2016年5月22日 星期日

城市論壇論ABC(2016年5月15日)

頂爺,你今次真係見底了!

城市論壇:參政選賢能,換人可解困?城市論壇 (Discussion on : Election Manifesto : the quest for new leader?)

RTHK 香港電台
發佈日期:2016年5月15日
日期 (Date): 15/5/2016・星期日 (Sunday)
時間 (Time): 1200
地點 (Venue): 維多利亞公園Victoria Park
論題 (Topic): Discussion on 參政選賢能 換人可解困? Election Manifesto : the quest for new leader?
嘉賓 (Guests):
田北俊 James Tien 自由黨榮譽主席 Honorary Chairman, Liberal Party
尹兆堅 Andrew Wan 民主黨副主席 Vice-Chairman, Democratic Party
游蕙禎 Yau Wai-ching 青年新政社區主任 Community Officer, Youngspiration
周浩鼎 Holden Chow 民建聯副主席 Vice-chairman, Democratic Alliance for the Betterment and Progress of Hong Kong


填不進

1. 估唔到田大少會咁認真去澄清ABC不是Wiki第一個想出來的,商界其實已密謀造反講咗一兩年,又話豉油黨兩年前就覺得689的管治有問題,尤其是係佔中時期(2:55—3:40)。咁刻意去講豉油黨的功勞,乜好唔忿氣俾Wiki做咗free rider,食頭啖用「換特首」來做 soundbite?

2. 田大少又話:「我地見到唐唐僭建出咗問題,剩返嗰個,識唔識做都要佢做,嗰陣時我地都話等一等,睇下曾城城同范太有無興趣做...」(12:20—12:35),乜講到好似求其搵個「政壇猛人」出嚟選,689都唔係對手,依家呢個位係施捨俾佢咁...真係激死方丈喇!

3. 乜創科局係因為689掛住同販民開片,搞到拉布拖足三年咩?乜原來可以一年之內搞定嘅咩?田大少有乜奇諜妙計?(21:35—22:05)

4. 原來最後又回返帶話販民舊年政改時唔肯袋住先,結果依家連靠大眾市民ABC的機會都無埋,即時將死販民!(33:40—34:10)

搵少啲

5. 佢竟然知道換咗個689都無辦法辦法解決到問題!佢跟住就話最大的問題在於不堪的制度上有更不堪的人,就係由689做特首(6:10—6:25)。咁即係點?求其打倒個嘍囉傀儡就當係「成功爭取」,獲得階段性勝利?

6. 周好頂撩交打將689施政失敗拉到販民不合作頭上,但搵生重提頂爺2012年《致中央的信》(見伸延閱讀)話689好鬥,仲話頂爺無膽學似事頭婆咁講出「心底話」,揭開被頂爺被殺個落花流水的序幕,實在始料不及(14:40—15:10)。

7. 販民去「酒會」見將得肛又如何呢?你話要「換特首」,最後咪又係好似「還拖時報」咁話「你有權講,但係中央唔一定要聽」囉!(35:10—35:28)

游小三

8. 游小三竟然可以撈到個「社區主任」的名頭,唔通係幫青頭新症的區議員做區議員助理?

9. 滿以為游小三都係社混界一員,例必搶咪,點知今次真係靜得可以,全埸無講得幾句,非常乖乖豬,存在感近乎0。最多就係扮下Q,裝個可愛樣出嚟收兵引死班「獨L」,又電下周好頂咁,唔通社添女神又係花瓶一個?

10. 游小三的口才比起青頭新症柒青例如娘仲痕真係差得多。佢開頭話:「我今日企係度都係因為689...」(9;40—9:43),就講到好似俾689騙財騙色,最後要出嚟企街搵食咁。

11. 游小三例牌提出「不只係換人,仲要換制度,表面上係幫傷港人,實際上係幫蝗國政府做嘢」(10:28—10:50),然後又重覆,重要無厘頭毫無前文後理之下 standalone 爆出一句:「我係鄉趕人。」究竟想點呢?(37:20—37:25)

12. 講到限奶令、叫停雙非等689的「德政」,游小三竟然爆出一句「係民意逼佢(689)做架,民意逼佢唔通佢唔做咩?」(19:17—19:25)咁...咁...即係話689當年都會受民意制約喇?咁點解佢呢一兩年忽然之間又「唔聽民意」呢?如果我地要暸解有青們掟磚的原因,咁點解又唔暸解下689好鬥的成因呢?

