積壓如山煲劇單（2026年9月）

睇咗 

1. Disney＋：《殺人者的購物中心（A Shop for Killers)》第二季

上個月睇咗第一季（見《積壓如山煲劇單（2026年8月）》，今個月就繼續煲埋第二季，發現原來每季8集，其實拼返埋就係一套典型16集泡菜劇。第二季除了將重心轉移至女主角的真正談情說愛（上一季都未同條仔發展已識破佢係壞人）之外，仲將「世界觀」伸延至殺手組織的日本分部。第一季有啲驚喜係因為某些人的戰力係估唔到咁強，今季卻又因為要引入「鄉下分部」而將眾人戰力再調較一次（龍珠式硬要下一袋成長不成？），加上鬥智方面亦無上一季的驚喜，甚至乎主角群有不少低智行動，到最尾的群戲及新加入的高手，還有忽然出現的臥底都令劇情完得很突然（唯一「驚喜」是殺手組織泡菜分部與鄉下分部之上的「大佬」，是個中國人）：

魔術師評分：第二季 60分（第一季 70分），平均 65分（100 分滿分）

2. Netflix：《怪奇物語（The Stranger Things）》第二季

魔術師覺得第一季雖然好睇，但又未去到坊間講到咁神。第二季加入不少新角色，頗為無頭無腦，例如 Winona Ryder 的新男友與及新一袋 Jean Grey 還只是小孩年代的演員 Sadie Sink 飾演 Max；前者作為工具人還算可以，但後者明明係桀驁不馴，但又要加入主角群中同黑仔拍拖，夾硬 DEI 令人費解。另外肥仔明知係怪獸都要養竉物，點解芭芭拉被怪獸所殺而威爾卻留下小命黑化成異世界通道等卻似乎想不了了之，只能寄望個劇本唔好愈寫愈爛。

魔術師評分：85分（第一季90分，100分滿分）

3. Apple TV+：《海角驚魂（Cape Fear）》

經典驚悚電影同名以劇集形式再現，同一個故事框架同角色名，細節唔同咗，演員尤其是飾演大壞蛋 Max Cady 的氣場遠不及 1991 年電影版的羅拔迪尼路；不過今次律師家庭方面有 Patrick Wilson（《兒凶（Insidious）》系列、《詭屋驚凶實錄（The Conjuring）》系列）同埋 Amy Adams (Henry Cavill 版超人的女友 Lois Lane)，都算係星級陣容。劇情方面最弊就係角色智障，尤其是律師家庭嘅仔女經常認賊作父，防備心又低，做埋啲嘢完全無動機可言（例如阿囝沉迷網上世界直至被人落藥搞到思覺失調，阿囡又無端端坐上 Max 架車跟作返鄉下四圍走），又唔知點解有隻 USB 內藏犯罪證據，最後個故事仲要寫到玩「近親相姦」，愈睇愈令人不耐煩。

魔術師評分：65分（100分滿分）

＊＊＊

＊＊＊

將睇未睇：

1. Apple TV+：《幸運女神（Lucky）》

有 Anya Taylor Joy，短短哋 7 集完，必睇（唔知有無第二季）。

2. Apple TV+：《海角驚魂（Cape Fear）》

經典驚悚電影同名以劇集形式再現，唔知效果如何，一定捧場。10 集完，等出哂再睇（唔知有無第二季）。

1. Apple TV+：《幸運女神（Lucky）》

有 Anya Taylor Joy，短短哋 7 集完，必睇（唔知有無第二季）。

2. Apple TV+：《海角驚魂（Cape Fear）》

經典驚悚電影同名以劇集形式再現，唔知效果如何，一定捧場。10 集完，等出哂再睇（唔知有無第二季）。

2. Disney+：《美國恐怖故事（American Horror Story》第十三季：13

新一季連載中，都係講返巫師故事吸引啲，最緊要係用返原有班底演員。一共13集，等出哂再一次性追看。

3. Netflix：《紙房子：柏林（Berlin）》第二季《柏林：抱银貂的女子（Berlin and the Lady with an Ermine）》

又係《紙房子（Money Heist）》的死唔斷去衡生劇。上一季由「犯罪片」演變為精裝追女仔，但劇情尚算緊湊，有能力叫魔術師每日一集追看到尾無中途休息。唔知今次柏林濫交完會唔會惹到性病呢？又，衍生劇咁拍落去，會唔會 crossover「怪獸宇宙」拍返套《東京與哥斯拉》呢？

4. HBO Max：《紐約殺人夜（The Night Of)》

以巴人在紐約犯下謀殺案為主題的偵探劇。風評不錯。

5. Netflix：《盜墓者羅拉：不朽傳奇（Tomb Raider: The Legend of Lara Croft)》第一至二季

動畫版盜墓者，以 Netflix 的左膠味應該唔會將羅拉畫成大X妹咁政治唔正確？

6. Apple TV+：《末日地堡（Silo）》第一至三季

Apple TV 其實都有好多劇睇，本劇有 Rebecca Ferguson 助陣，共四季暫時只出了三季，唔使講入咗 list 先講。

7. Amazon Prime：《恐怖民間傳說（Lore)》第一至二季

單元劇式講古唔好駁鬼古，用來攝時間真係唔錯。

8. Netflix：《FUBAR》第一至二季

阿諾主演嘅串流平台劇，《幼稚園特警》式的劇情竟然都可以有兩季（好在第三季被 cancel）。不過，魔術師作為阿諾影迷，睇一齣少一齣，點都會用嚟攝時間嘅。

9. Disney＋：《天龍八部》

CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。

其他：《黑鏡（Black Mirror）》：因單元故事，表現飄忽，魔術師暫不評分。

仲有大量動畫、舊劇、紀錄片，包括《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》、長篇日韓劇、哈蘭·科本（Harlan Coben）系列等...未能盡錄。

熱切期待

＊＊＊

1. Disney+：《幻視征途（Vision Quest)》

Wanda 與 Vison 的感情在《復仇者（Avengers)》系列與及《WandaVision(溫黛與幻視)》中的描寫比較細膩，但在後者劇集忽然爆出來的兩兄弟，即做去到《女巫阿嘉莎（Agatha All Along）》魔術師對兩兄弟的角色就不太有情感投入（可能跟 DEI 有關）。Vision 的故線線如果又係講湊仔經，就真係繼續趕客了。

。

2. Netflix：《武士生死鬥（Last Samurai Standing）》第一至二季

第一季只有六集，好快睇完就無；等到第二季就會唔記得哂啲劇情又要翻煲，不如等出哂至講。

3. Netflix：《終末的女武神（Record of Ragnarok）》第一至N季

熱血格鬥動畫，但劇情愈來愈似《足球小將》，不斷回憶不斷拖戲，究竟會唔會有大結局寶屬未知之數。

＊＊＊

無乜期待中

1. Netflix：《殭屍校園（All of Us are Dead）》第一至二季

未入坑。如果兩季完魔術師都可以有時間就睇：

＊＊＊

為免重覆，或太多片頭 load 死手機 browswer，魔術師推介請見《積壓如山煲劇單 - All time favourite》，系列自 2026年8月更新後無變化。

＊＊＊

伸延閱讀：

積壓如山煲劇單（2026年8月）