2017年2月15日 星期三

新聞雜評(一百四十二)

七警襲擊致造成身體傷害罪成 更新:2017/02/14 20:01

七名警務人員在佔領運動期間,襲擊曾健超案,法庭裁定七名警員襲擊致造成身體傷害罪全部人罪名成立,警員陳少丹多一項普通襲擊罪,同樣罪名成立。全部人即時還押,等候星期五判刑。法官指相信曾健超的證供可靠,又指即使其中兩名被告沒有參與襲擊,但觀看事件發生等於鼓勵和支持,所以都判有罪。
七名警務人員,包括高級督察劉卓毅、警長白榮斌、警員關嘉豪、總督察黃祖成,還有警員劉興沛、陳少丹及黃偉豪一起到法庭。法庭裁定,他們襲擊致造成身體傷害罪全部罪名成立,七人要即時還押,由囚車載走。可以看到部份被告:劉興沛、劉卓毅都戴上口罩,與陳少丹平排而坐。白榮斌坐在他們後面,黃祖成沒有戴口罩。
法官杜大衛在判詞指,法庭不相信曾健超的傷勢是嚴重身體傷害,裁定原先面對可以判終身監禁的有意圖而導致身體受嚴重傷害罪罪名不成立。法官說,他的傷勢部份由火鳳凰警棍造成,足以構成身體傷害,所以裁定罪名較輕襲擊致造成身體傷害罪罪成,最高刑罰判監三年。 
法官說曾健超證供可靠,相信他是因為向警察淋液體而被捕。之後曾健超臉向下,由六名被告抬到變電站,俗稱的「暗角」。法庭認為抬他酊該處,扔他在地上及即時襲擊他,唯一的推論是他們的目的就是要襲擊他。而在變電站,跟抬曾健超的人沒有變,被告黃偉豪亦到該處跟他們會合。 
判詞又指,被告白榮斌有用警棍捅曾健超、踩他及踢他。劉興沛、陳少丹、關嘉豪及黃偉豪就用腳踢他。法官又表示,另外兩名高級警務人員:總督察黃祖成及高級督察劉卓毅作為領導,雖然沒有參與襲擊,但看著事件發生,法庭相信警員有責任防止罪行,即使同事犯罪,應該制止。兩人站在一邊沒有干預,等於有意圖、實際鼓勵,以及支持另外五名被告襲擊曾健超,令他遭受非法人身暴力。 
法官相信,錄影片段及照片是真的,準確反映當日發生的事。自己看過片段很多次,用正常速度、慢鏡、逐格重播都有,透過他們的特徵,在片段中認出各名被告。至於第五被告陳少丹另外被控在中區警署內掌摑曾健超面部兩次,普通襲擊亦罪成。
聽取裁決期間,被告劉卓毅有些眼泛淚光,部份親友及同事
散庭後到犯人欄跟被告握手,以示支持。案件會押後至星期五判刑。
七警罪成曾健超指心情仍未放鬆 更新:2017/02/14 18:06

曾健超回應裁決指,案件還有太多不確定性,心情未能輕鬆。兩個警察協會就指,由於七警可能上訴,不作詳細回應,但會盡力協助七人。
案中關鍵人物曾健超指,雖然七人罪成,但心情未放鬆,要待星期五判刑後再詳細回應。曾健超因為當日的示威集會,被裁定一項襲警及兩項拒捕罪成,判監五星期,正等候排期上訴。 
警察員佐級協會主席對裁決感到遺憾,如果同袍上訴會提供協助。
法律學者張達明表示,共同犯罪只要證明到被告是一起行事就可以。不過法官判刑時,有機會分開不同角色來判。
七警被定罪後即時停薪。他們被提控上庭至被定罪期間,最多會扣一半薪金。據了解,七警每人平均支薪九成。如果他們上訴失敗,支出的薪金亦不會取回。
咩叫「心情未放鬆」?依家曾見蕉係受害人,告唔告得入七警,對佢都係 no harm,點解「心情未能放鬆」的是曾見蕉?係咪鋤唔死七警,唔能夠「判終身監禁」,曾見蕉就會忿忿不平,只會在半夜發噩夢嚇醒呢?
又,原來黑警在停職期間竟可支九折薪,我城呢個講共對佢手下的「人民子弟兵」真係算唔話得!
七警罪成後代表律師求情望輕判 更新:2017/02/14 18:08

