1. 天天素食
其實呢個唔算係「飯局」，主要係因為魔術師有時唔想喺屋企食早餐（都係多士奶茶），便會搭巴士出荃灣，食個腸粉早餐再返工：
|
| （圖片來源：Openrice > 餐廳 > 香港 > 荃灣 > 天天素食, captured on 20 Feb 2025） |
想不到的是呢間素食店的腸粉相當滑口，個箱又夠熱，加甜醬、花生醬、豉油（多）、芝麻（勁多），（着住 Zegna 西裝）企喺度食埋佢，夠哂滋味一樂也。
|
| （魔術師就企呢塊廣告板前面食個腸粉餐，順便認識到 Error。） |
魔術師餐單：腸粉四條（醬汁任加）$14
＊＊＊
2. 靠得住（屯門市廣場）
年前摺埋的靠得住又重返屯門，就在市中心以前個位的樓上開業，魔術師當然忍唔住要試吓：
基本上魔術師每間食開嘅餐廳都有「定食」，而魔術師去親靠得住就必定叫一壺蘋果紅茶，然後就係一個人好難叫到的小菜：蒜蓉炒絲蒸蝦，算起太興集團旗下品牌的佳品。
味道依舊如一，實在太正，汁都撈埋。
魔術師餐單：蒜蓉蒸開邊蝦 $98 ＋ 白飯一碗 $12（貴！） ＋ 蘋果紅茶 ＄10（貴！）＋ 加一（電子落單就咪收加一喇！）＝$132
＊＊＊
3. 厚興瑜記手撕雞 X Keeta
魔術師都唔係第一次寫厚興瑜記手撕雞，但今次係返工放飯時，手痕打開「美臀」app，見到附近竟然有厚興瑜記外送，便馬上訂了一客辣雞配小食冷麵。意想不到的是20分鐘之內就送到，呢次「美臀初體驗」真係無得頂...而且「美臀」的選擇似乎遠較「熊貓」和「袋鼠」外送為多呢！
|
| （另有維他紙包茶250ml，無入鏡） |
魔術師餐單：手撕雞（加辣）拼海蜇 $61 ＋ 平台費 $2 ＋ 運費 ＄10（訂單超過＄60，已減$16傻惠）＝$73
我之前係公司開餐都係用A4廢紙墊枱，但要東拼西湊幾張一齊，或者用膠紙痴實，後來改用免費報紙
回覆刪除亞力士
人言報早前有篇副刊講鋪報紙墊枱食飯，真係乜記憶都返哂嚟，遲啲寫。
刪除着Zegna 西裝后，會否個人型啲 ？定係 your face your fate 天生嘅就冇得搞 ？
回覆刪除//your face your fate //
刪除除佐最高最低果1X%, 大部份人都適用 "人靠衣裝, 佛靠金裝"
魔兄靚佬版李尚正, 絕對係錢到就型到XD
//着Zegna 西裝后，會否個人型啲 ？
刪除有時見到啲酸民留言都幾歡樂的。
//大部份人都適用 "人靠衣裝, 佛靠金裝"
西裝都係度身做舒服啲，度得身梗係用靚料，無謂虧待自己。
//靚佬版李尚正, 絕對係錢到就型到
我都係鍾意做陳錦鴻。
//魔術師就企呢塊廣告板前面食個腸粉餐，順便認識到 Error
回覆刪除有冇令魔兄食欲減退呢？XD
//年前摺埋的靠得住又重返屯門
聽阿媽講，喺屋企附近嘅靠得住前一陣非常少人要執咁款，不過最近又突然多返
我自己都幾鍾意食，不過可能係喺大嬰咩都冇得好食之故
//有冇令魔兄食欲減退呢？XD
刪除所以食少啲 XD
//我自己都幾鍾意食，不過可能係喺大嬰咩都冇得好食之故
睇吓邊幾款，唔係所有菜式都好食。