1. 大象銀行
齋睇個錢莊名真係好有電騙 feel，好似扮緊綽號「大笨象」嘅大貓咁，原來係以前「天星銀行」（唔係小輪）改名過來...再之前曾經改名「象象銀行」，真係講出嚟唔怕醜（「我係象象銀行的客戶經理」）：
＊＊＊
＊＊＊
2. 可稱霸只有她
阿姐咁嘅腳，真係識踢波？？呢個應該唔算係植入式廣告。
＊＊＊
3. MIC 好重要
呢個應該唔算係廣告嚟，不過夠哂「逆向行銷」，睇咗呢篇巷女帖文後，邪惡 FB 演算法給魔術師的「追覓 Dreame」 廣告係多咗！
我人生第一個Dyson係2015年買嘅， 嗰陣時真係覺得好鍾意好鍾意，好好用，好輕好快就吸完屋企個地，又環保唔使用塵袋， 當時我真係讚不絕口！比起以前嘅吸塵機要轉返條線入去又要拖住條線仲要好重個樣好笨，當年真係驚為天人
所以其實打雜三號2018年出世嘅時候，個名都係跟住佢改， 因為如果啲嘢食跌咗落地下，3號就會好似Dyson旋風式吸走晒地下啲狗糧， 嗰陣時暫託佢叫做黑糖， 順便幫佢改個英文名同Dyson差唔多所以叫做hyton 新款吸塵機，Dyson嘅細佬
直至2020年搬新屋， 我堅持都係買佢， 加上我當時買佢亦都唔係MIC，我覺得都有啲貴㗎，但係照樣入手，三年之後啲Parts 陸陸續續爛， 不過好彩機身冇爛，所以不停拎去維修因為唔想浪費，2025年正式主機壞咗
上年我哋搬新屋， 人生第三個Dyson，因為check過佢唔係M IC， 加上我真係太忙， 我未有時間去睇出邊啲其他牌子邊啲好用，又趕住新屋入伙要用， 所以是但啦，dyson又出咗新款照買
真係火都嚟，一年已經壞第三樣嘢，啲配件已經去咗維修兩次尋晚又壞第三個配件！
仲要因為3號唔舒服，所以我一定要清潔好屋企！坐咗喺地下整咗成個鐘頭，睇吓會唔會整到俾我頂住先，整乾淨個地下，都係唔得
一個品牌因為你以前好，所以會回頭再支持！
我唔知佢係咪目的為咗要做到部機好輕， 佢所有配件都好似一陣風咁， 輕到冇人有， 咁個吸塵機咁污糟我都要洗都要拆出嚟㗎， 加埋個拖地位係次次用都要次次拆！拖地個parts係其中一個爛嘅位
我初初買佢返嚟都唔想講㗎， 佢個拖地亦都唔乾淨
依家啱啱過咗一年保養，真係啱啱過已經爛第三次！
都係啦佢咁大牌子仲要係國際性，唔通我同佢反映真係有用咩
唯一可以做嘅就係努力啲試吓搵代替品，睇吓大家網上嘅評價
所以真實評價真係好重要㗎，下一部機我唔會懶惰真係要好好研究一下
我寫長文都係想話俾大家聽，啲嘢好用定唔好用，你哋自己準備買吸塵機嘅就記得睇內文
同埋話埋俾你啲親戚朋友知道，費時佢哋咁貴過吸塵機買返去都係唔開心
#我呢世唔會再買Dyson
dyson Dyson
你搵幾多KOL賣幾多廣告都冇用啦
最緊要你真係好用
我而家要趴喺個地下度攞條布抹地😭😭😭😭
如果大家都有non MIC推介就記得留言俾我
＊＊＊
伸延閱讀：
沒有留言:
張貼留言