2018年2月25日 星期日

摩摩電影節之《戰狼II(Wolf Warrior II)》:一帶一路守護者

《戰狼II》係魔術師少數無返睇第一集便直接跳入第二集的電影,主要係因為除了主角「冷鋒」是同一人之外,跟上一集都無乜劇情或角色可以連接;基本上本片叫做另一個片名例如「第一滴精」,主角名叫做蘭保・習都可以。如果想玩系列化留住粉絲,蝗片就要學荷里活片咁,要識玩伏線才夠趣味:


老解精銳「戰狼中隊」成員冷鋒(吳京飾)將在上集英勇殉職的戰友的骨灰送回老家,剛巧碰上地產霸要對戰友的孤兒寡婦強行徵地。地產霸唔知哪裡來的豹子膽,竟敢用槍指住老解個頭,鄉鎮警察(公安?)也將老解同志當成是敵人。得意滿滿的地產霸再來恫嚇,結果被冷鋒一腳踢死。同魯智深三拳打死鎮關西一樣,冷鋒的下場就係被搣柴,依法被判監禁:

三年後,冷鋒流浪去到非洲某國,配合一帶一路的發展,做起買辦上來,將蝗國藥物和貴州茅台(600519.SH)引入非洲。冷鋒跟眾黑人打成一片,鬥飲茅台,對住大媽哂腹肌,在沙灘上實現蝗國足球夢,仲收咗個黑小孩做契仔。

原來在冷鋒坐監期間,冷鋒愛人暨「戰狼中隊」隊長龍小雲(余男飾)在執行任務前留下結婚申請書要冷鋒簽名,然後很酷地便走了。可是小雲最後沒有回來,在失蹤現場只遺下一粒子彈。由於冷鋒得到情報,類似的子彈在非洲出現過,於是便將疑似是殺死龍小雲的子彈當成是頸鏈戴在身上,變身成為浪人到了非洲去查找線索:

冷鋒在超市「鳩嗚」,付款後後卻發現華僑老闆故意找少了錢;冷鋒以「大家都係蝗國人」來拉關係,誰知老闆卻拒絕承認自己是蝗國人,給冷鋒一個臭臉。這時反政府武裝部隊紅巾軍來襲,冷鋒使出武功,殺出一條血路,帶了黑契仔與超市老闆到蝗國大使館求助。大使帶同武警(?)出來營救,以奇怪的口音說:「支那與非洲都是好朋友。」,一句話便打發了紅巾軍。這時蝗國戰艦到了港口,一眾到蝗國大使館躲避的民眾都可以上船,包括黑小孩都能夠以「西環蝗民契仔」的身份登船。大使要求艦長幫手撤橋;但艦長重申,蝗國是一個會恪守國際標準的國家,不做世界警察,沒有聯合國允許,不會像美帝一樣擅自派軍隊進入他國執行軍事任務(咁即係都唔會有洗頭列車的情況發生?):

蝗國大使打給這非洲國家的總理,要求他派兵保護負責援助非洲疲症病情的陳博士,可是總理自己都泥菩薩過江,轉眼便被叛軍殺了。黑小孩見到戰艦會經過我城,直指支那國,便抗爭起來,嚷着要找在紅色資本旗下汗血工廠打工的媽媽。這時超市老闆也指出,那顆子彈是反政府軍的僱傭兵所有,並很廢話地叫冷鋒不要去送死:

蝗國大使要求艦長安排營救汗血工廠員工與及陳博士,但由於蝗國要恪守聯合國規定,艦長需要一名非作戰人員前往。於是身為前老解特種部隊成員的冷鋒便主動請纓上陣,解救陳博士與及在汗血工廠中打工的黑人契仔老母:

蝗國資金席捲非洲,隨着一帶一路的發展,又開廠又搞醫院,在非洲大搞殖民。反政府僱傭兵查到了陳博士所在的醫院,攻進去嚴刑拷問。穿低胸小背心的ABC女醫生 Rachel(盧靖珊飾)偽稱自己是陳博士卻被識穿,反而累到真正的陳博士被殺。這時冷鋒駕着吉普車衝進來,也不怕會意外墥死陳博士。陳博士見冷鋒一人名以壓制住數十名僱傭兵,似乎不是騙子,便在嚥氣前要冷鋒應承保護他黑人「女兒」Pasha。冷鋒與 Rachel 帶着 Pasha 殺出重圍,但吉普車卻在一個亂葬岡之中翻側。好些像是喪屍一樣的非洲黑人圍上來,原來是要吃的;又不知為何,冷鋒的營救車輛竟然有大量食物可以作出援助。蛇齋餅糉可謂世界通行,派完米之後,三人再出發;Rachel 發現冷鋒手背受了傷,只怕會感染病毒。

