家居保險第三擊

年前因為買樓搬屋關係，魔術師曾經做過一些裝潢保和家居保的 research（見舊文《搬屋紀事（二）之保護銀包》）；後來住落咗，有次貪 online banking 介面方便，便幫襯了大貓的「指定保險承辦商」，結果想 claim camera damage 卻換來一肚氣，雖然肯賠但封信就寫到好似施捨俾魔術師咁（見舊文《唔Ｘ保險佬就claim唔到》），果然係引領了一個新標準給魔術師見識見識。

魔術師後來轉投十字軍，貪佢唔計建築面積劃一收費上次裝潢保有未用完的積分，買家居保剛好可以儲夠分換多一張傷霧禮劵。不過 claim 隻Vacheron Constantin（江詩丹頓）Royal Eagle Chronograph 的修理費就只當成係無表面傷痕的 wear and tear，完全不受理：

當然喇，差唔夕成萬蚊的修理費，等於十字軍做幾單生意收來的保費了，梗係要搵啲藉口，可以唔賠就唔賠喇。點都好，修理完兼抹完油又打磨過，又真係有返８、９成新，物有所值也：

查實家居保呢樣嘢，好多保險公司都會提供保費首年折扣，如果唔怕煩同資料外洩，一年轉一次 insurer，一來可以慳返啲保費，又可以揀到合心意為止，都未嘗不可。好似今年咁，魔術師就試用美帝銀行代理，由「聖誕節」保險公司提供的家居保，首次認購可豁免４個月保費，在第３、６、９、１２月免收：

驟眼睇落去同一般家居保無乜分別，係套餐Ｂ係免墊底費：

當然，羊毛出在羊身上，保費一啲都唔便宜，如果無嗰４個月優惠，魔術師應該唔會考慮：

有趣的是，套餐Ｂ竟然連手機損壞都保，最高仲可以賠＄５,０００，係唔知難唔難受理啫：

一於試下網上申請，原來呢份家居保只接受美帝銀行信用卡付款，而且在「聖誕節」官網又見唔到同樣的保險，應該係保險公司為美帝銀行度身訂造。網上申請極度簡單，填好個人資料與及地址之後，系統就會 email 張保單過嚟，完全不經人手。
睇返份保單，原來手機的保障只會受理「accidental physical damage」，遺失被盜唔包了。照咁睇，跌爛爆 mon 都應該有得賠：

索償程序也很簡易，下載手機應用程式就可以搞定...但，如果部手機已「蒙難」，受到「accidental physical damage」，咁仲用唔用得手機應用程式去索償呢？

＊＊＊
伸延閱讀：
蘇黎世保險(香港)：家居財物保障
在黃Ｃ上司面前放閃
唔Ｘ保險佬就claim唔到
搬屋紀事（二）之保護銀包