消費降級，當戶主自己動手 DIY（都係為咗「小朋友」），唔使靠「好好搵」的切雞C（水電都慳返）。好在唔係人人都係咁做，如果唔係又會推高裝修行業的失業率了（00:12 - 08:12）。
主持話業主主動聯絡電視台，話要開心 share DIY 裝修經驗。屋主兩夫婦、兩個「小朋友」、一位工人姐姐，385呎間出三房，可以點玩法？28Hse 特約：家家有求 2025年 第34集 2025-8-24
買入新居屋的業主靠自己親力親為裝修單短，向觀眾弟享經驗。實測家用版閉路電視，監控鏡頭可以有多種可能性。定期觀察爐頭火焰，有異樣就要打開清潔，勤加保養。
唔好以為戶主 cheap cheap 地只能買間300幾呎的居屋，人哋可以話係去慣旅行住慣酒店，將日式、西式（都係鄉下式）酒店風抄埋一碟，以木系加金屬邊格調貫穿全屋，加上長虹玻璃、燈帶等，追求酒店元素之餘亦不太浮誇：
工人房極度狹窄，附設吊櫃給工人姐姐放私人物品（左上）；另外在主人房櫃偷位，疑似可以同主人房 share 一隻窗（右上，左中）。工人房用上風扇燈，可較明暗、風速，變相鼓勵工人姐姐唔好開冷氣，吹風扇就夠（右中、左下、右下）。
戶主跟在內地有廠房的傢俬鋪下單（我城那間傢俬鋪唔係搵大陸廠做？），先確認圖則（誰負責繪畫？），然後7至10日便有雛形。廠商會拍照給戶主，戶可以再修改，然後20至30天起貨，戶主簽字確認後，廠商便將成品運到我城，強調用傷巷師傅安裝，並無聘請黑工。而家電都係北上消費，在我城睇啱型號後，再在內地網站訂購，一於內捲到傷巷；但就唔怕內地版未通機電署評測，一旦有意外保險唔賠？
主人房地台由一般的40cm增加至50cm深，增加儲物量（左上、右上、左中）。戶主囝囝自幼稚園以來就獲獎無數，依家8歲又學跆拳道、足球，囝囝亦要大量收納空間為囝囝儲存各種裝備，所以囝囝基本上係俾櫃圍繞住來訓（右中、左下、右下）：
戶主話在舊屋時門口鞋櫃係直角櫃，會阻住搬運其他傢俬，於是今次就將門口鞋櫃切去兩隻角（左上、右上）。戶主學埋啲切雞C咁整色整水，加燈帶、鏡鋼（左中），電視機伸延出少少鋪上雲石面，可以當成係座位招呼朋友（右中）。電視櫃側設計成層架放戶主囝囝贏返嚟嘅獎盃，加上玻璃櫃門一齊親子欣賞，威人威威不是威（左下、右下）：
戶主話次所的無縫石洗手盤，我城賣成7、8千元我城貨幣，但北上消費就只係賣2千多人仔，於是在內地訂貨再「搵人」安裝（唔知係唔係黑工），慳返唔少（左上、右上、左中）。節目開始時提及想增加收納空間（但走廊門右手邊的櫃有尖角，易墥親，右中），講咗；但因為鍾意煮飯仔而改善廚房（左下、右下），就無提到了。
＊＊＊
精華版如下：
完全版如下：
//另外在主人房櫃偷位，疑似可以同主人房 share 一隻窗
回覆刪除兩公婆鐘意些牙半夜啲聲俾工人姐姐聽咁刺激？
//工人房極度狹窄
倭國風應該就喺呢度，好似俾叮噹瞓嘅櫃咁
//強調用傷巷師傅安裝，並無聘請黑工。
佢點check人地喺唔喺黑工，真喺問攞身份證？
//抄埋一碟，以木系加金屬邊格調貫穿全屋，加上長虹玻璃
唔明點解嗰櫃門要用半透明嘅玻璃，仲要喺無啦啦得一個，空間唔大就唔好搞得咁細碎--搞到啲櫃咁明顯已經成屋都喺櫃, 而且啲櫃嘅形狀大小都唔夾好似好亂咁..
//電視機伸延出少少鋪上雲石面，可以當成係座位招呼朋友
屈喺個門嗰度，倒不如放啲坐墊坐地下。
//戶主囝囝自幼稚園以來就獲獎無數，依家8歲又學跆拳道、足球，
精力充沛嘅囝囝房一面大半透明玻璃，再過多幾年想打吓丁丁都冇得諗XD
//但因為鍾意煮飯仔而改善廚房（左下、右下），就無提到了
仲有睇咗幾次都唔知呢一家人喺邊度食飯---枱&櫈都冇
其實呢啲細嘅單位最好真喺搵吓啲切雞C，始終人哋夠經驗點去偷位偷得好睇，大啲嘅屋我覺得反而可以自己玩吓。
//兩公婆鐘意些牙半夜啲聲俾工人姐姐聽
刪除間主人房應該細到「無空間扑嘢」。
//倭國風應該就喺呢度，好似俾叮噹瞓嘅櫃咁
記得鎢絲 sir 都 design 過類似的。
//佢點check人地喺唔喺黑工
因為係「傷巷師傅」識講我城方言。
//再過多幾年想打吓丁丁都冇得諗
咁先夠「純潔」。
//枱&櫈都冇
又係喎！
//大啲嘅屋我覺得反而可以自己玩吓
住得起大屋，當然就要搵個切雞C，顯示自己有錢。