裝潢都要靠父幹

小倆口大細路，男戶主要有大電腦檯以供打機，女戶主又要在特大梳妝枱，睡房仲要可以做到三邊落床，以防夜間工作嘈醒枕邊人，可以點搞（３６：５０開始）？

樓盤傳真 2017/02/04 2017/02/04 22:52

政府手持近 4000 公頃閒置土地，原來有兩成透過短期租約批出，每呎月租僅值 12.7 元。
公屋富戶政策收緊後，為私樓市場注入新一批購買力，屯門富健花園成受惠屋苑之一。
中海外鴨脷洲「南區．左岸」，廚房內有工作室，不能用作工人房，因為是走火通道，新環節「裝修解密」，講解裝修報價單陷阱。
新婚置業怎做預算？參考將軍澳慧安園設計例子，首期、雜費連裝修，總共花費 100 萬元。

記者妹先幫年輕夫婦打下數：上車盤要做到九成按，樓價要４００萬以下，即係４０萬首期。由於新樓見４００萬的單位少之又少，就算有都只會係劏房則，唔夠兩個 kidults 住，只有搵二手樓，於是加埋印花稅、經紀佣、劣師費等雜費又要成２０萬，即係要６０萬起跳。以為唔叫你拆哂成間屋的搵鎢絲 sir 做裝潢設計,最後又要幾多錢落樓呢？

千揀萬揀去到將軍澳慧安園，都只係得４１７呎。主人房要睡床三邊落床，結果就係睡房擺唔到衣櫃，並且用特大窗台變成特大梳妝枱，註定係男左女右咁訓。另一間房就用來擺衣櫃，電腦檯就放上窗台。第日生ＢＢ，ＢＢ床就縮埋一角。另外拆半幅廚房牆做鞋櫃，餐檯則似有若無。

睇完圖睇實物，其實張所謂的「特長梳妝枱」並唔係咁大，仲要連伸腳位都係，睇怕港女戶主都要坐在床上化妝（左上、右上）。留返俾男戶主打機的電腦景觀不錯（左下），第日生ＢＢ，ＢＢ床就在設計師指住的空間（右下），應該吸收埋唔少電腦無線上網的幅射，唔知會唔會變大頭ＢＢ：

話說男戶主屋企係做雲石生意，有父幹免費贊助，所以地板由廳到廚房到廁所都係由雲石鋪成（左上、右上），仲要懶有型咁用「人」字式鋪排（左中），夠哂美感，不過易唔易爛做真係唔知，同埋同個廳啲無厘頭掛畫好似唔係好配咁。廳中大櫃中空用來擺男戶主的玩具做 display，下方櫃門被梳化頂住，內藏換季衣衫和大型家電如羽絨和暖風機等，所以一年總要有幾次要拉開張梳化拎嘢，夠哂煩膠（右中）。屋頂用燈槽加盒仔燈照明，算係不過不失；不過分體機用百葉遮住就比較難清潔（左下）。男女戶主乃 kidult，唔使講都知係無飯夫婦，所以一係就係煮個麵在玻璃檯上吃，如果有朋友來訪就拉起摺檯招呼客人；講得好聽就係骨子，直話直說就係寒酸。

但既然係無飯夫婦，點解又整到個廚房咁鬼靚呢（左上）？廁所個窗對住隔離屋同天井，個鏡櫃反射得非常通透（右上）；雲石濕水無有怕，無論係地板定係淋浴間，牆壁地台都有唔同款式，搞到好似 show room 咁（左下、右下）：

記者話電腦房將來可以用來給男戶主同阿仔阿女親子打機（左上），又話透明膠椅好有 cyber feel。睡房用港女最愛的薰衣草牆紙（右上），梳妝枱之上擺隻豬唔知係咪可以當係鏡咁用（左下）。床頭又有燈槽作滲光照明，idea 唔錯，但如果要換光管要揭起塊玻璃就比較麻煩（右下），見舊文《燈槽上的玻璃》：

男戶主屋企的雲石店補貼了９萬大元，計埋裝潢費差唔多要６０萬，再加首期、雜費等，起碼要１００萬以上才可以結婚置業...不過，記者妹話男女戶主消費能力唔弱，男戶主仲有大量 figure 公仔要 display 云云...但係點解啲「消費能力」係去哂啲玩具化妝品同衣裝之上，而唔係儲多幾十萬做首期買間大啲嘅單位呢？

搵百幾萬結婚係唔容易，但如果好似游小三咁淨係要搵地方扑嘢應該唔難掛？

＊＊＊
伸延閱讀：
香港按揭證券有限公司：按揭保險計劃
燈槽上的玻璃