法庭裁定七警罪成後,七人律師求情。有人指「佔中」警員承受很大壓力,被人稱為「警犬」和「黑警」,損害道德觀。同時說法庭判刑不需要施加阻嚇力,因為佔領行動是獨一無二的事件,應該不會有第二次,希望判他們緩刑。
七警中,最高級的總督察黃祖成,代表律師駱應淦呈上多封同袍寫的求情信,讚揚他長期服務社會、對工作盡心盡力、表現出色。又指很不幸被告有領導的本質才會鼓勵同袍施襲,事件會令他失去退休金。同時表示案發在香港一個動盪時刻,有時一更工作三十六小時,被人稱為「警犬」和「黑警」,要承受示威者辱罵,損害被告的道德觀,希望法官輕判緩刑。 
第二被告高級督察劉卓毅代表他的清洪求情指,法庭判刑不需要施加阻嚇力,因為佔領行動是獨一無二,應該不會有第二次。警察鼓勵同袍襲擊示威者,情況非常罕見,今次可能是唯一一次。又指當晚曾健超表現差劣,是一位憎警察的人,社會上有不少人同情警員行動,警員只是避免更多衝突,阻止曾健超製造更大傷害。而且劉卓毅沒有真的襲擊曾健超,希望法庭考慮他良好背景和品格,判他緩刑。 
被告白榮斌就由律師呈上太太求情信,說他一直決心撲滅罪行,沒有刑事記錄,工作二十三年行為良好。「佔中」期間身心承受很大壓力,定罪後可能會失去工作、退休金及長俸,希望法官輕判。 
被告劉興沛及陳少丹,律師表示他們原本有機會晉升沙展,現在已經沒有機會。第四被告當晚更是被重新派駐,不幸派到這一隊,好像宿命。 
至於被告關嘉豪,律師說因為案件他與未婚妻分手,失去最愛,亦失去工作,已是很大懲罰。而被告黃偉豪,律師說他服務警隊十八年,希望獲得輕判。
點解失去退休金、無咗份工等都係求情原因?乜唔係所有犯親事嘅公墓園都要面對咁樣嘅 consequence 嘅咩? Consequence 應該唔算係「懲罰」喎!你話縮骨遮革命長期當班,黑警被黃C誣蔑為「黑警」,工作壓力爆煲,而曾見蕉態度惡劣,幾樣嘢夾埋一齊先一時衝動聯手犯案,非眾人平時表現,咁都可以稍稍講得通,似乎青熊係有 point 過賂應金喎!
不過,最搞笑連同女朋友分手都係求情理由,係人都知縮骨遮革命 unfriend 當食生菜,尤其是係班黃C濫情女,母性氾濫,將痴瘋仔當係寶,就連阿媽都可以 unfriend,同關警員你分手又有幾出奇?
***
公民聯合行動暫停網上收集提名 2017/02/14 13:12

公民聯合行動宣布,基於私隱專員公署的關注,暫停特首選舉民間全民投票在網上收集提名。
公民聯合行動委託港大民意研究計劃,在專設的普及投票網頁上接受市民提名,要求參與的市民提交電話以及身份證號碼。但私隱專員公署質疑這個投票系統透明度不足,可能違反公平收集個人資料原則。 
信報 2017年2月14日
「民間公投」蒐資料 私隱署指違例叫停
「公民聯合行動」委託港大民意研究計劃及理大社會政策研究中心,就特首選舉舉辦民間全民投票,讓市民透過手機通訊程式對特首參選人進行「民間公投」。個人資料私隱專員公署昨表示,該活動涉及收集個人資料,但目的透明度不足,有誤導公眾和損害公眾利益之嫌,公署強烈要求有關機構立即停止不公平收集個人資料及使用所涉及的通訊程式。公署已就事件展開審查,戴耀廷昨晚回覆說, 「公民聯合行動」會於日內約見香港個人資料私隱專員公署,說明活動收集目的、使用、保障個人私隱措施及資料保安的安排,以釋除公署及公眾的疑慮。個人資料私隱專員黃繼兒指出,任何人收集個人資料但沒有清楚說明收集目的和用途的合法理據,尤其活動擬定的目的和後果涉及公眾關注和受影響的重大議題,因而誤導參與者,以及資料和數據有被誤用或濫用之嫌,他認為是違反了《個人資料(私隱)條例》下公平收集個人資料的原則。公民聯合行動表示基於公署的關注,決定暫停提名收集,直至和私隱專員取得聯絡,明白對方的要求後才將系統重新開放。
嘩,戴當家呢位「法律學者」,唔熟唔食,愈知法律就愈識走法律罅,借頭借路拎埋班又天真又傻嘅黃C身分證同電話號碼;好彩有私隱專員公署及時制止,彰顯公義,如果唔係戴當家到時將本「黃C名冊」賣俾殺人政權當投名狀,班黃C死咗都唔知乜事!
***
15歲芷楠火劫重創 全城為你打氣

