1. 黃貓小姐
在深受蝗妹歡迎的打卡熱點旺角行人天橋之上，在 eye level 見到舊樓牆上竟然有新式橫跨數層樓的 LED 廣告板（唔怕遮住啲窗？），依家賣緊廣告邀人落廣告，contact person 係「王小姐」：
唔通「王小姐」其實係隻黃貓？
2. 返老潮童
估唔到呢個搵陳冠A做主角的廣告又幾有誠意：「長大了」的A哥成熟穩重咗，用 AI de-age 返來的A哥成浸《無間道》時的神韻出哂嚟，「我中文唔係幾好」的潮童 look，竟然比「永遠的 Form 1 仔」姜啤更順眼！
3. 瞬間驗眼
這天放工行過 MK 黨鐵站，睇到呢個塊告板，第一眼竟讀成「新型梅毒 買六送一」，心諗乜依家傷巷民僧咁開放，連治性病嘅藥都可以放大嚟賣廣告？停一停諗一諗想拍低，才發覺係自己眼花...或老花？抑或係太倦太眼瞓？
4. 太公分豬肉
安宮牛黃丸呢，魔術師見過馬伯良、余仁生、北京同仁堂等，謝太公就真係未見過未聽過，亦唔知可以喺邊度買到？近日在電祝見到呢個廣告，唔知喺咪又係學「美誠月餅」咁，製造在我城都有得賣的形象去搵內地同胞笨？咁講法，「傷巷都有得賣」都仲算係一塊唔錯的金漆招牌。
魔術師手多多走去正苦網站搜尋，唔知係咪唔識 search，只找到謝太公其他一堆中成藥，卻偏偏找不到安宮牛黃丸...
|
| (圖片來源：香港中醫藥管理委員會 > 中成藥名單 > 獲發中成藥註冊證明書名單 > 商標文字 ＝ 謝太公, captured on 12 Jun 2026) |
5. 梗係要 take 嘢
最後，當然唔少得要重溫返正苦口號「一齊企硬 唔take嘢」的「一」及「唔」被「摺」了去柱位的另一邊，從這個角度看就變了「齊企硬 Take 嘢」的反嘲意思。究竟是否又是廣告界黃人對強局長的軟對抗「神作」？木宰羊。
|
| （圖片來源：保安局禁毒海報變「齊企硬Take嘢」相片瘋傳！爆公關災難即晚拆除(香港01 2026-03-20)） |
＊＊＊
伸延閱讀：
姜濤承認曾虛報學歷只讀到中一兼好曳：我話讀到中三其實係假（香港01 2026-05-01）
//AI de-age 返來的A哥成浸《無間道》時的神韻出哂嚟
回覆刪除可能《無間道》劉建明比較正經，我覺得更似《頭文字D》的高橋涼介（雖然個角色亦不算很不正經，而個廣告都刻意提「FC」呢個角色專用車款）。
不知道是完全AI gen出來，還是先用現在的陳冠希演一次，再用AI換面。
//「我中文唔係幾好」的潮童 look，竟然比「永遠的 Form 1 仔」姜啤更順眼！
你當佢當年啲閃卡係流既咩...🤣
//不知道是完全AI gen出來，還是先用現在的陳冠希演一次，再用AI換面。
刪除可能係換面，成本低啲；而且手插袋䟴䟴腳個姿勢真係好傳神，真人至做到。
/謝太公就真係未見過未聽過，亦唔知可以喺邊度買到？/
回覆刪除龍豐自家品牌，上市前力谷，可能老細姓謝先改呢個名，不過官網話有百年歷史，就唔知點計出來。
亞力士
原來係龍豐，我又好少去逛（雖然屯市有間大鋪）。尋晚又見到謝太公廣告，但就無提安宮牛黃丸，唔知係咪知道有問題低調咗。
刪除