2019年11月25日 星期一

1124投咗乜?

(魔按:因為本文留言已過200,故需要在網頁最底按「載入更多」方能見到最新留言,敬希垂注。)
話說魔術師住緊屯門呢個小區,一向都係由白鴿黨的區議員打骰,而且睇得出佢係盡心盡責為區內街坊做嘢,亦唔見佢掛住搞啲政治嘢,算係一個做好本份的區議員。
今次的挑戰者係無申報政治連繫的首度參選者,但網傳佢做過蛇齋黨的社區主任,不過事前早已洗底,將網上資訊清除云云。
(圖片來源:2019區議會選舉
選舉宣言、政網等
現任白鴿黨區議員一開頭就講佔中九子要坐監幾咁可憐,一眾有青和200萬+1和理非在反送中運動中為社會公義走到最前線,以血肉之驅抵擋暴政的警棍、催淚彈、橡膠子彈等等...仲要加咗張「香港人加油」的照片,之後才講政績政綱。
而挑戰者就係蛇齋黨一貫作風,先講政綱,多是民生事務,最後再以 point form 及相片,希望大家一起合力守護屯門這個家,不要給黑暴青搞亂檔。
政績
現任區議員打着官方名銜,資源較多,要約見官員、企業部門等均出師有名,要做事自然會比較順利。
挑戰者沒有官方牌頭,做實事有難度,沒政績可以理解。
拜票
現任區議員係勤力嘅,好多時晨早返工時都見到佢在屋苑門口派傳單。
挑戰者差唔多成年前都開始晨早有派傳單,但次數唔太密。幾個月前仲見挑戰者過企埋現任隔離,當時魔術師不知就裡仲以為挑戰者係現任的助手;搞到最近才見到有兩張名單時,仲以為唔知點解佢地鬧翻咗拆要名單挑戰。
***
咁魔術師究竟投乜好呢?
首先,即使現任站在佔派的一邊,魔術師都可以包容你,當成是你的政治光譜;但一句「香港人加油」(現已演化成「香港人反抗」以至「香港人報仇」)要將魔術師跟僭稱代表「香港人」拉燈仔綑綁在一起,咁就勢係假!無論你以往為本區為本區做過啲乜都功不抵過!Out!
第二,呢個世界無話無咗邊個唔得。如果俾挑戰者有官方名頭,佢自然就會較容易協調到各方面的公商機構,做到政績出來。至於佢係會真心做定係蛇齋式 hea 做,未試過真係唔知;不過挑戰者尚是青壯年紀,可以期待佢有多啲活力,唔應該 hea 做。
(圖片來源:2019區議會選舉:區議會選舉簡介
第三,就係投廢票。唔投票或者投白票可以任張仔強等吹水專家解讀,唯獨是以非印章方式投廢票(第541F章第78(1)(g)條)可以清楚表達自己意見,例如:

仲可以俾候選人、選舉代理人或監察點票代理人檢查添(第541F章第78(2)(a)條)!不過,因為票站主任通常會逐張有問題選票當場 show 出嚟,以示公允,咁嘅投法仲要係 blog 寫出嚟未免太標奇立異兼容易俾人點相,魔術師應該唔會咁做(不排除下次自備「割」字原子印)。
***
結果,晏畫去完龍門居食 brunch(水電鋪無開門,見唔到水電貓),返屋企竟然見到挑選者真人在屋苑樓下拉票,仲同魔術師打招呼添!咁無法喇,雖然明知挑戰者勝算不大,魔術師今次都唔會做勝利球迷,「我地一齊輸返次」!
***
伸延閱讀:
第541F章 《選舉管理委員會(選舉程序)(區議會)規例》58.如何填劃選票
(1)選民須以印章填劃選票。
(2)蓋上印章的方式,須使在選票上與選民所選擇的候選人姓名相對的圓圈內出現單一個“✓”號。

(3)在本條中,印章 (chop)指供填劃選票而根據第40(7)條提供的印章。
78.無效選票上記錄的投票不予點算
(2007年第79號法律公告)
(1)在點票時,符合以下任何說明的選票均不得視為有效,而在該選票上記錄的投票不得點算 —— (2007年第79號法律公告)
(a)上面有文字或記認而藉此可能識別選民身分的選票; (2007年第79號法律公告)
(b)正面批註“重複”及 “TENDERED” 字樣的選票;
(c)正面批註“損壞”及 “SPOILT” 字樣的選票;
(d)正面批註“未用”及 “UNUSED” 字樣的選票; (2007年第79號法律公告)
(e)相當殘破的選票;
(f)未經填劃的選票;
(g)沒有按照第58(1)條填劃的選票; (2003年第125號法律公告)
(h)被投票站主任決定為因無明確選擇而無效的選票; (2007年第79號法律公告)
(ha)記錄投予某候選人的票的選票,而該候選人的姓名及其他關於該候選人的資料,已根據第40(2)條劃掉; (2019年第1號第51條)
(i)載有投予多於1名候選人的票的選票。 (2003年第125號法律公告)
(2)任何候選人、選舉代理人或監察點票代理人均 ——
(a)可檢查第(1)(b)、(c)、(d)、(f)、(g)、(ha)或(i)款提述的選票;但
(b)無權就該等選票向投票站主任作出申述。 (2007年第79號法律公告)

