睇咗
1. Disney+：《幕府將軍（Shōgun）》第一季
《幕府將軍》雖橫掃影視大獎，但全片似是講多過做，陰謀詭計也未免太兒戲，睇《三國演義》、《水滸傳》仲刺激合理得多...但對洋腸來說，應該也足夠「說好鄉下故事」吧？
魔術師評分：75分（100分滿分）
2. Netflix：《大怪獸卡美拉：重生（GAMERA -Rebirth-）》
鄉下作孽太多，惹來一眾怪獸攻擊，好在得到一群滿是赤子之心的孩子，聯同其守護神烏龜怪獸卡美拉保疆衛土。最神奇的是片中的駐鄉下尾軍竟是正義之師，Netflix presents 當然要說好尾帝故事。3D動畫畫功沒話說，但故事脈絡似乎不能獨立成編，小孩救的小烏龜就是卡美拉？小烏龜不吃人，如何快速長大？最後一集出現的S-加歐斯又吃了什麼才快速長大？第一集的加歐斯明明未死，只是逃走了，為什麼又不再出現？奧鋰的原理是甚麼？財團如何維持十萬年？小孩為何跟卡美拉有精精聯繫（卡美拉被斬斷一手，小孩會感到疼痛）？全部無解釋，這些都算是「第二季伏線」嗎？
魔術師評分：70分（100分滿分）
3. Netflix：《69兩頭勾（6ixtynin9 the Series）》
網友無想兄多月前介紹，見個泰妹女主角都幾正，而且劇集本身只得6集，短小精悍易入口，姑且一試。本片屬瘋狂黑色喜劇，由人界到地府情節都有。最大的 bug 是16樓9號房明明無人住，大廈又有管理員，為何罪犯可以自出自入約交收賭金？吓吓撬門唔怕俾人見到？最離譜係最後一集，無緣無故聲援泰國黃人「學運示威」（舉三隻手指，refer 返傷巷黃人都有提及），跟本和劇情無關，純屬導演藉故宣示立場，屬扣分位。
魔術師評分：70分（基本）- 10分（黃人情節）＝60分（100分滿分）
4. Netflix：《地獄公使（Hellbound）》第二季
掙扎住重睇完第一季再睇第二季。因原本男主角劉亞仁官司纏身，本片竟然學《天蠶變》咁將男主角「換臉重生」，認真無言。本片其實係寫緊泡菜國超多的邪教，成班狂信者有如黑暴上身自稱執行神的旨意而「鶳」異見者，對「大台」（教主）話反就反...不過班狂信者仲癲到自行投身地獄之火燒到得棚骨都仲係咁 high，我城班黑暴與之相比真係差太遠；仲有，泡菜正苦要人民分為兩派「比較好管治」，唔通真係相信「愈亂愈好」？
魔術師評分：70分（100分滿分）
5. Disney+：《美國恐怖故事集（American Horror Stories）》第三季
《美國恐怖故事（American Horror Story)》衍生的單元劇集，本來以為第三季只有4集（見《積壓如山煲劇單（2024年1月）》），但第5-6集又再次悄沒聲的在 Disney+ 上架（又係同早前尾帝演藝人工會「大三罷」有關（見《積壓如山煲劇單（2024年3月）》、《積壓如山煲劇單（2024年6月）》），唔係有「繼續收看」的 Section 都唔會知。
魔術師評分：70分（100分滿分）
睇緊
1. Netflix：《格林童話變奏曲（The Grimm Variations）》
CLAMP 合作企劃動畫單元劇，畫功亮麗，可惜只有6集。雖然是黑暗風格，但與「格林童話原裝黑暗版」無任何關係，最多只屬於 inspired by 系列。
＊＊＊
將睇未睇
1. Disney+：《女巫阿嘉莎（Agatha All Along）》
Marval 劇集愈拍愈爛，今次休息咗多個月之後重新起步，隨時仲要人重溫佳作《WandaVision》，唔知有比較會唔會有傷害。都係留返連載完一次性睇哂。
2. Max：《企鵝人（The Penguin）》
