又空手入白刃

魔術師昨天（6月15日）終於出得院，不過遲啲月底都要再住返兩日院做檢查，毋需每日無所事事霸佔床位是也。在魔術師訓病床期間，大貓有 sales 打嚟 sell 呢隻「循環貸款」產品：                      

（圖片來源：滙豐循環「萬應錢」官方網站，captured on 12 Jun 2024）

成件事其實好簡單，因為依家大貓做緊 promotion，只要獲批貸款，放款日後三個月內的年息只收2.9%（其後超過10%），仲有$200我城貸幣回贈）。本產品用幾多本金用幾耐就計幾多息，唔用就唔計，可隨時還款（每月起碼要還利息），魔術師諗住貸款不用白不用，萬一真係要用錢時醫病都有條 credit line 傍身，於是便一口答應。

取得貸款後，魔術師只需要買一份3個月內到期的尾帝國債，假設聯繫匯率沒有大變，便可以「0成本」食息差。以以下例子5.352%來說，息差為2.452%（＝5.352-2.9），亦即每10萬我城貨幣貸款，三個月內可以無風險地賺約＄613（＝100,000 * 2.452%/4)。只要3個月後還清本金，第四個月開始的高息就唔關事了。萬一真係要錢用，尾帝國貨未到期前，IB 自能提供孖展額；又或者第三個月還清本金後問大貓再提取 credit line（要付高息當然可免則免）。

（圖片來源：Interactive Brokers Trader Workstation > U.S. Treasuries T-Bill Sep05'24, captured on 16 Jun 2024）

當然一年後要記住取消本產品，否則第二年開始便要交年費了。