2019年12月23日 星期一

新聞雜評(二百四十八)(2nd edition)

消息:大埔開槍疑犯疑屬「屠龍小隊」成員 與本月初發現槍械案有關 2019/12/22 09:17

【有線新聞】大埔昨晚發生開槍案,一名男子被探員截停時開了一槍。當場被警方拘捕,涉嫌無牌管有槍械。警方懷疑有人計劃在遊行集會中使用槍械,製造混亂及傷害警務人員。消息指,疑犯屬於一個激進勇武派小隊,案件與本月初發現槍械案有關。
有人拍攝到,最先便衣探員和人糾纏,幾個身位外有便衣警員擎槍。他之後跑了到地上黑色手槍位置,右手收回他自己支槍落袋,又再拿出來戒備,開始有人圍著糾纏的幾個人。
事發後便衣探員指,有人曾經開槍。持槍的探員附地上有一支P80型號槍及有一粒疑似彈殼,涉嫌開槍的18歲男疑犯被制服在地上。
數分鐘後現場出現混亂,有人跌在地上。
現場是大埔翠屏商場對開行人路,穿避彈衣、持步槍的防暴警察趕到。警務處處長鄧炳強到場聽取匯報,逗留半小時後離開。
疑犯黑布蒙頭,雙手被鎖上。警方指探員晚上9時許,根據情報截停疑犯。疑犯在腰間取出半自動手槍開槍,沒人受傷。
疑犯去年底,亦涉及另一宗非法藏有槍械案。被捕後,2月在法庭獲准保釋,但他今個月沒有依時到警署報到。
消息指疑犯居住在翠屏花園一個單位,警方搜查後找到性能良好的AR-15步槍、211發子彈及44發中空彈。消息指,疑犯懷疑是激進勇武派「屠龍小隊」的成員,相信所有成員已經全部被捕。
警方表示現場檢獲的手槍,與本月初民陣遊行當日警方公布的藏槍案搜獲槍械同一類型,亦是組裝槍。相信與案件有關,會追尋槍械如何流入香港。

1. 認真搞笑!黑警拘捕持械開槍疑犯,竟然會俾「街坊」包圍,要向「街坊」解釋「槍不是警察開的」,仲發誓話「對得住天地良心」,這究竟是什麼樣的一個世界呀?班「街坊」咁唔信任黑警,倒不如我城所有公屋、居屋、私樓的業主立案法團都去發展「黃色經濟圈」,聘請黑衣軍做保甲保正,即係好似《水滸傳》「托塔天王」晁蓋咁仲好喇!到時黑警想入屋苑執法都幾難!睇嚟「保安服務」在「黃色經濟圈」大有可為!
***
「星火同盟」四人涉洗黑錢被捕 警方凍結7,000資產2019/12/20 03:00

【有線新聞】警方指,聲稱支援示威者的網上眾籌平台「星火同盟」籌得的八千萬,很大部分是用於個人投資產品,收益屬於個人。警方拘捕四個人,指他們涉嫌洗黑錢,其中一個是學生。
警方表示被捕的四個人透過網上一個叫「星火同盟」的眾籌平台,宣稱籌款用作支援在示威中被捕的人士,調查顯示過去半年一共籌到八千萬元,但部分款項並未用於宣稱的用途,並透過一間空殼公司處理。
他沒有透露起出的投資產品一共涉及多少錢,至於被捕的3男1女,年齡介乎17至50歲,包括一名學生、兩名文員和一個人事經理,當中一人是空殼公司的董事及股東。
毒品調查科財富調查組署理高級警司陳偉基指,這間空殼公司過去幾年基本上沒交過稅,是一間空殼公司,但它有很多現金出入、買那麼大額的投資產品,是很不尋常。其他三位都是收入不高的人士,警方調查發現他們所接收的錢和他們的收入是完全不相稱,這也是有可能觸犯洗黑錢。
警方在採取拘捕行動的同時,檢獲了13萬現金、價值16萬超市現金券的收據、六枝箭及一批防護裝備,並凍結了大約7,000萬元資產,正繼續追尋資金的流向以及是否涉及更多投資產品。
星火同盟譴責警方圖以失實陳述,扭曲平台運作成洗黑錢等惡意用途,又說案件進入法律程序,不便發佈更多資訊。
2. 大貓呢次仆街喇!好得罪唔得罪,得罪拉燈仔?錢莊界梁朝偉係咪唔知「香港人」係幾咁惡!?係咪唔知「香港人」的核心價值就係「反共」(拒絕承認殺人政權在我城的管治權)?幫助黑警打壓港人、出賣港人利益呢啲罪名,大貓擔當得起麼?在我城想打開門做生意,點能夠同黑警同流合污?你聽過「黃色錢莊圈」未?




