Junk Bay 博覽館

點解呢個世界咁多Kidults架？今次唔單止例牌興趣玩 figure，砌模型 Lego；仲鍾意飲 sake，儲酒樽...儲儲埋埋咁多唔等使嘢做乜？（３６：２５—４８：１９）

樓盤傳真 2017/05/20 2017/05/20 23:07

長實荃灣海之戀，部份浴缸旁設大塊磨砂玻璃窗，窗口對正荃灣公路，私隱隨時蕩然無存。
海之戀首批開逾萬五元一呎，同一價位在西九四小龍，也有選擇。
旺角曉珀御，豪宅定位、即使浴室也可享開揚景觀，但同時與工人房互望。
業主夫婦住將軍澳緻藍天四房雙套，男戶主興趣多，愛喝清酒、儲存清酒樽、愛砌模型，大量模型盒，家中設計如展示廳。

呢間都唔知係咩嘢屋嚟嘅，1,135呎兩夫婦二人世界本來幾 prefect（以魔術師的 benchmark 來說，是適中至偏多類），但係原本發展商設計竟然有四房雙套，夾硬間４個廁所出嚟，仲要係黑廁。明明有空間感卻要業主住劏房（或擺明出租套房格局？），都唔知係乜心態：

設計師將客房２和客房３分別變成展覽館和書房加展覽館（左上、右上）；其中書房加展覽館有落地大櫃，主力裝模型盒，櫃內間隔以闊落高身為主（左中）；而展覽館則以「燈箱」為主，以供男戶主擺放 Lego 和各款模型，房內更設有遙控百葉簾以防日光照到啲模型殘哂（右中）。Show off 精神由房伸延到廳，成條走廊都係落地大櫃以供儲物，中間偷空做燈光效果擺模型（左下、右下）。不過魔術師又諗，如果男戶主真係 Figure/Lego/模型迷，呢類大型擺設只會愈買愈多，好快呢個設計就會唔夠用，到時間屋又盞會亂糟糟：

設計師將最細的黑廁改為儲物室（左上、右上），又將客房１跟主人房打通，改成衣帽間（左中、右中），呢兩個改動都算 make sense；但比較奇怪的是，主人房的一個角落有道暗門，可以好似雪櫃咁打開，原來係俾女戶主用的迷你梳妝枱（左下、右下），真係該煨。對比起男戶主的展覽空間，女戶主咁細張梳妝枱正正體現了「老婆６０歲前都唔好俾飽飯佢食」的真理：

設計師將位於客飯廳一角的雜物房娛成吧枱，給男戶主照呼酒肉朋友嘆日本清酒之用（左上、右上），趟門設計為和式紙門，拉過來就是展示酒樽（左下、右下）。不過呢類展示櫃都係有同樣問題，就係放滿了酒樽之後，再有生力軍入嚟就唔知點算（近近地送去堆填區？）：

唔計原來的劏房設計，呢間屋的先天條件其實唔錯。客飯廳非常闊落，門口玄關可以做矮凳及鞋櫃（左上、右上），露台外望無敵海景，只係電視櫃隔離盞 Miffy 燈柒咗啲（左中）。屋主夫婦除了係哈日族（好彩無話在浴室整和式浸缸），仲係唔去旅行會死之輩，尤其喜愛北歐風，故此設計師都將牆壁髹上「希臘藍」、「北歐紫」，而餐枱餐椅和燈具都採。用北歐設計師出品（右中）。書房景色優美，魔術師就話點都好過望模型（左下）。睡房夠大夠闊落，有足夠空間可供三邊落床，不過死都要扮和風用木系傢具（右下）：

除咗要照顧啲無無謂謂的「展品」，呢個個案算係比較平實。由於係新樓，相信廚廁可以唔搞就唔搞，慳返一筆，同時又環保啲不用製造無謂的建築廢料。