芷楠要堅強!為和死神搏鬥的傷者加油!港鐵縱火襲擊案,傷者增至十九人,當中三人命危。登上「煉獄列車」慘遭烈火蹂躪的乘客中,包括十名不同程度燒傷的女子,其中品學兼優的十五歲名校女生高芷楠手腳嚴重燒傷,正力戰椎心之痛,牽動全港市民的心,紛紛在網上留言為她打氣;另有一名廿七歲港女和卅八歲來自台灣的大學女講師亦正與死神搏鬥,台港網民紛為傷者送上祝福和鼓勵。
港鐵列車縱火慘案中至昨日有十九人送院,主要是燒傷和吸入濃煙,當中有至少十名女子(十五至四十九歲)受到不同程度的燒傷,其中卅八歲台灣女遊客張欣茹,以及廿七歲女子林慧怡均為二級燒傷,傷口分別位於手腳、頭、頸及背燒傷,分別留醫伊利沙伯醫院及瑪麗醫院。
另外,十五歲女學生高芷楠手腳二級燒傷,情況一度危殆,但昨日好轉,惟情況仍嚴重及不排除有變化,現留醫瑪麗醫院兒童深切治療病房。此外,六十歲疑犯張錦輝亦告危殆。
能文能武 奧數比賽屢獲獎
少女高芷楠,洋名Audrey,為基督徒,在中區麥當勞道名校聖保羅男女中學就讀中四,是能文能武的品優生。芷楠曾在聖保羅男女中學附屬小學就讀,後直升中學,成績優異,當中以數學最佳,在全港十八區南區小學數學比賽獲「創意解難」冠軍及個人賽銅獎、聖公會小學數學奧林匹克比賽(個人賽)中獲二等獎、香港小學數學奧林匹克比賽六年級組銀獎及香港小學數學精英選拔賽計算競賽獲二等獎。亦曾在一三年學生中文故事創作比賽獲亞軍。芷楠亦是身手矯健的女「劍客」,一二至一三年度,她在全港小學校際劍擊比賽港島區賽事女子甲組團體賽獲亞軍。
由於芷楠在事發時站在縱火漢附近,手腳燒至皮開肉爛,先送明愛醫院搶救,及後轉送港島瑪麗醫院。政務司司長張建宗昨晨在醫生陪同下探望芷楠,並向其母致以深切慰問。張指,芷楠身體約兩成燒傷,為約二級的燒傷,情況屬邊緣,在嚴重和危殆之間,「主要係腳,面冇事,係腳同手,即手背嗰度少少」,又指她能起床及溝通。至於需否做手術植皮,張指會由顧問醫生跟進,但他引述顧問醫生所指,芷楠數日後情況倘穩定,便可轉回普通病房。其母暫無任何求助,政府亦會全力支持她,希望芷楠盡快康復。
聖保羅男女中學前晚聯絡芷楠家人慰問,為她及其家人提供支援,校方亦會為有需要師生提供心理支援。學生家長代表植先生帶同鮮花及慰問卡到醫院探望。師生和網友紛紛為芷楠打氣,「一定要加油撐住!」、「希望你可早日康復!」她的社交網站獲過千祝福,「寒風刺骨,但肌膚之痛是我們感受不到的。」「我知道好痛,好辛苦,但妳要頂住呀!堅強啲!所有人都期望妳早日康復!」芷楠所屬教會的牧師指,芷楠手腳嚴重受傷,希望教友為芷楠祈禱,渡過難關。
暫無證據顯示屬恐襲事件
食物及衞生局局長高永文指,被界定為危殆的傷者,主要擔心他們的呼吸道因吸入可能有毒或灼熱氣體,如呼吸道遇阻腫脹首先用氣管喉內置在(氣管)裏,令傷者能透過喉管呼吸。另外,目前三間公院的醫護團隊正盡力救治傷者,全城市民心繫傷患,送上祝福。
另一方面,警方和機電工程署已完成搜證工作,暫未能向疑犯錄取口供。保安局局長黎棟國強烈譴責縱火暴行,他指香港地少人多,公共交通擠迫,在港鐵內縱火是不能接受,會全方位調查案件,現時無任何證據有恐襲或對地下鐵路系統惡意攻擊的成分,相信是獨立事件。
客席主持摩摩留言:
傷民的同情心是有分三六九等的.
老實講今次我對方向報好失望...雖然我都無睇報紙同新聞網站好耐...但睇到個標題都作嘔...除了政治立場外方向同毒果根本無分別!
即係咁,讀名學品學兼優又玩奧數又學曾糟財咁學打劍乜,個人又靚靚地,咁多樣嘢加埋,就係宅男妄民心中嘅女神,仲唔懶親切咁叫人「芷楠BB」?於是,女神受創,當然就係「可惜」;反之,如果受重傷的是慘綠邊青、柒頭青年,自然就無「新聞價值」。換言之,傳霉可以寫到幾濫情、煽情,純粹就係睇 side stories 夠唔夠提供「足夠字數」可以去煲大佢,最緊要係有 human touch(寫明「面無事」)...於是乎死兩件當一雙的柒青,又點能夠同「美少女」相提並論呢?
***
伸延閱讀:
信報 2017年2月13日
紀曉風 獨眼香江
縱火疑犯今提堂 重傷芷楠搏鬥中
釀成多人受傷的港鐵恐怖縱火案,被捕的60歲有精神病的疑犯張錦輝,昨日遭警方落案控以縱火罪,今日在九龍城裁判法院提堂,由於被告仍留醫及未能落口供,將缺席聆訊;港鐵表示有購買第三者保險,乘客可依例申請索償。事件共釀成19人不同程度燒傷及吸入高溫濃煙,其中6人危殆及嚴重,仍在深切治療部與死神搏鬥,包括就讀名校聖保羅男女中學的15歲中四女生高芷楠。
縱火案發生於上周五(10日),翌日警方初步完成列車蒐證,港鐵安排傳媒拍攝車廂災情,車頂熏黑,座位及地面滿布白色滅火粉末,熏黑雜物四散,依稀仍嗅到殘留的燒焦氣味;負責駕駛的車長談及如何應變;另有傳媒報道救人的英勇市民。
舊生盼向學妹提供協助
綜合醫管局及警方資料,至昨晚深夜仍有9人留醫,情況危殆包括三級燒傷的疑犯、二級燒傷的台灣女遊客張欣茹(38歲),及姓林女子(27歲);情況嚴重的有二級燒傷的高芷楠、姓賴女子(32歲)及姓鄭男子(40歲);其餘各人傷勢穩定。
在瑪麗醫院兒童深切治療部門外,燒傷面及腳部的芷楠家人,一直守候最新消息;昨晨有同學家長、不認識芷楠的熱心市民到來送花及慰問;網上方面,除芷楠的社交網站有不少同學朋友留言打氣外,有任職醫生的舊生在聖保羅男女中學非官方fb留言,希望向學妹提供協助。有傳校方今日會就事件安撫同學情緒,但詳情未悉。
台女遊客面對龐大醫療費
至於台灣女遊客張欣茹,目前留醫伊利沙伯醫院深切治療病房,昨晚約6時,台灣各大學香港校友會總會代表到場探望,由於張並非本港居民,醫院費用昂貴,張女及其家人或需面對龐大醫療費。協助台灣親屬來港善後的台北經濟文化辦事處處長嚴重光表示,有待警方調查釐清責任後,再行為其爭取合法合理賠償。
有傳媒報道疑犯在港島居屋任夜班保安員,事發前請假2天,假期第2天早上沒有到醫院精神科覆診,至晚上在港鐵縱火。食物及衞生局局長高永文探望傷者後,透露今年上半年會公開精神服務檢討督導委員會報告,政府希望不斷改善精神服務需要。
至於受傷台客,高永文表示原則上若非香港市民,醫療費用是不同,他相信院方會繼續提供最適當治療,醫生若認為傷者情況可以考慮轉移,會按她或其家人意願安排。港鐵發言人表示,公司有為乘客購買第三者保險,乘客如申請索償,可透過書面方式向港鐵提出。

