2016年5月28日 星期六

財商下流

話說早前價值大師圖文並茂,提出用物業加接套現投資,每月還款的本金竟然可以當成是「賺回來」的,看得魔術師雙眼發直:
如果閣下的父母有物業,不妨利用機會套一筆大概500萬的借款,若果是2.15%年利率分25年供,480萬每月連本帶利就是20697,一年現金流支出,便是$248364。
不過還款時因為之前2年幾己供了$346760的本金,呢筆錢實際係已經還了,你只需要還480萬減呢筆數,於是你就總共賺了$1267026。
不過,原來佢緊接而來的另一篇就更神,信眾們竟然還說「例子很易明白」...究竟那些投資班信徙的腦袋是用甚麼構成的呢?
價值大師如是說
(1)股票在除淨後的第二天未開市就己下跌,它下跌的原因不是成交,而是報價公司人為調整,把昨天的收市價簡單地減了股息,一如中原地產可以每個月頭調整一下成交價和指數,除返它的租金淨價一樣。
(2)直至買家或賣家,無異意又用報價中的理論調整價去成交,那個才是市場真真正正的除淨價,而不是老馮價,於是大家就問應該減幾多?
(3)有時明明講好派息,但之後好似電能唔派,唔之點解佢一樣要好似除淨咁下跌,即係袋中無銀,股中有銀,股價自動減你腦中那個股息。
(4)假如一間公司十年來每年都是賺5元,股價是25元,公可有10元是現金,並決定全派10元息,於是有聰明人就會在前一天以25元買入,因為派完10元之後,投資者就等同只付出15元,而唔係要用25元才能賺相同的5元。
(5)如果今年淨值是6蚊,年年賺1.2元,派0.33元,咁派淨個0.9蚊係仍然保留係間公司,個淨值第二年應該是6-0.3+0.9
真係睇到一頭霧水,不過當係腦筋急轉彎考下自己當成係做練習都唔錯:
(1)股息除淨並非報價公司「人為調整」,而係假設市場溢價(或折讓)不變,反映公司派息後資產負債表縮減而得出來的。
(2)甚麼叫「無異意」?甚麼叫「老馮價」?是否即是「報價公司人為調整的理論價」?根據大師邏輯,既然「市場價」才是「真・除淨價」,那就無需要去「問應該減幾多」?市場價減1蚊就減1蚊,減10蚊就減10蚊,市場說的就是真理,你「問應該減幾多」永遠都是「理論價」,問來都多9餘,前後矛盾。
(3)講好派息最後唔派,股價「好似除淨咁下跌」,並唔係「自動減你腦中那個股息」,股價無可能知道價值大師那偉大的腦袋在想甚麼的?股價下跌是因為市場價反映了收股息的期望,並已price in在溢價之內,期望落空,溢價下跌,回復原狀。
(4)「聰明人就會在前一天以25元買入,因為派完10元之後,投資者就等同只付出15元,而唔係要用25元才能賺相同的5元。」跟(3)一樣,$25的股價早已經反映了$10派息,「聰明人」以$25買入價值$15的東西,然後派回$10給自己,是以$15買$15的東西,竟然還可以覺得是有「着數」,「聰明人」的思考的確是異於常人。
(5)「今年淨值是6蚊,年年賺1.2元,派0.33元,咁派淨個0.9蚊係仍然保留係間公司」,今年保留盈利係$1.2 - $0.33=$0.87,下年淨值係「今年淨值加今年保留盈利」,所以係$6+$0.87=$6.87,而唔係大師所寫的「6-0.3+0.9」。
其中(1)、(3)、及(4)所涉及的除淨下資產負貸表的轉變、股價反映派息預期、和「派回給自己」可以下圖表達:

***
伸延閱讀:
楢山節考水貨團

18 則留言:

  1. //(4)假如一間公司十年來每年都是賺5元,股價是25元,公可有10元是現金,並決定全派10元息,於是有聰明人就會在前一天以25元買入,因為派完10元之後,投資者就等同只付出15元,而唔係要用25元才能賺相同的5元。

    簡單講,「聰明人」係假設派左息之後,股價係唔會跌的,即是公司有10元同0元現金,股價都是不變的。

    唯一有可能就係呢間公司個概念好勁,遲d會爆發(或爆炸),咁呢10元現金就唔relevant;問題是,呢個就唔係「用25元來賺相同的5元」,而是「用25元來搏將來的10元、20元...」,而且呢類公司,一或係派好少息,一或無可能股價4成係現金。況且呢類公司應該唔係「價值大師」杯茶。

    「價值大師」喎...

