2016年5月30日 星期一

《踏血尋梅(Port of Call)》:註定就是《十年(Ten Years)》的手下敗將!

魔術師跟一眾讀者都等得好心急,但《十年(Ten Years)》遲遲都未出碟,實在是無法可施。不過,想知道《十年》有幾勁,也不是沒有方法,大概可以從其手下敗將的實力從側面暸解一下。今次被魔術師選中的就是《踏血尋梅(Port of Call)》:

佳梅(春夏飾)是名十六歲卜卜脆的蝗妹,相貌有點像Lisa頭像的母親美鳳(金燕玲飾)七年前改嫁港人丈夫,與佳梅姐姐佳莉(李與霏飾)在我城享受公屋福利。一年前佳梅申請來港獲批,得以一家團聚。佳梅在我城某中學就讀中三,很快便融入了港人生活,改了個東洋名叫Kama,又學會用 Facebook,將在大陸跟男友發生關係,獻出初夜的失豬經驗以文青手法寫出來,嚇得偷看同學仔 Facebook 的學校社工嘴也O了,想不到蝗民少女性觀念如此開放,男的也不怕衰十一(按圖放大,下同):

佳梅整天發明星夢,就算比一般港女早發育身材長得高佻,仲嫌自己長得唔夠高,買埋唔少高跟鞋。佳梅中三輟學應徵做靚模;但靚模做不成,竟然變了做「街頭星探」。街上港女見高過自己靚過自已的蝗妹操着滿口蝗語來兜答,都耍手擰頭,佳梅只好脫下高跟鞋,放下身段扮矮人:

黑底有為青年肥仔丁子聰(白只飾)和金毛飛神童開(袁浩揚飾)是沙煲兄弟,開竟然夠膽死拿聰的亡母相片去廁所打JJ,而聰也只是打鬧一返算數:

住劏房的基層青年聰有件港女女友叫李慕容(蔡潔飾),聰為了滿足件貪錢港女的物慾,周圍撲演唱會飛,仲要俾慕容串,就算肯打真軍,也要揀M到的日子。肥仔聰的不幸正正體現了世界就係咁唔公義,住得劏房便註定沒蝦條的定律:

佳梅做星探及M記的收入都不多,唯有去做援交,第一個提供現金流的顧客是一條毒男:

佳梅用得來的皮肉錢來買耳環,全部都是散紙,真係有血有汗。不過皮肉錢總是 easy come easy go,肉金現金流入(cash inflow)等於瘟仔的現金流出(cash outflow)是「肉體價值下流」的必經之路。佳梅認識了叫X唔俾錢、大唱哭腔傻女的四眼濟(李逸朗飾),被騙財騙色騙肉金不特止,濟更要佳梅出來跟自己元配女友「澄清」二人的關係:

佳梅生不如死,就在遇見肥仔聰的一晚,她求他殺了自己。事後,聰以豬肉分割員的手法將梅碎屍,放血後把內臟沖入馬桶,將人腳扮成豬手送往街市(!),臉皮扯下,首級掉到大海,最後更後現佳梅已懷有身孕:

重案組探員臧Sir(郭富城飾)一路追查此案,更得到很有《機動部隊》feel,條腰好比小昭咁幼的羅警司(邵美琪飾)大力支持。臧Sir在查案期間,帶出了我城的黑暗:

最後臧Sir查明了真相,肥仔聰亦自首被判刑。臧Sir有情有義,既去見埋肥仔聰在蝗國病重的老父(車保羅飾)一面,又假扮佳梅打發短訊給留在鄉間搞外圍波的親生父親,原來佳梅是有寄錢回去的。臧Sir得閒又探下佳梅媽,甚至與佳梅姐姐佳莉打情罵悄,順手接收,有情有義:

睇完魔術師評論,讀者應該呢套戲完全唔係為「姓黃」:有為青年犯法竟然會被判刑,眾黑警智勇雙全,有情有義,更是好爸爸、好媽媽,蝗妹樣靚身材正又唔錫身,兩點盡露訓身演出,非扭扭擰擰惜肉如金的港女所能及,甚至乎劇中的假卡工場的工作機會都被南亞人搶去了;而笨土青年卻是叫X唔俾錢,拜金港女更只是趁「墥紅」才肯打真軍。如此政治不正確的劇情,敗在《十年》手上,理應心服口服。
***
伸延閱讀:
維基百科:王嘉梅命案

68 則留言:

  1. 吓?劇情好似咁無聊咁嘅?