周好頂

13. 頂爺話對特首要客觀一啲,如果佢有嘢做得唔好,例如佢話要「好鬥」,大家都唔想,咁就要提點吓佢,鞭策吓佢做返好啲(7:15—7:35)。主持問周是否覺得689好鬥,周答:「如果我地覺得佢好鬥,我地可以提下佢唔好咁好鬥架馬!」(8:18—8:38)咁樣顧左右而言他,逃避問題法,真係扣哂分,你再 sell 反拉布都好難叫魔術師 buy 你喎!

14. 主持人挑頂爺機,問頂爺是否支持689連任,仲引用埋Wiki話「唔可以好似周好頂咁迴避」。主持此舉實在有失中立,不過頂爺的答覆完全是出醜:首先就話689都未話出嚟連任;跟住又話就算689出選,都要睇下有乜對手;又話自己的答覆會代表黨團的意見,需要從長計議;最後就話要等689完成任期,有哂成張成績單才可以作評論。結果引來主持聯同搵少啲和游小三狙擊,主持更暗示建制派有好多人都係「心底裡反粱」,只是「講不出聲」而已。主持更勸勉頂爺「講出心底話」(15:15—18:50)。

頂爺的第一個論點係廢話,如果你真心覺得689做得好的,佢唔出嚟選你都要勸佢三思,改變心意喇;所以人地出唔出選,跟自己贊唔贊成佢連任跟本無關。頂爺的第二點話要睇對手,勉強講得通,但佢都係有偷換概念之嫌,將「相對支持」跟「絕對支持」混為一談:「視乎對手論」就如港女釣金龜,永遠都係見風駛艃;而唔係你覺我佢做得好,值90分,做生不如做熟,就一口咬定支持佢連任。第三點將個人意見與黨意見劃上等號,變成黨團人肉錄音機呢下嘢真係虧佢講得出;有趣的是,社混仔卻最喜歡說「個人意見不代表組織立場」;前者跟大隊,後者爭英雄,各走極端。最後「話要等689完成任期」...唉,要結算埋單,隨時都可以,唔通要無限補時補足十年先可以論功過咩?你讀書考中期試唔掂就已經知衰架喇,唔通真係要去到DSE試場先可以「下定論」咩?

15. 周好頂最後又「自行代入」游小三話「加警務消防budget係不義法案」,結果又俾主持人KO(39:05—39:35)。唉,唔排除游小三係其他場合咁講過(畢竟加警務budget來買水炮車是對社混業不利的),不過在現場游小三的確又無咁講過,死撐都係唔掂的。
***
伸延閱讀:
蝦餃:香港的 ABC 問題
假如我住新界東(2nd edition)
http://magician__yang.mysinablog.com/index.php?op=ViewArticle&articleId=13008466


信報 2016年5月19日 香港財經 中國財經 時事脈搏
環時:泛民提撤換特首 不代表中央應接受

正在香港視察的全國人大常委會委員長張德江,昨日(18日)傍晚與包括4名泛民在內的10名立法會議員會面,《環球時報》社評指出,張德江見香港反對派議員的確具有突破意義,如果這件事能帶來泛民陣營更加積極配合「一國兩制」的落實,形成大家新的互動方式,那將是一件大好事。社評又表示,非常希望張德江昨晚的會見能給香港反對派帶來觸動,成為他們重新思考自己角色和作用的契機。

社評指出,泛民議員對張德江表達「撤換特首」的要求雖然很尖銳,他們有權利提出要求,不代表中央就應接受此意見。社評強調任命和撤換特首都是中央的權力,香港選舉特首程序之外的意見都不具有權威性。基本法的規則必須得到完整的落實和尊重。

社評又批評,香港目前有少數人無視基本法,對抗中央,這與民主毫不相干,實為對香港法治的嚴重破壞。香港的政治制度安排是內向性的,香港反對派應當針對香港內部事務表達他們的意見,而不應反對基本法,將所謂「抗爭」的矛頭指向中央。

環時稱,張德江會見泛民議員並聽取他們的意見,中央方面主動釋出了善意,參加會見的泛民議員也顯示出對中央權威的尊重姿態。這樣的互動前所未有,因而讓一些人感受到了某種希望。

