一旦有新樓盤開售,屯門市中心都會充斥著大量的「地產從業員」.唔知點解,放眼望去,大部份都係爛仔格,有三十幾勾既老臭飛,有廿歲出頭既mk仔,更有d點睇都似雙失剪趐「中學畢業生」;女既稍為好d,大部份都係c9或者「闊太」格,著得較為端莊,但係部份都有d撈女格.其實使唔使咁多人?我諗佢地平均一人做唔到一單生意,又唔係特別多買家成班人係度行行企企又有何用?
講返班爛仔,個倘著恤衫唔打呔,摺起衫袖,四處遊盪,無聊起來站在路邊抽煙,兩隻手指夾住口煙腳印印,嘈嘈閉,幾百人係度十足黑社會哂馬,係買家都驚啦!仲衰到掛住各自地產代理公司既職員證,佢地公司唔怕形象受損乎?
為了搭車返家,筆者逼不得已「以身犯險」,橫越售樓處既商場,果然有多隻手伸來企圖捉住筆者,更有一肥哥哥走來「漏」我:「先生,買樓wor!」
筆者心想:「而家仲有『買樓好似買棵菜』呢支歌仔唱?」於是答曰：「有錢我都唔買啦!」
誰知肥哥哥回應：「唔使買架wor,入飛就得架啦!」
而家咩年代,仲炒籌乎?筆者連忙加快腳步,頭也不回的逃離現場.
2006-10-30 23:05:24
沒有留言:
張貼留言