冷鋒向艦長匯報了狀況,反政府軍殺死了蝗國的人道援助人員;艦長亦確認了明早聯合國會有直升機到汗血工廠接人。Rachel 認為要到美帝領事館,誰知美方卻沒保護持有國家護照的公民,自個兒閉館逃跑了:

冷鋒去到汗血工廠,找到契仔的肥大媽。汗血工廠老闆是個軍械迷小鮮肉富二代(張翰飾),準備自己工廠自己保護(點解咁鍾意用槍指住人個頭?)。由於只得一架直升機,廠長盡顯蝗富劣根性,決定只帶蝗民走,管理層更是優先;由得非洲人留守「家園」。就算工廠的幕後金主富二代小鮮肉有十萬個不同意,但也沒奈何。但是蝗民工友娶了非洲黑婆,那這些單非又算不算是「蝗民」呢?最後冷鋒一錘定音,發揮鐵達尼式的大愛精神,無分種族,「婦女兒童先走」(汗血工廠真係有論童工!),男人就跟冷鋒走...走?走去邊啊?周圍都係反政府軍,走出去送死麼?但一眾非洲黑人就是腦筋單純,容易受騙,竟然個個拍起手來:

汗血工廠的保安部長也是前老解,跟冷鋒識英雄重英雄。這時僱傭兵軍團為了得到 Pasha,到工廠亂槍掃射,也不怕子彈無眼誤傷了小女孩。冷鋒、保安部長、與小鮮肉以武抗暴,不遷不拆,誓保家園。三人雖然能夠抵擋一時,但畢竟好漢敵不過人多,而且冷鐸染上疫症,剛巧病發,失去戰鬥力。但這時反政府軍叫僱傭兵鳴金收兵,冷鋒等人暫時避過一劫:

因為蝗國是聯合國理事,萬一僱傭兵殺了蝗國人,惹怒了蝗國,反政府軍首領怕獨立後不獲蝗方承認(簡直就係好似對住巷蜀派講一樣);果然蝗國經已站起立,震懾他國唔使用劍嘅!用國際影響力就夠!但唔知有乜打算的僱傭兵首領(Frank Grillo 飾,見《美國隊長:寒兵戰士(Captain America: The Winter Soldier)》、國定殺戮日:全民瘋殺(The Purge: Anarchy)》、《國定殺戮日:大選狂屠(The Purge: Election Year)》)竟然連負責付鈔的老闆也殺了,目的就是要幹掉冷鋒、活捉 Pasha:

冷鋒被證實得了波波拉病毒,廠長怕他會變成喪屍,逼走冷鋒。Rachel 帶同冷鋒與 Pasha 離去前,有感這些民眾竟然咁樣對自己的救命恩人,便學販民拋下「可恥」兩字。Rachel 帶同冷鋒到某山洞內宿一宵,冷鋒睡在 Rachel 的大腿上,做的綺夢卻是給龍小雲的波波壓着的情景(原來二人早已共賦同居?)...Rachel 聽着冷鋒發開口夢,相當無癮:

翌晨冷鋒醒轉,發現地上有一針筒,而自己已經好返,真係打針都無咁快。原來陳博士發現 Pasha 是對疫情免疫的自癮體,Rachel 便以陳博士的實驗療法將冷鋒救回來(會不會變成蝗國隊長?)。由於民眾對政府控制疫情不力感到失望(沙士?),而咁啱 Pasha 又有「藥用價值」,所以反政府軍便要搶到 Pasha,實行「得 Pasha 得天下」(這是甚麼邏輯?)。冷鋒以土法做了山寨弩箭,Pasha 又幫箭頭加上樹汁毒液,以助冷鋒反擊:

僱傭兵軍團這時已控制了汗血工廠,擺下空城計引冷鋒入去救人。冷鋒以毒箭解決了數名僱傭兵,果然係見血封喉。冷鋒、保安隊長、與及富二代等蝗民三子一齊殺出一條血路,擊殺眾多僱傭兵,同時疏散民眾。聯合國直昇機到來,冷鋒幫手疏散,仲趁機食住波餅將掛住救人的 Rachel 抬上直昇機。冷鋒發揮一不怕苦二不怕死精神,明知敵方會有埋伏都叫直昇機起飛,果然直昇機起飛未久便被火箭炮擊落,真係蠢到加01。幸好我城翻巴士死19人,直昇機墜機卻無死傷,只是 Rachel 昏了過去,足見閰羅王都要俾幾分薄面蝗國。冷鋒施展揸X龍爪手將 Rachel 救活過來,Rachel 馬上便行得走得,仲乘機強吻了冷鋒一嘢:

這時傭兵軍首領帶來坦克車進攻,更輾過了地上的屍體,發生了「坦克轆豬」事件:

冷鋒發揮大媽精神,見坦克搶坦克,仲可以玩埋狂野時速坦克甩尾大決戰。僱傭兵首領企圖使出「坦克轆豬」的絕招,但卻反被冷鋒等蝗民三子用計將坦克扯反。這時僱傭兵軍團又有增援,瘋狂炮擊。冷鋒被壓在廢物堆中,動彈不得,只好用 Facebook/Youtube(?)串流直播僱傭兵殺人慘況,配上 Amazing Grace 做背景音樂,感召人心:

僱傭兵節節進逼,蝗國義士彈盡要以掟磚還擊,但亦保不了平民被殺。屠城屠廠慘況看得蝗國軍艦上眾女兵熱淚盈眶。非常時期用非常手段,艦長得到上級許可,也不理說好的「聯合國規矩」,八一軍艦萬炮齊發,瞄準冷鋒手機的訊號來源,將僱傭兵軍團的坦克軍車盡數殲滅,友軍和平民當然毫髮無損。這時冷鋒中了僱傭兵首領一槍,卻給腰上的包包擋住;冷鋒撿起子彈一看,正是日日夜夜念茲在茲的「小雲的子彈」:

劇情拳頭交打大佬的最後決戰。冷鋒話明要為愛人報仇,僱傭兵首領也無可無不可地說「她很漂亮」,卻沒有說「身材很好」之類,不知道有沒有對小雲進行「姓侵」。拳頭交冷鋒例牌先落下風,但士可殺不可辱,當僱傭兵首領話蝗國人是低端人口的時候,冷鋒絕不認命,更即時爆 seed,以頸上的子彈將犯了「辱蝗罪」的僱傭兵首領刺死,證明「東亞病夫」是「以前的事」,現在的歐豬才是低端人口:

冷鋒打完大佬,便枕在 Rachel 大腿上跟車隊一起撤離。眾人途中遇上交戰雙方,但就不再需要打打殺殺,冷鋒只要將國旗套在臂上舉起(應該不會犯國旗法吧?),五粒星星名震一帶一路諸國,足以震攝非洲小國軍人,能夠讓冷鋒等人安全撤離。最後,影片以偉大的蝗國護照硬照一張作結(應該無人敢會山寨個「護照貼紙」出來吧):

***
唔知係唔係廣電總局發功,蝗民影評未見過大蛇痌尿,大驚小怪,本片又點會「過度血腥暴力」呢?睇過《德州電鋸殺人狂(The Texas Chainsaw Massacre, 2003)》同埋《恐懼鬥室(Saw)》都知《戰狼II》的血腥程度無得比喇!加上論個人武功,Frank Grillo 當然不及第一集的 Scott Adkins,同吳京打唔到咩嘢效果出嚟,暴力極都有限喇!
另外,本片不合情理(已經唔計誇張失實)之處甚多,在上述情節介紹都有提及,其中最離譜、反智的要算:
  • 那顆「小雲的子彈」,真係難以理解:難道小雲被射殺了,子彈貫體而出,形狀仲可以保持得咁完整?
  • 冷鋒染上疫症,Rachel 帶佢走之時有似完全沒有帶任何醫療工具,就算有都只係冷鋒吉普車上的簡單物資。難道陳博士的實驗性療法可以單憑一枝針筒就可以搞定?
  • 反政府軍得到 Pasha 又如何?佢地又唔捉 Rachel?係佢先掌握到陳博士的療法喎!
  • 戰艦發射的飛彈只是炸了幾輛坦克和軍車,殺傷力咁細,金將軍要放幾多枚才可以將紐約夷為平地啊?
  • Rachel 點可能揹到咁多枝槍上身仲行得郁?唔通佢先係 Wonderbar Woman?
  • 唔好話吳京揸坦克可以揸到甩尾,佢成日伸個頭出嚟都夠哂反智,唔通唔怕俾人射冷槍?
  • 僱傭兵首領竟然揸住架坦克以直線行進追吳京,途中不惜墥毀建築物支柱以阻礙自己,無槍無炮,只求示範「坦克轆豬」的謊言是如何的荒謬(起碼對活人無效):

仲有好多似層相識的畫面,例如呢個shot有啲似《國定殺戮日(The Purge)》的角色造型:

鋼纜扯低坦克,不就是從《狂野時速6(Fast & Furious 6)》中見過麼?