52 則留言:

  1. //傷者增至十九人,當中三人命危。登上「煉獄列車」慘遭烈火蹂躪的乘客中,包括十名不同程度燒傷的女子

    性別歧視啊,男人燒到變異形冇人提嘅。

    //由於張並非本港居民,醫院費用昂貴,張女及其家人或需面對龐大醫療費

    冇買旅遊保險?

    回覆刪除
    回覆
    1. “性別歧視啊,男人燒到變異形冇人提嘅”

      有男士燒到下體,其實都好慘~公眾除了支持芷楠,也應問候“男人最痛”的受害者吧...

      刪除
    2. //性別歧視啊,男人燒到變異形冇人提嘅。
      //應問候“男人最痛”的受害者吧

      果然JJ就是原罪!

      //冇買旅遊保險?

      我都有呢個疑問,不過唔記得寫出嚟。

      刪除
  2. 我成日都聽到啲講鞋話唔公平。我通常都答佢哋『係呀!世界係無咩公唔公平㗎!弱肉就強食,咁你而家知啦!好好記著,做人要知掟啦!』
    大家都有出現响鏡頭,明顯係挑釁。大家都係人,做乜暴徒用暴力同警察還拖嘅懲罰如此大距離?
    一係有頭有勢,人哋蝦你唔到。一係地底泥,扮曬 victim,又求情又爭取咁。唔高唔低?幫你唔到。

    平凡是罪。又唔靚,又冇感人故事,觀眾打曬喊露,罪過!

    自從互聯網出現之後,好多事都變得誇張。出啲假新聞,啲人就��嘩鬼叫!
    免費教育?都唔知點讀書嘅!地鐵縱火係因為地鐵太多人都噏得出,乜鬼嘢邏輯?同當日馬尼拉人質事件一樣,居然提議警察扼住個綁匪應承曬佢所有嘢先!
    神啊!點解咁唔公平,咁多呢啲草腦人,又惡死又狼嚟,我哋重要呵護佢哋,全民退休養佢哋?

    回覆刪除
    回覆
    1. //做乜暴徒用暴力同警察還拖嘅懲罰如此大距離?

      如果警察有槍有棍都唔可以用, 咁帶咁多配備出街做乜?

      //居然提議警察扼住個綁匪應承曬佢所有嘢先!

      痴線, Government never negotiates with terrorist.

      //點解咁唔公平,咁多呢啲草腦人,又惡死又狼嚟,我哋重要呵護佢哋,全民退休養佢哋?

      好佬怕爛佬...

      刪除
    2. //地鐵縱火係因為地鐵太多人都噏得出,乜鬼嘢邏輯?

      同情地理解,個講法系話“縱火只會發生在人多的地方”,即是“人多是有狂徒縱火的必要條件”,但明顯地混淆了充分條件(“人多的地方就會有縱火”),因為日日都咁多人,又唔見日日都有縱火?

      正如“有氧氣”是達成“縱火”的必要條件,咁唔通地鐵要抽走晒d氧氣令無人可以縱火?

      //同當日馬尼拉人質事件一樣,居然提議警察扼住個綁匪應承曬佢所有嘢先!

