最近見到又有洗版活動，今次嘅網紅就係魔術師梗係唔識的有青夫妻檔，自稱唔打工要在「鄉下」憑 Working holiday簽證以半年生活費「追夢創業」：
|
| （網上截圖） |
呢啲八卦嘢魔術師本來都係望吓就算；點知，竟然就連人言報都參一腳，咁又似乎值得閱讀理解一下：
信報 2025年3月11日
寧思雋 思家投資
網紅經濟下的「網絡乞丐」
YouTube頻道「Brian在日本住」負責人、一對約在半年前裸辭，並透過工作假期（Working Holiday）旅居日本的夫婦，近日發布新片段，指為「追夢」及升級器材提高拍攝質素而開通YouTube收費會員服務，希望觀眾參與課金，結果反被大批網民圍攻，直斥其行為如同「網絡乞丐」，又稱不明白為何他們現時財政拮据，卻不在當地工作或兼職賺錢維生，仍繼續專注拍片，賺取零碎收入。
旅日夫婦財困 邀課金捱轟
綜合該頻道片段，這對夫婦去年10月聲稱只帶着半年生活費前往日本，並設立YouTube頻道及IG專頁，拍片創業。然而，短短半年間頻道內容變化甚大，初期向觀眾介紹移日攻略，觀看次數介乎1000至9000次不等，未見穩定增長。其後，頻道轉為評論日本藝人出軌事件，以及旅日攻略等主題，觀看次數反而一路向下，最差一條片是在去年底介紹神戶聖誕節景點，只有不到1000人次觀看，反映他們有意以香港人為觀眾，卻無法找對口味及自己的定位。
結果就是，經營近半年的YouTube頻道雖然有超過7000人訂閱，但實際觀看片段人數不足，這對夫婦聲稱頻道創立4個月總收入僅超過4000元，「夠買一部入門級相機」。雖有收益「入袋」，惟距離應付家庭開支、達致收支平衡，並可長期在當地生活的目標，仍有一大段路要走。
不過，在YouTube頻道收入仍未養起這對夫婦時，片段中他們多番表明為「追夢」不願打工賺錢，但外界難以理解他們的「夢」到底是什麼，而且半年生活費「大限」即將屆滿，加上影片流量不足下，卻突然聲稱開設收費會員，難免讓網民覺得是賣慘的網絡乞丐，讓他們繼續「發夢」。
引戰式行銷 吸錢新手法
唯一慶幸的是，他們最新的「追夢」影片在YouTube評論大增下成為「流量密碼」，被AI持續推薦，令觀看次數大增，超過10萬人觀看，甚至引起社交媒體及傳統媒體多次轉載，加上網民八卦他們「裸辭創業」的經歷，以及如何在京都低成本生活，也帶動了相關片段的流量，相信本月他們YouTube頻道收入將會大幅增長，有望讓他們繼續創業追夢。
事實上，網紅經濟的本義，就是依靠流量創造名氣及收入。問題是，隨着愈來愈多個人和企業，甚至是生成式AI等都紛紛創造內容，佔據觀眾時間，要成功突圍而出已愈來愈困難。故此，有些人選擇用另類方法增加流量無可厚非。畢竟，在網絡世界，愈多留言評論，甚至激起衝突，吸引更多網民「睇八卦」，佔用他們更多時間，在社交媒體平台的AI評分上，自然值得更多流量及推薦。
於是，近期大家見到前藝員張致恒及「何媽」如此不堪，備受網民抨擊，甚至有人疑似穿消防制服到澳牛食早餐等，都成功吸引流量。假如這些平台的AI推薦系統未有改變，相信這類引戰式或網絡乞丐式行銷有機會成為網絡吸錢新手法。
當一眾黃人都移民去嬰尾（包括尾帝「新 Area 51」「楓葉州」），呢對有青夫妻檔就趁住「東升西降」，一於「移民返鄉下」。不過，天下文章一大抄，移居地方雖然唔同，但搵食技倆都係一樣：無論係文字版披床又好、定係視頻版油管都好，都係要妄民粉絲課金「包養」也。
據報（見伸延閱讀)，有青夫妻檔之所以唔申請工作簽證，就係「打工違背了創業的初心」；其他簽證例如「留學簽證」，則因為自己識半桶水「鄉下話」而不考慮；而「經營管理簽證」則因為唔夠錢（需要500萬鄉下幣，即25萬我城貨幣）而作罷。魔術師閱讀一輀之後，理解到有青夫妻檔便以 working holiday 名義留在鄉下，先申請不需資金的「創業簽證」，賺夠錢再申請「經營管理簽證」。