    回覆刪除
    回覆
    1. 查案嘅過程都幾無聊架,不過全片重點是氐各角色的經歷;佳梅的學校生活、到做model、老麥、再變援交妹,佳梅親父的鄉間生活,佳梅在舊式茶舞歌廳賣唱,佳梅後父把故事賣結肥佬黎反而唔合作查案,肥仔聰同金毛飛的頹廢生活,肥仔聰的幼年經歷和父親的下場,臧Sir太投入查案而導致婚姻玻裂,臧Sir前妻先以為臧Sir cute,後來跟佬走又發現條佬唔好,羅警司成日要吩咐家中的賓賓做嘢,仲有最後佳莉俾人搞大個肚,結果三代同堂住公屋(拎綜援?)等等的故事,其實正正是「一袋中/港人」的生活寫照,由80、90年代種下的因,2000年以後結的果,咀嚼下去其實也頗有趣味的。

      當然,本片遇着本小利大,不需演技、效果、剪接、配樂依然能贏盡口碑的《十年》,落敗是無話可說。

      刪除
    2. 好似頗值得看,但想問問分屍那段會否很長很血腥,我怕自己頂唔順。

      刪除
    3. //分屍那段會否很長很血腥

      我的截圖算係typical血腥度。 你頂得順就可以, 嗰一段只係佔幾分鐘,反而係肥仔聰口述出來的語氣更陰森恐怖。 

      刪除
    4. 「查案嘅過程都幾無聊架,不過全片重點是氐各角色的經歷;佳梅的學校生活、到做model、老麥、再變援交妹,佳梅親父的鄉間生活,佳梅在舊式茶舞歌廳賣唱,……………… 由80、90年代種下的因,2000年以後結的果,咀嚼下去其實也頗有趣味的。」

      這段分析好有深度,發人心省!

      刪除
    5. //這段分析好有深度,發人心省!

      過獎了! XD

      刪除
  2. 我唔制牙,真‧港人點可能咁變態,大陸蝗又點可能喺受害人㗎。

    回覆刪除
    回覆
    1. 「蝗妹就是要給真‧香港人X完再殺的!」

      刪除
  3. 《尋梅》以真人真事改編,雖然情節較為灰暗,但相對《十年》,它的結局道出人間有情,這是它可貴的一面。

    這種以十九世紀法國自然主義大師「左拉」的描寫手法,道盡社會的陰暗面,雖然灰感很強,但這的確是一些新移民援交女的悲哀。然而,《尋梅》卻可反映一些社會現實,新移民有他們的苦況,土生港人也有衰頹的一群。

    文藝創作是有一定規範的,猶如做愛一樣,前奏、發展、高潮、完事。若以性愛來比喻,《十年》的創作方弍,是嫖妓,發洩了便完事。欣賞《十年》,是觀眾心態的寫照。

    回覆刪除
    回覆
    1. 「誰夠膽說《十年》唔夠班的,就叫誰絕子絕孫!」

      刪除
  4. 就咁睇魔術師介紹,似乎有意思過《十年》呢套充滿被害妄想嘅propaganda,起碼佩服可以將一單命案擴展成幾個人嘅故事。
    又,睇Wiki先發覺原來現實中嘅死者都係新移民,如果發生係今日嘅香港,我敢打賭一定會有網民覺得死十個當五雙。

    回覆刪除
    回覆
    1. //起碼佩服可以將一單命案擴展成幾個人嘅故事。

      本片充斥着一股淡淡的哀愁,當觀眾投入下去,雖然希望佳梅不要誤入歧途,但「誤入歧途」、被殺、以致破案卻又那麼的順理成章,原因就是片中就算只是配角,起碼都要用旁白輕輕帶過,交代他/她為何「淪落至此」,所以角色比較立體,唔會無厘頭走個人出嚟唔知做乜。

      珠玉在前,我期待《十年》的表現。 XD

      //如果發生係今日嘅香港,我敢打賭一定會有網民覺得死十個當五雙。

      妄民當然認為蝗民就是男盜女娼,十幾億人都咁支持殺人政權,梗係死不足惜喇!

