2017年6月13日 星期二

《天水圍的日與夜(The Way We Are)》:This is the way I was

在睇任達華之前,魔術師先睇咗呢套貌似平淡,但卻能勾起魔術師不少回憶的「紀錄片」:


張家安(梁進龍飾)是個疑似住在天水圍公屋裡的有青一名,會考完咗放暑假,終日無所事事,訓到日上三竿,連落街買報紙都懶。家安父親早死,與母親貴姐(鮑起靜飾)相依為命;雖然一間屋得兩個人住,但母子之間卻沒有什麼交流:

貴姐有個住匡湖居的蝗國廠佬弟弟(高志森飾),竟然叫安仔放假到匡湖居去玩。嘩,由天水圍去西貢,重唔重皮啲?家姐只係在超市疏果部做嘢搵兩餐架咋!就連同阿媽擺壽酒,貴姐就連麻將都唔打,打都只係免為其難戥下腳不賭是贏錢。那些姨媽姑姐的仔女都係細細個就去外國讀書,得閒就返下傷港,家安同佢地完全係無計傾:

梁歡(陳麉雲飾)是個新搬來的獨居老人,用的砧板倒也新潮,不過鏡頭一轉,婆婆用的生鐵鑊、揸的鑊鏟、用的雙頭石油氣爐,都十分「公屋格」,活脫就像是當年魔術師住公屋時,老父老媽煮飯時的模樣,簡直係當年的記憶都返哂嚟。婆婆都超市找工作,遇上了貴姐;超市經理也很好人,沒有年齡歧視,反而很用心地教婆婆如何賣菜(要知道現在的賣菜員,月入有$23,000!):

公屋生活很簡單,你幫下我,我幫下你。超市三枝一 pack 嘅油婆婆一個人有排都用唔哂,買一皮又要貴幾蚊;貴姐見之,便幫佢「拆散來買」,仲借啲易唔使婆婆俾錢。屋邨樓下商場仲未被領展(00823.HK)收購,仲有家庭式電器鋪賣平價電視。婆婆想買電視覺得七十元搬運費太貴了,剛好貴姐行過,便叫安仔落嚟幫手搬機兼安裝;又幫婆婆換埋燈膽。婆婆感激不已,便找出一包陳年冬菇,撕去了價錢牌,訛稱是在南北行買來的,送給貴姐作回禮:

原來貴姐係個傳統婦女,細細個就出來做嘢供兩個細佬讀書,所以依家就算發咗,都會飲水思源,月餅劵就話小數目一家人無謂計較咁 cheap,但送安仔出國讀書,呢個 committment 就認真唔嘢少:

婆婆也有個外孫,但唯一的女兒死後,女婿另娶繼室,一家住在沙田,婆婆想錫下個孫都唔得。婆婆趁外孫放榜在即,便疑似用了唔少棺材本打了金鍊和戒指想送俾女婿同外孫一家,但女婿卻推掉唔要。對買油差幾蚊都要諗,買電視七十元運費都要左慳右慳的婆婆來說,打擊甚深。於是婆婆在歸家的路上,將金器都送給了陪佢一同來沙田的貴姐。貴姐為免婆婆難堪,只好收下,「代為保管」:

睇返,安仔雖然甚宅,但其實都好乖:阿媽叫佢做乜就做乜,幫阿婆就幫阿婆唔在講;安仔去同學屋企玩,只係打機而唔係睇AV打JJ,又會摺衫(魔術師一向都懶得摺);外婆入了醫院又會照料;長輩去世又會幫手接金銀衣紙(魔術師細個時都試過!);在學校裡成績雖然唔突出,但亦深受老師(陳玉蓮飾)器重...足見起初的有青形象只係誤導,安仔與現在的一袋年青人相去甚遠:

最後,本片以安仔一家與婆婆共渡中秋作結,安仔仲識切碌柚,絕對唔係港孩(魔術師老父老媽一樣係鋪報紙墊枱食嘢,而唔係用膠枱布的,呢一幕又係好有共鳴!):

