2017年2月26日 星期日

70古來稀,有選未為輸?

哎,葉劉好似方方面面都幾好,但係衰就衰在忍唔住酸溜溜成日單打林鄭,呢下失哂分,就算信你真係真誠為傷港都無用!
參選人專訪:葉劉淑儀 2017/02/23 22:14

參選人專訪:葉劉淑儀
1. 葉劉:建制派同室操伐,即使而家幾個都係自己人,都仲要一早選定一個。
魔:同室操伐唔係問題,配票先係問題。人地販民可以配倖胡官,但解制派卻唔會配俾你葉劉吖馬!
2. 葉劉:提名等於選舉,提名要開名,變相提名戰已經可以篩走人,令人感到尷尬
魔:又咁講,呢個遊戲規則一早就知,亦人人平等,乜你唔係先諗咗有乜方法破解先決定去馬嘅咩?
3. 葉劉:比起林太,佢自然有商界朋朋自發拉票;自己真係慘,真正的獨立候選人,自發出嚟參選,自己拎錢出嚟搞選舉工程,林太唔使郁手已經有票落袋,恨死隔離。
記者:(播出葉劉眼濕濕片段)

魔:呢句真係有失大體,唔講好過講。
4. 葉劉:愚民漢事件,係初級職員操作上的錯誤,唔關政策事,但自己都攬上身,出嚟道歉,亦無怪過伙記。...司長的確是局長上司,做大嘅無擔當,個細嘅好難做;大嗰個唔出嚟撐下面,下面真係會好驚
魔:有擔當,肯出嚟撐下面,葉劉應該係一個好上司;但咁樣太過「性情中人」,做特首唔能夠咁率性而為。
5. 葉劉:無官職的人出口術,可以為北方殺人政權做事,繼續為傷港服務,自己卻志不在此。你肯應承佢,好快就會有官方人士搵你傾。
魔:其實咁樣爆響口又何必呢?只會得罪小人,日後未必能夠全身而退。
6. 葉劉:樁秧最怕insecure最怕流選,下次1200人選到500個非建制派咁點算?
魔:咁即係話販民如果能夠控制到小圈子選舉,就唔怕樁秧欽點喇!又,毛姑姑成日反對話用「非建制派」,話點解要用「建制派」做主語。D,你班販民肯有共識用同一個詞語來概括哂成個「政治光譜」先算喇!販民咁多山頭,淨係爛民連、拳頭力量、熱狗、以至各笨土幫會都難有共識喇!
7. 記者:如果跟依從831決定,兩至三位候選人,半數提名,問葉劉估情況會係點?
葉劉:可以以設定制度來克服601呢個「門檻」,例如一人兩至三票,或多輪投票...
魔:咁即係無講過。其實依831,肯定一人可以投多過一次支持票,葉劉應該話自己係樁秧信任的人,取過半數應該無問題;一係就話假設性問題不能再答。
8. 記者又講起終亂辦。葉劉:選舉第二日入終亂辦,唔係去謝票,係有啲嘢傾。終亂辦的影響力係愈來愈大,有啲人會揣摩終亂辦諗乜;但選舉呢,終亂辦就不應影響其他人的意志,會令傷港人對兩制失信心
魔:即係間接篤終亂辦背脊,好似蠢咗啲喎。
9. 葉劉:特首要強化自己的角色,例如拉布,就要特首去處理。依家係有啲參選人民望佔優,但入咗閘,民調會改變,要靠辯論,現在的高民望可能會有水份。
魔:即係話 hea 曾唔識講嘢啫,但恐怕你葉太直腸直肚亦唔好得去邊。
10. 葉劉:如果參選人要樁秧幫忙,將來的施政會有問題,觸動販民,樁秧鍾意,販民一定反對,影響高度自治。
魔:又單打林鄭,成日酸溜溜。
11. 葉劉:對佔派有唔同嘅睇法,同意佔派對「689話有證據證明有外國勢力煽動,但又唔見佢拎出來」的指控。明白佔派有自發嘅人,亦有另外有人組織;亦理解年輕人的憤慨,有關社會分配不公,要換人換制度才有公義等等。
魔:兩頭唔到岸,依家想黐販民票太遲了,而且想黐都無用,販民只係得300幾提名票而已。
12. 葉劉:hea曾無政治包袱,佔中釋法警民衝突政改都唔關佢事,薯片叔叔的形象和善,相比689強硬、惡死,hea 曾當然較受歡迎;但例如23條就睇唔出邊啲可以先易後難。
13. 葉劉:林太團體大,但無選舉經驗,同十幾年前的自己一樣,做慣官,只聽慣一種聲音,自己啱哂,資源又多,可以好打得,但選舉要夠謙卑。
14. 葉劉:自己有最全面的政綱,而且謙卑誠懇,不再強悍。競爭對手其一就只得三點政綱,另一人論壇表現麻麻,第三個就天馬行空,政綱根本就落實唔到。
魔:魔術師唔係咁贊同點評競爭對手點樣較自己有優勢,亦唔需要用人地的弱點來 hard sell 自己,輸人又輸陣,風度都無埋。
15. 葉劉:先解決政改,建立信心,再講23條。即使入唔到閘,但願賭服輸,自問政綱完善,可以解決到社會問題。心態正面,唔會變怨婦潑婦,去外國唱衰自己國家。自己不為名不為利只為傷港服務,不為安慰獎,人大常委、立法會主席、行會召集人都不為所動。
魔:其實佢明知幕後黑手的影響力唔細,講到咁唔倖面為乜呢?
16. 葉劉:林太咁本事,可以自己搞掂(即係自己唔會入閣)。
魔:呢句仲唔係怨婦!?
17. 記者:下屆會唔會再選?
葉劉:視健康情況喇!胡官都好精神,特朗普都係70歲...有選未為輸吖馬。
魔:你講到咁死,睇怕第三次重考都係要名落孫山,倒不如急流湧退,交棒俾容靚靚算吧喇!