    PS 所以有人話,呢個價值流派即使強如巴菲特,佢買AAPL代表佢計得掂AAPL條數,即是話AAPL已經無爆發概念,係時候當巴老係燈,計數走人了...

    回覆刪除
    回覆
    1. //「價值大師」喎...

      我城好多專業都要領牌, 偏係教書或從事教育的就唔使「考牌」, 果然係港英政府遺留下來的炸彈.

      //即是話AAPL已經無爆發概念,係時候當巴老係燈,計數走人了...

      巴老其實是贏在起跑線上, 佢間唔時燈下有乜所謂, 一般人根本學唔嚟.

      刪除
  2. 哈哈。羅輯同加減數問題應屬智商。

    回覆刪除
  3. 股息呢個題目已講到悶,真係唔明呢個最基本嘅概念點解可以講咁耐......投資新手我都一早搞清所謂股息係咩一回事啦......=_=

    回覆刪除
    回覆
    1. 雖然前文講過話寫呢篇,但係我都有諗過「走數」的XD

      不過當見到有些人認為要指出「以盈利派息是可持續的」和「不務正業派息會坐食山崩」來「解說」「股息不是左手交右手」,「this month's cash flow = next month outflow」沒關係,只要有「收息的感覺」便好,我就抵唔住頸一齊「圖文並茂」了。

      刪除
  4. 難得魔術師兄有心情將大師級文章逐一拆解,通常睇左個開頭發現唔對路就要跳過。

    回覆刪除
    回覆
    1. 我連佔派啲膠文都可以逐點反駁,價值大師又何足道哉 XD

      刪除
  5. 魔術師理解力比我高. 我睇完佢既文章,完全唔知佢講咩, 肯定冇可能做到逐點反駁

    其實我經常性睇唔明佢寫既野, 我既理解力應該有問題.

    回覆刪除
    回覆
    1. 明明所有信眾都覺得好易理解,係你先唔明,你呢啲先係「真・智商下流」 XD

      刪除
  6. 唔知佢學生, 有幾多人的阿爸阿媽要訓街啦 ?

    回覆刪除
  7. Magician兄果然真理愈辯愈明,大讚=)

    大師最新聊篇"毒男"~我真係唔敢睇,怕睇完後變"毒女"。

    回覆刪除
    回覆
    1. 「毒男」我無睇,無需要亦唔值得篇篇將佢軍,見到太離譜、有時間有興趣才出句聲,其餘的當係笑話娛樂一下也不壞,

      某程度上,魔術師可以理解大師的所謂收股息可以不理股價的意思:大概是等於以資金買入一部定期會「自動印銀紙出來」的「印銀紙機」,只消「印銀紙機」放在一旁,無需理會,持有直至永遠,定時定候就會吐幾張銀紙出來俾你。

      如果係以呢種諗法,將「定時定候吐銀紙出來」看成是定期現金流入(收息),咁就應該客觀地將 Day 1 買入「印銀紙機」看成是整條時間軸的「現金流出」,並以已折現「現金流入」計算出「回本期」,未「回本」前是沒有甚麼值得高興的,要待N年後回了本才算是淨收入。但大師卻從來沒有咁做,佢只睇現金流入,不看現金流出的。

      同時,奇就奇在信徙們只收了幾期息,根本談不上「回本」,便很高興了。由此路進,其實佢地並沒有無視「印銀紙機」的 resell value,即是市價。但矛盾的是,佢地又會話「賺息蝕價」唔緊要,明顯邏輯上自我矛盾,一切都是自我安慰,令自己「心裡覺得舒服」的想法。

      刪除
    2. 呵呵,魔術師兄的"印銀紙機"概念生動易明。美帝以前有"Helicopter Ben",而blog界就有"Helicopter Txxx"~

      我有一個奇怪的想法:只強調定時定候收的銀紙,而不理會部收銀機的消耗,可能係因為"無限補時"的任務,當時人覺得可以靠子女、孫兒等,千秋萬代地收下去,那就總有一天會回本的=)

      刪除
    3. 就如高鐵一樣, capital expenses是不可能「再賣出」的,所以回本期就很重要了;而不師的tricks,就是龍門任搬.

      刪除
    4. 哇!靠子女、孫兒等,千秋萬代先回到本,不如唔好買=_=。暫時人類歷史上得貴金屬、古董、知識先可以「保值」和「足夠安全」地傳千秋萬代,連樓、土地都可以被戰爭打走,更何況股票?千秋萬代後做牆紙「美化家居」就有份。

      刪除
    5. //靠子女、孫兒等,千秋萬代先回到本,不如唔好買=_=。

      所以子女要加按自己層樓,做父母的無理由不成全他們啊!

      刪除