***
本片雖然無「劇情」無高潮位無笑位,但其實講的都是一般的公屋生活,也不限定是要在天水圍發生的,淡淡的人情世故中,另有一番感人之處。在屋邨裡,大家街坊街里,守望相助,你請下我,我請下你,送一些冬菇乾貨等,就是邨民間日常的生活,也沒有甚麼特別的悲情事件發生的。尤其是係那些公屋單位內的家品擺設,爐呀、鑊呀、飯壺呀、枱頭上的玻璃呀、「攝」在玻璃下的照片呀、電話簿仔呀、食飯時要用報紙鋪枱之類,都係魔術師經歷過的兒時生活瑣事,睇返真係好親切。對魔術師來說,呢一種平淡的生活,竟然比依家一眾港豬日唸夜唸的「財務自由」更有吸引力。
又,買報紙送紙巾就真係不敢恭維,一日用一包係唔會用得哂嘅;反而當年仲有膠袋送,可以用來做垃圾袋仔。

又又,話說先父都曾有幫襯呢類街邊剪髮。其實老人家唔會去新式髮型屋,咁究竟佢地平時去邊度剪髮嘅呢?唔通係日式10分鐘快速單剪?

***
伸延閱讀:
賣菜員月薪$23000,讀咁多書嚟做咩

53 則留言:

  1. 似幾好睇遲D找來看。我是第一代入住沙田歷源邨,等於今日天水圍?當年重周時見到《小时候》在拍外景。
    小弟博文也寫過篇兒時街坊記憶:
    http://2chanze.blogspot.com.au/2014/01/blog-post_28.html

    回覆刪除
    回覆


    1. //小孩子就像追逐於一大四合院之中,那份樂趣是遠高於舌尖之上的。

      當年的公屋都是家不閉戶的。

      //我兒時的滋味,就成為了永遠的 craving。

      先父母的拿手好菜都是家常便飯:
      豬肉蒸蛋
      蒸牛肉餅
      柞菜蒸牛肉
      煎豬扒
      煎雞翼
      豉汁蒸排骨
      豉汁蒸泥鯭
      青紅蘿蔔煲豬骨
      芥菜牛肉湯
      田七雞湯



      好彩我自@都季到幾招。

      //小時侯愛吃煎香了的紅衫魚

      我最愛的蒸魚就是豉汁蒸泥鯭。

      刪除
  2. >對魔術師來說,呢一種平淡的生活,竟然比依家一眾港豬日唸夜唸的「財務自由」更有吸引力。

    伊謝爾倫的日與夜有魔術師與大家

    回覆刪除
  3. 呢套會睇得舒服過任達華嗰套。

    雖然我出世時屋企環境已經唔錯,但去太婆過節都會見到火水爐、水煙壺、有門鎖嘅電視櫃、猜樓梯(公屋)、去最陰暗角落探險!每年返一兩次鄉下(佛山附近啲農村),會見到用牛糞撈煤做嘅磚去煮飯、啲雞四圍走,打井水。一星期大概兩晚有新鮮牛奶買,當晚就會有又香又滑嘅燉奶食,應該以後唔會再食到,因為要食物衛生管理。聽講阿嫲一生人只出過門口3次,間屋就係佢個世界。有時夜晚會有螢火蟲。老爸排最細,所以我啲表哥表姊都結咗婚或做緊嘢,捉螢火蟲就佢哋幫我做啦!放响牙簽筒入面,熄曬(油)燈先睇到呀!以前一星期只有三日有限量供電。廁所只有一條坑溝,要小心咪跌落去。睇表哥「燙雞」係最精彩!

    以前唔會兼人窮,除咗自己細,亦因為普遍人都係窮,好正常咁。只會兼污糟,因有潔癖!
    我覺得我呢代人經歷最豐富,但都無乜危險。好似放風箏咁,而家有幾多細路放過呢?而家都玩 drone 啦!

    回覆刪除
    回覆
    1. //但去太婆過節都會見到

      堅離地小康鄉間獵奇之旅!

      //聽講阿嫲一生人只出過門口3次,間屋就係佢個世界。

      3次:自己嫁,娶新抱,抱孫

      //燙雞

      唔明... XD

      //以前唔會兼人窮,除咗自己細,亦因為普遍人都係窮,好正常咁。

      我不嬲都話傷港中剷係封建主義擁護者,階級觀念最重。

      刪除
    2. Shit! Copy and paste 錯咗!冇得 delete 嘅!
      //燙雞
      應該係劏雞! XD XD XD
      懶得去廣東話字典 check check

      刪除
    3. //Shit! Copy and paste 錯咗!冇得 delete 嘅!

      已 delete.

      //應該係劏雞! XD XD XD

      好多港女驚血的.