(圖片來源:拉燈網:匯豐銀行:不評論「星火同盟」8000萬疑洗黑錢案, retrieved on 20 Dec 2019)
(圖片來源:拉燈網:(突發)HSBC已回應, retrieved on 20 Dec 2019)

3. 原來美帝銀行係黃色錢莊?如果查到可疑交易使唔使上報金管局?如果 popo 要求錢莊配合調查,錢莊是否可以站有「香港人」(拉燈仔?黑暴青?)的一邊 say no,仲要三呼「五大訴求 缺一不可」、「光復香港  時代革命」、「願榮光歸香港」?「香港人」(拉燈仔?黑暴青?)吓吓要人地「交代」,一旦唔啱心意就裝修,放火魔法,其實「香港人」(拉燈仔?黑暴青?)同黑社會有乜分別?
4. 講真,所有我城持牌錢莊,都要信守我城法律,根本無「黃色錢莊」可以擺明幫「香港人」(拉燈仔?黑暴青?)。其實唔用錢莊,都可以用加密貨幣啫!嗱,介紹個人俾「香港人」(拉燈仔?黑暴青?)識,佢一定可以幫到手嘅!佢就係.....
5. 見到偶像博客《從星火事件中看到》一文中有留言說道:
RC 22/12/19 21:58
依家政府係選擇性執法,同大陸一樣。捐錢畀民建聯犯唔犯法?捐錢俾警察犯唔犯法?擺到明做你,根本走唔甩,求鬼其其整條罪都搞死你。敏感人士真的不要將錢放喺香港。
偶像博客知識水平一向不太突出,亦少去做 fact check,故此只能和稀泥地含糊地答句「要認清局勢」,不去得失任何人(這是偶像博客的長處,一貫吃四方飯作風)。
魔術師看不過眼,就來個「義務 fact check」吧。事實是,捐款給警隊三大基金,是合法的:
立法會十六題:警察福利相關基金
警察福利基金根據《警隊條例》(第232章)成立,並按照《警隊(福利基金)規例》(第232C章)管理。根據《警隊條例》,「警察福利基金」可用於包括但不限於提供和維持設施活動以供受益人享用;就警務人員、輔警人員及文職人員提供的額外服務補償他們;借出貸款予受益人;提供資助金、津貼及饋贈予受益人等。「警察子女教育信託基金」及「警察教育及福利信託基金」分別根據《警察子女教育信託基金條例》(第1119章)及《警察教育及福利信託基金條例》(第1120章)成立及管理。「警察子女教育信託基金」的運用宗旨是就初級警務人員的子女的高等教育及其附屬目的提供協助及設施;及為應得繼續研修機會的任何該等子女提供該等機會。「警察教育及福利信託基金」的運用宗旨是就香港警務處及香港輔助警察隊各級警務人員的子女的一般教育提供協助及設施;為應得繼續研修機會的任何該等子女提供該等機會;及為香港警務處或香港輔助警察隊或兩者的部分或所有成員的一般利益提供福利。上述三項基金每年的收入(包括捐款)及支出均須按照相關法例規定,由審計署署長批核後向立法會提交帳目報表。有關的帳目報表已上載至立法會的網頁。
至於蛇齋黨的捐款戶口是否可以合法收受捐款,魔術師不得而知,只是從他們的網頁得知蛇齋黨會開出收據:
(圖片來源:民建聯 > 捐助我們, retrieved on 23 Dec 2019)
在本年5月,臘腸新聞亦有如此報導:
【民建聯最新帳目】一年收入 1.25 億 創非換屆選舉年新高 會員捐款翻倍 收 2000 萬股票捐贈
2019/5/17 — 17:47
有理由相信,假如蛇齋黨收受捐款的戶口是有問題的話,臘腸新聞必定會搞大件事吧?
***
反修例運動半周年集會 有出席者指不能放棄已犠牲抗爭者
12.12.2019 21:12