又,原來小雲是82年生,而冷鋒是88年生,姐弟戀在軍方單位內會不會有壓力呢?

不過,魔術師覺得僱傭兵軍團的女將(Heidi Moneymaker 飾)更適合被冷鋒征服:

根據結局彩蛋,仲會有《戰狼3》,今次冷鋒會唔會邀來白皮豬(例如美帝隊長)好似咸蟲大哥咁做丑角打星,拍硬檔一齊打擊恐怖份子,營救疑似未死的龍小雲?
最後,魔術師想弱弱的問一下:開場的公安,車輛裝備竟然是寫住「警察」和「Police」,難道蝗國而已被我城化?
***
伸延閱讀:
如何评价《战狼2》的女主角卢靖姗?
Meet Heidi Moneymaker, Scarlett Johansson’s Stuntwoman
遲來的觀後感:《國定殺戮日(The Purge)》
《國定殺戮日:全民瘋殺(The Purge: Anarchy)》:社混仔的天國降臨了!
《國定殺戮日:大選狂屠(The Purge: Election Year)》:哪個政權不殺人?
摩摩電影節之《戰狼(Wolf Warriors)》:比3D更3D的2D更能震懾講毒勢力

17 則留言:

  1. //僱傭兵首領也無可無不可地說「她很漂亮」,卻沒有說「身材很好」之類,不知道有沒有對小雲進行「姓侵」。
    哈哈,咁模稜兩可,似喺客套咁講吓。小雲竟然唔入洋腸法眼,只能安慰自己,佢可能會對戰狼更加有性趣...

    //配上 Amazing Grace 做背景音樂,感召人心
    "奇異恩典"咁主yeah騷,得唔得㗎,應該配"問誰未發聲"嘛 XD

    //八一軍艦萬炮齊發,瞄準冷鋒手機的訊號來源,
    咁都唔會"誤"中戰狼...但喺一粒子彈徒手咁就整死洋腸,戰狼喺唔喺識點死穴?

    //開場的公安,車輛裝備竟然是寫住「警察」和「Police」
    加插咗"十年"咁嘅情節,其實發生喺傷巷(已倒退變成了鄉鎮),講地產霸黑警點衰,啱晒黃C。XD

    回覆刪除
    回覆
    1. //小雲竟然唔入洋腸法眼,只能安慰自己,佢可能會對戰狼更加有性趣...

      洋腸應該話:「小雲佢無死到!係晚晚都要食洋腸,唔肯走啫!」

      //"奇異恩典"咁主yeah騷,得唔得㗎,應該配"問誰未發聲"嘛 XD

      又係喎, 「問誰未發聲」簡直係至尊金曲, 要感召人心非佢莫屬!

      //戰狼喺唔喺識點死穴

      佢識插人太陽穴嘛!

      //其實發生喺傷巷(已倒退變成了鄉鎮),講地產霸黑警點衰,啱晒黃C。XD

      真係官商鄉黑處處有, 到時係冷鋒將朱仔的骨灰送還給不遷媽...

      刪除
  2. 「鄉鎮警察(公安?)也將老解同志當成是敵人。」

    我還以為大陸電影不能講軍警衝突?

    「果然直昇機起飛未久便被火箭炮擊落......直昇機墜機卻無死傷,只是 Rachel 昏了過去,足見閰羅王都要俾幾分薄面蝗國。」

    笑咗。編劇看過Black Hawk Down未? Rachel舉中指好似唔該幾好。

    「開場的公安,車輛裝備竟然是寫住「警察」和「Police」,難道蝗國而已被我城化?」

    https://www.zhihu.com/question/19916521
    原來正式名稱一直是「人民警察」,但臂章在2000年之前寫「公安」,以顯示部門名稱。

    盧靖珊原來是香港人。都幾靚。 :D

    回覆刪除
    回覆
    1. //我還以為大陸電影不能講軍警衝突?