      刪除
  4. 呢部戲睇得好舒服,難得無死人塌樓既港產片

    回覆刪除
    回覆
    1. 無明確劇情嘅電影竟然好䏲過懶有嘢講的戲,你話死唔死?

      刪除
  5. 貴姐憑呢部戲攞影后,做得好平實,抵佢攞嘅。
    最記得細個用火水爐同叫石油氣,哈哈。

    回覆刪除
    回覆
    1. //火水爐

      細個時覺得火水泵好神奇。

      刪除
  6. 未睇過呢套戲,本來以為係講天水圍所謂悲情城市既劇,但原來係咁平淡,不過平淡得黎似乎又唔錯,睇黎要搵日睇下。

    回覆刪除
    回覆
    1. 初頭有啲悶,但睇落去調較咗個expectation,就唔覺得節奏慢。

      刪除
  7. //梁進龍飾

    我search返先知原來梁進龍就係《旺角監獄》負責服伺黐線輝嗰個小弟!睇嚟晶哥真系將《日與夜》組合成個搬過嚟。

    //婆婆用的生鐵鑊、揸的鑊鏟、用的雙頭石油氣爐,都十分「公屋格」

    許鞍華系認真的導演。

    暫時好似得佢同陳可辛可以遊走蝗國同傷港兩地而唔會被笨土影評人X。

    //睇返,安仔雖然甚宅,但其實都好乖

    我都覺得呢個有青年齡段的角色都頗為討喜

    //但亦深受老師(陳玉蓮飾)器重

    第一次睇時突然見到陳玉蓮,真系有啲驚喜

    //咁究竟佢地平時去邊度剪髮嘅呢?唔通係日式10分鐘快速單剪?

    而家唔只QB house架啦,好多人自己開同類型店,仲收得平過QB house,$45搞掂都有。眼見都好多老人家去的。

    //貴姐憑呢部戲攞影后,做得好平實,抵佢攞嘅
    //呢部戲睇得好舒服

    系睇得好舒服,同好貼近日常生活。

    //無明確劇情嘅電影竟然好䏲過懶有嘢講的戲

    我想講王家衛大導好多戲其實都無乜明確劇情 XD

    //本來以為係講天水圍所謂悲情城市既劇

    下一套《夜與霧》先系。

    回覆刪除
    回覆
    1. //梁進龍就係《旺角監獄》負責服伺黐線輝嗰個小弟!
      //我都覺得呢個有青年齡段的角色都頗為討喜

      http://baike.baidu.com/item/%E6%A2%81%E8%BF%9B%E9%BE%99
      原來佢只拍過四套戲.

      //第一次睇時突然見到陳玉蓮,真系有啲驚喜

      唔怪得徐老師只係見聲唔見人,原來係最後出場做特別嘉賓客串.

      //而家唔只QB house架啦

      老人剪髮真係有得做!

      //我想講王家衛大導好多戲其實都無乜明確劇情 XD

      我買咗《愛神》了.

      刪除
    2. //我買咗《愛神》了.

      可能因為«手»係短片,呢套已經係王大導最平鋪直砌的作品了,題材(因為魔兄鍾意寫甜故),背景和佈景(因為魔兄話好鍾意«葉問:終極一戰»)相信都好啱魔兄口味。

      當然個節奏仍然是王大導一貫針對niche market(包括小弟)的作風,呢味嘢真係鍾意就好鍾意唔受就好抗拒,如果魔兄睇完«手»頂唔順仲要夾硬睇«一代宗師», 睇完DD聲就唔好怪小弟(呢個算係免責聲明 XD)

      刪除
    3. //題材(因為魔兄鍾意寫甜故)

      貪得意啫!

      //佈景(因為魔兄話好鍾意«葉問:終極一戰»)相信都好啱魔兄口味。

      都係架,起碼同《日與夜》一樣,佈景道具認真,唔似其他港慘片咁求其.

      //«一代宗師»

      搵咗好耐,DVD竟然斷了市.