有團體晚上在中環愛丁堡廣場舉行集會,紀念反修例運動半周年,過千人出席,坐滿愛丁堡廣場。大會先為科大學生周梓樂,及被捕和受傷人士默哀,之後讀出宣言,指警察在6月12日種下濫暴種子,至今超過6000人被捕,但政權和警察才是罪犯,強調撤銷控罪是先決條件。
有集會市民指,作為「和理非」會堅持集會,認為到目前運動才有少許成果,亦有人指抗爭不是炒股止蝕,不能放棄為運動作出犧牲的人。有學生指,已預計需要長期抗爭,指革命不能停下,休息完就要繼續走。亦有中年人指,不能讓人覺得社會逐漸平靜,就等於回復正常,指一定會聲援年輕人,不會割蓆。
6. 「抗爭不是炒股止蝕,不能放棄為運動作出犧牲的人。」哈哈,真係笑咗。如果「犧牲的人」真係「死咗」,咁就已經成為 sunk cost,「唔放棄都唔得」;如果「犧牲的人」仲係「在生」,咁又咩叫做「唔放棄」呢?「收割成果」係咪等於「放棄」?「唔放棄」係咪即係繼續抗爭,繼續送頭坐監?好,就當俾你班有青推翻政權,巷蜀成功,「唔放棄犧牲的人」的意思是否就要將777、黑警得送上戰爭法庭,問吊處死,兼誅連九族?如果呢班有青係操盤做基金經理,吓吓唔止蝕唔放棄,真係輸死未天光!

90 則留言:

  1. //仲發誓話「對得住天地良心」,這究竟是什麼樣的一個世界呀?
    唉呢班「街坊」好明顯都喺郭靖郭大俠嚟,魔兄你點可以取笑人哋㗎!XD

    //大貓呢次仆街喇!好得罪唔得罪,得罪拉燈仔?
    要裝修大貓,啲拉登仔最好先問吓呀媽老豆有冇揸五號仔收息先喇,自己食嘅飯分分鐘都喺邪惡錢莊舐老共嘅錢-快啲抄自己家XD

    回覆刪除
    回覆
    1. //呢班「街坊」好明顯都喺郭靖郭大俠嚟

      我仲以為係被蒙古兵驅趕攻城的難民添!

      //快啲抄自己家

      真攬炒是也!

      //上午2:43

      哎呀, 剛剛加咗第5點, 2nd edition XD

      刪除
    2. //聲稱支援示威者的網上眾籌平台「星火同盟」籌得的八千萬,很大部分是用於個人投資產品,收益屬於個人

      李扼人ver.2?或喺唔喺想學索螺絲咁玩巷幣??

      //上午2:43
      //哎呀, 剛剛加咗第5點, 2nd edition XD

      咁夜未瞓呀XD

      刪除
    3. 前排成鬼日喺度吹解散警隊,我哋女士們傾計,吾通成幾十歲先嚟學自衛術,上網睇又有得賣戒指,一㩒個掣即出幾十隻鋒利狗爪都幾好,上次有條大陸片有個女人揸住斧頭脅持個人提款,跟住有個男人除咗件外套,一個屈尾10包住個女人揸住嗰個斧頭,即時制服佢。
      班喪徒玩還玩,最緊要畀條路嚟行。

      //亦有中年人指,不能讓人覺得社會逐漸平靜,就等於回復正常,指一定會聲援年輕人,不會割蓆

      大哥,真係一啲咁諗法都冇,嚟緊聖誕都吾知會吾會大大鑊。

      刪除
    4. 我哋諗過待班豺狼一除褲露出弟弟,即㩒即戒,問佢哋知死未。

      刪除
    5. //李扼人ver.2?或喺唔喺想學索螺絲咁玩巷幣??

      收保護費現代版.

      //吾通成幾十歲先嚟學自衛術

      幾十歲無人吼, 而且街上大把天使供應 XD

      //解散警隊

      呢個口號暫時都只係拉燈仔之類的文宣在講, 未見販民出來大肆宣揚, 召集200萬+1出來要解散警隊. 最衰777搞唔定緊急法, 否則立法公投, 睇吓係咪全民撐解散警隊都好.

      刪除
  2. 出左啦...叫抗爭幣呀 ma.... 又撈返筆

    回覆刪除
  3. //依家政府係選擇性執法,同大陸一樣。捐錢畀民建聯犯唔犯法?捐錢俾警察犯唔犯法?擺到明做你,根本走唔甩,求鬼其其整條罪都搞死你。敏感人士真的不要將錢放喺香港。

    咩叫「敏感人士」?我好有興趣知喎!
    唔通係類似坐金巴去澳門「經過」大陸人工島被公安拘捕嘅真逃犯??XDD
    係千祈唔好用美金,肥平都「使用美元進行一些美國政府不喜歡的交易支付」就被人啦.

    咁我諗捐過錢俾星火未必被人拉嘅,但而家有個位俾人查,自然啲相關人士同捐款者都被人起下底咁啫,跟住可能又有啲人去Facebook 咩嘈下:我今日入唔到大陸/澳門,我完全咩都冇做過,「只係」捐過一次錢(然後又唔講捐邊度)咋咋...