      好似本來係寫老解高層叛變,結果過唔到審批;可能講數後小型衝突都可接受, 反正冷鋒亦依法受到懲處.

      //編劇看過Black Hawk Down未?

      就當《戰狼》係超級英雄片睇吧!

      //Rachel舉中指好似唔該幾好。

      大學生都是會講粗口的.

      //原來正式名稱一直是「人民警察」,但臂章在2000年之前寫「公安」,以顯示部門名稱。

      原來如此,謝謝.

      //盧靖珊原來是香港人。都幾靚。

      佢面部線條比較硬,算係比較故出,唔似一般港女咁柔弱.

      刪除
  3. 在大陆,都是叫警察,当面的时候会加上姓,叫某警官。印象中只有香港电影中叫公安

    回覆刪除
    回覆
    1. 消歧義:

      https://zh.wikipedia.org/wiki/中华人民共和国人民警察

      在裝備八九式警服以及之前,其臂章上以及官方的稱謂為“公安”和“人民公安”,以致在香港、台灣以及海外華人受此影響直到現在亦稱呼中國警察為“公安”,實際上公安管理範圍小于警察的概念,警察概念除了公安机关的警察,还包括司法机关,如法院、检察院、国家安全和司法行政机关下辖的警察。公安部所辖的警察只是其中的一部份,但属于日常生活中一般民众接触得最多的警察。因此在大陸遇到违法犯罪活動時報警亦稱之為“報公安”,而與代表官方的人員交流時亦稱其為“公安同志”,因为绝大部分时候,对一般民众而言,治安案件和刑事案件的处理机关是公安机关。民众日常生活中接触到的警察几乎都是公安机关的警察。 民众极少和法院,检察院,监狱和国安机关的警察打交道。直到九九式警服完成換裝后,公安的臂章才更改為“警察”,但在警察字样下还有两个小号字“公安”。司法机关和国安机关则相应的把小字改为“司法”或者“国安”。

      “警察”或“人民警察”是指执法人员所具有的身份,而不是指机构、部门。在中国,并不使用“警察机关”这样的词。而“公安”、“人民公安”具有两重含义。一是指特定的政府机构,即各级公安机关;二是指在公安机关工作的公务员的身份,即“公安人员”。所以,公安部的文件所规定的事项,一般使用“公安机关”、“公安人员”这样的措词,而不能要求“人民警察”如何如何,因为公安部并不能管理、规范属于司法系统和国安系统的人民警察。

      刪除
  4. 哈,咁小弟先同魔兄抬槓,de-debug一下:

    //那顆「小雲的子彈」,真係難以理解:難道小雲被射殺了,子彈貫體而出,形狀仲可以保持得咁完整?

    其實戲內從來無講過龍小雲已經被射殺,第一次提到子彈時只是指“現場發現的子彈”...否則片尾的彩蛋就無戲唱了。當然亦可以話開首所言有誤導成份

    //難道陳博士的實驗性療法可以單憑一枝針筒就可以搞定?

    Rachale話過只是搏搏下...當然加幾句對白例如“未經廣泛實驗而且只能對初發感染者有效”會更好地自圓其說

    //「得 Pasha 得天下」(這是甚麼邏輯?)

    該疫症已在此國不受控制,而Pasha是唯一帶抗體的“活標本”,亦可視為為此國研發疫苗及藥物的希望

    //反政府軍得到 Pasha 又如何?佢地又唔捉 Rachel?係佢先掌握到陳博士的療法喎!

    可以理解為反政府軍除了陳博士外對其他人掌握多少knowhow一無所知,只知道Pasha是“移動藥苗”,而反正有足夠價值就可以賣俾無良的大藥廠投入研發

    //金將軍要放幾多枚才可以將紐約夷為平地啊?

    金將軍要加核彈頭才能毀滅紐約

    //佢成日伸個頭出嚟都夠哂反智,唔通唔怕俾人射冷槍?

    冷槍並不能瞄準高速非單一方向移動的目標

    ==================

    //如果想玩系列化留住粉絲,蝗片就要學荷里活片咁,要識玩伏線才夠趣味

    近年蝗片都有好多系列片,例如《心理罪》、《前任》(《前任3》睇數據非常收得);但我幾套都未睇過,未知有否為下集留有伏線

    //結果被冷鋒一腳踢死

    地產霸在被踢後奄奄一息,但並無交待有否斃命

    //冷鋒的下場就係被搣柴

    我反而覺得冷鋒被革扯時揮淚的鏡頭非常觸動!

