撰文：許湖洪 出版：2025-09-22 12:27 更新：2025-09-22 14:17
【颱風／樺加沙／街市／打風】超強颱風樺加沙來襲，天文台預計周二（23日）掛8號風球。為了應對打風﹐不少市民今日（22日）已超前部署購備糧食，準備好未來兩三天「迎戰」樺加沙。九龍城一間超市門外擺滿「買餸車陣」，超市內迫滿人潮、準備數天都足不出戶的盧婆婆，帶同菲傭姐姐到超市買餸。
天文台會在今日（22日）中午將發一號戒備信號。隨著樺加沙逐漸靠近，預計明日（9月23日）風勢將逐漸增強，稍後天氣急速轉壞。「收到風」的普羅市民，早早「超前部署」購備糧食，準備好未來兩三天「迎戰」樺加沙。《香港01》星期一早上近10時九龍城街市及附近一帶，直擊市民搶購「囤」過程。
超市門外買餸車陣 市民：貴幾多就幾多
其中在九龍城一間超市門外擺滿「買餸車陣」，超市內迫滿人潮、以工人姐姐居多，不少人按僱主Order「大量入貨」後，再將餸菜放進門外「車仔」一氣呵成。
「打風無得食吖嘛屋企！」、「啲菜好似唔使錢咁（買）、好貴啊！」準備「落雨濕濕」數天都足不出戶的盧婆婆，帶同菲傭姐姐到超市既買菜魚，她指大約買近400多元，差不多買滿一架車仔。「菜同魚乜嘢都買啲囉，乜都貴咗係真嘅」，「比平時貴咗好多」，不過她續指貴多少也「幾多就幾多喇，你又要食就是但啦！」
雖食物貴了，但她堅持再買公仔麵之類囤在家中，預備隨後與菲傭姐姐兩主僕一起「迎戰」樺加沙。
最後被請教怎買才可「襟擺」？盧婆婆雖說「幾十歲人、揀啱食留得就夠」沒可教，但仍願教精記者一招，稱買菜要揀「如菜花等無濕過水、乾身嘅菜就留得」。
囤掃餸菜 市民：仲未夠㗎、見到咩就買！
另一位在街市左右肩滿載餸菜的麥女士，家中有六七口人，為「防止打風，買唔到出唔到嚟呀」，現時盡力「囤掃」，預計買數百元都未停止，「仲未夠㗎，見到咩就買啲」、「賣得幾多得幾多！」她形容街市貨物已經被人搶到「差唔多」，即使貴也不會理會價錢。
未己與記者訪問中途，麥女士雙腳急急忙已迅速問肉檔夥計，「咁快賣晒喇你？」她其後開口要買80元的豬骨準備煲湯，稱讓家人打風時可嘆碗「靚湯」。
肉檔人龍排至馬路 市民：基本要食
另外，在九龍城街市外的一間肉檔，更排滿長人龍，有讀者報料稱未曾見過這個鐘數肉檔會排滿人、指肉檔「牛肉出名新鮮啲」故多人。
不過大部分購買的都是菲傭，其中排前位、親力親為的王小姐指因應打風部署買餸，更直言肉類都是「基本要食」，所以購買未來兩三日的份量。
1. 普羅市民，早早「超前部署」購備糧食，準備好未來兩三天「迎戰」樺加沙。...她其後開口要買80元的豬骨準備煲湯，稱讓家人打風時可嘆碗「靚湯」。
諗諗吓都唔好笑班傷民又嚟盲搶X - 畢竟一晚8號波，食羣照開，8號波照樣出去玩的傷民一樣會出去幫襯；真正「斷糧」的情況只會在9號、10號發生，即係今次大約要攤一日半至兩日，四餐左右。街坊們「盲搶餸」，睇嚟都包含了唔少媽媽級傷民為了煮個靚飯俾「成日出街食」的仔女食的「行為藝術」也。
＊＊＊
樺加沙｜打工仔湧天文台fb批8號風球太遲：玩謝市民 促即做1件事
撰文：布萊恩 出版：2025-09-22 17:05 更新：2025-09-22 18:52
【颱風消息／樺加沙／8號風球／天文台／天氣消息／打風／颱風香港／颱風消息／HKO】超強颱風樺加沙逼近香港，天文台預告，考慮在星期二（9月23日）下午1時至4時改發8號風球，又預告星期二稍後天氣開始急速轉壞。
雖然天文台提早1天預告發8號風球時間範圍，有大批打工仔、網民不滿，湧到天文台facebook指摘發8號風球時間，認為是「玩謝市民」，「要掛就朝早掛啦低能，明知個風勁，又要全港市民頻撲返工收工」、「1pm-4pm改8號，又要逼地鐵逼巴士逼小巴，果然係超前部署喎」、「就係要玩半日，跟住一齊塞車，天文台勁」。另有網民促請天文台講清楚發8號風球時間，「可唔可以講實幾時幾分掛8號？謝」。