    間公司幾年唔交稅,又突然咁多資金,就算同反修例無關都會被人查。重被人發現啲個人有咁多錢去買保險,話唔係騙案,咁你咪信用來出糧俾啲管理者囉。

    //抗爭幣
    正喎!不如用來出糧,俾錢十派也,俾律師費丫。

    回覆刪除
    回覆
    1. //咩叫「敏感人士」?我好有興趣知喎!

      除了犯罪份子, 同情地理解, 也包括了 senior government officials 和其他政治人物, 都易有收受利益的可能.

      //係千祈唔好用美金,肥平都「使用美元進行一些美國政府不喜歡的交易支付」就被人啦.

      所以就要用加密幣囉!

      //不如用來出糧,俾錢十派也,俾律師費丫。

      用來俾公文袋同埋法證會C班劣C就啱哂!

      刪除
  4. 祝魔術師兄及各位聖誕新年快樂!

    回覆刪除
    回覆
    1. 往年都會掹衫尾去貴價酒店食自助餐 今年唔食了因為個個都冇咩好心情 親戚有黃有藍 坐埋講野就住就住 講經濟講社會講股票講貿戰講中國講美國都會兜兜吓兜返去大家都唔想再提嘅野

      刪除
    2. 我同你啱啱相反, 今個聖誕應該會出去 shoppoing 下 (和班有青shop?) XD

      刪除
    3. 要珍惜耶誕有得shop的機會...喺敦倫25號連黑鐵巴士都停晒一片死寂--好似米爆..呀唔喺..核爆之後咁。

      刪除
    4. 今日有線來拉線整modem, 無得出去, 要明天先出去shopping 了!

      刪除
    5. // 明天先出去shopping 了

      早購物早回家啊。預計兩天假期也會和今晚一樣。 :(

      刪除
    6. 真係好鬼麻煩, 時常都要訂 schedule.

      刪除
  5. 唔明白D人點解無法治可言,仲違法
    但就話某人某國人治
    我天生好怕犯法,就連去旅行AIRBNB,我都睇左當地合唔合法先租

    回覆刪除
    回覆
    1. //唔明白D人點解無法治可言,仲違法
      //但就話某人某國人治

      敵人邪惡, 所以自己就要比敵人更邪惡, 才可以擊敗對方. XD

      刪除
  6. 難道香港實行法不責眾嗎?
    犯法的不能拉?
    有罪的不能審?
    黑衣人多就是硬道理?

    回覆刪除
    回覆
    1. //黑衣人多就是硬道理?

      No, 黑衣軍氣勢大盛的原因, 不是他們人多, 而是支持者人多, 而且就算是「知識份子」, 也不介意用上「邪惡的敵人的手段」,橫蠻無理.

      例如, 你可以駁到風兄以下的言論嗎?

      Tyler Ng 呵!原來中大生可以燒毀校園,破壞校內設施, 毆打不同政見同學,圍堵校長及教職員。甚至上街打冇辜市民,損壞公共交通工具,燒毀商鋪後走回中大就吾可管,吾可以拉,拉咗都要冇罪釋放???

      尋找財自生活之途 - 懶系投資法
      作者
      尋找財自生活之途 - 懶系投資法 你在說那些黑警與臥底所做的事嗎? 呵呵!

      Tyler Ng
      Tyler Ng 尋找財自生活之途 - 懶系投資法既然你指做那些事是黑警,是臥底,他們正打得火熱,他們是自己人打自己人,你不用擔心,讓你指的那些臥底去死好了。

      尋找財自生活之途 - 懶系投資法
      作者
      尋找財自生活之途 - 懶系投資法 Tyler Ng 臥底現在當然轉回警裝用催淚彈打學生啦,還有校長,副校長……

      Tyler Ng
      Tyler Ng 尋找財自生活之途 - 懶系投資法 你都轉得好快喎

      尋找財自生活之途 - 懶系投資法
      作者
      尋找財自生活之途 - 懶系投資法 Tyler Ng 破壞黨鐵的是臥底,守衛校園的是學生,攻打學生的是警察,有這麼難理解嗎?

      Ko San
      Ko San 尋找財自生活之途 - 懶系投資法 你真好,還會跟這些不分是非的人對話,好浪費時間生命啊!

      刪除
    2. 我地應該「獅鳥」d臥底 :P

      刪除
    3. 又係喎. 好似風兄呢啲「台灣人」, 過嚟私了幾件臥底, 只要成功返回對岸, 都唔會有事的!