華納 最近分拆了 串流平台 Max 引起魔術師注意，搞到本來唔會在 NOW TV 平台追劇的魔術師都不禁在 NOW 盒子啟動了 Max。且看今次 DC 劇又是否能貫徹其一向着重人物擂寫的黑間風格。
3. Apple TV+：《君主組織與神秘巨獸（Monarch: Legacy of Monsters）》
又係呢類見《XX宇宙》收得便無限伸延加油添醋的衍生劇。其實橋唔怕舊最緊要受，只要識見好就收，唔好愈寫愈過火同主線故事有犯駁就得。
4. Netflix：《W - 兩個世界（W）》
唔使講，都係睇妄民稱「顏值最顛峰時期」的韓孝周(同《Moving 超異能族》個樣都幾唔同，魔術師睇預告就覺得 Moving 時的韓孝周仲靚啲)。
5. Netflix：《諸神末日（Twilight of the Gods）》
估唔到 Zack Snyder 連動畫都玩埋，將玩到爛的題材「開新篇」，即管又睇吓好唔好睇。
6. Netflix:《星期三（Wednesday）》
魔術師第一季都未入坑，卻連第二季預告都出理，唔知幾時至有得睇，要諗吓等唔等埋一次過睇：
7. Now Studio：《末世列車（Snowpiercer）》 第4季
由黃黃哋反極權電影到相同宇宙觀的影集，首三季在 Netflix（60分，見《積壓如山煲劇單（2023年8月）》），第四季最終季在 NOW Studio，睇怕都係爛尾多。
8. Netflix:《Fubar》
久違了的大隻佬再現《幼稚園特警》式的動作喜劇，可以用來攝時間。
9. Netflix:《阿諾舒華辛力加：人生三部曲（Arnold）》
好多人鍾意史泰龍，貪其對 Rocky 和 Rambo 不離不棄，但魔術師就鍾意大隻佬多啲，雖然佢無乜演技但木口木面就係演技，而且無 set 死角色（Terminator 除外）戲路亦較史泰龍多變（起碼以史講嘢一舊舊咁，就好難做到喜劇效果）：
10. Disney＋：《天龍八部》
CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。
仲有大量動畫、舊劇、紀錄片，包括 Marvel 劇、《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》 等...未能盡錄。
＊＊＊
期待中
暫時無。
＊＊＊
無乜期待中
1. Netflix：《魷魚遊戲（Squid Game）》第二季
第一季已經係過譽，如果兩季完魔術師都可以俾個機會佢完埋佢好頭好尾。
2. Netflix：《殭屍校園（All of Us are Dead）》第一、二季
未入坑。如果兩季完魔術師都可以有時間就睇：
＊＊＊
最後貼上魔術師的 all time favoruites 影集/動畫/單元劇/紀錄片頭十名（僅限現時在 Netflix、Disney+、及 Amazon Prime 的非電影類片種)，排名分先後：
1. Netflix:《闇（Dark）》
三季完燒腦穿越神劇，無 bug。
魔術師評分：100分（100分滿分）
1. Netflix:《魔剎（Monster）》
漫畫改編之暗黑系動畫，分鏡出色。魔術師由錄影CCTVB直至買碟二刷，同先父一齊欣賞之動畫之二（另一套就係《銀河英雄傳說》）。
魔術師評分：100分（100分滿分）
1. Netflix:《今際之國的有栖（Alice in Borderland）》
兩季完求生劇，漫畫改編。淨係睇囡囡已能完勝。
魔術師評分：100分（100分滿分）
4. Netflix：《狂賭之淵（賭ケグルイ，Kakegurui – Compulsive Gambler）》真人版 第一、二季
