有個上司是黃Ｃ

魔術師早前在《試用期完畢小結》都寫過，新公司係「僱傭兵」，人事流轉率高，本來負責聘請魔術師的上司早就離職，然後來了一名黃Ｃ上司（魔術師由ＣＥＯ的ＦＢ開始search，以friend list搵到上司的ＦＢ，見佢仲有（雖然已不是頭像）黃Ｃ帶icon，同埋法國三色filter）。新官上任三把火，返工無耐就要訂規矩搞呢搞路，然後就係在組內搞1-on-1，其中對魔術師的批評就有：
１. 衣着太身光頸靚：查實呢樣嘢魔術師係深受在舊公司入職初期，人治部總管發出的一封信影響：信中話公司同事無論做嘅係咩嘢部門，需唔需要見客，返緊邊一個office，你出出入入掛住職員證就係代表緊公司，一定要保持專業形象。因為行過你隔離的分分鐘就係大客，爛撻撻太casual成何體統？呢幾句真係深得魔術師歡心，所以依家就算真係為咗就下黃Ｃ上司，都只係唔穿西裝，照舊長袖恤衫的smart casual而已。不過，用開名牌靚嘢呢下嘢真係唔會因為黃Ｃ上司而改，如果黃Ｃ上司感到自卑的話就只能夠話佢包客度太低，diversity的眼光唔夠闊。
２. 唔夠energetic：魔術師唔知咩嘢叫energetic。可能公司同事比夠young，喜歡紮紮跳無事生非大驚小怪，而魔術師早就過咗呢個年紀，而且大場面都見過唔少，凡事冷靜淡定有錢剩，唔會青筋暴現，最多只會嘲諷一下不合理的現象，冷眼旁觀的態度令人覺得唔夠投入吧？
最大的問題就是，有一次有客戶搵公司做個投資app，公司要做presentation pitch，魔術師便以subject matter expert的姿態出現，氣場（氣勢？）壓倒在座所有人，就算係個客都要追問魔術師意見（其實無投資知識的人根本不可能設計到一個對投資者user friendly的介面，舉一反三，傷港經濟點解走下坡，其來有自，呢一點留待另文再議），呢一次給黃Ｃ上司看在眼裡肯定很不爽。
當然，跟黃Ｃ上司格格不入的仲有俾佢問有無玩「仆街們ＧＯ！」（魔術師沒告訴他的是魔術師手機的主要用途不是用來打機，要玩game魔術師另有選擇）；有次黃Ｃ上司開開下會講某某人「個樣似Dickson」，魔術師聽唔明即刻遭黃Ｃ上司白眼，謂「乜你無睇《１００毛》咩？」
魔術師一呆，心想可能都要開始再搵工了。
不過又咁講，你睇人好，人睇你好。比上司係黃Ｃ更慘的，就係ＣＥＯ係黃Ｃ：

信報 2016年8月4日

康宏莊偉忠頭炮 增聘600員工

一田百貨前行政總裁莊偉忠轉戰金融界，昨日他首次以康宏金融（01019）行政總裁身份會見傳媒，表示現時的工作主要是分配公司資源，日後會貫徹他以往的管理作風，包括減少開會，又透露公司計劃於今年9月增加600名前線員工，期望員工總數維持於1800至1900人。

問及為何揚言退休後不足三個月便轉身復出，他表示沒說過自己退休，只是在舊有的工作崗位退下來，剛好撞見康宏主席王利民分享工作上的困難，其後王利民邀請他擔任公司行政總裁，莊偉忠衡量自己在康宏的管理上有發揮空間，故接受行政總裁一職。對於外界指他出爾反爾重出江湖，亦有人對他轉到金融業感到失望，他稱不介意，認為做人只要對自己及家人負責，不會理會別人的說法。他稱當年有份創辦安信兄弟，如今只是「做回老本行」，並非首次接觸金融業，現代人生活上離不開保險，而財富管理業務在香港有很大發展空間。

目標減少七成會議

被喻為「不開會的CEO」，莊偉忠來到康宏將會貫徹這作風，他揚言目標是減少七成會議，同時利用公司原有的班底，發揮員工的專長，提升公司的效率，日後將重整架構，但未有裁員計劃。他希望，員工不單止得到金錢上的回報，更從工作上得到滿足感，從而對公司更有歸屬感，他相信歸屬感會令員工更加投入工作。

另一方面，莊偉忠向來喜歡在網上寫東西，不會因轉工而擱置，將繼續在Facebook上寫有關時事、經濟及家庭的文章。對於梁天琦被拒參選立法會事件，莊偉忠認為完全不合理，又指香港是成熟的地方，應有權選擇，不應該由選舉主任在門檻「一刀切」。

唔知呢間所謂IFA（Independent Financial Advisor）的前線員工使唔使係黃Ｃ呢？Sell 客前又使唔使問個客係唔係黃Ｃ呢？又，現今世代有錢買保險（１０１？）買金融產品的大客，多數都係蝗民，而嗰啲蝗國資金更加有可能是輾轉由殺人政權搜刮回來的民脂民膏，唔知道呢啲疑似血饅頭阿裝總又食唔食得落呢？
又，查實魔術師覺得只有收客戶顧問費，而唔係從賣產品收佣的財務顧問才可以叫做「獨立」，不過以傷民石頭鑽不出血的性格，收費顧問呢一行在我城根本上無得做。唔知裝總會唔會為業界一改新氣象呢？
又又，以下呢一篇「舊聞」魔術師早就儲起咗，今次裝總有搞作當然要搵出嚟講下：

莊偉忠給一田員工的最後指令：踢我出群組　退休不應再指指點點

發佈日期： 2016-05-09 23:08 最後更新日期： 2016-05-09 23:13 撰文： 甄挺良

剛於本月5日卸任一田百貨行政總裁的莊偉忠，一直是為人稱道的CEO。他晚上在其Facebook專頁撰文，坦言自己在一田的「最後一道指令」是希望前同事將他「踢出」通訊工具的工作群組，坦言退休人士「不在其位，不謀其政」、希望前「高官」、「高層」明白「退位讓賢」原則，不應「阻住地球轉」。文章刊出後短短一小時，已經獲過萬人「Like」。

莊偉忠在Facebook撰文，分享他近日退休後的經歷，指過往下屬每晚均會向他匯報當天營業數字，但本月5日退休後，本不應再收到相關資料，故向前同事下「最後一道指令」，要求將他由通訊群組中「踢出來」。他指，明白同事「點好意思踢走我」，但知道這樣做是「絕對正確」，故仍「忍心落咗最後一個order」。

他形容「規矩就係規矩，人情還人情」，將已不在崗位上的人踢出群組是「專業」。他又談到退休人士「不在其位，不謀其政」，不應再對前同事「指指點點」。

莊偉忠在文末筆鋒一轉，反問「退休『高官』、『高層』、自以為是嘅『高人』」是否懂得「退位讓賢」，更稱「呢個世界，無咗你，無乜問題喎，唔好阻住地球轉」。

他又在留言中補充，30年的工作生涯令他見證「人走茶涼」及「人去情在」，幸而大部分他的舊同事仍是對他「好到加零一」，仍然和第一份工作的同事保持聯絡。

魔術師對裝總印象一向麻麻（見舊文《乜七七王迪詩：等着瞧黑絲》），一眼就覺得佢好假，做埋啲嘢以吸睛呃like為主。好似上文咁，「向前同事下『最後一道指令』，要求將他由通訊群組中『踢出來』」就真係假到真不了：你要quit group自己可以exit到夠，自行消失唔使煩到人，使乜叫人「踢你出來」咁做作？唔係做戲係乜？