話說魔術師出咗院之後，休息兩日之後趁仲有「病假」，便去中環佳士得辧公室拎返隻剛在拍賣會投返來的百達翠麗（見《佳士得香港2024春季拍賣會（下）》：
驗過文件對過錶身編號之後，便拎返屋企，第二日再出去百達翡麗位於尖沙咀的 service centre 抹油做 full servicing 兼換錶帶（魔術師較瘦，要換條短錶帶），需時約4個月，事後才付款。最離奇的是隻錶在魔術師家中過了一晚，但由於掛住睇波（歐洲國家盃），竟然無影正面相...：
唔好理，計埋魔術師手上的三隻「名錶」，一共四隻錶，當然要搵返啲「妹仔」嚟服侍佢哋，事關舊嘅兩位自動上鏈錶盒已經唔夠用（見《網購手錶開箱記（2023年3月）》）：
1. 江詩丹頓馬爾他系列計時碼錶（Vacheron Constantin Royal Eagle Chronograph 49145/339A-9057）
2. 江詩丹頓縱橫四海系列兩地時間（Vacheron Constantin Overseas Dual Time 47450/B01A-9226）
3. 朗格 A. Lange & Söhne Saxonia Annual Calendar 18K 白金 White Gold（330.026）
4. 百達翡麗 5059P-001 萬年曆 飛返日期 950鉑金版（Patek Philippe Ref. 5059P-001 Platinum "Retrograde Perpetual Calendar"）
雖然話 HKTV Mail 甚至淘佬、癲貓都有唔少大陸品牌、「債廉物唔知美唔美」的自動上鏈錶盒發售，但廿幾至三十幾萬一隻錶魔術師就唔敢冒受磁的風險（磁場主要來自錶盒摩打），都係用返巨嬰帝國歷史悠久的品牌 WOLF 轉盒（雖然最後都係 Made in China） - 其中 Module 4.1 Collection 更可以以一隻火牛推動12個單位錶盒，唔似定死4位或6位錶盒咁，少錶唔靚多錶又要買過，有幾多隻錶買幾多個盒，自由堆疊唔使煩：
|
| (圖片來源：WOLF Module 4.1 Collection 官方網頁, captured on 19 Jun 2024) |
時至6月，咁啱又俾魔術師發現 WOLF 在京東竟然有旗艦店，仲有幾十蚊人仔618優惠（唔知咁算唔算「北上消費」?），唔使去 Amazon 買，蝕匯價又要等得耐：
魔術師當然馬上就掏腰包以微信付款（我城微信又有我城貨幣10蚊優惠，至於大陸他銀行卡、白條（即係 Buy Now Pay Later）甚麼的支付方法實名唔到，用唔到），轉返我城貨幣扣尾帝錢莊 cash back 信用卡又有1%回贈：
喜出望外的是，WOLF 在京東的旗艦店竟然在我城的順豐貨倉有貨（咁神奇？我城倉租唔貴咩？），即日發貨即晚就收到
大箱裡面剛好裝到四件細箱：
細箱裡面就係自動上鏈錶盒，有說明書、保用卡、多腳插火牛、一開二電源線（一個火牛可以經分叉線支援12個錶盒）、大細 size 錶枕、當然仲有本機轉盒：
由於百達翡麗未返嚟，就咁砌住三個盒先：
＊＊＊
伸延閱讀：
走進百達翡麗的世界※ (舊稱：玩物喪志寶鑑之名錶珍藏篇)：《名錶鑑賞(PP089)：百達翡麗 Ref. 5059P Platinum "Retrograde Perpetual Calendar"》
哇，咁貴嘅名錶魔兄竟然有三隻。
回覆刪除宜家啲新一代有青，唔肯使錢去戴名錶了，就算戴錶都係Apple Watch， 魔兄應該係最後一代有青，肯使咁多錢去買名錶了
//咁貴嘅名錶魔兄竟然有三隻。
刪除你數漏咗我啱啱 bid 返嚟，依家上咗行做保養的百達翠麗。所以我係有4隻頂級品牌機械錶
//魔兄應該係最後一代有青，肯使咁多錢去買名錶了
我係有中唔係有青 XD 我只能話依家啲人愈來愈唔識「傳統」派的享受，例如影音（用手機睇片對我來說是不可接受的事）、手錶（奇異博士個櫃）、書畫、酒（有部分都叫時興）等等。可能現在的消費模式都變咗「向下流」，最叻都係「返鄉下」吧。