社評指出,香港反對派應當形成充分的政治清醒,不在重大問題上患得患失。香港回歸祖國的歷史進程不斷鞏固,任何形式的逆轉都決無可能,香港的政制框架不會有對抗中央的一席之地,香港激進反對派人士欲扮演「中國反對派」完全是非分之想。換句話說,與中央對抗在香港決無出路和前途。


信報 2012年3月20日
青年民建聯主席 周浩鼎
致中央的信——當戰友變成敵人

先旨聲明,這不是一篇抒發感想的文章,而是一篇實實在在向中央如實進諫的書信。由於以下談及的是我個人意見,也可能與民建聯的立場相悖,所以我必須暫時放下青年民建聯主席的身份,寫下此信。

關於這次特首選舉,與過往的特首選舉不同,重點是今次兩位建制派候選人——唐英年和梁振英——以一對一的決戰方式,把選舉搬到全港市民眼前。不過,讓兩個愛國愛港陣營候選人進行生死對決,即是透過今次特首選舉,已經清楚呈現兩個嚴重問題,必須在此闡述。

一、愛國愛港陣營嚴重撕裂
在今次泥漿摔角當中,由於互揭瘡疤,隨着選舉進入白熱化階段,黑材料更是愈揭愈臭。唐英年的婚外情、私生活和僭建風波令人質疑他的誠信;而梁振英亦捲入「黑金政治」風波,以及被指控曾表明以防暴警察鎮壓示威人士的想法,引起公眾恐慌,筆者身處的法律界甚表關注。
由於唐梁各自有自己的支持者,而這些支持者皆是來自建制陣營,都落在不同政黨、組織當中。筆者身為建制中一分子,親眼見證了這次建制陣營撕裂的程度是何等不堪入目,這些都是不為外間所知的:兩陣營的人由起初的互不瞅睬,至後期兩陣營的人互相排斥,甚至像文革那樣,要把對方鬥垮鬥臭,一方想方設法、軟硬兼施,促使對方轉軚改投自己,另一方當然要設法捍衞。

這個漫長而又令人生厭的過程中,為雙方陣營的支持者造成不可磨滅的仇恨和嫌隙;筆者並非誇誇其談,事實的確如此。可以預見的是,無論目前的兩人當中誰人最後當選,均不能輕易撫平傷口,均已失去對方支持者的信任。愛國愛港陣營繼續表面和諧,真正的分裂卻很可能持續下去;曾經堅實支持落選一方的支持者,可能成為堅實的反對派,事事與新政府對着幹,這對推動施政毫無幫助。

有人認為,西方社會的政黨選舉不是充滿黑材料和鬥爭嗎?又或其他候選人不又是一樣?不過,我們必須分清的是,如美國選總統,民主共和兩黨競爭,從選舉工程第一天起,雙方從來壁壘分明,敵我很易分清。

不過,香港由於不是這種情況,兩個建制派候選人的支持者在每個愛國愛港陣營政黨中存在,而且競爭規則不明確,你身邊的黨友隨時變成「敵人」,「同室操戈」的情況在每個建制政黨中出現,這是當中最恐怖的地方。

選舉愈白熱化,嫌隙愈深,這是否對團結愛國愛港力量的方針構成不可磨滅的負面影響?是否應立刻為日後釐清競選道德?大家心中有數。

二、2017年將落實特首普選
最近有傳言指,中央打算將來以「高門檻方式」把泛民主派排除在特首普選之外,結果又是兩個建制派候選人對決的局面。這個做法將帶來一個必然的後果——由於普選來臨,根據「六四黃金」比律,即泛民佔六成、建制佔四成的選民分布,六成選民將會不滿和抗議這樣的選舉。

由於他們無法投給自己支持的泛民候選人,這些泛民支持者將很有可能投白票,以示不滿。屆時不排除有數以十萬計的白票在普選中出現,就算不流選,也足以成為一宗大新聞,中央也不願看見如此情境。

另一方面,泛民主派也勢成為「造王者」,建制派候選人為了爭取選票,必須對泛民主派提出的要求照單全收,結果變成泛民主派主導選舉,一方面可以操控白票,另一方面同樣可以開出條件並扶植建制派候選人登上大位。