哇，兩公婆連25萬我城貨幣都無就夠膽「裸辭」返鄉下（鄉下幣常貶值，半年生活費真係可能唔使25萬我城貨幣），搞到魔術師以為有青夫妻檔係驚住俾 Popo 通緝所以才着草返鄉下添！
再問吓 DeepSeek，原來鄉下Working Holiday 簽證，通常係 for 18-30 歲的有青，為期最長一年（不得延長，期滿後必須離境或轉換其他簽證）；申請人其實也可以打工的，不過就只為補貼旅費而為，而且不能做風俗娘。
鄉下 Working Holiday 簽證要 30 歲以下才可以申請，事主夫妻檔果然脫不了有青標籤；但即使係有青，正正常常兩個人連25萬我城貨幣都無又真係難以想像，可能係唔想出錢，轉而以「創業追夢」「生活艱難」為藉口問妄民粉絲攤大手板課金多啲（that's why 明明可留一年卻只預留半年生活費）。到無收視無收入時，就聯同友好網紅一個做白臉一個做黑臉挑起罵戰引流賺點擊，當然這種做法是否 sustainable 應該不在考慮之列，所以才有最高級別會員每月課金800我城貨幣，以作割韮菜之用。
起碼，就以有青夫妻檔自稱其創業項目是「幫助好似我哋一樣，係一個普通人想透過低成本的創業項目去移居日本」，就憑裸辭創業到莫財要靠「網絡行乞」去度水的戰續，如何可以做個「乾收銀」去教人創業，完全係無誠意兼無說服力的「創業計畫書」，說好似「電騙從業員」用一啲正常人都唔會信的開場白去呃人，目的就係飾選出「夠蠢」的「目標」才花時間繼續傾落去。
總結成件事，妄民大可不必大罵（事關有青夫妻檔應該就係想啲人「一路睇一路鬧」），唔 buy 就唔好理佢，更加唔好睇佢哋啲片。有傻仔課金也只是一個願打一個願捱，就好似電騙、妄想情緣、寶藥黨之類，明知係假都要樁個頭埋去俾人呃。或者說，有青夫妻檔唯一值得非議之處就係「食相太核突」而已。
魔術師亦再問過 DeepSeek，其實移民返鄉下又唔想打工（有青唔似會做地盤或耕田）都仲有個途徑，就係「結婚」（只要先離婚，再躺平就得）：
最後魔術師點返枝歌俾有青夫妻檔，衷心希望佢哋「創業」成功，working holiday 期滿後唔好返嚟喇。
＊＊＊
伸延閱讀：
GoTrip: 移日港夫婦無錢叫觀眾課金 遭Andy哥追擊5大問題 自爆僅1情況先會返工
港夫婦裸辭移日做全職YouTuber 無錢創業叫觀眾畀錢 網民數3宗罪:想免費旅行
近來，不少港人都會到日本working holiday，一邊打工賺錢一邊體驗當地生活，部份更會拍片分享自己有笑有淚的體驗。近日YouTuber《Brian在日本住》的一條影片引起網民討論，事關Brian夫婦裸辭透過working holiday移居日本4個月，不過二人只帶著半年積蓄，雖然YouTuber頻道的收入慢慢增加，不過仍然未能cover其他生活費以及頻道發展，坦言資金是他們留日追夢的一大難關，因此開設「會員制」望大家多多支持，結果引網民鬧爆！
港夫婦裸辭移日做全職YouTuber 僅帶半年積蓄堅持不工作
YouTube頻道《Brian在日本住》約6,600人追蹤，Brian、Luna夫婦二人在日本working holiday並打算創業，因此就要考慮不同的簽證留在日本；首先Brian直言不會考慮工作簽證：「因為如果嚟日本打工嘅話，已經係違背咗點解我哋當初嚟日本嘅初衷，如果真係想一心嚟日本打工嘅話，基本上就會（魔按：根據上文下理，似乎應為「唔會」）見到呢個頻道，相信大家都明白我係到講緊咩嘢」。
二人曾經考慮過日本留學簽證，不過二人一同入讀語言學校的成本逾10萬，且而未包含生活費，加上二人已經考取的日本語能力N2資格，所以就沒有必要再浪費錢；其次就是「經營管理簽證」需要有500萬日圓（約25萬港元）以上的資本金才能申請，Brian表示這是他的「終極目標」，不過就因為資金問題無法申請。 因此二人最後選擇「創業簽證」，門檻比「經營管理簽證」低，不需要任何資金，不過就要向日本政府提交事業計畫書，成功後最長能留在日本長達兩年時間，並在這段時間內湊夠500萬日圓（約25萬港元）資本金。Brian分享將來的創業項目：「一定係幫助好似我哋一樣，係一個普通人想透過低成本的創業項目去移居日本，」