22 則留言:

  1. 7. 其實831可睇成要一半選委唔反對先可以入閘⋯⋯
    16. 葉劉應該入閣,俾人睇佢的工作能力。
    怨婦好難俾中央接受
    17. 容靚靚,算把啦

    回覆刪除
    回覆
    1. //其實831可睇成要一半選委唔反對先可以入閘⋯⋯

      咁販民就係為反而反的.

      //葉劉應該入閣,俾人睇佢的工作能力。

      佢唔能夠接受到自己俾妹妹騎在頭上.

      刪除
    2. //咁販民就係為反而反的.

      販民一向如是,係人大冇考慮用詞,港豬又冇戴有色眼鏡去做閲讀理解⋯⋯

      //佢唔能夠接受到自己俾妹妹騎在頭上.

      自尊心害人⋯⋯

      刪除
    3. 更正:

      販民一向如是,係人大冇考慮用詞,港豬又戴有色眼鏡去做閲讀理解⋯⋯

      刪除
    4. //港豬又冇戴有色眼鏡去做閲讀理解⋯⋯

      我覺得「既定形象」嘅有色眼鏡先係販民為反而反的main driver.

      //自尊心害人⋯⋯

      臥薪嘗膽扮矮人真係唔係咁容易.

      刪除
  2. 唉,其實選舉同見工 interview 一樣,一定要挺起胸膛,加足正能量。葉劉未出聲個苦瓜旱樣已經輸咗大半啦。

    回覆刪除
    回覆
    1. 佢係選民票后啊!如果佢玩長毛果招,選委多少有動搖。

      刪除
    2. //一定要挺起胸膛,加足正能量。葉劉未出聲個苦瓜旱樣已經輸咗大半啦。

      唔知佢係咪想打悲情牌, 但悲情路線同佢形象一啲都唔夾.

      //如果佢玩長毛果招,選委多少有動搖。

      最俾佢sell唔到自己俾販民呢.

      刪除
    3. //最俾佢sell唔到自己俾販民呢.//
      㑭著我,我值頭唔願 sell 佢哋。
      佢哋係一班賊!格硬夾咗我張票等佢哋有得玩選委。
      我整佢個制呀!

      刪除
    4. //㑭著我,我值頭唔願 sell 佢哋。

      咁都無辦法,鬼叫建制派選委無個人意志咩.

