一至二人飯局（2026年8至9月）

1. Nonna（屯門）

這天相約靚姐姐交收兔仔手錶同埋電子畫框（見《開箱驗貨與（暫時）不能拆的禮物》），然後食衰飯。本來諗住去黃金海岸食「法國餐廳」，點知消費降級，菜牌已茶餐廳化，仲要叫乜無乜，茶餐廳化的餐牌都唔係坐部有得提供；唯有轉場到不遠處呢間叫 Nonna 的餐廳：

(圖片來源：Openrice > 餐廳 > 香港 > 屯門 > Nonna, captured on 19 Sep 2026)

今次呢間就無伏，無論間內定室外環境都好，服務亦周到（對服務員要講英文）：

餐單已忘記，總之有湯有主菜有飲品連加一，兩個人埋單＄870，算係唔錯嘅選擇。

＊＊＊

2. 松屋

屯門市中心呢間松屋，開在以前渣打同埋髮棧個位都一段時間。最初開張時真係排大隊，過咗都有好幾個月（有無一年？），到依家門外都仲有圍欄。魔術師見菜牌都係連鎖店式牛肉飯定食，快餐類，唔明點解要排嗮隊。

(圖片來源：Openrice > 餐廳 > 香港 > 屯門 > 松屋, captured on 19 Sep 2026)

由於唔知傷民是否有「排隊病」，今次就專登一個人去試吓：

叫咗個生薑燒牛肉飯定食（＄69），沙律菜轉食著蓉沙律加$5，白飯轉西蘭花加＄15（呢個真心比較貴），俾錢＄89，食落都 okay 嘅，但要自己捧餐（十足去咗大XX，咁就唔使加一）。計返如果加自助飲品吧＄15，要成百幾蚊。差唔多價錢，如果行多幾步去食和民，食貴少少（要俾加一），又好似好啲。咁松屋又好似唔係太抵食，唔明點解咁多人幫襯。

＊＊＊

3. 麥當勞（屯門遇廣場II）

作為芒果控，近期的開心大發現就是 McCafe 有期限限定提供的芒果特飲，當係飯後甜品真係一流（由於無理由帶靚姐姐食麥當當，所以就容許魔術師獨食自肥）。記住係只有 McCafe 才會提供，屯門市中心就要去以前靠得住個位的麥當當（地下鋪），而唔係屯門時代廣場（2樓）的樓上鋪：

而且呢，記住落單時用麥當當 App 的 Coupon，可以慳＄3，原價＄38減到＄35：

如果用大貓 RED card 俾錢，仲可以用 Reward+ 儲印花，一個月內儲夠4個印花可以回贈20蚊獎賞錢，真係不用白不用。

＊＊＊

伸延閱讀：

開箱驗貨與（暫時）不能拆的禮物