CCTVB 點算好？黃營話你藍，藍營話你黃，做《黑白大廚》又無 budget，唔通真係做獎門人獎足20年？
撰文：洪曉璇出版：2024-11-08 12:32更新：2024-11-08 16:13
11月是TVB台慶月，之前陸續其事宣布劇集及重頭綜藝節目陣容，其中《戰場上》主持人黎芷珊與攝製隊，走進當今世界戰火最激烈的兩大戰場烏克蘭及以色列，播出後引起偏頗爭議，更疑正式被腰斬改由王祖藍節目頂上，而黎芷珊原定周末出席活動亦宣告取消。
《戰場上》的宣傳片以兩大問題「點解要殺戮」及「點解要打仗」為主題，節目主持黎芷珊，到了當今世界戰火最激烈的兩個戰場—烏克蘭以色列，走遍一個又一個昔日曾遭受戰火洗禮的大城小鎮，悼念在戰爭中無辜喪生的普通市民、同時用心聆聽戰火倖存者的遭遇及與戰爭有關的故事。在以色列及巴勒斯坦，無辜的人民每天都要面對突如其來的戰火，自身或身邊親友被殺死或襲擊的危機；烏克蘭每日每人都有親友因戰爭或傷或死，每一天也有原本不應該有的葬禮舉行。芷珊在宣傳片中感觸謂：「從未試過一個拍攝旅程，面對咁多死亡同摧毁，慶幸嘅係摧毁唔到嘅係人嘅意志同希望。」
節目播出後，引起Facebook群組Save HK（救救香港）多名網民發帖投訴指節目內容的立場偏頗烏克蘭。（Facebook圖片） 原定一連10集節目，由11月4日起逢周一至五晚10時30分翡翠台播映。播出兩集後， facebook群組Save HK（救救香港）有多名網民發文表達不滿，稱節目單方面拍攝烏克蘭情况，未有提及俄羅斯一方，質疑有偏頗。myTV SUPER及官方網站在已搜索不到《戰場上》，因美國總統大選有結果，原本播《戰場上》的時段6號及7號晚改播《特朗普重掌白宮》特輯，至於下周一（11月11日）晚，同時段改播王祖藍主持的《一條麻甩在汕頭》。
《戰場上》正式消失，TVB及黎芷珊都仍未有作出回應，原定11月9日星期六，黎芷珊與鄭秀文出席無國界醫生(香港)展覽 《救援在前·30年》開幕禮，但11月8日零晨12時，主辦方宣布開幕禮取消，未知是否避談《戰場上》被腰斬一事。
魔術師未能找到《煎腸上》的片段，只能看沖先生的評論吃二手飯，睇吓所謂內容偏頗是怎樣的一回事：
＊＊＊
魔術師同意節目要同觀眾分析戰爭的成因，否則只係以一股煽情腔調講「戰爭好慘」而唔講其深層成因，未免流於膚淺。至於主持或拱稿人有無咁嘅分析國際局勢嘅能力（照計問 AI 都得，觀眾又是否夠質素去接收，那就是另一回事。
魔術師唔同意嘅係，講戰爭成因，去做「戰地訪問」，實在毋需要等戰爭打完，知道誰勝誰負才講的 - 除非係要就住「歷史係由勝利者所書」的觀點出發去講吧。
至於「總結戰爭」，照計正常人都唔會在一件事未完之前做「總結」，魔術師無睇過原片「總結」了些甚麼，不知所指為何，難以評論。
另外，對訪談節目來說，本來就是以受訪者的角度去說故事（毒果的「新聞報道」亦是「由人出發」說故事，特別「好睇」，容易洗腦），不中立是必然的。又或者說，既然呢個節目唔係嚴肅的新聞報道或者是紀錄片，如果以娛樂（頂多是「軟性新聞」）的角度去睇，本來就不應預期係一個「中立」報道喎！
呢句話國家無站邊，魔術師又唔同意了。Grandpa 雖然無直接講出嚟幫俄妹，但經常提及跟俄妹的「友好關係」，「傾向」幫邊個實在是「呼之欲出」 - 而 CCTVB 疑似係刻意跟國家立場唱反調，所以才給妄民扣上「黃司」的帽子吧。如果國家無立場，作為一家私營機構，走去某一戰亂中國家做一些軟性探訪又有什麼問題呢？如果同樣的節目出現在「官台」才是大有問題吧（國家無立場，你有立場是問題；與國家立場完全相反，作為「官台」就更有問題）。
可以咁講，即使國家是「傾向」俄妹的，CCTVB 跟國家意見相反未必有問題；但 CCTVB 收受「烏妹」「贊助」，又唔寫明「擇廉司機特約」，以為側側膊唔多覺便可瞞天過海，呢個就係問題。
承上，以訪談形式將主觀（個人記憶的慘況）與客觀（戰爭殘酷，平民是犧牲品，《哥斯拉》就是成功 twist）混合，皆在「說故事」，又實在唔需要去驗證某老人對戰火的細緻記憶有無講錯或誇大，只要能夠帶出戰爭殘酷的畫面就達到節目所需 - 突顯俄妹係「壞人」。
魔術師的理解係，烏妹與俄妹之間的「鬥爭」，烏妹就如鴨子划水一樣，外界係「睇唔到」的（見《摩摩新聞台之烏妹通識》）；而俄妹「先出手打人就係你唔啱」，加上俄妹是軍事大國，普京大帝揚言速戰速決，短時間拿下烏妹，「以強凌弱」個畫面實在唔好睇。仲有就係烏妹親西方，西方傳霉當然幫手遮得就遮，大做文宣賣慘，CCTVB 以 layman 角度切入，又點會唔將只有俄妹才是壞人咁呢！
照計《煎腸上》係台慶劇，無理由可以偷到雞黃扮藍出街，所以話遭「有心人」利用做文宣，又似乎好難說得通（牽頭拉線搞「唔出名特約質助」的「中間人」係邊個？）。魔術師就唔知點解 CCTVB 唔搵新聞部做比較專業的專題報道（唔夠資源？無人敢去？），可能真係做慣咗《慌張》咁嘅既定形式，見又有「接頭人」便去做，連「自我正字審查」的 sense 都無呢！
最後，黎小姐是否黃人，是要睇佢以個人身份的一貫言行，而唔係單就個別節目的主持風格嚟講。當然，如果個節目係明目張膽反正苦、煽惑群眾之類就另作別論（所以毒果與臘腸妓者就係黃人，不能將「工作」抽離來看）。
＊＊＊
伸延閱讀：
既然對「BURNT ALIVE IN ODESSA」無動於中，咁就唔好攪咩「戰場上」。華裔單方面嘅悲天憫人加上東張篩望式煽情表演，好難頂。
回覆刪除WILL