1. Popo 都有微短劇
呢一篇起咗稿好耐，只能算是遲到好過無到。早前見到 Popo 有廣告，原來趁內地微短劇熱潮，Popo 都來個自家版，繼《守城》系列後又一「力作」。估唔到 Popo 在正苦中竟然是對新霉體都算是多嘗試的部門（不過搵王浩信做教官好似差啲卡士，如果係苗橋偉就 perfect 嘞）：
2. 回佣
女主角：買這個單位吧！
男主角：等等
買一手樓前
要看清楚售樓說明書、價單及銷售安排
熒幕蓋字：售樓說明書
價單
銷售安排
男主角：留意按揭條款及總開支
熒幕蓋字：按揭費用
印花稅
律師費
男主角：評估負擔能力
男主角：口頭承諾不可信
要以書面確認
熒幕蓋字：口頭承諾
書面確認
男主角：簽訂臨時買賣合約五個工作天內
熒幕蓋字：5個工作天內
男主角：記得簽買賣合約
熒幕蓋字：買賣合約
女主角：否則
樓價百分之五的訂金會被沒收
熒幕蓋字：樓價5%訂金
齊聲：到一手住宅物業銷售監管局的網頁了解更多
所謂「口頭承諾不可信 要以書面確認」，明顯就係講緊買一手樓經紀回佣的「業界慣例（陋習）」。照計商業社會收取或提供回佣已經很有賄賂犯法之嫌，唔知點解買賣一手樓就有呢類「慣例」，而正苦仲「隻眼開隻眼閉」，連「買一手樓知識」的廣告對白都要提一提。好，就算唔犯法，不同程度的經紀回佣其實就已經令買賣樓價失去透明度（效果同地產霸提供的各種回贈一樣），變成田土廳一個價，實際成交又另一個價，咁又算唔算內地大力打擊的「陰陽含同」？
3. 明騙
唔知係咪魔術師平時都睇得多投資有關的帖文，邪惡的演算法就成日推埋呢啲一眼就睇出係假嘢嘅廣告來引人 click 入去：
|
| （FB 截圖） |
大佬，點解「富途牛牛」呢間都算「有名有姓」的劵商，竟然會盜用「好友日報」的圖呀？仲連 logo 都唔抹。又咩「銅板價」，英文灣灣譯？究竟騙徒祈望咩嘢人會中招（身懷幾千萬可以被人呃的內地大學生）？
＊＊＊
伸延閱讀：
//又咩「銅板價」
回覆刪除仲有"靠呢次了咩"，"該點買"，唔三唔四嘅我城話，可能喺AI做出嚟，最近喺xhs睇咗啲用sora2做嘅AI視頻，普通話OK但喺廣東話全部都唔得，好搞笑
係喎，睇嚟電騙集團都係懶得就懶，份稿搵 AI 寫算，一啲誠意都無。
刪除絕對有理由相信差佬既PR部門係全正苦批Budget最疏爽既單位之一(國安個D唔公開就唔算)，因為2019一役佢地太急需要重建形象了，似乎又做得唔錯，「提子」呢類都做得幾深入民心
回覆刪除森
仲有「依托咪酯 食咗變喪屍 死咗無人知」都好呀！
刪除美中不足是始終唔敢將依托咪酯 「正式污名化」做「喪屍油」...
刪除《警聲百二秒》都做得幾好，主持人伊人好生鬼（現實警務人員在劇中著警服時膊頭係顯示真實官階，伊人原來真係一條柴都無只是警員）
防騙視伏app亦難得揾到國貨城、宇宙GEM同Twins宣傳
//依托咪酯 食咗變喪屍
刪除呢個正! 好有70、80年代，叫人唔好吸毒嗰一系列廣告
WILL
//唔敢將依托咪酯 「正式污名化」做「喪屍油」
刪除我又唔多覺得用個「表象」來做個用來宣傳的名，呢類通俗嘅「藥名」通常以功能去命名，所以會有「太空油」去美化（另外例子有「安眠藥」、「偉哥」等）。畢竟如果第日有另一隻真係食咗之後行為更加似喪屍的藥就幾頭痕。
/叫人唔好吸毒嗰一系列廣告
今次個廣告主角造型無得頂，遲啲寫。