如此說來,雖然中央可能不希望看到泛民成為大贏家,但在這種建制陣營候選人對決下卻偏偏成為事實。

這樣,其中一個解決方法,就是乾脆不要刻意排除泛民主派候選人參加普選,重新讓建制候選人與泛民候選人對決。

筆者明白這樣的做法,在中央看來,最大風險就是泛民主派特首候選人可能真的當選特首。但讓我們細心分析一下,這當中帶來的風險究竟有多大。

隨着我國發展一日千里,坦白說,港人對國家接受程度事實上與日俱增。今天,香港經濟與國家發展唇齒相依,無論哪個候選人上台,要推動一些損害國家利益的政策,實不為普羅市民所接受。假設泛民主派候選人真的上台,中央擔憂他完全「不聽話」,這樣,還要看看他的「不聽話」可以去到哪裏;我們以台灣的經驗看來,最致命的是修改憲法,從而達致「法理台獨」的效果。

不過,本港如要修改《基本法》,是必須提請人大常委批准,可見中央可以為香港把關。事實上,香港市民眼睛是雪亮的,當泛民主派要爭取執政時,將會有相當多的市民對他們的執政能力缺乏信心;2007年曾蔭權對梁家傑的時候,普羅大眾還是支持曾蔭權的,泛民候選人當選的機會也未必如想像般高,刻意排除泛民於普選以外,反而加大市民的不滿。若中央能放寬對候選人的接受程度,或許更能有效地管治。

最後一個例子是台灣的選舉,台灣人民經歷八年經濟困境後,還是選擇了願與大陸溝通的國民黨,至於民進黨的路線也愈趨溫和了。中國變得更強大的時候,應包容更多的反對者,這其實是符合人民意願的。

筆者徹夜難眠,多番掙扎,才寫出此文,並曾祈禱求天主賜我智慧和決心完成此文,身為一個知識分子,筆者實有必要為此晉言,希望中央不要讓建制派和香港進一步撕裂。

38 則留言:

  1. 游遺精小姐的神情,似在賣笑,兜生意。她似乎是「醉娃之意不在酒,在乎賣笑之間也!」

    回覆刪除
    回覆
    1. 所以社混女神是有存在價值的,足以叫班毒L有希望。

      人生在世,Hope就是生存的原動力。

      刪除
    2. 游小姐之前参加競選,話自己quit左份工又差點破產咁。

      依家做咗社區主任,又有potential老細,當然即刻乖哋賣下笑咁=)

      刪除
    3. //差點破產

      咁我又唔知喎. 不過無問人偣錢, 係唔會破產的說.

      刪除
  2. 我是早前曾在你舊blog留言的"睇唔過眼"

    閣下一向邏輯清晰,故早前支持阿頂實在令人費解,幸好在這篇仍有幾分客觀的評論

    回覆刪除
    回覆
    1. 這其實也是「絕對支持」和「相對支持」的分別, 如果你看得明白本文所言, 應該會明白新東那一次我為什麼會支持頂爺.

      我住屯門區多年, 如果吳明欽在世, 我是「絕對支持」他, 吳是否販民對我無分別.

      而新東補選時,個個都咁爛, 在不投白票或不棄權唔投票的前題下, 我只以政綱本身作評論(畢竟我對各人的地區工作認知是0, 也沒看過選舉論壇), 頂爺只是一件反拉布的工具. 我覺得他較為可取也只是「功能上」的「相對支持」. 販民濫用拉布自由 僭稱代表民意. 例如財政預算案, 我甚至坊間也不覺得有很大的問題,普遍收貨, 為了那未有共識的共產主義全民退保來浪費時間, 如此的「民主意識」,理應受到懲罰.

      刪除
  3. 呢次城市亂彈個題已講:參政選賢能,換人可解困。
    入得去玩, 就代表認同特首有問題題而導致困境。
    任你能力幾高, 口技幾好, 對住咁多人點頂?
    對付講台群策群力, 球證做埋對手既情況下, 最好唔參與。
    由得佢變成一班自我互相安慰既平台。

    現實世界, 邊到有話可以講"服"對手?

    反正, 做乜嘢, 都有人睇你唔過眼。

    回覆刪除
    回覆
    1. 這不是講俾對手聽的,這是講俾未有堅定立場者聽的

      刪除
    2. //任你能力幾高, 口技幾好, 對住咁多人點頂?

      真高手可以以一敵百. 前題是你要真心明白自己的論述,在各個可被攻擊的地方也佈有適當的防衛工事. 如果自己的concept錯漏百出, 不用車輪戰, 自己也會潰敗.

