二至N人飯局（2026年5月至6月）

1. 太二老壇子酸菜魚（啟德店）

靚姐姐上個月由九龍站豪宅搬去啟德毫宅，由大少少嘅屋搬去細啲嘅屋，住細啲但住新啲。魔術師都有去幫手嘅，於是靚姐姐就請魔術師去附近的餐廳食飯。

呢間木二好似鼎泰豐咁 show 俾客人睇廚房的備餐過程:

唔好以為門面光鮮，價錢一定貴，實際上係想像不到的親民（靚姐姐話喺呢度食，比在九龍站圓方慳返好多）：

魔術師同靚姐姐叫咗個四季豆同水煮牛肉，靚姐姐就加叫不知名特飲，魔術師就例湯加杯水算數（順便玩吓枱頭的求簽遊戲）：

埋單計數靚姐姐俾，就算有加一都係兩百幾，抵食！

＊＊＊

2. 阿不

靚姐姐新居入伙，魔術師就訂咗兩部 Mon 俾靚姐姐當入伙禮物，等佢可以一橫一直 Mon 懶型咁在家工作。貨到上門，阿靚女梗係唔識接駁（事實上魔術師亦無想到靚姐姐家中部 desktop 比較舊，接兩個 Mon 有啲難度，唔係咁 straightforward)，於是魔術師就又有藉口上佢屋企「玩電腦」。事前便在啟德黨鐵站附近的商塲醫吓肚先。

（圖片來源：Openrice > 餐廳 > 香港 > 九龍城 > 阿不, captured on 19 Jun 2026）

當魔術師正在研究菜牌的時候，靚姐姐已經有「定食」可以發辦：

今次叫咗酸菜魚、魔術師最愛的脆皮燒雞、同埋胡椒虎蝦：

要留意的是，呢間嘢在星期五、六、日或假期前夕，套餐都會加＄20，真係幾識做生意。

都係靚姐姐埋單，今次有影低：＄458 落樓。

＊＊＊

3. 靠得住（屯門市廣場）

這天靚姐姐叫埋魔術師同世伯伯母加工人姐姐一齊出外晚飯，本來諗住去「四季椰林海南椰子雞」，點知嗰度全是卡位，無位俾坐輪椅的世伯坐埋去，魔術師唯有提議轉場去飯堂之一的「靠得住」（見《一人飯局（2025年2月）》），反正只係隔幾個鋪位，唔餸等又可以招呼到輪椅，食物質素亦唔差：

（圖片來源：Openrice > 餐廳 > 香港 > 屯門 > 靠得住粥麵小館, captured on 19 Jun 2026）

靚姐姐負責發辦，叫了椰子雞煲、灼牛肉、灼蠔仔、生炒骨、炒麵、蠔油菜心、仲有魔術師推介的蒸開邊蝦 x 2...

食得咁開心，當然由魔術師負責埋單，睇返月結單，食咗＄770，跟住嗰個禮拜六伯母又叫魔術師上去食住家飯當「回禮」，那是後話。

問靚姐姐究竟搞乜要拖馬出街食飯，原來係作搞錯咗，以為當天係父親節...

＊＊＊

伸延閱讀：

一人飯局（2025年2月）