    //冷鋒在超市「鳩嗚」,付款後後卻發現華僑老闆故意找少了錢

    應該不是鳩嗚,而是將進口貨賣俾超市,華僑老闆借啲意壓價

    //咁即係都唔會有洗頭列車的情況發生?

    你又正字不正確勒,我城不是“他國” XD

    //Rachel 認為要到美帝領事館,誰知美方卻沒保護持有國家護照的公民,自個兒閉館逃跑了

    呢件事原型好似系而家《紅海行動》所講嗰件事:蝗國軍艦在撤僑時,美帝使館再完全無撤僑行動下拍拍欏柚就閉館

    //但這時反政府軍叫僱傭兵鳴金收兵,冷鋒等人暫時避過一劫

    這個反而是全片最不合理的地方:激戰後僱傭兵應該知道眼前的冷鋒是最難啃的硬骨頭,收兵前大可一槍先斃了他...尤其當時首領反應已對反政府軍萌生叛意

    //果然蝗國經已站起立,震懾他國唔使用劍嘅!用國際影響力就夠!

    這就是“不戰而屈人之兵”才是最高境界

    //這時傭兵軍首領帶來坦克車進攻,更輾過了地上的屍體,發生了「坦克轆豬」事件

    第一次睇到呢幕我都好震撼!乜唔系應該cut咗佢咩?

    //仲可以玩埋狂野時速坦克甩尾大決戰

    其實呢幕我反而覺得最悶,睇到有啲煩

    //串流直播僱傭兵殺人慘況
    //艦長得到上級許可,也不理說好的「聯合國規矩」

    僱傭兵殺人的直播片段可以作為開火合法性的理據

    //應該無人敢會山寨個「護照貼紙」出來吧

    但好似在真實蝗國護照並無左邊嗰段字,只有同特衰護照一樣的嗰段“...請各國軍政機關提供必要的協助..."

    //蝗民影評未見過大蛇痌尿,大驚小怪,本片又點會「過度血腥暴力」呢?

    唔知咩嘢原因,蝗國到現在都無電影分級制,所有上得畫既都可界定為”適合任何年齡人士觀看“,所以”血腥暴力“既threshold就要相應調低

    //原來小雲是82年生,而冷鋒是88年生,姐弟戀在軍方單位內會不會有壓力呢?

    應該無,因為第一集在前線和base通訊時冷鋒曾經問過龍小雲”有沒有男朋友“,龍小雲在支吾以對時司令官加把口重覆咗個問題

    第一集已經交待過龍小雲是冷鋒的上級,說前者比後者大亦講得通

    //僱傭兵軍團的女將(Heidi Moneymaker 飾)

    但呢類大隻婆同戲入面嗰個”蘇聯佬式“角色已stereotype地被配成一對

    //根據結局彩蛋,仲會有《戰狼3》

    http://www.chinatimes.com/newspapers/20171117001767-260308

    //好似咸蟲大哥咁做丑角打星

    如果我構想,反而應該用王祖藍做《轟天炮》系列Jon Lovitz飾演的嗰類諧角,除了套戲多啲元素外,根據”親中的“想法,用傷民擔當其中一角亦更有”統戰大局觀“,反正王祖藍近年在蝗國紅到爆

    //消歧義:

    根據我所理解,”公安“是指相關機關負責的專門事項,”警察“是指具體的轄下執行人員。

    //地產霸要對戰友的孤兒寡婦強行徵地
    //誰知老闆卻拒絕承認自己是蝗國人,給冷鋒一個臭臉
    //械迷小鮮肉富二代(張翰飾)
    //由於只得一架直升機,廠長盡顯蝗富劣根性
    //冷鋒被證實得了波波拉病毒,廠長怕他會變成喪屍,逼走冷鋒

    片中對蝗國及蝗民並不是一面倒的溢美之詞,這在宣傳技巧上已是一大進步

    //Rachel舉中指好似唔該幾好

    蝗國電檢一直對粗言穢語比較寬鬆;況且亦可顯得角色比較立體

    //盧靖珊原來是香港人

    盧靖珊之前在《狼牙》時同吳京合作過,一直關係比較好;加上吳京要求女主不能用替身令好多蝗國女星耍手擰頭,最後就搵返盧靖珊嚟演

    //就當《戰狼》係超級英雄片睇吧!

    贊同.