      // 球證做埋對手既情況下, 最好唔參與。

      現在城市亂彈主持人的參與度甚至乎比舊版的謝至瘋更高. Facilitator只應該負責帶起話題,我覺得除了頂爺亂屈游小三一段可以「客觀地」澄清一下之外(現在的「澄清」手法也有「攻擊」成份),其他的參與討論是應該避免的.

      //邊到有話可以講"服"對手?
      //這不是講俾對手聽的,這是講俾未有堅定立場者聽的

      所以自己的論據要夠紮實,才可以sell 到俾新customer.

      刪除
  4. 頂爺應該同娘仲痕一樣,無經過「雙手互搏」考驗也。

    不過娘對自己所說深信不移,在信徒圍擁時自然可以口若懸河,加深信徒信念;可頂爺之表現,實在連「反反對派」都搖頭嘆息:你究竟知唔知自己個立場係乜?

    而兩派都欠雙手互搏,證明傷民議政仍然是小學雞程度。

    回覆刪除
    回覆
    1. //頂爺之表現,實在連「反反對派」都搖頭嘆息:你究竟知唔知自己個立場係乜?

      受得人錢財, 卻連戲也交不足, 呢啲叫 not doing your job,炒得喇!

      //兩派都欠雙手互搏,證明傷民議政仍然是小學雞程度。

      70年代森巴足球, 只攻不守... 打得夠sexy便是了.

      刪除
    2. 頂爺形象正面, 獲得支持都係意料中事, 不過如果佢真係仲未康復好, 都係休養多陣好啲, 畢竟正字係好累人的活動, 點似皮笑肉不笑的涼瓜戇橋咁得閒?

      // 你究竟知唔知自己個立場係乜?

      5月15日約佢出黎問哩條問題, 明係衝住張德哥而黎, 如果連黨團都係哩個講法, 是會令人覺得不倫不類進退失據的。

      話說果時涼已經決定左被德哥見, 仲話唔睇9主人要當面小7689, 如是, 德哥聽到做夢都會笑出來, 誰說祿發久好恨做凸手的? 你班犯民卒仔, 幾十個都打唔贏一個, 仲要求換對手, 邊有咁冇體育精神㗎? 唔通要換返個鵪鶉貪曾俾你玩? 是以後來德哥請老涼飲了一杯咸L7:

      「工聯會榮譽會長鄭耀棠透露,人大委員長張德江在酒會上,曾表示滿意特首梁振英的工作,泛民的議員當場向張德江說「這種態度會令港人失望」,當時張德江回應說「我不跟你打口水戰」。」

      如果頂爺咁答, 會唔會介意有人話佢好鬥呢?

      刪除
    3. // 點似皮笑肉不笑的涼瓜戇橋咁得閒?
      呢幅圖係我專登capture的,佢個表情十足十智力得70。

      //如果連黨團都係哩個講法, 是會令人覺得不倫不類進退失據的。
      蛇齋黨取向愈來愈曖昧,完全無自主意識,但係就連做投票機器都做唔掂,戲又交唔足又甩轆,「青訓」更加係無料到(頂爺就是「青訓」產品),真係睇到阿爺眼冤。

      //你班犯民卒仔, 幾十個都打唔贏一個, 仲要求換對手, 邊有咁冇體育精神㗎?
      打唔贏人就叫人落台,次次都係咁。不知羞恥。

      //當時張德江回應說「我不跟你打口水戰」。
      //如果頂爺咁答, 會唔會介意有人話佢好鬥呢?

      頂爺老幾?咩輩份?俾個天佢做膽都唔敢咁串喇!反而尋日城市亂彈譚餵豬就有咁嘅氣勢嘞。遲啲會寫。

      刪除
  5. 魔術師你個link去Vicex.US好正, 佢地仲要講到明唔需要理道德 (其實世界上好多大商家都不理socially/politically correctness 去投資搵錢, 只係佢地要一個好既publicity, 所以唔會講出聲, 臨老, 無論真心定假意, 都要做下善事回饋下社會)

    回覆刪除
    回覆
    1. 傷民現在愈來愈潔癖,愈來愈社會主義,就來連商業社會賺大錢都是不可以的了;矛盾的是資產配置組合是需要一些地產霸收租霸公用霸交通霸金融霸等極惡同盟的存在,下下要「正氣」根本是無辨法賺錢的.

