能：假如…？（What If...?）》系列，再再衍生出《Marvel 喪屍大亂鬥（Marvel Zombies）》（系列？）。衍生類連續劇都睇到疲勞，不過動畫短短地四集總長約兩個小時就當睇齣電影吧！
2. HBO Max：《牠：歡迎來到德利鎮（It: Welcome to Derry）》
又係一個期一集的衍生劇，《IT（小丑回魂）》電視電影及新電影版（上、下兩部，見伸延閱讀）的粉絲，魔術師絕對不容錯過（又係等出哂咁多集一次性睇）。
3. Disney+：《盧克·凱奇（Marvel's Luke Cage）》第二季
睇《夜魔俠：重生》前要睇 Marvel 版《夜魔俠》第三季，點知唔小心睇咗；於是要補做 Marvel 版《夜魔俠》第三季前的功課：
|
| （圖片來源：Daredevil & The Defenders Complete Timeline: What Order To Watch, captured on 1 Apr 2025） |
4. 《鐵拳俠（Marvel's Iron Fist）》第二季
睇《夜魔俠：重生》前要睇 Marvel 版《夜魔俠》第三季，點知唔小心睇咗；於是要補做 Marvel 版《夜魔俠》第三季前的功課：
5. Disney+：《制裁者（Marvel's The Punisher）》第二季
睇《夜魔俠：重生》前前要先做以下功課：
6. Disney+：《潔西卡瓊斯（Marvel's Jessica Jones)》第三季
睇《夜魔俠：重生》前要先做以下功課：
7. Disney+：《夜魔俠：重生（Daredevil: Born Again）》
終於令魔術師於 Disney+ 睇返 Netflix 版 Marvel「社區英雄」系列的催化劑。金霸王（唔係電池）等人出返嚟，奸都奸得特別有魅力。
8. Disney+：《鋼鐵心（Ironheart)》
見到繼承《黑豹2：瓦干達萬歲（Black Panther: Wakanda Forever）》（無論係人物角色定係導演）就令魔術師唔多開胃（即係要睇多次《萬歲》來重溫故事。明顥係迪迪尼/MCU 整死咗 Ironman 之後無咗天才發明家的角色，故事好難講落去而夾硬整個後浪出嚟。BLM Woke culture 令人卻步。
9. Netflix：《W - 兩個世界（W）》
唔使講，都係睇妄民稱「顏值最顛峰時期」的韓孝周(同《Moving 超異能族》個樣都幾唔同，魔術師睇預告就覺得 Moving 時的韓孝周仲靚啲)。
10. Apple TV+：《君主組織與神秘巨獸（Monarch: Legacy of Monsters）》
又係呢類見《XX宇宙》收得便無限伸延加油添醋的衍生劇。其實橋唔怕舊最緊要受，只要識見好就收，唔好愈寫愈過火同主線故事有犯駁就得。
11. Netflix：《FUBAR》第一至二季
阿諾主演嘅串流平台劇，《幼稚園特警》式的劇情竟然都可以有兩季（好在第三季被 cancel）。不過，魔術師作為阿諾影迷，睇一齣少一齣，點都會用嚟攝時間嘅。
12. Disney＋：《天龍八部》
CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。
其他：《黑鏡（Black Mirror）》：因單元故事，表現飄忽，魔術師暫不評分。
仲有大量動畫、舊劇、紀錄片，包括《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》、哈蘭·科本（Harlan Coben）系列等...未能盡錄。
＊＊＊
無乜期待中
1. Netflix：《殭屍校園（All of Us are Dead）》第一、二季
未入坑。如果兩季完魔術師都可以有時間就睇：
2. Netflix：《暗夜情報員（The Night Agent)》第三季