      我聽過更無稽的是:飛虎隊應該即刻帶晒裝備飛去馬尼拉參與營救。

      稍有常識都知道可行性為極大的負數(零只是無效,大負數代表有極大負面後果),但一記返竟然有傷民咁提議,就知道部份傷民的一向世界觀;同埋以近年的世界大氣候和小氣候,該部份傷民置身其中,“急需一個希望建立返對香港人身份認同”就變得很自然和順理成章。

      刪除
    3. //飛虎隊應該即刻帶晒裝備飛去馬尼拉參與營救。//
      低 B 黑洞,深不見底!

      刪除
    4. //低 B 黑洞,深不見底!

      由如此與低B黑洞共生的世界觀和外交知識,可以想像為何衍生的笨土和巷蜀會如此低B--復耕自給自足、南海鑽油、變賣高鐵建築資產、街邊向黑警掟下磚就當系革命、對殺人政權以為循法律途徑可以不流血巷蜀、被人用法律將幾軍知道人地嚟真就垂頭喪氣收晒皮。

      刪除
    5. //飛虎隊應該即刻帶晒裝備飛去馬尼拉參與營救。
      //復耕自給自足、南海鑽油、變賣高鐵建築資產、街邊向黑警掟下磚就當系革命、對殺人政權以為循法律途徑可以不流血巷蜀

      此等胡言亂語,我幾相信講上述說話/做行動的人都明知不可能,但點都要宣洩一下,呃下like就可以完成了「急需一個希望建立返對香港人身份認同」.

      刪除
  3. 西方在遊行示威的衝突中,警察過份使用暴力,甚至打了旁觀者,通常是內部紀律處分,不會送上法庭,以免影響警隊示氣。因衝突起來,火遮眼,很多時連旁觀者也被警察打。

    回覆刪除
    回覆
    1. 恕我直言, 我出身草根, 點諗都諗唔通, 結論係條蕉係抵打的. 即使唔打, 都應以其人之道還其人之身, 請佢沖個熱啤浴.......

      刪除
    2. //西方在遊行示威的衝突中

      普世價值是有選擇性的。

      //結論係條蕉係抵打的.

      睇佢副專容,雖無過犯,面目可憎,係人都想打鑊佢。

      刪除
    3. 唔知呢?! 覺得有心人想攪警隊, 到時治安唔好, 又可以大大力咁DIU政府了.

      刪除
    4. 江湖傳聞社團超係社團中人...有哂朵
      上次選功能界別~佢又有D個樣好社團O既人傍住出入....
      哈.......有背景可以做社工....可能有助打救邊青呢...
      最正係罪成都可以做社工....
      其他專業人士就慘LA~都唔敢同人嘈~搞大件事冇犯法都可以俾人除牌....

      刪除
    5. //覺得有心人想攪警隊, 到時治安唔好, 又可以大大力咁DIU政府了.

      邊個係最大得益者?社團?

      //有背景可以做社工....可能有助打救邊青呢...

      可以導邊青入社團

      刪除
    6. //可以導邊青入社團

      社團個business model都式微啦,有咁多社團入,正苦就唔使日日頭痕班有青不能向上流動而搞搞震了。

      刪除
    7. // 邊個係最大得益者?社團?

      警察鍚身唔肯郁手, 攪多次佔中, 你估會點?

      刪除
    8. //攪多次佔中, 你估會點?

      黑警有代表劣師話佔中唔會有第二次喎!

      //社團個business model都式微啦

      《飛砂風中轉》

      刪除
  4. 唔係所有西方嘅嘢都係好嘢嚟嘅。但係正如佛爺所講,會影響士氣,呢點係需要參考嘅。我哋呼籲警察一啲特權,相信佢哋會用專業嘅態度同知識去判斷幾時可以運用呢啲特權。但係當呢啲特權遇到相當挑戰嘅時候,我哋係需要小心處理。否則警隊唔敢用呢啲特權去進行佢哋嘅任務,咁就會失去同當初賦予佢哋呢個特權嘅意義!
    據我嘅瞭解,除咗內部紀律處分之外,上庭多只會作出相當嘅賠償,除非死人殘廢。若然成為案例,其他地方都可以攞嚟作出參考。

    回覆刪除
    回覆
    1. 「呼籲」應該係「賦予」

      刪除
    2. //我哋賦予警察一啲特權,相信佢哋會用專業嘅態度同知識去判斷幾時可以運用呢啲特權。

      用人勿疑, 疑人勿用.

      //否則警隊唔敢用呢啲特權去進行佢哋嘅任務,咁就會失去同當初賦予佢哋呢個特權嘅意義!

      我都話有權一定要用, 是否「有權盡用」就視情況而定, 總之不能畏首畏尾, 否則成了慣例,權力變成「禮節性」,到時想用都無得用

      刪除
    3. // 用人勿疑, 疑人勿用.

      死差佬, 我頭先俾人打刧, 你同我傾吓點捉賊先, 我唔信得過你.

      刪除
    4. // 最好先就要諮詢街坊先喇!

      攪個FB公投. 嗱, 你哋唔俾LIKE, 無FRIEND做架!!

      刪除
    5. 你唔like 我, 我就unfriend 你.