      你睇VICEX的持股,真係夠哂邪惡:

      http://portfolios.morningstar.com/fund/holdings?t=VICEX&region=usa&culture=en-US

      刪除
  6. 青年新政未選到區議員嘅時候,游小三好似已經係「社區主任」。

    睇返周浩鼎2012年篇舊文,最後竟然加一句「曾祈禱求天主賜我智慧和決心完成此文」,真係令人無語...就算真係咁諗都唔需要寫出嚟啩?

    回覆刪除
    回覆
    1. //游小三好似已經係「社區主任」。

      http://www.elections.gov.hk/dc2015/pdf/intro_to_can/G18_single_no_3.pdf

      呢度乜都無寫,即係「報稱無業」?

      //並曾祈禱求天主賜我智慧和決心完成此文,身為一個知識分子,筆者實有必要為此晉言,希望中央不要讓建制派和香港進一步撕裂。

      即係希望天主庇佑販民撕裂...

      刪除
    2. 佢不嬲都係咁核突架啦. 上次同人辯論時爆喊博票睇到我嘔but 甩.

      好似記得魔術師話過當年如果唔係心繋吳明欽......真係有d可惜.

      刪除
    3. //上次同人辯論時爆喊博票睇到我嘔but 甩

      好彩我時運高,見唔到。

      //好似記得魔術師話過當年如果唔係心繋吳明欽......真係有d可惜.

      想當年,吳明欽過世後不久,AV仁連同黃偉賢等人企圖「接任」,建制譚耀祖則帶領陳有海等人由區議會鐵票做起,跟民主派爭返大興村呢件肥肉(當年人口未老化,青壯年人口不少,嬴到鐵票,無論日後搬走與否,也是很sustainable的).

      雖然昔年新華社的「生老死葬」的「退休保障」有開空頭支票之嫌,所以做過東江游擊隊,真・以武抗暴、保衛我城的外公一家也過了一段苦日子,但我死鬼老媽出身根正苗紅,絲毫不念舊惡,人人為我我為人人,實現雷鋒同志精神,大學暑假期間叫我去跟譚耀祖洗樓,仲俾譚耀祖拍拍我的頭(睇下腦後有無反骨),話蛇齋黨正需要魔術師呢類真・讀得書,學歷好之人...

      不過我見吳明欽「屍骨未寒」,所以婉拒了.

      話又說回來,如果蛇齋黨不改其曖昧作風,神仙難變,唔係靠一把口可以扳回來。

      刪除
    4. //如果蛇齋黨不改其曖昧作風//

      就好似而家本土派勢大,蛇齋黨居然又「跟隨潮流」講本土(例如Tree根嘅「要本土不要分離」)。大佬啊,人地律師黨右傾都可以理解,畢竟可以籠統地叫做反對派,同本土有啲交接;你做保皇黨,學人講本土,俾我感覺就係跟風、投降主義。

      刪除
    5. //你做保皇黨,學人講本土,俾我感覺就係跟風、投降主義。
      佢地最叻就係詭辯自己有自己對「本土」的定義, 各取所需,即係好似將貓科分成家貓、野貓、山貓、獅子、老虎、豹咁.

      刪除
    6. //就好似而家本土派勢大,蛇齋黨居然又「跟隨潮流」講本土(例如Tree根嘅「要本土不要分離」)。大佬啊,人地律師黨右傾都可以理解,畢竟可以籠統地叫做反對派,同本土有啲交接;你做保皇黨,學人講本土,俾我感覺就係跟風、投降主義。//

      蛇齋黨係嘗試搶返"本土"個解釋權

      當時一聽到"本土派", 我第一個反應就係: 佢姓"鄧"定姓"文"
      講"本土", 當然係有丁有地既新界鄉紳啦
      居然係班蝗二代蝗三代叫自己"本土派", 傻的嗎?!

      蝗二代蝗三代叫自己"本土派"係佢自己柒佐
      但係蛇齋黨都想搶佢返泥
      一則"本土"呢個詞意就係扮自己友博好感
      二則, 如果班上大人無留意, 掟磚入佐班鄉紳數, 要去邊度伸冤呀?!