第一季幾好睇，第二季唔好睇（除了「伊朗妹」幾靚），第三季已無期望（劇情安排戲中的「侵侵」當選總統，似乎要諷刺呢位「荷里活公敵」）。
＊＊＊
最後貼上魔術師的 all time favoruites 影集/動畫/單元劇/紀錄片頭十名（僅限現時在 Netflix、Disney+、及 Amazon Prime 的非電影類片種)，排名分先後：
1. Netflix:《闇（Dark）》
三季完燒腦穿越神劇，無 bug。
魔術師評分：100分（100分滿分）
1. Netflix:《魔剎（Monster）》
漫畫改編之暗黑系動畫，分鏡出色。魔術師由錄影CCTVB直至買碟二刷，同先父一齊欣賞之動畫之二（另一套就係《銀河英雄傳說》）。
魔術師評分：100分（100分滿分）
3. Netflix:《今際之國的有栖（Alice in Borderland）》第一至三季
遊戲求生劇，漫畫改編。淨係睇囡囡已能完勝，本來兩季好地地可以有 100 分，但第三季實在太無謂，亦無吸睛囡囡（連第二季行行企企的跛妹女弓箭手的水準都無），逼住要扣分：
魔術師評分：95分（100分滿分）
3. Netflix：《狂賭之淵（賭ケグルイ，Kakegurui – Compulsive Gambler）》真人版 第一、二季
睇多啲濱邊美波就要睇呢套劇！顧名思義本片為漫畫真人化劇集，一眾動漫造型的「鄉下妹」上半身給你一式一樣的校服誘惑、下半身就有各式短裙仔裸足或黑絲化身賭神賭聖賭俠任君選擇，當然還少不了每次美波賭身家時的高潮樣（仲要係從不出千），與及一眾「旁白」配角的誇張對白和表情、賭局中主人翁內心戲的場景切換只會令魔術師愈看愈興奮（！），看完只能說句「鄉下妹」顏值真係無得輸，怪唔之得泡菜妹要以整型才可挽回一局。
魔術師評分：95分（100分滿分）
3. Netflix：《混沌少年時（Adolescence）》
演員演技精湛，場景安排出色。尤其是男女警察、心理學家，甚至那些不起眼的角色例如第一集的律師（自嘲現實與及戲內時間過了25分鐘就能到來）、護士、搜身警員、以致第二集的老師和學生、第三集的拘留所看護等。一鏡直落鏡頭穿插走位技巧高超（第二集尾段鏡頭由地下上空中再降落）更添觀賞價值；但成件案嘅邏輯似乎有啲講唔通，要扣分。
術師評分：90分（基本）- 5分（案件細節）＋10分（演員、拍攝技巧）＝95分（100分滿分）
3. Max:《新神探智擒職業殺手（The Day of the Jackal）》第一季
文青造形的職業殺手男主角遠遠討好過 DEI 黑婆「神探」，仲有《紙房子（Money Heist)》的「東京」Úrsula Corberó 做男主角老婆。尤其是第一季雖然都有少許 LGBT 情節，但最緊要係個結局大快人心。
術師評分：90（基本）+ 5（第一季結局反DEI）＝95分（100分滿分）
7. 《紙房子（Money Heist）》
知名西班牙「神劇」，五季完。雖然講到教授幾咁算無遺策，但其中靠不可預測的巧合及符碌的情況亦唔少，真係「好運好過好波」；要睇不如睇女督察（後稱里斯本(Lisbon)）的英姿、奈洛比（Nairobi）的「人事管理技巧」；及東京（Toyko）的西口西面。
魔術師評分：90分（100分滿分）
7. 《新世紀福爾摩斯（Sherlock）》
魔術師最鍾意 attention to details！
|
| （圖片來源：BBC iPlayer: Sherlock, captured on 26 Aug 2023） |
魔術師評分：90分（100分滿分）
7. Amazon Prime Video：《刺客旅館：捍衛任務世界（The Continental: From the World of John Wick）》