      刪除
    4. // 我想講王家衛大導好多戲其實都無乜明確劇情 XD

      摩摩你都中意王大導?
      其實,我覺得睇王嘅戲,唔可以好似當佢係其他巷慘片咁睇。佢好多時個故事好簡單,但係,佢唔會平鋪直敍咁講故事,或者特登扭橋,故步疑雲,懶有嘢,懶有深度。反而,佢會以一啲零碎嘅時光,去講個故事出嚟,去交代人物關係嘅變化。春光,重慶,20,花樣,都係咁。

      至於話咩解構佢啲戲,咩春光其實暗射中英同香港嘅關係,算吧啦,嗰啲我反而唔係太BUY。

      刪除
    5. //咩春光其實暗射中英同香港嘅關係

      呢啲只係夾硬嚟嘅腦補而已。

      刪除
  8. 平淡中見趣味。陳麗雲獲最佳女配角也實至名歸。
    (手寫版出錯了文中陳麗雲的「麗」字)

    回覆刪除
  9. 最近睇咗得奨《幸運是我》,都好草根生活,睇得幾舒服。

    回覆刪除
    回覆
    1. 好似幾好睇喎!
      《一念無明》係咪都係同類型嘅呢?

      刪除
    2. 好難會有觀眾會覺得«一»舒服,我只能夠話覺得無想像中咁難受絕望,結局仲有少少希望色彩。

      我無睇«幸運是我»,«一»同«日與夜»唯一共通點係戲內所有演員都好似變成你身邊的普通人,包括余文樂曾志偉.

      刪除
    3. //《幸運是我》

      未聽過, 已落list.

      //«一»同«日與夜»唯一共通點係戲內所有演員都好似變成你身邊的普通人

      就係咁先易生共嗚...
      又,唔通睇《十年》睇到喊的港豬,佢地身邊的人唔通會有類似一眾主角們的「普通人」?

      刪除
    4. 《幸運是我》同《一念無明》都係講建立關係

      差別在於完成度要求唔同:《幸運是我》"任務"建立0到100既關係 - 我覺得完成度唔夠, 無足夠既事件觸發, 兩人關係只係順理成章, 最多建立到40既關係, 就話完成度100打爆機, 未交夠貨囉

      相對地, 《一念無明》都唔係話交待得好完美, 但係《一》既任務要建立既只係0>20 既關係, 完成度唔需要咁高, 但係反而有足夠事件交待, 可望建立60既關係, 超額完成

      都未計主角設定, 以主角既設定, 陳家樂系《幸》裏面係一條仆街, 惠英紅痴呆症唔信人, 兩人建立關係有先天既困難; 反而余文樂系《一》裏面係一個堅有青, 係"孝順到傻佐", 曾志偉亦係一個唔識表達自己既好人, 兩人要建立關係只係破冰

      純以戲本比較起泥, 我會俾《一念無明》高2分

      刪除
    5. // 痴呆症唔信人

      巷慘片拍痴呆症多數唔多掂。多數痴呆症病人,係唔會同到新人物建立到關係。
      佢根本唔L認得你。大佬,自己個仔都可以認錯,會記得你?除了當咗你係佢個仔之外,無可能囉。DKLM。

      刪除
    6. //任務

      咁即係expectation management,《一》嘅野心無咁大,target低自然容易爆數;反次《幸》的目標太大,反而會眼高手低。

      //大佬,自己個仔都可以認錯,會記得你?除了當咗你係佢個仔之外,無可能囉。

      當咗你係自己個仔之後,轉過頭就唔記得咗。

      刪除
    7. 唔知算唔算 EXPECTATION MANAGEMENT

      兩者結局既唔同, 令我覺得要要完成既任務唔同

      打個比喻

      《幸》既結局就係: 公主感恩圖報, 以身相許

      我就會希望王子又越過高山又越過谷, 打幾隻怪, 死過返生, 先帶到公主逃離壞人既魔掌

      《一》既結局大概就係: 公主同王子一齊行沙灘

      咁王子"口遁", 吹一輪浪漫廢話就勸到隻壞人放公主一馬, 我都收貨囉


      刪除
    8. //我就會希望王子又越過高山又越過谷, 打幾隻怪, 死過返生, 先帶到公主逃離壞人既魔掌

      咁叫懶係不落俗套...

      //咁王子"口遁", 吹一輪浪漫廢話就勸到隻壞人放公主一馬, 我都收貨囉

      咁似《黑豹列傳》打大佬的劇情, 通常都係極度反高潮.

      刪除
    9. //咁似《黑豹列傳》打大佬的劇情, 通常都係極度反高潮.

      有D 咁既事? "口遁" - 我係抽《火影》水

      刪除
    10. 哈哈, 我無睇火影; 不過黑豹次次啲大佬都係神級力量,人間主角多數鬥唔過,於是便只有出口術將壞人忽悠掉.