      刪除
  3. 一命,二運,三風水,葉劉應該認命,急流勇退,算喇!

    回覆刪除
  4. 我唔想 hea 曾贏。犧牲葉劉變成必然。

    //葉劉淑儀的激動亦顯示她的政治經驗還未夠成熟, 情緒商數亦比不上林鄭月娥, 需要再加磨鍊, 如果下任特首如此情緒化, 那怎能經得起風雨, 受得了非建制黨團人士指著鼻子辱罵, 受得了家人被激進黨團人士滋擾的情況, 葉劉淑儀不經磨鍊又怎成大器,
    葉劉淑儀應放下成見, 支持林鄭月娥上位, 林鄭月娥亦應識英雄重英雄, 力邀葉劉淑儀入局作為政務司司長, 在未來五年任期內協力重啟政改, 重推23條, 如能成事則香港大局已定, 無論政治經濟民生都會穩定下來, 恢復香港的競爭力,
    到2022年林鄭月娥任期屆滿, 她在特區的政途已達致高峰, 再來就是到中央為全國人民服務, 相信她不會爭取連任, 葉劉淑儀在任內協助林鄭月娥穩定香港的政治經濟民生政績市民有目共睹, 林鄭月娥退下來讓累積了豐富政府管治經驗的葉劉淑儀上位相信不是難事, 亦會獲得廣大香港市民的支持(如政改成事, 到時已是一人一票直選特首), 非建制黨團人士意圖利用選委操控特首選舉亦難以成事,//
    http://unclepeterlee.pixnet.net/blog/post/44608105

    只可惜,睇嚟葉劉係唔會甘心做當年佢下屬嘅下屬囉!

    回覆刪除
    回覆
    1. //葉劉淑儀應放下成見, 支持林鄭月娥上位, 林鄭月娥亦應識英雄重英雄, 力邀葉劉淑儀入局作為政務司司長
      //到2022年林鄭月娥任期屆滿, 她在特區的政途已達致高峰, 再來就是到中央為全國人民服務, 相信她不會爭取連任, 葉劉淑儀在任內協助林鄭月娥穩定香港的政治經濟民生政績市民有目共睹, 林鄭月娥退下來讓累積了豐富政府管治經驗的葉劉淑儀上位相信不是難事,

      呢幅圖畫太美好了,忽視了各人的性格.

      刪除
  5. //只可惜,睇嚟葉劉係唔會甘心做當年佢下屬嘅下屬囉!//

    唔駛睇泥, 係講明

    ...新民黨主席葉劉淑儀指,與梁無甚交情,又明言如要她重返政府,職位一定不可比發展局局長林鄭月娥低。「你叫我返去跟個妹妹(林鄭),我真係老面皮放唔落囉」

    http://the-sun.on.cc/cnt/news/20120327/00407_011.html

    回覆刪除
    回覆
    1. 官有官威,幾十年後要做小師妹的手下,唔係人人接受到.

      刪除
  6. 我都覺得葉劉比較全面, 可惜命苦又有D酸葡萄.
    不過扣了分都比兩司長好.

    回覆刪除
    回覆
    1. 我一向都唔覺得佢係衰人,佢只係直腸直肚咗啲,做人又唔識走位, 不過咁嘅人應該係一個好人.

      轉頭諗, 佢23條搞到一鑊粥可能真係真心膠,「一心想完成個任務」而已.

      刪除
  7. //所以我封咗拿娒做偶像!

    的確唔係個個好似三浦之良咁,話明要踢到五十歲都仲可以做一個活寶的.

    //最俾佢sell唔到自己俾販民呢.
    //轉頭諗, 佢23條搞到一鑊粥可能真係真心膠

    性格定命運.

    聽人講葉劉只可以做一個好上司同好下屬,但突首呢個位要同太多同位置既人bargain,而相反佢同所有同級既人緣都唔好...

    //呢幅圖畫太美好了,忽視了各人的性格.

    人事管理既野,就係搵一班可以互相磨合到而能發揮出最大能力的人組成團隊;反而各自的能力不但不是最重要之餘,甚至會成為合作的障礙:最簡單講,個個都係星,咁邊個做阿四野呢?