《殺神（John Wick）》衍生前傳劇集，講大陸飯店經理 Winston（Colin Woodell 飾）的前半生。酒店接待沙隆（Charon）讚以青年身份出現。有 John Wick 式打鬥，係幾爽幾好睇。本片仲有 Mel Gibson 參加演出。
魔術師評分：90分（100分滿分）
7. Disney+ :《Moving 超異能族》
韓孝周在本片的知性型後生至中女形象（副眼鏡幫咗大忙，做了眼鏡娘直程唔同咗樣），實在太正！
魔術師評分： 90分（100分滿分）
11. Netflix：《The 8 Show》
大橋類似《饑餓鬥室(El hoyo/ The Platform）》的貧富懸殊、社會階層欺壓、為金錢出賣人性、直至最底層的人發出絕望的怒吼（同時也暗示了網紅靠出位嘩眾取寵表演（飲酒飲到死？）賺打賞的畸形制度）。本片好睇過《魷魚（The Squid Game）》。 看來泡菜人民真係好壓抑，才經常有呢類的劇集、網漫流行起來。
另外，本片配樂用心（包括曾在《銀英傳》中採用過的配樂、華格納 Wagner《Ride of the Valkyries（女武神的飛行）》），值得加分。
魔術師評分：85分（基本）＋5分（配樂）＝90分（100分滿分）
11. Netflix：《冥王（Pluto）》
浦澤直樹又一力作，喜歡《魔剎（Monster）》的觀眾不容錯過。劇情改編自手塚治虫的《小飛俠》篇章《地上最強的機械人》，所以有不少手塚治虫的「童真」feel，跟浦澤直樹的暗黑風有少許錯配，而且結局解畫有啲牽強，個人覺的得稍不及《魔剎》和《二十世紀少年》。故事起源於一個似曾相識的背景：中亞國家波斯王國被某自稱世界警察的國家指控藏有大殺傷力機械人，聯合國調查團發現本無此事，但戰爭經已開打，引伸出不少愛恨復仇，人類和機械人（人工智能）的包容與矛盾的故事。
魔術師評分：85分（100分滿分）
11. Disney+：《夜魔俠（Marvel's Daredevil）》第一至三季
本來係 Netflix 版，但因版權問題搬到去 Disney+。魔術師因為「強迫症」關係，睇續集《夜魔俠：重生（Daredevil: Born Again）》前必先睇埋之前嘅故事。第一及第二季幾好睇，尤其是 Venessa （Ayelet Zurer 飾）同埋 Elektra（Élodie Yung 飾）勁靚，蓋過了夜魔俠婆媽：第三季劇情稍微跌 watt。因為隔咗《捍衛者聯盟》，即係又要睇返哂之前幾套 Marvel 劇才能夠「連戲」。
魔術師評分：85分（100分滿分）
11. Netflix:《星期三（Wednesday）》
一次過睇哂兩季共16集，死唔斷氣仲有第三季。添．布頓（Tim Burton）以「愛登士家庭（Addams Family）」的女兒 Wednesday 衍生出來的劇集(添．布頓導演的集數係特別好睇嘅)，劇情以查案加上 Wednesday 的校園生活為主。矮妹 Jenna Ortega 做女主角出色，撲克臉毒言毒語在第一季相當驚艷，第二季雖然能保持水準但就無咗新鮮感。一眾青年演員的表現都相當省鏡，不過兩季之間拍攝時間相隔有啲耐，有演員快高長大個樣會唔連戲。另外做阿媽的 Catherine Zeta Jones 都算係美魔女，同當年《機場客運站（The Terminal）》比有另一種風味。全片被不知所謂的灣灣字幕扣分，例如相對有超能力的「異類（outcasts）」，灣灣直接音譯無超能力的「正常人（Normies）」為「糯米」，不是太低智了嗎？
魔術師評分：85分（100分滿分）
15. Disney+:《美國恐佈故事（American Horry Story）》第一至十三季