睇多啲濱邊美波就要睇呢套劇！顧名思義本片為漫畫真人化劇集，一眾動漫造型的「鄉下妹」上半身給你一式一樣的校服誘惑、下半身就有各式短裙仔裸足或黑絲化身賭神賭聖賭俠任君選擇，當然還少不了每次美波賭身家時的高潮樣（仲要係從不出千），與及一眾「旁白」配角的誇張對白和表情、賭局中主人翁內心戲的場景切換只會令魔術師愈看愈興奮（！），看完只能說句「鄉下妹」顏值真係無得輸，怪唔之得泡菜妹要以整型才可挽回一局。
魔術師評分：95分（100分滿分）
5. 《紙房子（Money Heist）》
知名西班牙「神劇」，五季完。雖然講到教授幾咁算無遺策，但其中靠不可預測的巧合及符碌的情況亦唔少，真係「好運好過好波」；要睇不如睇女督察（後稱里斯本(Lisbon)）的英姿、奈洛比（Nairobi）的「人事管理技巧」；及東京（Toyko）的西口西面。
魔術師評分：90分（100分滿分）
5. 《新世紀福爾摩斯（Sherlock）》
魔術師最鍾意 attention to details！
|
| （圖片來源：BBC iPlayer: Sherlock, captured on 26 Aug 2023） |
魔術師評分：90分（100分滿分）
5. Amazon Prime Video：《刺客旅館：捍衛任務世界（The Continental: From the World of John Wick）》
《殺神（John Wick）》衍生前傳劇集，講大陸飯店經理 Winston（Colin Woodell 飾）的前半生。酒店接待沙隆（Charon）讚以青年身份出現。有 John Wick 式打鬥，係幾爽幾好睇。本片仲有 Mel Gibson 參加演出。
魔術師評分：90分（100分滿分）
5. Disney+ :《Moving 超異能族》
韓孝周在本片的知性型後生至中女形象（副眼鏡幫咗大忙，做了眼鏡娘直程唔同咗樣），實在太正！
魔術師評分： 90分（100分滿分）
9. Netflix：《冥王（Pluto）》
浦澤直樹又一力作，喜歡《魔剎（Monster）》的觀眾不容錯過。劇情改編自手塚治虫的《小飛俠》篇章《地上最強的機械人》，所以有不少手塚治虫的「童真」feel，跟浦澤直樹的暗黑風有少許錯配，而且結局解畫有啲牽強，個人覺的得稍不及《魔剎》和《二十世紀少年》。故事起源於一個似曾相識的背景：中亞國家波斯王國被某自稱世界警察的國家指控藏有大殺傷力機械人，聯合國調查團發現本無此事，但戰爭經已開打，引伸出不少愛恨復仇，人類和機械人（人工智能）的包客與矛盾的故事。
魔術師評分：85分（100分滿分）
9. Netflix：《The 8 Show》
大橋類似《饑餓鬥室(El hoyo/ The Platform）》的貧富懸殊、社會階層欺壓、為金錢出賣人性、直至最底層的人發出絕望的怒吼（同時也暗示了網紅靠出位嘩眾取寵表演（飲酒飲到死？）賺打賞的畸形制度）。本片好睇過《魷魚（The Squid Game）》。 看來泡菜人民真係好壓抑，才經常有呢類的劇集、網漫流行起來。
另外，本片配樂用心（包括曾在《銀英傳》中採用過的配樂、華格納 Wagner《Ride of the Valkyries（女武神的飛行）》），值得加分。
魔術師評分：85分（基本）＋5分（配樂）＝90分（100分滿分）
11. Disney+:《美國恐佈故事（American Horry Story）》第一至十三季
季度單元故事，共用相同或類似的世界觀，追看無難度。本來係幾好睇的劇集（魔術師個人喜歡 Season 2《Asylum》、Season 1《Murder House》＋Season 3《Coven》＝Season 8《Apocalypse》），但愈拍愈頹，由第10季開始覺得有啲無厘頭，故事亦開始唔吸引，無乜新意和追看性，加上元祖演員全數退場，無哂癮，追看下去也只是情意結而已。
