將最好的留給自己

難得見到戶主唔係叫切雞C將「作品」圍繞兩位囝囝來設計，滿足女戶主對美感的追求更重要，呢個都係父母身教的一部份（00:04 - 09:30）！

28Hse 特約：家家有求 - 2025年第19集</a >

家中以簡約為望，又將最喜歡的藝術元素融入家中。拆屋檢視牆後結構，找出隱藏維修費。搬屋日之前，要準備合適環境邊便搬遷。

半山30年櫻，超過700呎，一家四口居住多年。原則三房一套，但又話其中一間客房過大，令另外的客房過小，於是切雞C又可以打拆一輪平均分配空間俾兩個囝囝，順便做多啲水電收多啲錢：

切雞C奉行簡約設計，客廳飯廳都無乜擺設，主要都係圓弧形設計，梳化背整個圓形 display 位，客廳牆擺幅油畫就算，顏色用上白色、灰色同埋女戶主鍾意的粉紅色（左上、中上）。客飯廳大量造櫃，包括圓形 display 位隔離的不規則位置三尖八角都唔知可以用來做乜（左下）；切雞C在窗台上就做了個圓柱體，既可收窗簾又可收納雜物（右下）：

由於（女？）戶主有3,000本書，所以切雞C連走廊都用來造櫃，以作收納之用（左上、右上、左下）。走廊通往次所和三間睡房，切雞C只用一致材質連貫，令門框消失，維持簡潔元素；但燈掣和門把依然存在，不是全「暗門」設計（右下）：

公平起見，兩個囝囝的房間面積、佈置相同：都係要訓上格床，遮住半隻窗（左上，右上），阿囝近距離望住天花板訓，壓逼感滿瀉，甚至影響發育；下格床就是衣櫃（左中的）。書枱設於睡床隔離，為了可以令陽光照到書枱，上格床圍欄用上藤網設計（右中、左下）；書枱及上方層架，都係以弧線設計，貫穿全屋主題（右下）：、

阿媽人不為己天誅地滅，偷了阿囝房間面積，於主人房床尾以暗門設置衣帽間（左上、右上、左中）。衣帽間衣櫃以透明玻璃門設計，可以一眼睇哂揀衫；但面對窗戶，要拉窗簾才可以換衫（右中）。窗台則設有梳妝枱（左下）。睡床隔離的窗台也設置收納櫃（右下）：

男女戶主年紀唔細，唔想跨過浴缸（咁大年紀，但「小朋友」訓碌架床，年紀似乎很小，又話一家四口住咗好多年，呢度唔多明），於是切雞C便整了個掩門式浴缸（左上、右上），可以行入去沖涼。廚戶改成半開放式（左中、右中），加高天花減低壓逼感，又設置玻璃趟門阻隔油煙飄入廳區（左下）。玄關則設有鞋櫃（右下）：

＊＊＊

完全版如下：

精華版如下：