      刪除
  5. 唔明點解無人挑戰戴妖呢壇野,除咗黑廂作業,sampling 唔夠代表性,最大鑊係佢有太強政治偏向。試問兩黨相爭的美帝,會唔會由民主黨出泥搞個全民投票,肯搞都無人騒佢啦。香港淫媒連 bipartisan 都未識,小朋友水平太低。

    回覆刪除
    回覆
    1. //最大鑊係佢有太強政治偏向。

      戴當家不如話提供個平台俾自己友拎公民提名就算了, 「自己友」的意思就係要向佢報名示好, 鬍鬚無approach 過佢就唔可以幫佢拉票.

      刪除
  6. //綜合醫管局及警方資料,至昨晚深夜仍有9人留醫//

    唔睇內文真係以為只有一個人燒傷

    //咩叫「心情未放鬆」?//

    煽情未夠喉掛...

    //借頭借路拎埋班又天真又傻嘅黃C身分證同電話號碼//

    騙徒手法層出不窮,不過一次比一次on 9 9...

    回覆刪除
    回覆
    1. //借頭借路拎埋班又天真又傻嘅黃C身分證同電話號碼//

      我唔係黃C, 都有去投票撐長毛呀

      身份證當然係上網隨手GEN 一個

      手機號碼就當豪俾佢

      刪除
    2. //手機號碼就當豪俾佢

      送佢一程, 可以豪一D用太空卡架嘛, $48搞掂~~

      刪除
    3. //煽情未夠喉掛...

      睇見隻蕉個衰樣, 點煽到情?

      //身份證當然係上網隨手GEN 一個
      //用太空卡架嘛

      黃C 種票可恥!! XD

      刪除
    4. // 黃C 種票可恥!!

      為公義, 係咁㗎啦. 將就下啦.

      刪除
    5. 「犧牲你嘅民意,達成我嘅公義!」
      呢個就係 汪C 式 民主!
      唔出聲話你哋係港豬,溫水煮蛙*。
      出聲又話你哋欺壓。

      *現實係唔可能。咁笨嘅蛙早就死咗!

      刪除
    6. // 犧牲你嘅民意,達成我嘅公義!

      真係最能憎佢哋呢樣嘢. 雙重標準到啪啪聲, 仲要唔知醜嗰隻. 想嘔.

      刪除
    7. //犧牲你嘅民意,達成我嘅公義!
      //雙重標準

      要咁堅定地雙重標準, 一定要先催眠自己.

      //現實係唔可能。咁笨嘅蛙早就死咗!

      笨蛙可能係瀕危物種,備受保護的.

      刪除
  7. 好耐冇上O黎...忙住搵工...
    歐洲公司都可以好正...老闆講會升你加2成...
    跟住調返轉ASIA HEAD講你唔夠年資明年再見...凸....

    7警單野...利申~我係識個督察....佢絕對係個好人...
    首先~個官O既判詞係異常主觀....
    完全唔係根據法律程序同條文....
    用自己意見去決定信唔信...唔知以為打緊民事CASE...

    社團超話背部俾警棍打傷~
    呢一點其實點證實?條片...D記者再BIAS都係用拳打腳踢或毆打...
    即係要社團超認人LA...但係佢冇認到...
    咁憑咩用呢D傷黎入罪而唔係由7警O係片段入面O既傷害去判決呢?

    跟住~7警O係查之前已經起哂底~社團超咁都認唔到人....
    但就叫警方交呢7個人出黎....呢個合理疑點LA
    另外條片剪左49秒....個官竟然可以信納剪片....呢個係冇人信O既...
    如果個官可以落閘BAN哂所有疑點....
    咁清洪以後唔駛打程序LA...D差佬求其推D案上庭~個官覺得係就判罪...
    呢度係香港定大陸?

    社團超都係極品...之前單案唔認罪...唔認係當事人....
    呢單案做證就自認係當事人....兩單CASE仲要係有發誓確信講真話~
    個官竟然可以信納曾係誠實證人....
    其實交叉檢控乜個官可以無視呢D事實ga?
    唔知以為睇緊審死官....

    common law system本來係俾d官有酬情權....
    但唔係俾d官因應自己政治立場而去決定放生唔放生....
    如果法官檢控做到咁唔專業....呢個同中共係完全冇分別....

    最經典係果句兩個督察冇打人~但o係側邊唔阻止即係變相鼓勵犯案
    黃之鋒叫人衝擊公民廣場~佔中3妖~仲有後期泛民議員手牽手訓街~
    呢d唔係變相鼓勵犯案?全部唔告唔入....
    我好難去接受呢個講法...
    就算有錢佬或者黑社會大佬叫d打手打人....都仲有條教唆他人犯罪....
    就算睇水都要有意圖....
    係咪可以求求其其一句就入埋兩個指揮官呢?
    佢地管唔到下屬~本來係內部問題要內部處分~將兩人推上庭呢d咪真正o既政治檢控law...

    用呢個邏輯~朱經緯單野都冇問題la~佔中果陣d所謂途人o係馬路行來行去都係變相鼓勵犯案~
    差佬係合法驅趕....當然....講到泛民錯佢地又搬龍門....

    回覆刪除
    回覆
    1. //忙住搵工

      祝好運!

      //社團超話背部俾警棍打傷~
      //呢一點其實點證實?