手錶將會成為極少數人的愛好
刪除文中所指收藏價值大減的郵票、金筆和打火機，其實伴隨的都是其實用價值的下降；手錶應該會好啲，因爲畢竟現在戴錶（包括手環）睇時間的人仍遠比用郵票和打火機的人多。不過的確仍然比以前少，尤其在内地更明顯--00年代我已發現内地人戴錶的比例遠比港人低，睇時間直接睇手機（當年仍是功能機），相信應該是以前無錢買錶，到社會富裕後手機已經普及，直接跳過戴手錶的階段（這反映在内地方方面面，例如由屋企無電視直接跳去智能電視、無信用卡/銀行卡直接跳去電子支付...等等）。
//例如影音（用手機睇片對我來說是不可接受的事）、手錶（奇異博士個櫃）、書畫、酒（有部分都叫時興）等等
影音是身體的物理感受，現在高檔影音產品仍大行其道（當然世界工廠的確將同等功能的價錢拉低不少），玩膽機的人仍遠比收藏郵票金筆打火機的人多...手機睇片只是等同以前用原子粒收音機聽音樂，只是檔次不同，不影響當年大把人玩Hi-Fi。
同樣情況亦反映在作爲物理體驗的飲食（包括酒）上，淘寶在内地大行其道打死很多實體店，但商場的餐飲區卻越發達--畢竟人類生存不能靠吸風飲露，永遠不能剝離餐飲的實用價值，而味道和享用環境會帶來附加值。
書畫則是另一個極端，自古以來完全無實用價值，但反而收藏價值並未隨時代演變而大減。人類除了吃喝拉撒仍需要純感性的東西。
最尷尬的應該是本身有實用價值、但提升檔次後變成收藏品的一類，當失去實用價值，其奢侈品功能亦會一并失去。
//依家啲人愈來愈唔識「傳統」派的享受
刪除1萬幾千番「鄉下」，然後放上網「分享」客易過動輒3、4萬起跳的影音、手錶。而且土地問題，新一代有青也沒有空間玩影音。至於酒，新一代有青有飲紅酒，算嗎?
WILL
//最尷尬的應該是本身有實用價值、但提升檔次後變成收藏品的一類，當失去實用價值，其奢侈品功能亦會一并失去。
刪除突然想起另兩個歷史更悠久的例子：鼻烟壺和如意。曾經有實用價值，高檔次的亦可成收藏品，但現在有價值的只剩下古董，再沒有新製品以奢侈品出現了。
刪除//因爲畢竟現在戴錶（包括手環）睇時間的人仍遠比用郵票和打火機的人多。
以功能來說，再靚的手錶都敵不過手機；但手錶除了有工藝價值、收藏價值、觀賞慣值之外，最重要的就是有燭耀價值，即是「行頭」。我曾經在二手錶鋪見到有條7青，帶住條囡 window shopping，話 dream watch 就係一隻 PP，係佢老細介紹嘅。我心諗呢條7青着起龍袍唔似太子，九成一係做保險一係做地產。當呢個世界仲係有呢種「煩人」（所以勞咁受追捧），咁我當然唔介意用返同樣的遊戲規則來玩。
//如意
如意都可以當成係風水器物。
//玩膽機的人仍遠比收藏郵票金筆打火機的人多...手機睇片只是等同以前用原子粒收音機聽音樂，只是檔次不同，不影響當年大把人玩Hi-Fi。
就是追求檔次享受的人愈來愈少。
//1萬幾千番「鄉下」，然後放上網「分享」客易過動輒3、4萬起跳的影音、手錶。而且土地問題，新一代有青也沒有空間玩影音。
呢個真，亦係房屋問題的悲哀，變成窮人經濟學，鬥窮才安樂（例如「窮遊」系列）。
//新一代有青有飲紅酒，算嗎?
近掛興威士忌和日本酒，都算嘅。
西方鐘錶收藏歷史悠久一向都好穩定，唔會有大起大跌，當年內地嘅郵票例如什麼猴票有一窩蜂盲炒成份
刪除//當年內地嘅郵票例如什麼猴票有一窩蜂盲炒成份
刪除當年盲搶鹽都係咁上下。
看完實物圖的感想是: 這什麼鬼? 太大部, 太貴了吧?
回覆刪除保養名錶這玩意真不容易
DM
//這什麼鬼?
刪除機械錶靠戴住係手時的擺動上鍊，長時間唔戴就會停，所以就有轉盒產生，定時以順、逆時針方向轉動，放隻錶入去就可以上鏈。·
呢嗰"大大舊"嘅設備我覺得幾好，實用之餘，有個窗就算唔戴，都可以當擺設同時欣賞吓啲收藏
刪除又唔見啲切雞C擺呢啲出嚟。
刪除