(3)現述明在不抵觸第(1)(ha)款的條文下,投票站主任不得只因某候選人的姓名及其他關於該候選人的資料,已根據第40(2)條,在某選票上劃掉,而作出不點算該選票的決定。 (2019年第1號第38條)
(2003年第125號法律公告;2019年第1號第51條)
79.投票站主任須就問題選票作出決定
(1)如有選票根據第76(5)(a)條送交投票站主任,任何在點票區內的候選人、選舉代理人或監察點票代理人均 —— (2007年第79號法律公告)
(a)可檢查該選票;及
(b)可就該選票向投票站主任作出申述。 (2003年第125號法律公告)
(2)投票站主任在考慮根據第(1)款作出的申述(如有的話)後,須決定該選票 ——
(a)是否有效及該票是否須予以點算;或
(b)須否依據第78條不予點算,其原因是 ——
(i)其上有任何文字或記認,而他認為藉此可能識別選民身分;
(ii)(除第(3)款另有規定外)該選票沒有按照第58(2)條填劃;
(iii)該選票相當殘破;或
(iv)無明確選擇以致無效。 (2003年第125號法律公告)
(3)就沒有按照第58(2)條填劃的選票而言,即使填劃的方式偏離第58(2)條的規定,如投票站主任信納選民的意向是清楚的,則投票站主任可點算該選票。 (2003年第125號法律公告)
(4)如投票站主任決定不點算某問題選票,投票站主任必須在該選票的正面批註“不獲接納”及 “rejected” 字樣。如有任何候選人、選舉代理人或監察點票代理人反對投票站主任的決定,則投票站主任亦必須加上“反對此選票不獲接納”及 “rejection objected to” 字樣。
(5)如任何候選人、選舉代理人或監察點票代理人反對投票站主任作出的點算某問題選票的決定,投票站主任必須在該選票上批註“反對此選票獲接納”及 “acceptance objected to” 字樣。
(6)投票站主任必須擬備第78(1)條所提述不予點算的選票的報表。該報表須按以下項目分類 —— (2003年第125號法律公告)
(a)上面有文字或記認而藉此可能識別選民身分的選票;
(b)批註“重複”及 “TENDERED” 字樣的選票;
(c)批註“損壞”及 “SPOILT” 字樣的選票;
(d)批註“未用”及 “UNUSED” 字樣的選票;
(e)相當殘破的選票;
(f)未經填劃的選票;
(g)沒有按照第58條的規定填劃的選票;
(h)因無明確選擇而無效的選票; (2019年第1號第52條)
(ha)記錄投予某候選人的票的選票,而該候選人的姓名及其他關於該候選人的資料,已根據第40(2)條劃掉; (2019年第1號第52條)
(i)載有投予多於1名候選人的票的選票。 (2003年第125號法律公告)
(2003年第125號法律公告;2007年第79號法律公告)

222 則留言:

  1. 我嗰区選係大屋苑包晒,現任区議員冇政黨,政绩算係咁,但投過林鄭選特首,比班黃人吹衰。
    另人候損人,為一非本屋苑青年,受鄺神支持,竟好受黃人送票。
    本苑黃人係咪忽上咗腦?佢地真心要每晚十點集睇扮狗?貼到地下流哂膿?

    回覆刪除
    回覆
    1. 今次黃C的共識係變相公投, 當然唔會理民生嘢, 當政治立場投票, 黃人大勝係預料之中. 俾販民贏返次並唔係世界末日, 的確某些建制派尸位素餐幫唔落,睇吓換吓人有無新氣象都係好事. 如果4年之內隻隻黃區議員都只係識搞抗爭(留意區議員就算係滅鼠改交通燈,呢啲都係建設,唔係抗爭), 毫無建樹的話, 那麼選民自食其果都係好事.

      又, 岑哥仔當選了XD

      又又, 田二少就算輸俾黃色素人,都講得幾得體. 起碼話如果有青肯用選票去表達意見的話, 總好過訴諸暴力, 正苦亦不能完全當有青的意見無到.

      又又又, 狀棍搖輸了.

      畢竟理智派係少數, 投票就係遷就較平庸,易受感性驅動的大多數, 所以民主主義就係要在 trial and error trial and error 中跌跌墥墥前進.