      應該係憑傷痕.

      //個官竟然可以信納曾係誠實證人....

      見標少:

      https://billsiu.blogspot.hk/2017/02/blog-post_14.html

      曾健超在自己身為襲警案的被告時, 抗辯的方向是爭辯自己是潑液者, 定罪之後打算上訴。他在七警案作供, 被盤問到他是不是潑液者時, 他突然承認了, 判案書第322段這樣描述;

      322. In cross-examination Mr Lok SC played to Tsang the police video shown to Sgt 47574 and asked Tsang whether he was the one who was pouring the liquid. After the court gave a warning against self-incrimination[234] Tsang answered that he was the one pouring liquid. Tsang agreed that he was charged in relation to his conduct that evening[235].

      我以前曾經評論過, 曾健超這承認就等如放棄了他自己襲警罪的定罪上訴, 他還要上訴就只可就着判刑上訴了。他承認是在他受審的案中影片顯示的潑液者。他這做法叫兩害取其輕, 如果在盤問下他否認是潑液者, 他的可信性更加會被猛烈攻擊, 到時七警脫罪機會就更大。在這情況下, 他用了割喉式攬住一齊死的方式, 反而使法官可信納他的證供。當然, 七警律師一樣不會放過攻擊他的誠信, 尤其是他在襲警案否認控罪, 指證七警時就承認是潑液者。無論如何, 七警以後上訴時, 也會集中火力以曾健超的誠信來着墨。

      //o係側邊唔阻止即係變相鼓勵犯案
      //黃之鋒叫人衝擊公民廣場~佔中3妖~仲有後期泛民議員手牽手訓街~
      //呢d唔係變相鼓勵犯案?

      兩個 cases 唔同. 兩督察階級比眾警員高, 在小組中有話事權,在紀律部隊中下級須要服從上級指令,「阻止即係變相鼓勵」係講得通;三恥痴瘋仔犯民等雖然在佔中運動中有領導角色,但係點講都好參與者都無義務服從佢地嘅命令。

      //都仲有條教唆他人犯罪....

      同意有教唆及煽動成份,不過記憶中佢地好精,成日有 disclaimer 叫班有青要注意責任自負.

      刪除
    2. 聽聞司法機關開始滅聲~如果魔術師兄覺得安全受威脅~請DEL我D回覆~
      我係唔會講咩狗官乜乜乜...而家唔係要侮辱D官~係要去睇成個制度O既問題...

      //祝好運!

      講到搵工拉開少少...魔術師兄你有冇試過做D公司係新加坡做ASIA HEAD QUARTER?
      基本上我個人對新加坡係極度反感...之前都講過D...而家間公司都一樣...
      完全唔覺D港女口中新加坡仔點當過兵好TOUGH...點醒...
      其實係比香港人更懶更投機....因為HEAD QUARTER 佢地可以訂立好多有利自己O既規則...
      以前納粹銀行係咁...而家都係...
      而O係經濟上星洲都一樣係食腐肉O既禿鷹~香港有O既佢就問大陸要...鬥搶....
      所以李顯龍執政對香港係好事~阿爺未必再信星仔...

      //應該係憑傷痕.

      呢一點正正證明個官主觀
      有條片影到疑犯A俾差人A,B & C 拳打腳踢~
      之後疑犯A報警話受襲~同時展現傷痕有被警棍毆打O既痕跡
      但疑犯A認唔到打佢O既差人A,B & C
      咁係咪可以證明差人A,B & C用警棍打佢?
      ASSUME個官覺得條片冇疑點都唔可能用聯想去指控LA

      //見標少:

      大部份認同...我只係覺得好搞笑~
      因為佢審先仲要輕判...跟住可以咁樣去攬炒...如果佢重判兩年我唔知係咪都一樣...
      但用法律角度...一個人前後矛盾就係唔誠實~
      佔中期間好多時法官大人主動代檢控去質疑警方口供就成日用呢點去指差佬唔係誠實可靠O既證人....
      同時間佢冇認人...咁佢講O既有咩意思~
      當然~呢D程序野~上訴果陣我估個官唔敢落閘...
      唔係D大狀真係唔駛打程序...

      //兩個 cases 唔同
      其實唔係GA~你唔見佔中3妖扮完首腦又不斷對外堅稱佢地唔可以控制參與人士
      就係唔想俾人入佢...
      而警察上司下屬個CASE可以APPLY落富商同保鑣度...
      但都唔會用唔阻止係變相鼓勵...一定要下級供返上級先入到罪...
      因為我同D警察朋友傾開~佢地都驚個官引用黑社會睇水黎定罪...
      但上司睇水呢樣講出O黎冇邏輯於是個官就用另一套說辭....

      至於下級必須服從上級....其實佔中期間上級多次指示下級冷靜...
      因為我最FD個朋友有咁做~落哂ORDER叫D燥底下級上警車冷靜下
      我唔知呢個朋友有冇咁做...如果有...但下級唔聽又係咪可以免責先?
      因為警察唔阻止罪案並唔會有法律刑責~係內部紀律處分....
      個官都引用唔到法律去定佢罪LA~大佬~至少QUOTE條警例做SUPPORT LA...

