終於 claim 到家居保

記唔記得魔術師呢套十分有型的大作家系列一套三枝（鋼筆、走珠筆、鉛筆）限量版呢（見舊文《言出必行買鋼筆》）？

話說在去年年底，魔術師唔小心跣手，枝 Montblanc 走珠筆頭下腳上的從書枱掉到地上，摔破了筆蓋頂端，印有枝筆編號的膠環：

唯有嗱嗱聲走去專門店求救維修。店員小姐話要送返去德國修理，淨係打價都要幾個星期。最後返嚟係要俾＄１,４４５，不過就算唔整，都要收返＄３２０，計返個差價，其實又真係唔貴：

諗下諗下，魔術師有買到家居保，家居財物意外受損，應該有得賠至係喎！魔術師買的唔係較 cheap 的 Plan A，而是 Plan B，連自負額都唔使俾：

由於（１）購買單據早已丟棄，魔術師便只提供（２）損毀程度的相片與及（５）修理報價單：

這家保險公司的回應非常快速，也想不到非常順攤，沒有跟魔術師在購買單據上糾纏，竟然一天內便應承了理賠，變相維修係免費的了：

呢次應該係除咗 claim 醫保之外，最滿意的索償經驗了！
＊＊＊
伸延閱讀：
言出必行買鋼筆