      刪除
    4. 講咁多,簡單一句:公我贏字你輸,我民主我正義我贏哂我做乜都啱,講完

      刪除
    5. //公我贏字你輸,我民主我正義我贏哂我做乜都啱

      這真是叫人嚮往的美好世界啊!

      刪除
    6. 一句到尾就係阿爺唔夠美國佬打
      從來都只係單單嘅中美問題
      就係香港人咁弱智,以為自己有份玩

      刪除
    7. 魔兄,臥底論是無敵的,這和陰謀論一樣。我話放火破壞的人是火星人都可以,火星人有外太空力量,可以影響人類視覺和記憶,所以個D直播呀,都是外星人做的,跟本從來都無人破壞blah blah blah。

      現政府班人林鄭張建宗班人,一些政治都唔識,連soundbite都無。暴徒係曱甴只是由其中一個警員協會口中的說出,都已經明顯的標簽效果。人地特朗普都敢說香港是暴動,妳香港特首就直說這些人是恐怖份子嗎? 連直斥其非的勇氣都沒有,我都唔知佢係度做緊咩!


      刪除
    8. 政府新聞處出咗條宣傳片,話暴力解決唔到問題,睇完聽完都都唔係好覺得佢係針對宜家啲問題咁嘅,軟弱無力。

      刪除
    9. 膠官們軟弱無力的所謂最最最嚴厲的讉責,簡直就是給暴徒們最動聽的讚美一樣。有什麼比把敵人傷害到咬牙切齒,而且沒法還擊,無可奈可,更能令暴徒們鼓舞呢?

      經過這麼多月來的暴亂,我甚至有點懷疑,你們是不是心底盤算著一些個人利益,所以只管說些場面話交待一下便算了,免得真正成功打擊了暴徒,害自己被世界強國制裁了?

      刪除
    10. //阿爺唔夠美國佬打

      但同樣, 美帝要拿下蝗國也不是一件容易的事, 成本效益低, 所以便轉打經濟戰.

      //臥底論是無敵的,這和陰謀論一樣。我話放火破壞的人是火星人都可以

      當初又話蝗國可以安插罪名將傷民送中, 點知無幾個月, 最喜歡安插罪名的就是黃C.

      //連直斥其非的勇氣都沒有,我都唔知佢係度做緊咩!
      //免得真正成功打擊了暴徒,害自己被世界強國制裁了?

      我城官員最大的問題是打工仔心態, 無 ownership, 無心去令社會變得更美好。所以話怕俾美帝制裁, 真係唔出奇.

      //睇完聽完都都唔係好覺得佢係針對宜家啲問題咁嘅,軟弱無力。
      //膠官們軟弱無力的所謂最最最嚴厲的讉責,簡直就是給暴徒們最動聽的讚美一樣。有什麼比把敵人傷害到咬牙切齒,而且沒法還擊,無可奈可,更能令暴徒們鼓舞呢?

      中 point, 那些「最最最嚴厲的讉責」就是拉燈仔的成績表, KPI.

      刪除
    11. //臥底論是無敵的//

      我習慣用"鶳"論反駁臥底論: 捉佢出泥打X死佢, 你實支持啦

      --Dogdogchi

      刪除
    12. //我習慣用"鶳"論反駁臥底論

      Tyler Ng
      Tyler Ng 尋找財自生活之途 - 懶系投資法既然你指做那些事是黑警,是臥底,他們正打得火熱,他們是自己人打自己人,你不用擔心,讓你指的那些臥底去死好了。

      尋找財自生活之途 - 懶系投資法
      作者
      尋找財自生活之途 - 懶系投資法 Tyler Ng 臥底現在當然轉回警裝用催淚彈打學生啦,還有校長,副校長……

      刪除
    13. //臥底現在當然轉回警裝用催淚彈打學生啦,還有校長,副校長……//

      "鶳"太慢, 太不該

      下次要設立臥底搜查隊, 一有發現臥底就立刻就地正法

      --Dogdogchi

      刪除
  7. //破壞黨鐵的是臥底,守衛校園的是學生,攻打學生的是警察,有這麼難理解嗎?

    最難理解的,是一個人到底有多無恥,才能說出這一番說話。
    人無恥則無敵,風兄的無敵之處,令人無言以對,像你這樣的人才竟然出走台灣,是香港的福氣。

    回覆刪除
    回覆
    1. 剛剛新聞殺人政權推薦5個愛港愛國正苦青年公墓園去國際考察,班暴徒見到葡萄定以為全靠佢哋咁做先可以爭取到返嚟。

      刪除
    2. //人無恥則無敵,風兄的無敵之處,令人無言以對

      風兄這一句也相當令我失望和反感. 本來網上相交, 大家好言好語, 尚以為風兄乃謙謙君子, 誰知竟會為了政治立場而變得橫蠻無理, 安插罪名, 直如他口中的「共匪」一樣. 是的, 風兄說得無錯, 在老共治下, 人人心中都有花鐵幹; 風兄自以為得以身免, 其實不然, 現在他心中的「花鐵幹」便走了出來.