    //3. 葉劉:比起林太,佢自然有商界朋朋自發拉票;自己真係慘,真正的獨立候選人,自發出嚟參選,自己拎錢出嚟搞選舉工程,林太唔使郁手已經有票落袋,恨死隔離。

    咁似球千仞揦住港超顧影自憐,係咁串中超人傻錢多既?

    回覆刪除
    回覆
    1. //聽人講葉劉只可以做一個好上司同好下屬,但突首呢個位要同太多同位置既人bargain,而相反佢同所有同級既人緣都唔好...

      佢的確唔夠機心.

      //個個都係星,咁邊個做阿四野呢?

      銀河艦隊?


      //的確唔係個個好似三浦之良咁,話明要踢到五十歲都仲可以做一個活寶的.
      //咁似球千仞揦住港超顧影自憐

      摩摩你開始同球千仞心有靈犀了.

      信報 2017年2月28日

      球千仞 場內場外
      三浦知良 甘苦交響曲
      奧斯卡金像獎周一頒獎,典禮直播傳來The Verve的名曲Bitter Sweet Symphony的前奏,MV裏主音Richard Ashcraft在繁忙街頭目空一切,我自行我路的畫面重現腦海。周日50歲生日的日本名將三浦知良仍不言退,足球生涯也像甘苦交響曲。

      三浦知良是足球的癡心情人,周日先手持玫瑰站在蛋糕前向球迷揮手,再正選披甲成為日本史上最年長上陣球員。他是《足球小將》裏的戴志偉,15歲孤身離開高校赴巴西尋夢,在青年體育會受訓,後來贏得巴甲勁旅山度士、彭美拉斯的球員合約,成為首位亮相巴甲的日本球員。

      日職聯1993年才成立,三浦早3年已回流加盟川崎讀賣,到薛高(Zico)、連尼加(Lineker)等球星相繼登陸時,他卻反其道而行遠赴意甲加盟熱拿亞,成為登陸意甲的亞洲第一人。當時意甲有小世界盃之稱,日本企業Kenwood贊助熱拿亞,背後出錢幫三浦獲得珍貴的席位。

      三浦算是第一代借贊助商登陸歐洲的人,難免受到外界質疑,他雖然以「森巴插花」取悅球迷,但24場聯賽僅入1球,失敗告終。他輾轉回流川崎綠茵、京都不死鳥,又外闖加盟薩格勒布戴拿模和FC雪梨,卻始終沒有成功。風頭和成就也被後來登陸意甲的中田英壽、中村俊輔蓋過。

      日本足球國寶

      作為日本足球國寶和西闖歐洲的開拓者,三浦嘗過甜口也吃過苦頭。1994年亞洲區世界盃外圍賽,最後一場主場對伊拉克,只要贏波就能出線,三浦在5分鐘先開紀錄,中山雅史80分鐘再入波超前2比1,卻沒想到在補時階段遭追平,喪失世界盃入場券,成日本足球最黑暗的一日。

      1997年6月,The Verve的《甘苦交響曲》熱爆時,也是三浦球員生涯最苦之時,他和中田英壽等勇奪1998年世界盃入場券,但31歲的他卻被教練岡田武史拒諸大軍名單外,日本球迷十分不滿。至2012年他才一圓世界盃夙願,代表日本隊出戰五人世界盃,惜十六強不敵烏克蘭。

      雖然足球帶給三浦許多創傷,効力FC橫濱也得贊助商之助,球隊也需依仗其名氣,但他也交出好表現,去年以49歲零165日打破日本球壇最年長入球紀錄。年初與球隊續約一年,年底入波就有望刷新球壇最年老入球紀錄,目前紀錄是英格蘭名宿馬菲士(Matthews)的50歲零55日。

      球千仞與身邊不少波友,都慨嘆淪為西班牙球星魯爾(老矣),但看到兒時偶像三浦還在打職業波,總會撻着幾近熄滅的運動火花。三浦跟MV裏的RIchard一樣曾被投以怪異眼光,足球生涯也不算太得意,但總算最後得到別人的敬佩。

      刪除