      刪除
  10. //對魔術師來說,呢一種平淡的生活,竟然比依家一眾港豬日唸夜唸的「財務自由」更有吸引力。//

    平淡是福。再多的錢財也不及人與人之間的那份情

    回覆刪除
    回覆
    1. //再多的錢財也不及人與人之間的那份情

      所以我呢份工做得唔係太開心都係咁解: 見到啲同事對住客就扮矮人,對住其他僱傭兵就咄咄逼人, 對住同事又懶friend懶hyper, 我自己就唔係好慣玩埋咁多人事嘢了.

      刪除
    2. 大貓應更人事古怪吧?

      刪除
    3. 哈,呢一點我無法評論喎。

      刪除
    4. //大貓應更人事古怪吧?

      我今朝先知大貓系落唔到盤買7300的(應該系所有7字頭的etf),呢個唔只古怪直情系c9s

      刪除
    5. 唔出奇,對銀行來說, compliance 最重要. 呢類槓桿衍生工具肯定要你簽呢簽路先會同你落盤, 又唔係賺得多所以直程 disable 都唔出奇.

      刪除
    6. //見到啲同事對住客就扮矮人,對住其他僱傭兵就咄咄逼人, 對住同事又懶friend懶hyper, 我自己就唔係好慣玩埋咁多人事嘢了.//

      人前人後幾個樣,好難相處得舒服。既然連舒服都講唔上,更加唔好講要建立一份情。比著我係你,都會同咁樣嘅同事保持距離

      刪除
    7. //更加唔好講要建立一份情。

      諗諗下,以前妹頭組原來都幾好架,利害關係實有,但起碼君子好多.

      刪除
    8. 所以我見你好似仲會同佢哋間中聚下?

      話時話,妹頭、美顏上司呢啲花名改得好得意 XD

      刪除
    9. //所以我見你好似仲會同佢哋間中聚下?

      間中都有聚下喇. 其實人在江湖身不由己, 有時公司制度使然, 做上司有時要harsh啲唔出奇;但係個人心地好唔好, 就好容易由佢日常言行睇得出.

      刪除
    10. 難得你體諒你上司~

      日久見人心。有啲人講嘅說話可以好漂亮,但同佢相處耐左,就會發覺佢嘅行為同佢講嘅野唔脗合。說話或者仲呃到人,但係行為往往係佢好真實嘅反應。行為可以反映到呢個人點睇呢個世界,點睇其他人同佢自己

      刪除
    11. //行為往往係佢好真實嘅反應。行為可以反映到呢個人點睇呢個世界,點睇其他人同佢自己

      無錯. 人愈大真係愈難找到言行合一的朋友.

      刪除
    12. 還是以往求學時期的朋友最容易交心。不過我很信緣分,有緣分的話,即使在社會大學打滾,還是可遇上言行合一、可交心的朋友。

      刪除
    13. 所以,我都係本住待人以誠的心態,無謂咁多計算:人地虛的,我給他一招「亢龍有悔」,實的,也是一招「亢龍有悔」。

      刪除
    14. 少啲計算,心理都少啲負擔。

      我一直淨係知亢龍有悔出自周易,睇到你個留言,即刻查下咩意思,咁就學多樣野 XD

      BTW,而家我好似將你個留言板變左做chat room 添

      刪除
    15. //睇到你個留言,即刻查下咩意思,咁就學多樣野 XD

      記起了, 舊文都寫過:
      http://magician__yang.mysinablog.com/index.php?op=ViewArticle&articleId=1019762

      //而家我好似將你個留言板變左做chat room 添

      無問題的說 ^_^

      刪除
    16. //不想改變自己的性格//
      呢點我同你有啲似,哈哈。不過我用嗰套比較貼近老子講o既上善若水

      //無問題的說 ^_^
      實在太好了

      刪除
    17. //不過我用嗰套比較貼近老子講o既上善若水

      你睇我寫嘢咁鬼狠辣, 猛烈如火就有, 都好難好似水一樣滋養萬物了.

      刪除
    18. 我笑左,哈哈!話唔定你年紀再大啲時,啲火會收一收

      刪除
    19. //話唔定你年紀再大啲時,啲火會收一收

      咁我應該唔會變做圍院阿伯的 XD

      刪除