      刪除
  5. 其實以為自己係香港人個代人,迫害他人不鮮亦多項。窮印巴港人點解只可以讀地利亞?印菲兩傭又有幾多跟足規定工時及食飽及合理休息地方?新移民勤力用功者眾,又點?連內地學生都要被歧視。

    不過,一句“我是台灣來的”/“爸爸是日本人”,即刻代遇唔同哂。

    "踏"是我download目標之一,謝謝慳番我唔少時間。

    回覆刪除
    回覆
    1. //其實以為自己係香港人個代人,迫害他人不鮮亦多項。

      收租仔、乜sir等人就係遺人傳咗呢種DNA囉!

      //印菲兩傭又有幾多跟足規定工時及食飽及合理休息地方?

      我post出來的室內設計個案,所有工人「姐姐」都是要訓棺材的。

      //新移民勤力用功者眾,又點?連內地學生都要被歧視。
      //不過,一句“我是台灣來的”/“爸爸是日本人”,即刻代遇唔同哂。

      學陶藝才子話齋,因為傷港人崇優。

      //慳番我唔少時間。

      即係唔使睇?

      刪除
    2. 哈哈, 會睇, 不過優先次序後少少~ 哈哈...
      等THE PURGE ELECTION YEAR 上畫!

      刪除
    3. THE PURGE 系列, 正呀!

      早前睇咗Sinister, THE PURGE I 的男主角主演, 又係好好睇.

      刪除
  6. 魔術師特別喜愛分享有關本地香港的文化或時事. ~

    回覆刪除
    回覆
    1. 我又唔係窮到褲穿窿,使乜日日上香碎碎唸財務自由?

      跟投資一樣,音樂、電影、攝影、小說、行山、紅酒、飲食、工作、電腦、網誌、數理、哲學、思辨、時事、文化、歷史、玄學風水等,全部係我生活的一部份,沒有誰輕誰重的. 一理通,百理明,周身刀,張張利,這才是「文藝復興人」。

      日日掛住睇年報,搞投資班,上香buy and hope,這樣的生活、這樣的「能力圈」,也未免太狹窄了吧?

      刪除
    2. 做文藝復興人的確快樂充實得多。不過現在學問越來越多,越分越細,好難做到又博又精(萊布尼茲再生也不能做到樣樣皆通],有一兩樣專精再廣泛涉獵其他學問已經好理想了。

      又,魔術師對哪類哲學最感興趣?

      刪除
    3. //一兩樣專精再廣泛涉獵其他學問已經好理想了。

      學問就如蜘蛛網,環環緊扣的, 你專精(tier 1)某科, 自然就會識多其他幾科作輔助(tier 2),然後又由tier 2引伸,可能觸及一下另一些學科的皮毛(tier 3). 唔需要刻意去學, 慢慢就可以累積回來.

      //魔術師對哪類哲學最感興趣

      我傾向中國古代思想家(不過古希臘都鍾意架),讀歷史兵法風水玄學就會涉獵到.基本上就係哲學的體現.

      刪除
    4. //我傾向中國古代思想家(不過古希臘都鍾意架)

      哎呀,兩類我都唔熟,如果唔係可以討論下。前者其實可以話唔識(研究院先入鄉大,唔駛必修中哲),古希臘只睇過一些柏拉圖對話錄。我叫做比較熟係那些堅離地哲學,例如Metaphysics.

      //讀歷史兵法風水玄學就會涉獵到.基本上就係哲學的體現.

      西方哲學範疇其實比較闊。如果魔兄有興趣又有時間,不妨睇睇 Stephen Law 的The Philosophy Gym,這書以不同的哲學問題來分成對話,雖說是導論書,但講解算頗深入,比坊間那些甚麼史上最強哲學指南好得多。

      刪除
    5. // Stephen Law 的The Philosophy Gym

      謝謝,等我記低佢先。

      刪除
    6. 原來無想兄其中一個專門係形上學,的確係離地中嘅離地XD 以前修過啲哲學course,形上學同知識論係我覺得最虛無漂緲嘅兩個範疇,possible world、unreality of time之類聽到我一頭霧水。相反地,感覺最貼近現實生活嘅係倫理學。

      刪除
    7. 可以以蜘蛛網論來解釋:我讀physics,自然就會「讀埋」metaphysics-凡物理學上未能證實的,都是形而上的。

      刪除
    8. //possible world、unreality of time之類聽到我一頭霧水。

      呢兩個Topics(尤其係前者)又真係幾抽象,一般哲概都唔講。是在形上學專題course教的嗎?介意說是在哪間U修嗎?