      刪除
    7. //講"本土", 當然係有丁有地既新界鄉紳啦
      「本土」呢個話語權都唔知點解忽然間咁值錢。

      //蛇齋黨都似唔妥CY, CY 皇袍加身先唯有跪地戲豬乸咁支持
      黃台瓜同倚天梁咁出位,都好難認錯人。

      刪除
    8. //蛇齋黨係嘗試搶返"本土"個解釋權

      呢個應該係阿爺指令來的.

      暫時阿爺個策略做得幾好,起碼近來小弟無乜時間「憂港憂民」做左港豬下,就只感覺主流媒體充斥阿爺既聲音,d飛機言論浮唔到上面(連魔兄都寫少左了),中箭連訓街都無乜迴響...人同此心下,大把港豬會有我呢種感覺,變相就主導左話語權。當然d飛機文仍然會佢地圍內射來射去,但正如之前講,呢班契弟係唔係都唔會理周圍d人照打飛機架啦。

      部份本土建制傷民都有功的,例如譚餵豬;不過蛇齋黨就無乜建樹,只算無乜甩漏嗻.

      //「本土」呢個話語權都唔知點解忽然間咁值錢。

      有班為數不少既人鍾意務虛,「話語權」咪值錢咯. 如果大家埋首專心做實務,理Q得你周圍講乜呢。

      刪除
    9. //d飛機言論浮唔到上面(連魔兄都寫少左了)
      //當然d飛機文仍然會佢地圍內射來射去,但正如之前講,呢班契弟係唔係都唔會理周圍d人照打飛機架啦。

      因為班友的創意開始乾塘,性幻想來來去去那幾味,開始缺乏新意了。

      //部份本土建制傷民都有功的,例如譚餵豬

      下一篇寫佢在城市亂彈的表現。

      // 如果大家埋首專心做實務,理Q得你周圍講乜呢。

      經濟下行,人始終要食飯,你班有青唔通真係啃老啃到四十歲咩?

      刪除
  7. 游小三越睇越正, OK靚又淫淫地咁, 我係有錢佬就會搵佢做小三 ^O^

    蛇齋黨都似唔妥CY, CY 皇袍加身先唯有跪地戲豬乸咁支持
    一到轉屆就求神拜佛望可以換人啦

    當然, 都唔可以唔理解蛇齊黨面對香港班愚民
    亦要扮晒為民請命
    唔得將"阿爺/特首講得出口, 我無話SAY NO"擺上台面講

    回覆刪除
    回覆
    1. // OK靚又淫淫地咁,

      佢對眼夠姣.

      //蛇齋黨都似唔妥CY, CY 皇袍加身先唯有跪地戲豬乸咁支持

      其實CY好鬥係好事來的, 同反對派和保皇黨都不假辭色唔係friend,咁即係唔會將傷民福祉當成係籌碼賣俾啲政客喇!

      刪除
    2. 應該係有軍師背後教擺pose同做表情的。不過咁樣除左reinforce班毒L外,對招新客其實無乜用處

      刪除
    3. //應該係有軍師背後教擺pose同做表情的。

      媽媽生。

      刪除
  8. ABC唔係當年選特首時已講?仲記得何柱國係講得最大聲o個個黎....

    回覆刪除
    回覆
    1. 傷民是善忘兼雙重標準的: WIKI翻炒就得,亞視重播就唔得!

      刪除
  9. 搬新屋好似熱鬧好多。
    不過睇唔到幾多 CD-Rom。

    回覆刪除
    回覆
    1. 乜響sinablog睇到有幾多CDROM嘅咩?

      刪除
    2. 每一篇右上角會寫 (1127 read) 咁囉!
      最多人睇係理財,成萬人!香港人發錢寒!��
      呢個曾經 sina 唔知攪咩冇咗一排,蝦餃叔叔呻話冇得睇幾多人睇過冇曬寫文動力。����

      刪除
    3. 呢個網有手機版方便啲

      刪除
    4. //每一篇右上角會寫 (1127 read) 咁囉!
      //呢個曾經 sina 唔知攪咩冇咗一排,蝦餃叔叔呻話冇得睇幾多人睇過冇曬寫文動力。

      整緊, 睇下有無計...

      //呢個網有手機版方便啲

      唯一唔好處係留言系統囉!

      刪除
  10. 魔術師有新地盤, 留言支持一下.
    我已經update我的香港網誌多面觀.

    回覆刪除