    ==================

    順帶作新的推介

    過年假期大把時間,專門睇咗套今年金馬獎最佳導演的蝗片《嘉年華》...不過唔系推介呢套,因為睇完有啲雷聲大雨點少之感,唔知導演想借個故事表達啲乜;反而順便睇埋的巷慘片《浮城》幾好,值得入list.

    蝗片方面,諗諗下都系推埋前一排睇既《芳華》...始終是殺人政權近年”御准“的一套直面文革時代的電影。之前糾結推唔推介系因為覺得結局有啲爛尾(我既反應系:下?乜咁就完咗啦?)...

    回覆刪除
    回覆
    1. //第一次提到子彈時只是指“現場發現的子彈”

      如果粒子彈係在槍戰中發射過,打中人又好,打唔中都好,都會變形吧?

      //只知道Pasha是“移動藥苗”,而反正有足夠價值就可以賣俾無良的大藥廠投入研發

      從首領殺死反政府軍將軍後,對其副官所言,以乎首領係想做奪權後的幕後玩家?

      //冷槍並不能瞄準高速非單一方向移動的目標

      最弊係冷鋒成日都會停坦克,唔耍帥唔安樂。

      //地產霸在被踢後奄奄一息,但並無交待有否斃命

      如果地產霸唔死,「不遷」一家有難矣!

      //我反而覺得冷鋒被革扯時揮淚的鏡頭非常觸動!

      摩摩,你已被洗腦了!!

      //而是將進口貨賣俾超市,華僑老闆借啲意壓價

      你啱。超市中有飛天茅台... XD

      //呢件事原型好似系而家《紅海行動》所講嗰件事

      其實美帝的行為都幾 consistent,如果唔係就唔使美肯隊長出來歌功頌德...仲有《Battleship》、《Battle: Los Angeles》呢類世界警察打異形片。

      //激戰後僱傭兵應該知道眼前的冷鋒是最難啃的硬骨頭,收兵前大可一槍先斃了他...

      可能係首領未諗到反政府軍要放冷鋒一條生路(禁止殺蝗民)吧?

      //乜唔系應該cut咗佢咩?

      加埋之後的情節,明顯係話俾觀眾聽,「坦克轆豬」只對死人生效。

      //僱傭兵殺人的直播片段可以作為開火合法性的理據

      初頭艦長已多次叫冷鋒確定僱傭兵軍團有殺害已方非武裝人員,應該係「開火合法性的理據」鋪線,不過講講下就無提到「為我國國民報仇/保護我國國民」是 override 聯合國決定的理由。

      //蝗國到現在都無電影分級制,所有上得畫既都可界定為”適合任何年齡人士觀看“

      咁就同唔到國際接軌了!

      //第一集已經交待過龍小雲是冷鋒的上級,說前者比後者大亦講得通

      我係估唔到蝗民咁開放啫!要知道我城號稱「國際城市」,到依家都對姐弟戀帶有有色眼鏡觀之(其實傷民的有色眼鏡多的是)。

      //第2次則是2014年為了拍電影《殺破狼》及《戰狼2》

      應該是《殺破狼II》吧?

      //據稱他是在吊鋼絲時,鋼絲突然斷掉,導致他直接從半空中往下掉,最後重摔在1張鐵桌上面

      都話蝗國嘢唔可靠喇!

      //傷民擔當其中一角亦更有”統戰大局觀“,反正王祖藍近年在蝗國紅到爆

      王祖藍扮龍小雲?

      //片中對蝗國及蝗民並不是一面倒的溢美之詞,這在宣傳技巧上已是一大進步

      工管法則:所有嘢都有改善空間。

      //加上吳京要求女主不能用替身令好多蝗國女星耍手擰頭,最後就搵返盧靖珊嚟演

      其實 Rachel 已經沒有甚麼動作鏡頭,只係陪住冷鋒一齊走難而已。

      //巷慘片《浮城》
      //《芳華》...始終是殺人政權近年”御准“的一套直面文革時代的電影

      已 add。

      刪除
    2. //摩摩,你已被洗腦了!!

      都唔係,我自細就對運動員或紀律部隊之類角色的"身份認同情節"觸動點都比較低,而且無關國籍同時代背景。

      例如《激戰》賤輝打贏李子天後親吻擂臺地面以表達"我終於回到原本屬於我的地方"一幕.

      //應該是《殺破狼II》吧?
      //都話蝗國嘢唔可靠喇!