      //班暴徒見到葡萄定以為全靠佢哋咁做先可以爭取到返嚟。

      唔明, 暴徒應該不會葡萄公墓園吧?

      刪除
    3. 魔兄,暴徒們窺視公墓園此優差久矣! 這城那裡有工作能年年加薪、遇難而退?

      刪除
    4. 要做公墓園先要考《基本法》, 有青們肯屈膝麼?

      刪除
    5. https://hk.jobsdb.com/en-hk/articles/2019%e5%b9%b4%e5%a4%a7%e5%b0%88%e7%94%9f%e5%b0%b1%e6%a5%ad%e7%8b%80%e6%b3%81%e8%aa%bf%e6%9f%a5%e5%a0%b1%e5%91%8a/

      根據jobsdb 政府工仍然係首選噃

      刪除
    6. //人無恥則無敵,風兄的無敵之處,令人無言以對,像你這樣的人才竟然出走台灣,是香港的福氣。

      屁股決定腦袋

      刪除
    7. 郭靖郭大俠唔會,小寶就好難講啦。XD

      刪除
    8. 其實公務員都好多反政府嘅人lol
      都係貪佢夠穩定啫

      刪除
    9. //公務員都好多反政府嘅人

      真係精神分裂...

      刪除
  8. 「呂布奉先」,張翼德說得好!!!
    DM

    回覆刪除
  9. 一班用群眾力量去剝奪他人的自由,去破壞人地的財產,認為這些是反映他們的不滿…如果所有人都咁,我啲名錶永遠都吾使係香港戴出街了…
    Merry Christmas!

    回覆刪除
    回覆
    1. 花姐, 好耐無見! 佳節快樂!

      最近劫案多咗, 賊匪裝扮都跟有青一樣, 出入要小心呢! 我們都有戴名錶出街的自由(好鬼離地)! XD

      刪除
  10. 回覆
    1. 在新加坡,和以前的香港很多地方很像,更多一些人情味和幸福感。

      刪除
    2. //在新加坡,和以前的香港很多地方很像,更多一些人情味和幸福感。

      Samuel兄現居新加坡吗?小弟在這裏工作。不過我有些少不同意你嘅講法。

      刪除
    3. 僱傭兵同事L的港女女友J 就是從我城到了李加坡工作, 聽他說生活不錯, 只要不「多事」便可 XD

      刪除
    4. //港女女友J 就是從我城到了李加坡工

      香港人以前成日睇唔起李加坡人。又呢又路又話李加坡家長式統治。如果將呢D「李式」統治放係香港,YC就會話係殺人獨栽政權。
      而家伤巷比人放甩幾條街,乜都输比人。我估而家YC怪獸家長都想移民李加坡,甘願奶李做顺民。

      刪除
    5. //我估而家YC怪獸家長都想移民李加坡,甘願奶李做顺民。

      所以我話傷民似韋小寶多啲.

      刪除
    6. @星人,

      這次來新加坡旅行兼避開香港聖誕的混亂和危險。

      區選以後,我已對所謂香港人的理性徹底死心,想想自己一個人面對暴大黑衣人清路障,得以解困的司機裡面10個有6個是暴徒同路人,就覺得生活在喪尸之城。他們自己要毀滅香港,我又何能螳臂當車。做好自己的工,賺好自己的養老金,過好自己的日子,冷眼看他們自我毀滅。

      刪除
    7. //區選以後,我已對所謂香港人的理性徹底死心
      //過好自己的日子,冷眼看他們自我毀滅

      Samuel兄,我也有同感。好好享受新加坡假期。

      刪除
    8. 好難冷眼看他們,不停新聞台直播一次又一次好能嬲怒,尋晚喺商場掟屎添,都吾知係邊個疴,疴完又拎嚟掟,吾似狗屎,似人屎呀冚家產。

      刪除
    9. //做好自己的工,賺好自己的養老金,過好自己的日子,冷眼看他們自我毀滅。

      不為自己、家庭、與及社會添煩添亂, 已經做到了「好市民」的最基本任務了.