開設「會員制」希望觀眾金錢資助 最高價格$800
不過半年積蓄加上YouTuber頻道收入，仍然未能支撐起生活費以及頻道發展，Brian坦言資金是他們留日追夢的一大難關，因此開設「會員制」望大家多多支持，Brian直言自己是位普通人所以表示這番說話讓自己掙扎一段時間：「我哋作為普通人憑甚麼開會員，直到睇到觀眾留言，發現可能正正就係因為我哋係普通人，我哋都要追求自己理想，正正係呢樣嘢令大家產生共鳴，令觀眾想支持我哋。」
會員制有3個等級，分別是$50、$100、$800，加入會員的好處是每個月支持夫婦二人繼續留日創作，其次是提升頻道質素：「其實我哋依家基本上係用iPhone影，所以都想有少少資金，提升器材去買Gopro之類」，二人又言想拍其他題材的影片，例如訪問申請經營管理簽證的移日港人、探訪少人去的偏遠地方，而加入會員就能提供交通費。第三個好處便是有更多的真實直播互動。Brian表示在日本不是靠打工，而是靠創業留在日本發展的話，並非一件容易的是，如果要維持生活及頻道發展，去除YouTube從中抽取的利潤，假如第一個等級的會員去計算，至少有428人加入：「其實個定價就係請我哋喺日本食餐飯啫，基於大家對「請餐飯」嘅定義唔同，所以就有3個等級嘅價錢。件事絕對唔容易，但係想拍更有價值嘅內容嘅大家」
網民狂數3宗罪：根本就想免費旅行
影片出街後，不少網民認為Brian夫婦的做法令人費解，創業簽證雖無500萬日元資本要求，但做生意需要成本，生活費也需證明來源。他們裸辭兩年耗盡積蓄，還一心拍片無本生利，更有網民數《Brian在日本住》3宗罪，鬧爆二人的能力不足以支撐夢想：「精彩！之前話自己拎住工作假期簽證，但堅持唔返工，因為要創業，然後依家發展到叫人捐錢俾佢哋維持生活，真係一條龍服務——由『唔返工』進化到『靠觀眾打工』」
1.利用觀眾善心
網民指出《Brian在日本住》強調「唔返工係原則」，結果之後表示「生活費唔夠」，最後就話「各位支持下？」，本來話自己係創業家，但創業創到變眾籌；本來想靠創業搵錢，結果變成靠創業搵捐款。佢哋終於搵到一條收入來源——但唔係生意，而係觀眾善心。
2.日文能力僅N2水平
佢哋又唔係完全唔識日文，但水平一般，要創業仲要靠呢個語言能力，真係有啲難度。但佢哋可能發現，原來用日文做生意好難，但用中文賣慘好易！由「我要創業」變成「我要你哋幫我創業」，呢個策略唔知算唔算叫「靈活變通」。
3.用創業掩蓋「唔夠錢」的事實
內容係圍繞「創業追夢」，不過畫面開始由「唔返工」變成「唔夠錢」，本來應該係「YouTube廣告收入」支持生活，點知發展到「你哋捐錢支持生活」，咁觀眾變咗「贊助商」？
此外，不少網民紛紛開帖留言：「創業簽，的確唔駛 500萬資本金，但都唔係代表做生意免費架。做生意係要成本架，真係諗住拍片無本生利？」、「香港人做到x街，課金你喺果邊食靚壽司同追夢？ 」、「其實5百萬yen都唔係好多，你有plan係香港做住野儲都會做到，唔係應該有左依筆錢先去咩？」、「簡單d講就係叫你地助養佢係日本生活，所謂追夢只係佢自己本身又唔想做野，又想留係日本」、「笑,乞衣都有得電子化」、「有錢我都捐比岩手大船渡市火災援助啦」、「我睇一次，感覺好反感，後生仔女有手有腳，利用工作假期去日本，又唔打工，只講拍片想創業，但又唔佢地有具體實質計劃」、「佢兩條友懶過鬼，原本話一星期拍三條片，而家就減到兩條，重點係佢啲片無重點，成日話自己普通人又唔係讀咩名牌大學出身，家陣咩年代，仲有人會在意邊間大學出身，講到尾一切源於自卑」
沒有留言:
張貼留言