但有不少網民為天文台護航，反駁「原來唔用科學數據，而用市民返放工時間去決定8號風球㗎咩？交通工具一定會加密班次。佢原本掛8號時間已經提早咗㗎啦，有得放半日，知足啲啦」。
超強颱風樺加沙來勢洶洶，天文台表示，按照現時預測，樺加沙會在今日橫過呂宋海峽並進入南海北部，隨着樺加沙靠近廣東沿岸，本港風勢將逐漸增強，天文台會在今晚9時40分改發三號強風信號。天文台又預料，本港明日（9月23日）稍後天氣開始急速轉壞，天文台會考慮在明日下午1時至4時改發八號烈風或暴風信號；星期三（9月24日）天氣持續惡劣，吹烈風至暴風，離岸及高地可能達颶風，有頻密狂風大驟雨及雷暴，海有非常巨浪及湧浪。打工仔湧天文台fb鬧爆發8號風球時間
天文台最快明日下午才改發8號風球，意味一眾打工仔至少要上班半天，大批打工仔、網民不滿屆時可能又「逼車」收工，湧到天文台facebook批評「玩謝市民」，「明天該一早掛8號，大家可以做足防風措施」、「要掛就朝早掛啦低能，明知個風勁，又要全港市民頻撲返工收工」、「超前部署你識唔識？」、「其實有人返工要個半鐘通勤，有啲公司掛完8號先畀人返屋企，返屋企嗰陣已經俾風吹走咗啦」、「1pm-4pm改8號，又要逼地鐵逼巴士逼小巴，果然係超前部署喎」、「1-4pm，我驚收工個風到咗我都未迫到車返屋企」、「咁危險嘅風，仲喺度玩算死草，實時報道風力要夠晒先掛嘅根本無意義，預測好避開危險才有用！」、「就係要玩半日，跟住一齊塞車，天文台勁」、「下午先掛玩死打工仔咩」。
掀兩派罵戰：用市民返放工時間決定8號風球？
不過也有網民為天文台護航，反駁「咁聽朝嘅風力有冇8號風球嘅標準先得㗎？」、「原來唔用科學數據，而用市民返放工時間去決定8號風球㗎咩？」、「咁你可以同老細反映，做咩要天文台就你公司」、「交通工具一定會加密班次。佢原本掛8號時間已經提早咗㗎啦，有得放半日，知足啲啦」、「中立啲講 ，聽朝又應該真係未到8號波標準嘅，但可唔可以唔使下下要天文台掛8號，政府自己宣布停工停課得唔得？」。
促天文台講清楚發8號風球時間
亦有網民建議天文台講清楚發8號風球時間，「可唔可以講實幾時幾分掛8號？謝」。
2. 大批打工仔、網民不滿屆時可能又「逼車」收工，湧到天文台facebook批評「玩謝市民」
打工仔真係惡過乜。天文台掛幾多號風球自有其客觀標準，按道理唔需要考慮班刁民返工放工會唔會好唔方便，成日為風球生效的時點而俾人鬧實在唔公平。
其實班刁民咁多嘢講，重點係逼車塞車浪費時間，呢方而梗係可以由交通基建、與及勞資雙方對惡劣天氣下返放工的安排着手，軟（件）硬（件）兼施一定可以解決到問題。現屆政府經常以父母官心態定位，呢啲關乎廣大打工仔「幸福感」的政策，理應積極落實、超前部署至啱，無理由要天文台負埋啲唔應該係佢哋負的責任㗎。
＊＊＊
今次打風前超前報導，各界如臨大敵，碌 FB 就發現多咗好多「忽然天氣專家」：
又見到多咗唔少收留流浪動物的帖：
最神奇的就係呢句「天佑灣灣」 - 表面上魔術師以為係灣民會因「颱風打唔中灣灣，卻直奔中、巷、噢」而幸災樂禍，但黃人樓主卻說「傷民可以好 mean」。究竟「天佑灣灣」mean 在哪裡？魔術師完全木宰羊（反而即時想起的就是在大尾帝主義電影《天煞：地球反擊戰（Independence Day）》中，尾國總統帶領民眾反攻外星人時，激勵民心的講話最後以「God Bless America」完結，帶有視死如歸之意）。
沒有留言:
張貼留言