      //尋晚喺商場掟屎添

      唔見有報導嘅? 我唔多信班有青會做真.鏟屎官呢類咁厭惡性的工作...

      刪除
    10. 情緒高昂又癲起上嚟乜屎都掟,請收看 1:42 人care情未了

      刪除
    11. //請收看

      主播無讀稿,只係畫面得一個 shot XD

      刪除
  11. 魔兄聖誕快樂。我见你係三兄果边出力同ㄚC講道理。我真心欣賞你同三兄嘅努力。
    佛說因果,香港有今日,係共業,受業報。

    因為新版銀英傳動畫啱啱完咗第二季,無得追劇。我睇返陳某嘅「火鳳燎原」,咁橋李克强剛係中日韓會議講「三國」。我有D感嘆而家同「三國」差不多,係亂世,各地纷亂如打仗。人人都講「義亅但其實各懷鬼胎。

    回覆刪除
    回覆
    1. 曹操挾天子令諸候, 劉備自稱漢朝正統血脈, 大家都係各為其主, 互相攻伐, 本來就無絕對的正義. 我城有青荒謬之處就係自知唔夠警方/老解打, 所以唔敢劫獄、搶警車警局, 攻打禮賓府、終亂辦、老解軍營, 只係會欺善怕惡, 破壞黨鐵、美心、中資、大貓等正當生意.

      呢班有青拉燈仔只係志在洩憤, 所謂「憤」就係對自己唔夠政權打, 唔敢同政權打的無能和無力感而來. 「三國」時有諸葛亮罵死王朗, 當時嘅人似乎自尊心甚強, 亦知廉恥, 比現在只是懦夫的有青強得多了.

      刪除
    2. 魔兄,三兄同本熊兄,真神人也。
      响傷港,個個岳不群,扮超人支持黑暴,真係作嘔。
      平安夜就有個傻仔搞完事,商場一楼跳下受傷。佢若唔係装修完,又怕乜要畏罪跳楼?
      班黃俠客,繼續跳啦啦隊舞,會更多傻仔跳樓。下次係佢地仔女。因果報。

      刪除
    3. //佛說因果,香港有今日,係共業,受業報。
      //因果報。

      睇新聞, 見班火魔法師一邊掟汽油彈入大貓旺角分行, 一邊係度怪叫, 完全係童黨所為, 搵個藉口(大瞄關閉星火戶口)便去滿足自己的破壞欲, 反正又有一大班黃C幫佢地講好說話, 何樂而不為?

      刪除
    4. 睇怕中環嗰兩隻獅子要搵鋼板保護,否則被M巾笠頭。
      黃c還聲稱那是死物,話反黃冇良知,我真係笑出來。

      刪除
    5. //黃c還聲稱那是死物,話反黃冇良知,我真係笑出來。

      換個角度看, 黃C 搞到連小學雞式的bully 都要盲撐, 基本上已無論點可言, 只係打橫嚟發爛渣, 被「缺一不可」呢四個字綑綁, 全民唔肯止蝕而已.

      刪除
    6. // 被「缺一不可」呢四個字綑綁, 全民唔肯止蝕而已.

      聽到「後果自負」時才止蝕就遲了。

      刪除
    7. 東漢張角黄巾作亂,收皮之後被稱為黄巾贼
      希望史書可以記载有「黃絲贼」。

      刪除
    8. //「黃絲贼」

      以前葉國歡之流都喜歡「絲襪蒙頭」XD

      刪除
  12. 已經搞搞上癮,戒吾甩了…

    回覆刪除
  13. //仲發誓話「對得住天地良心」

    唉!真係吾識評論,可以講街坊真變態。

    //錢莊是否可以站有「香港人」

    佢老闆吾係第一日先知入得錢莊既所有,已經吾再係秘密,所以好多有錢佬屋大到有隱藏格局放大鈔。

    //捐款

    普通市民呀,普通市民,星火講既嘢,你哋吾係以為只係捐款咁簡單嘛,係咁簡單救助抗爭者呀嘛!梗係户口往來有異常交易啦。以善款名義幹不合法交易,蠢既和理非一定又以為佢哋因為顏色問題針對,不過班人總之吾順扯都會私了或裝修。


    回覆刪除
    回覆
    1. //街坊
      //蠢既和理非一定又以為佢哋因為顏色問題針對,不過班人總之吾順扯都會私了或裝修。

      香港地可以財務自由嘅人應該唔多, 班街坊寧願面對經濟差、失業問題都要支持有青攬炒, 為了民主大義情願餓死老婆瘟臭屋, 都算是可敬的人. XD

      刪除
    2. 班街坊唔覺得自己會面對經濟差同失業的。

      刪除
    3. //班街坊唔覺得自己會面對經濟差同失業的。

      班拉燈仔話到明要引狗入商場, 目的志在搞到商場不能營業喎, 經濟差, 於是咁就可以逼到政府跪低. 咁即係話經濟差係令「五大訴求, 缺一不可」的先決條件喇!

