舔着數更要 attention to details

1. Grandpa 錢莊勝我城正苦

魔術師一向都用開 i瘋發達通搭車返放工兼外出，事關我城正苦在＄400墊底費之外有 33% 回贈，一於唔好輸俾班「長車短搭」的「兩蚊人」，有着數梗係要舔到盡，話哂每個月都可以回血三幾百：

（圖片來源：PTFSS 主頁 > 關於補貼計劃 > 目的及特色，captured on 24 May 2026）

點知這天有青同事 L 調職過另一部門（佢曾經 upward delegation 以命令句式寫 email 俾工作魔術師做，激到魔術師紮紮跳，佢走魔術師真係額手稱慶），成個 team 便約埋搭車約遠啲飲個散水茶。就當樓下有巴士到站，眾同事竟然不約而同拿出手機，用 Grandpa 錢莊電子錢包俾車費。哇，同多年前的黃人公司真係唔同嗮！

（圖片來源：中銀香港 > 信用卡 > 推廣優惠 > 最新優惠 > 用BoC Pay+ 逢星期五、六、日乘搭巴士、電車及天星小輪等滿港幣3元即減港幣2元！，captured on 24 May 2026）

魔術師睇返，原來這天是星期五，巴士車費又少於$6，Grandpa 錢包回贈$2 係多這過正苦回贈。月入數萬的電車同事咁識得精得細算，幾毫子都算到盡（想來公墓園對舔着數應該同樣咁醒），魔術師雖然都有安裝 Grandpa 錢包卻完全無留意，實在太唔敏感，自愧不如也。

2. Pay You, Pay Me

上個月魔術師就參加咗 PayMe 喼個錢包結餘任務，放 5,000 元落 PayMe 錢包，維持 22 日即可以拎「消費5元以上回贈5元」的低門檻消貴劵兩張（仲有其他消費劵，但門檻高，回贈比率比信用卡低，唔會用），變相係「定存 5,000 22日有 10元利息」，年度化即係 3.32%（＝10/(5,000x22/365)，食返大貓10蚊8蚊當係樂趣：

（圖片來源：PayMe 官網 > 最新動態，captured on 24 May 2026）

點知這天去 7 仔買完$9嘢，卻沒有扣減回贈，直接扣了魔術師9蚊：

魔術師睇返點解：原來同以往同類任務唔同，以往係自動扣減優惠券，今次卻是先要「搶劵」才會啟動優惠，真係一時唔夠 attention to details 都唔覺：

印象中「搶」呢樣嗰樣的文化來自內地網購平台（例如掏佬），依家吹到大貓都要跟風，魔術師就唔太欣賞。那產促銷的小恩小惠，你俾就算唔俾亦沒什麼大不了，值得人去「搶」麼？內地妄民真係咁得閒（寫 Agent 程式）去網購平台「搶」的高話，也未免搞 cheap 了自己吧。

3. 發達通碰着它

呢個優惠到 2026 年 5 月 31 日為止，依家寫出嚟都仲有少許剩餘價值：個優惠嘅重點係要用「發達通 APP」付款，而唔係「發達通卡」！魔術師就試過見到麥當當店內自助機的廣告而 onL99 地用了「i瘋發達通」付款，結果當然係「錢照扣，無優惠」喇！當發現無優惠時，魔術師就即時諗吓係 bug 定係自己錯；再望吓隔離部機，才留意到「APP」呢三個英文字母，咁就知道都係因為自己懶，睇漏眼，唔夠 attention to details 了！

（圖片來源：八達通 > 個人客戶 > 最新優惠 > 麥當勞App內用八達通付款，賺最高達$25獎賞， captured on 24 May 2026)