      //我讀physics,自然就會「讀埋」metaphysics

      例如如何詮釋量子力學個類

      刪除
    9. 我係浸大修嘅,嗰個的確係專題course。除咗導論course同邏輯,我修過三個專題就係形上學+知識論、心靈哲學同倫理學。

      刪除
    10. //例如如何詮釋量子力學個類
      Yeah yeah yeah !

      //我修過三個專題就係形上學+知識論、心靈哲學同倫理學。

      教咗咁多courses都教唔到件黃絲出來, 浸大真失敗。

      刪除
    11. //我傾向中國古代思想家(不過古希臘都鍾意架),讀歷史兵法風水玄學就會涉獵到.基本上就係哲學的體現.//

      我對中國古代哲學都有興趣,魔先生你會寫這類題材嗎?

      刪除
    12. 隨緣喇,我都只係識啲皮毛,不敢班門弄斧。

      刪除
    13. //教咗咁多courses都教唔到件黃絲出來, 浸大真失敗。//

      可能因為呢啲哲學都無咩政治味道,而且好難借題發揮(笑) 而且我本身係讀歷史,又係政治氣氛唔太重嘅地方。

      刪除
    14. /政治氣氛唔太重嘅地方

      咁你真係要劏雞還神咯!

      刪除
    15. 歷史係鑑古知今的,竟然政治氣氛唔重,有d愕然。

      似乎班社混青都係什麼政政、社工系出黎,即是個個都係活在想當然的世界裡,唔講邏輯推論更無歷史對照也。

      刪除
    16. //歷史係鑑古知今的,竟然政治氣氛唔重,有d愕然。

      如果係「中學式教歴史」,政治感又真係可以「唔重」的。

      //似乎班社混青都係什麼政政、社工系出黎,即是個個都係活在想當然的世界裡

      睇周蟲蟲已經知,所有佔派都會將「世界不應該是這樣的」掛在嘴邊,分不清應然和實然。

      刪除
  7. 呵呵寫得絕,魔術師兄以前讀書時,有在校報刊登影評嗎=P

    太重口味既電影,我真係冇勇氣睇~btw又賣多次廣告,你有空看database内的"陀地驅魔人"時,要寫翻篇影評share下呀,我估你同戲内的張家輝性格應該幾似=)

    回覆刪除
    回覆
    1. //寫得絕

      阿毒男嗰段真係唔錯.

      //有在校報刊登影評嗎

      我讀的屋村中學,20幾年前有校報已經好威威,睇戲(唔係明珠930)算係高級娛樂,點會有影評?

      //"陀地驅魔人"時,要寫翻篇影評share下呀

      一定一定.

      刪除
    2. 師兄你果間非一般屋村中學啦,band1頭名校黎架。

      刪除
    3. 20幾年前未有band 1 名校,我最多算是「開國元老」之一...

      刪除
    4. 呵呵魔術師兄科科都掂,真係學霸=D

      依家哋校刊好誇張,小學版入面都有唔少過千字的,究竟係小朋友自己寫,定係父母/補習代勞~?

      好啊繼續留意及期待你的影評!!

      刪除
    5. //魔術師兄科科都掂,真係學霸

      呢句有貶義,請Google「球霸」。

      //小學版入面都有唔少過千字的,究竟係小朋友自己寫,定係父母/補習代勞~?

      頂,乜唔係自己功課自己做嘅咩?

      //好啊繼續留意及期待你的影評!!

      依家出文要排期...慘過輪街症!

      刪除
    6. //我估你同戲内的張家輝性格應該幾似

      塙到我都好想睇。

      //20幾年前未有band 1 名校

      好似唔係喎,20幾年前我成日比人笑係Band 5仔

      刪除
    7. //20幾年前我成日比人笑係Band 5仔

      應該係未興講「band 1 名校」,寫緊, 排緊期明天出。

      刪除
  8. //查案嘅過程都幾無聊架,不過全片重點是氐各角色的經歷
    //"踏"是我download目標之一,謝謝慳番我唔少時間。

    我一直以為套戲會以臧Sir查案一步步拆開疑團下,側面將佳梅故事一點一滴反映出來...但原來是平鋪直砌(從懸疑角度上)地講佳梅的故事,似乎有點不符《踏血尋梅》個戲名(因為“尋”變成不是重點)

    說實話,睇到魔兄影評知道敘事手法後,興趣真系打左折扣;本來我想用個盒睇的,但而家應該等NOW或cable在電影臺播時撞正睇到先睇了.