      和你shop得罪講句就係無敵

      1.
      零成本高回報
      你著到彩虹戰隊咁邊撚個知你真係行街定點
      相反講冬天就連藍絲都著黑衫
      班狗根本認唔到人 唯有鳩拉#[sosad]#xm
      而且商場本來就多人
      只要有一個人報狗話商場有人非法集結
      狗隻就會自動幫手清場
      班sales一係黃一係怕死港豬實係咁催上頭俾佢地落閘
      完美攬炒#O:-)#xm
      連登話失敗班風向撚返屋企念力抗爭啦你老母#[sosad]#xm

      2. 我真係諗唔到和你shop會失敗既原因
      狗隻唔入黎=唱下歌谷人氣
      狗隻入黎=商場落閘攬炒
      3. 成本低,鋪落閘,搞經濟,最後商家一定逼政府跪

      刪除
    4. 攪炒既理念本身就係破壞一切嘛

      又一城就真係比人炒左啦

      刪除
    5. 利申:本人並無持有 Mapletree North Asia Commercial Trust(RW0U) XD

      刪除
  14. 新聞報導 (2019/12/30) 上水中心商場地下一間銀行理財中心
    期間警員欲用紙張遮蓋其臉孔,但疑犯左閃右避拒絕,揚言「我驚畀人掟落海」

    條友傻得咁交關....

    回覆刪除
    回覆
    1. 不嬲有青被捕, 都會大聲叫出自己姓名, 以防「被消失」... 睇怕成班有青都係無家可歸的孤兒, 要靠手足幫佢記下姓名, 否則點會無「真.老豆老母搵仔」的情況出現呢?

      刪除
  15. 終於理解到"有青"話破壞死物唔緊要。
    他們是已自己的生命去換取破壞"入票機",致敬 ^_^

    好心班"有青"啦,警察都係打份工,又唔係職業殺手,殺左你個風險咁大,回報得份月薪?

    不過 Yellow C 左信。

    回覆刪除
    回覆
    1. //殺左你個風險咁大,回報得份月薪?

      「黑警殺死手足賺OT!」
      「反對黑警加薪!」

      刪除
  16. 721事件,警暴,甘多人跳浮浮屍都無疑,你又點睇啊,講d唔唔講d, 當正自己系正義之師,有因有果,人地風中兄去台灣生活又與你何干。

    回覆刪除
    回覆
    1. 奉勸閣下留言之前多爬文,至少看看魔兄就這些事件寫了多少遍吧?

      另外,呂奉先兄的台灣生活,與這篇文章完全無干。

      刪除
    2. 多謝匿名2:18 仗義執言, 你的回答跟我心中的回應非常接近.

      順道再 loop 一次陳婉容在臘腸的文章, 看看如何駁斥「自殺率」的問題:

      為甚麼雲吞博士應該撤回他的自殺率「統計」,兼論謊言的破壞力,以及做學術所為何事

      刪除
  17. To 匿名214
    //甘多人跳浮浮屍//
    是黑警卧底被義士屍了呀 ^_^

    //721事件//
    黑義士打白武士D片你搵唔到 ? too bad

    //警暴//
    警察 對 暴徒 = 警暴 ?

    警察 vs 暴徙 : 你又怪唔怪美軍打 ISIS ?
    十數暴徒 vs 單獨意見不同市民 : 有無意見 ? 大量市民被獨打,有人被火燒,有伯伯被殺
    數十暴徒 vs 市民日常用的設施 : 死物 ? 我去你屋企"裝飾"下啦。 錢,都係死物啦。又嘈警察"凍結8000萬現金死物" ?
    單獨藍絲 vs 單獨黃絲: 有條友刺傷 "黃絲" ,條友自首左啦,有無"義士" 自首呢 ?

    回覆刪除
  18. 要用火刑,石刑,漒刑 先可叫醒,唔醒死左去好過啦 ^_^

    好片分享, 于品海訓示黑記。

    https://www.youtube.com/watch?v=lORfJAxs9GI

    回覆刪除
    回覆
    1. //唔醒死左去好過啦

      或者可以考慮移民去呆灣.

      //客觀報導事實

      咁睇住人打劫強姦殺人都可以無判斷, 話「客觀報導事實」喇! XD

      刪除