      //disclaimer
      DISCLAIMER有用~小心滑倒果D就唔駛賠LA~
      個官一樣可以話河童同佔中3妖變相暴動...
      變相呢兩個字係無限搬...所有法律灰色地帶都用得上~真係睇個官點判...
      但CRIMINAL CASE唔應該係咁...
      其實入罪我唔覺得有問題...問題係可唔可以跟返遊戲玩法....

      刪除
    3. //如果魔術師兄覺得安全受威脅~請DEL我D回覆~

      係google怕多啲, 成日將啲長留言掃入spam box

      //魔術師兄你有冇試過做D公司係新加坡做ASIA HEAD QUARTER?

      咁又無, 不過 SG 有分部同事.

      //因為HEAD QUARTER 佢地可以訂立好多有利自己O既規則...

      基本上所有HQ 不論在何地都係一樣.

      //咁係咪可以證明差人A,B & C用警棍打佢?

      我無跟哂單case,但係捉得7警上嚟,如果跟本證明唔到7警就係打人嗰班人,咁應該好易打得目,亦無可能只係靠法官一個人認人。

      //呢D程序野~上訴果陣我估個官唔敢落閘...

      呢條可能係伏線來的.

      //你唔見佔中3妖扮完首腦又不斷對外堅稱佢地唔可以控制參與人士
      //但下級唔聽又係咪可以免責先?

      問題係班參與人士亦不承認3妖係首腦, 只係當佢地係coordiator 而已. 你打工又好,紀律部隊都好, 下級要聽從上級指令係obligation吧? 如果下級唔聽上級命令,就兩人都有錯:下級無軍紀, 上級失職,不能好好管理下屬.

      //問題係可唔可以跟返遊戲玩法....

      遊戲玩法就係任搬龍門...

      刪除
    4. //完全唔覺D港女口中新加坡仔點當過兵好TOUGH...點醒...
      //其實係比香港人更懶更投機....因為HEAD QUARTER 佢地可以訂立好多有利自己O既規則...

      我有個friend成日去星洲出trip,都話坡仔好懶,不過投機反而唔系,而系因為正苦太有為,個個慣咗跟大方向做就得,結果好因循同驚死。

      //而O係經濟上星洲都一樣係食腐肉O既禿鷹~香港有O既佢就問大陸要...鬥搶....

      佢置身馬六甲海峽,用買辦經濟模式去食周邊國家經商的“腐肉”是其唯一能依賴的business model.

      不過星洲系主打一個多邊網絡,而香港以前就係主打西方同中國一條gateway.

      某程度上海其實都系食緊腐肉...當然上海做埋國內網絡的hub,呢一瓣就好難定義為“腐肉”了。

      //所以李顯龍執政對香港係好事~阿爺未必再信星仔...

      以前老豆系真正無我的世界仔,邊幾個強就遊走其中左右逢源;可做仔好似唔多學到呢套(又或者想自己“有為”),咁有性格未必有利於強敵環伺中生存。

      刪除
    5. //個個慣咗跟大方向做就得,結果好因循同驚死。

      我舊公司的坡仔坡妹都係咁的.

      //星洲系主打一個多邊網絡,而香港以前就係主打西方同中國一條gateway.

      我覺得星洲要成功,本錢係少過我城的...其實殺人政權俾我城的商機,都算幾屈機的.

      //咁有性格未必有利於強敵環伺中生存。

      咁就唯有做「自己生意」.

      刪除
  8. 加多句~如果個官睇片認人夠拉...
    咁旺角暴動好多人都夠入罪LA...帶左口罩都認到LA~
    O係呢個法庭~原來認人都有簡易程序~就係法官大人直接認人...

    回覆刪除
    回覆
    1. //個官覺得係就判罪...
      //O係呢個法庭~原來認人都有簡易程序~就係法官大人直接認人...

      包大人都係叫展護衛查案的.

      刪除
  9. 有無人可以講俾我知, 俾七名大人打咗咁耐, 啲傷可以咁少嘅?!

    回覆刪除
    回覆
    1. 因為社團超係江湖中人...
      7警果D只能造成皮外傷~~~

      刪除
    2. 要因為社團超有民主光環護體
      所以刀槍不入

      先可以成為真打既合理解釋

      我更信係兩邊其實係打摔角- 扮打

      刪除
    3. //俾七名大人打咗咁耐, 啲傷可以咁少嘅?!
      //7警果D只能造成皮外傷~~~

      班妄民話要入酷刑罪釘死七警添.

      //要因為社團超有民主光環護體

      原來民煮仲勁過義和拳

      刪除
  10. 香港行 common law system,我又放長雙眼睇下老美/米帝假髮人會唔會引用Dufton判詞。

    回覆刪除
    回覆
    1. 你可以收起雙長眼。我肯定佢哋唔會! XD XD XD

      刪除
    2. //我又放長雙眼睇下老美/米帝假髮人會唔會引用

      無論引用乜都好,都係選擇性引用啫.

      刪除
    3. O.J. 都打得甩。使乜引用港豬啲案嘅判詞? XD XD

      刪除
    4. 人地美帝好似係打得羸官司先收錢, 梗係唔會hea打喇!

      刪除