    //其實正正是「一袋中/港人」的生活寫照,由80、90年代種下的因,2000年以後結的果

    齋用影評對比,我覺得《奪命金》講得較有趣,雖然無《踏》甘深刻,尤其是《奪》完全無關於年青人的描寫。

    //一句“我是臺灣來的”

    如果“臺勞”現象持續多十年八年,待遇會否仍然唔同就好難講了.

    //蝗妹樣靚身材正又唔錫身,兩點盡露訓身演出,非扭扭擰擰惜肉如金的港女所能及,甚至乎劇中的假卡工場的工作機會都被南亞人搶去了

    今日同兩個涉足金融業的中學同學吹水,發覺其實金融業作為傷港而家最大的餅,早就以serve大陸蝗民大款為主了,甚至A股殼價高傷港幾多下,可能都有少少阿爺刻意為之等傷港仲有d野撈下而已。好難怪張得哥講野對港毒不痛不癢的,因為最大條水喉一早被控制了...

    另外傷港有青又高不成低不就,甘點會唔俾蝗民同差仔上下夾擊呢?

    //條腰好比小昭咁幼的羅警司

    點解肩章是兩粒一辦?唔系萬惡的特衰洋紫荊?

    http://www.police.gov.hk/ppp_tc/01_about_us/os_chart.html

    回覆刪除
    回覆
    1. //我一直以為套戲會以臧Sir查案一步步拆開疑團下,側面將佳梅故事一點一滴反映出來...

      都有用側面描寫, 直線同倒叙回憶都有用。

      //睇到魔兄影評知道敘事手法後,興趣真系打左折扣

      咁我又衰的, 係我將成件事不同的時間點截圖砌返成一條順序的timeline的! 即係好似睇 Memento 咁. 如果跟電影的timeline是會東一忽西一忽,無辦法評論的.

      //點解肩章是兩粒一辦?唔系萬惡的特衰洋紫荊?

      我都係抄字幕(同wiki)架咋!

      //好難怪張得哥講野對港毒不痛不癢的,因為最大條水喉一早被控制了...
      //另外傷港有青又高不成低不就,甘點會唔俾蝗民同差仔上下夾擊呢?

      班有青D李作人就咁用力, 查實又係窩裡反, 毫無建樹可言, 果然係「同五毛一樣」, 實在無話用說.

      信報 2016年5月30日
      社評 社評
      與其挑撥世代之爭 不如鼓勵世代共爭

      余生也晚的年輕人不在乎「六四」,本來問題不大,就算另搞一套,不妨理解為價值觀不盡相同的人各有志,同樣毋須苛責;然而,部分學生組織竟然口出惡言,以極其缺德的論調侮辱支聯會及其他悼念人士,並且間接污衊所有六四死難者,則無法不予人冷血無情之感。樹仁大學學生會編輯委員會總編輯吳桂龍日前在社交網絡撰文,形容支聯會「就是被施暴後成為妓院的鴇母,職志就是要誘拐少女受污,上貢暴徒土匪,期望他滿足獸慾後,浪子回頭,寵幸一番。」意猶未盡,他及後將「鴇母」改成「鴇母龜公」,明言與泛民不是同路人。

      「鴇母龜公論」有多麼缺德,我們無意詳細討論,以免在受害者傷口之上灑鹽,但有兩點不得不善意提醒各位世代交替的未來主人翁。首先,侮辱支聯會及相關人士的客觀效果是協助北京維穩,正如學運領袖王丹所言「這跟中共五毛的水平已經不相上下了」,後生一輩犯不着逞口舌之快而淪為另一種意義的魔鬼辯士。其次,假如學生組織有意像香港眾志那樣組成政黨,從政路上不應該眼裏只有學生,忘記甚至敵視不是學生的成年人,拉票策略上肯定是失敗之舉。

      (節錄)

      刪除
  9. //⋯⋯傷港有青又高不成低不就⋯⋯
    中!又唔肯跳出框框,係框框內嘈真係低招到冇朋友。

    //客觀效果是協助北京維穩
    即係咩?維穩有問題?

    回覆刪除
    回覆
    1. //又唔肯跳出框框,係框框內嘈真係低招到冇朋友。

      「我地自己框框內的事都搞唔掂,邊有時間去理框框外的事?」

      //維穩有問題?