      我懷疑是《殺破狼II》監獄內吳京搶咗盧惠光電話並引發大騷亂一幕(即係張晉着住揸要西裝出嚟耍帥嗰段),有一嘢是吳京擒高搵電話訊號然後跌落嚟。

      當然你可以話《殺破狼II》都係合拍片...

      //王祖藍扮龍小雲?

      https://youtu.be/AmtgAyLDjTY

      我第一次上面睇電視見到金星,就覺得呢個八婆好似王祖藍...

      //其實 Rachel 已經沒有甚麼動作鏡頭,只係陪住冷鋒一齊走難而已。

      應該係casting時劇本仲未確定,吳京唔敢保證無動作場面而堅持有的話不能用替身,咁好多錫身女星就耍手擰頭了.

      刪除
    3. //《激戰》賤輝打贏李子天後親吻擂臺地面以表達"我終於回到原本屬於我的地方"一幕
      //我懷疑是《殺破狼II》監獄內吳京搶咗盧惠光電話並引發大騷亂一幕

      哎,唔記得咗呢兩幕添, 要重睇...

      //我第一次上面睇電視見到金星,就覺得呢個八婆好似王祖藍...

      嘩! 依家呢啲節目在蝗國仲出唔出到街, 會唔會話係低俗品味?

      //錫身女星

      唉...忽然發覺葉子楣真係好專業...

      刪除
    4. //蝗國到現在都無電影分級制,所有上得畫既都可界定為”適合任何年齡人士觀看“
      //咁就同唔到國際接軌了!

      迫不及待又推介多一套嘞: «紅海行動»。今日心血來潮想睇,search過原來聽日先正式上畫,今日得兩場試映場,睇完原來仲有林導帶埋幾個主角嚟謝場!

      重點係:
      -睇完會發覺«戰狼2»其實有啲兒戲
      -林導拍埋啲咁啱主旋律既戲仲大收旺場,唔知會唔會被笨土話佢巷奸?
      -呢套相信係蝗片第一套三級片,講真都幾血腥,但蝗國無分級制度,搞到好多家長半路要帶頂唔順既細路離場...係咪係時候要同國際接軌呢?

      刪除
    5. //迫不及待又推介多一套嘞: «紅海行動»。

      加咗

      //睇完原來仲有林導帶埋幾個主角嚟謝場!

      摩摩係林超賢粉係 XD

      //呢套相信係蝗片第一套三級片,講真都幾血腥,但蝗國無分級制度,搞到好多家長半路要帶頂唔順既細路離場...係咪係時候要同國際接軌呢?

      Yahoo! 電影: 紅海行動: 在我城都只係IIB級...

      不過我又唔明家長做乜會帶啲細路去睇呢類題材的電影?

      刪除
    6. 唔係喎,我今日網上購票時講明係三級,開場亦有警告,而且其他院線都咁寫:

      http://www.cinema.com.hk/tc/movie/details/10357

      現場仲有個我城家庭,父母帶埋仔女入場,結果check到個女唔夠秤,老母要帶個女走先,剩返老竇同個仔睇...

      我懷疑最初諗過cut唔cut到IIB,但林導可能堅持唔cut,因為cut咗其實失卻咗個意義...

      刪除
    7. 哦?唔通有III級版同IIB級俾觀眾選擇?

      //老母要帶個女走先,剩返老竇同個仔睇...

      D! 呢啲係咪傷民嚟架? 依家睇戲仲要玩搏大霧, 30年前咩?

      //我懷疑最初諗過cut唔cut到IIB,但林導可能堅持唔cut,因為cut咗其實失卻咗個意義...

      IIB 又可以搶多啲觀眾就真嘅...

      刪除
    8. 睇咗「紅海行動」了。有個别鏡頭幾血腥。場面幾真實,有Black Hawk Down影子(原來已是廿年前的電影)。程節大致流暢,一些地方有少少揾戲嚟做。唔講太多了:D

      刪除
    9. 我覺得佢最大缺點係文戲好少,差唔多由頭緊張到落尾,貌似好過癮,但美帝荷里活的手法通常在適當時加啲文場,這對觀眾有喘息作用,亦可以令角色更立體。當然今次無文戲下都能算立體描寫角色,也是軟技術的體現。

      刪除
    10. //美帝荷里活的手法通常在適當時加啲文場,這對觀眾有喘息作用,亦可以令角色更立體

      基本上呢啲係荷里活方程式...

      //程節大致流暢,一些地方有少少揾戲嚟做。唔講太多了:D

      照舊例出DVD後再睇.

      刪除