魔術師評分：（第1至13季平均)80分（100分滿分）
11. Netflix: 《少年法庭（Juvenile Justice）》
呢套係少有可以叫魔術師有心機追落去的韓片，有時仲深宵播放一晚追睇兩集：是關女主角的價值觀啱哂魔術師：年輕唔係大晒，對於窮兇極惡的少年犯，一定要嚴懲，否則佢地只會嘲笑法律的無能。不過，本片結局有啲不太合理，太過正能量：以結局案件的有青之殘忍性格，無可能只在女主手臂上刺一刀，而唔係割喉棄屍；肥婆部長亦不可能在庭上為其慣性草率結案而影響的受害人公開道歉吧！
魔術師評分：80分（100分滿分）
11. Disney+: 《解碼追兇（Signal）》
金憓秀實在太迷人，估唔到當時48歲的女主在過去時間線做20歲出頭的新紮師妹毫無違和感。本劇在逆轉時間線的劇本尚算講得通，但本來應該是正義化身的「電波刑警」卻有不少徇私、鶳之舉，加上個結局為了鋪下一季（結果唔成事）而寫爛咗個尾，美中不足。
魔術師評分：80分（100分滿分）
11. Netflix：《Happiness》
雖然話係喪屍劇，但係沒有一般喪屍片的壓迫感，似乎係影射新冠時泡菜政府對疫情的處理多啲。描寫人性醜惡就寫得幾「透徹」，反派角色又奸又蠢。劇情有些許 bugs，美中不足。好在有韓孝周支撐場面。
魔術師評分： 80分（100分滿分）
11. Amazon Prime Video：《死期將至（Death's Game）》
泡菜仔大學畢業後 7 年都搵唔到嘢做，投資被人呃錢，無錢交租被逼走，又自卑感作祟受靚靚女朋友（又係《超異能族 Moving》的金允貞飾演）接濟食軟飯，要自殺不特止（泡菜國的自殺率滿高的），還要將死亡看成是「低等手段」，結果便要被死神罰死完又死...當中當然又穿插了主角「間接被逼自殺」的前因後果、愛情線和親情線等。最弊就係復仇線有 bug，即使主角具有多個人世的記憶都不等於有能力去做哂呢啲人做到的事也。
魔術師評分： 80分（100分滿分）
其他：《黑鏡（Black Mirror）》：因單元故事，表現飄忽，魔術師暫不評分。
＊＊＊
伸延閱讀：
信報 2024年11月19日
華納Max今登陸香港 挑戰Netflix
華納兄弟探索（Warner Bros. Discovery）今日（19日）正式在香港、台灣、印尼、新加坡等亞洲市場推出串流服務Max，稍後會陸續在日本、澳洲等地登場，預料可在2029年前每年為公司帶來超過6億美元（約46.8億港元）的收入。
冀2029前亞洲年收入47億
今年較早時已打入歐洲市場的Max，沒有跟隨同業在本地化內容上投入大量資金以吸引新用戶，而是利用本身已有的荷里活大片如《哈利波特》（Harry Potter），以及《老友記》（Friends）等人氣電影和電視節目作招徠，跟率先進軍亞洲的兩大對手Netflix及迪士尼競爭。
華納兄弟高層認為，Max進軍亞洲是帶動用戶增長的機會，儘管亞洲市場的每用戶收入將比美國或歐洲為低，惟用戶增長最終可轉化為推動廣告收入的力量。華納兄弟全球串流媒體和遊戲行政總裁JB Perrette在訪問中表示，Max現時才登陸亞洲市場反而有優勢，因為美國兩大對手已浪費很多資源，與區內業界製作的優秀本地內容競爭，而華納決定採取非常不同的方法。
該公司亞太區總裁James Gibbons說，Max第一階段增長將來自與本地串流平台和電訊營運商的合作。Max將在日本和紐西蘭的本地串流服務上播放，部分亞洲市場以綑綁銷售方式提供，如Max在美國與Disney+和Hulu綑綁銷售一樣。
沒有留言:
張貼留言