      重點係「協助北京」,唔係「維穩」。

      刪除
    2. 對人不對事,所以甚麼事也做不好。咁就係咁先。永遠待在框框裏。

      刪除
    3. 維穩包括既, 除佐扮民主派好鍾意用泥打飛機既治安, 仲會包括食物安全, 醫療, 福利等等.....

      抽[維穩]水既, 除佐港豬, 還是港豬

      刪除
    4. 追查鉛水事件算唔算「維穩」?唔係「維穩」,即係「暴政」喇!

      刪除
  10. 一個人沉淪, 環境因素有影響, 但更多的肯定是自己問題. 人生中有很多變數也有很多選擇, 選擇改變命運, 不斷做出壞選擇, 會沉淪並不奇怪.

    要做出好選擇, 客觀理性行事是關鍵之一, 奈何現在有些人只要事情和"中"字沾上邊就發癲, 自然做不出真正有益的好選擇.

    回覆刪除
    回覆
    1. 做不出好的選擇,於是又將自己的問題頼成係社會的問題,入哂XX霸權同689數喇!

      刪除
    2. 諉過於人係最快速嘅方法去令自我感覺良好. 又唔洗錢嘅. 哈哈.
      --自由人

      刪除
    3. 同港豬就只會download free app一樣.

      刪除
  11. 同天水圍的XXX比,邊套好睇啲. 天水圍都係睇到好灰.

    --自由人

    回覆刪除
    回覆
    1. 我無睇到XXX呀!睇見個片名咁鬼steorotyping就唔想睇。

      刪除
    2. 講冧家死果套ok好睇呀!

      刪除
    3. 要睇灰,呢套都好灰:Mary and Max
      http://m.imdb.com/title/tt0978762/

      刪除
    4. //講冧家死果套

      即係邊套?

      //Mary and Max

      呢個真係無乜性趣.

      刪除
    5. //即係邊套?

      《天水圍的夜與霧》呀,也是真人真事改編的。戲內任達華個造型真係一絕,完全係00年代呃綜援上去包二奶d草根麻甩佬標準look.

      刪除
    6. //完全係00年代呃綜援上去包二奶d草根麻甩佬標準look.

      陳健康之流算不算是傷港民族一份子?

      刪除
    7. 唔好意思, 各位, 我講嗰套XXX係日與夜. 講嘅應該係童黨問題. 最後一幕係嗰家姐帶住幾歲大嘅細佬返屋企. 途中俾仇家仆死咗, 嗰細佬仲細, 唔知發生咩事, 無理到家姐, 自己一路向前行, 行咗係輕鐵路軌.....

      --自由人

      刪除
    8. 好喇! 徇眾要求, 放《天水圍的日與夜》同《天水圍的夜與霧》落database喇!

      刪除
    9. 拿拿拿,«夜與霧»我無推薦架(免責聲明?),我覺得都ok不過未到推薦入database的程度。«日與夜»我就直情幾次電視播都無睇晒,我仲以為係«愛.回家»之類的倫常劇,原來結尾會死人。。。。。

      刪除
    10. 未睇嘅摩摩電影節系列:

      容疑者Xの献身 Yougisha X no Kenshin
      證人 The Beast Stalker
      奪命金 Life without Principle
      魔警 That Demon Within
      一代宗師 The Grandmaster
      葉問:終極一戰 Ip Man: The Final Fight
      旺角監獄 To Live and Die in Mongkok
      大追捕 Nightfall
      八彩林亞珍 Plain Jane To The Rescue
      竊聽風雲 Overhead
      竊聽風雲 Overhead 2
      竊聽風雲 Overhead 3
      敗家仔 The Prodigal Son
      特殊身份 Special ID
      線人 The Stool Pigeon
      贊先生與找錢華 Warriors Two
      Z風暴 Z Storm

      其他網友推介:
      Trumbo
      陀地驅魔人 Keeper of Darkness
      天水圍的日與夜 The Way We Are
      天水圍的夜與霧 Night and Fog

      刪除
    11. 經摩摩一講, 死火, 唔知係咪點錯相, 記錯戲名....

      自由人.

      刪除
    12. 唔緊要, 反正兩套我都會睇.

      刪除
  12. // 《十年(Ten Years)》的手下敗將

    何解唔懶有深度叫 The decade 或 The fishballs revolutions?

    回覆刪除