季度單元故事，共用相同或類似的世界觀，追看無難度。本來係幾好睇的劇集（魔術師個人喜歡 Season 2《Asylum》、Season 1《Murder House》＋Season 3《Coven》＝Season 8《Apocalypse》），但愈拍愈頹，由第10季開始覺得有啲無厘頭，故事亦開始唔吸引，無乜新意和追看性，加上元祖演員全數退場，無哂癮，追看下去也只是情意結而已。
魔術師評分：（第1至13季平均)80分（100分滿分）
15. Netflix: 《少年法庭（Juvenile Justice）》
呢套係少有可以叫魔術師有心機追落去的韓片，有時仲深宵播放一晚追睇兩集：是關女主角的價值觀啱哂魔術師：年輕唔係大晒，對於窮兇極惡的少年犯，一定要嚴懲，否則佢地只會嘲笑法律的無能。不過，本片結局有啲不太合理，太過正能量：以結局案件的有青之殘忍性格，無可能只在女主手臂上刺一刀，而唔係割喉棄屍；肥婆部長亦不可能在庭上為其慣性草率結案而影響的受害人公開道歉吧！
魔術師評分：80分（100分滿分）
15. Disney+: 《解碼追兇（Signal）》
金憓秀實在太迷人，估唔到當時48歲的女主在過去時間線做20歲出頭的新紮師妹毫無違和感。本劇在逆轉時間線的劇本尚算講得通，但本來應該是正義化身的「電波刑警」卻有不少徇私、鶳之舉，加上個結局為了鋪下一季（結果唔成事）而寫爛咗個尾，美中不足。
魔術師評分：80分（100分滿分）
15. Netflix：《Happiness》
雖然話係喪屍劇，但係沒有一般喪屍片的壓迫感，似乎係影射新冠時泡菜政府對疫情的處理多啲。描寫人性醜惡就寫得幾「透徹」，反派角色又奸又蠢。劇情有些許 bugs，美中不足。好在有韓孝周支撐場面。
魔術師評分： 80分（100分滿分）
15. Amazon Prime Video：《死期將至（Death's Game）》
泡菜仔大學畢業後 7 年都搵唔到嘢做，投資被人呃錢，無錢交租被逼走，又自卑感作祟受靚靚女朋友（又係《超異能族 Moving》的金允貞飾演）接濟食軟飯，要自殺不特止（泡菜國的自殺率滿高的），還要將死亡看成是「低等手段」，結果便要被死神罰死完又死...當中當然又穿插了主角「間接被逼自殺」的前因後果、愛情線和親情線等。最弊就係復仇線有 bug，即使主角具有多個人世的記憶都不等於有能力去做哂呢啲人做到的事也。
魔術師評分： 80分（100分滿分）
15. Netflix：《黑鴿（Black Doves）》
呢個間諜劇劇情緊湊，文武戲處理出色，但牽涉的案件寶在太無厘頭，而且牽涉中英兩國關係，中方無可能咁好相與。女主角 Keira Christina Knightley 勁靚，衰在又要整到個男主角係 gay（夾硬搞到男女主角無感情線？），仲有女殺手二人組似係 Les，呢 part 魔術師最唔鍾意。
魔術師評分： 80分（100分滿分）
15. Disney+:《照明商店（Light Shop）》
《Moving 超異能族》作者又一力作，幾好睇；不過有啲角色唔夠突出，存在感可有可無，但又好似講到好重要咁，人物同故事有點不平衡，較《Moving 超異能族》差。
魔術師評分：80分（100分滿分）
15. Disney+：《異形：地球（Alien: Earth）
異形殺入地球呢個題材本來好吸引，點知本劇無乜殺戳血腥鏡頭（唔啱米老鼠童話文化價值？），卻變成帶有 Woke 文化的左膠劇（例如身份認同之類，甚至乎去到「人人都可以變『處女生仔』」），實在太驚嚇。本劇值得「讀賞」之處係講出「當小屁孩成為世界核心」時係幾咁大鑊，闖禍不負責任，殺人不眨眼，分分鐘恐怖過異形（也全靠成年人演員演活小屁孩的神情與小動作）：
魔術師評分：80分（100分滿分）
＊＊＊
伸延閱讀：
《小丑回魂（Stephen King's IT）》：童年陰影，必定相當恐怖
《小丑回魂２（It Chapter Two））：我的回憶不是我的
沒有留言:
張貼留言