      刪除
    2. 岑哥仔把口得,氹到阿公阿婆又氹細路,做野就吾知喇,我都想睇下佢做嘢掂唔掂,區選係為區做事。下下反政府又拉布,咁就冇眼睇。

      刪除
    3. 睇下年青人扭乜囉,吾係扭幫還 grant loan嘛或要層樓嘛。

      刪除
    4. 大家以政見來投票, 販民大熱勝出是意料之內. 到回復返正軌, 區議員是要做很 details 的實事的, 一向high level 吹水的人可能做唔來, 區逸員的工作亦唔能只靠抗爭就得, 4年後就知龍與鳳. 03年販民一樣係得4年貨仔, 又睇下今次識唔識汲取教訓.

      刪除
    5. 4年後再做得唔好就打政見牌,無限動亂loop

      刪除
    6. //黃C的共識係變相公投, 當然唔會理民生嘢, 當政治立場投票, 黃人大勝係預料之中. 俾販民贏返次並唔係世界末日, 的確某些建制派尸位素餐幫唔落. 如果4年之內隻隻黃區議員都只係識搞抗爭毫無建樹的話, 那麼選民自食其果都係好事.

      同意 睇吓會唔會咁:
      街坊問: 行人天橋側加部lift方便有需要人士?
      區議員答:時代革命光復香港!

      街坊問: 呢條長路中間加個紅綠燈方便過馬路?
      區議員答:只有暴政沒有暴徒!

      街坊問: 公園仔D凳同鞦韆可唔可以翻新吓?
      區議員答:5大訴求缺1不可!

      街坊問: 呢段路爛融融左好耐幾時會整好啊
      區議員答:七二一!八三一!九一一!雙十一!

      刪除
    7. 街坊問: DLLM!
      區議員答:我介紹阿雪俾你識。

      刪除
    8. 班人明年一月上任,如果佢地仲會派年曆同揮春的話,揮春極可能是「沒有暴徒只有暴政」、「5大訴求缺1不可」,而年曆就逢七二一、八三一、雙十一等特別日子都有記號!XD~~

      刪除
    9. //揮春極可能是「沒有暴徒只有暴政」、「5大訴求缺1不可」,而年曆就逢七二一、八三一、雙十一等特別日子都有記號!XD~~

      祠堂對聯: 左「5大訴求缺1不可」、右「沒有暴徒只有暴政」

      刪除
  2. 我今晚想吊頸死,原來呢個世界靠惡打打殺殺就得,冇啦,警隊解散硬啦。就睇下泛民工作點啦,希望佢哋真係為香港好。

    回覆刪除
    回覆
    1. //我今晚想吊頸死

      你無理由以為建制派會贏掛?

      //原來呢個世界靠惡打打殺殺就得

      唔係. 係厭共者勝

      //警隊解散硬啦

      仇警是民心所向. 傷民厭共, 警隊維護政權, 結果就變成殺人政權打手, 自然受傷民唾棄.
      當然, 無人研究過警隊的 replacement 是什麼... 或者岑哥仔可以召集販民新任區議員諗諗佢.

      //就睇下泛民工作點啦,希望佢哋真係為香港好。

      重點不是為不為我城好, 理論上販民唔敢搞巷蜀,最多係「將蝗國影響力減到最低」; 問題係佢地有無能力控制班黑暴青.

      刪除
    2. //你無理由以為建制派會贏掛?

      冇理建制嬴定輸,吾想佢哋鬥警隊啫。Anyway,繼續撐警,嘻嘻。

      刪除
    3. 一日班黃C以「濫暴」來characterize 警隊, 一日警隊都會被批鬥.

      我一向唔「無條件撐警」, 我支持警隊依守則執法. 反正鏡頭下的確又真係有濫暴的例子, 倒不如拎個別特別嚴重的個案出來公開調查結果仲好. 如果警隊係專業嘅, 應該唔會因為個別例子而士氣低落的.

      刪除
    4. 其實最驚係眾人覺得警隊無能,罪案會氾濫。

      刪除
    5. 民意現在要摒棄警隊,那就 be water, 不要硬碰, 回鄉屯田, 低調行事; 倘若因為警隊形象低落, 罪案氾濫, 那也是民眾求仁得仁(你我雖不同意, 也需一起承擔後果, 這就是民主); 正面啲想, 到時就係警隊立功, 顯示自己重要性的機會.

      記住:

      “反過來說,在你們所信仰的民主共和體制當中,有個原則就是實現民眾所期望的事情。”

      “所謂的民眾,其實是順著氣流飛升起來的風箏,表面上飛得高,其實並沒有實力。”

      - 《銀河英雄傳說》 回天篇 第三章 鳴動

      刪除
    6. 很多連續多屆自動當選建制的確抵輸,在任的確沒有點幫居民。

      這次選舉表示建制躺鸁時代過去

      刪除
    7. //很多連續多屆自動當選建制的確抵輸

      我諗起肥仔勳。

      刪除
    8. //無人研究過警隊的 replacement 是什麼

      咪就係黑暴囉,可以查手機,私了,仲可以set rb 收錢
      我有問過黃人,咁中意“制衡”警權,咁用乜野方法制衡黑暴,答案當然係木宰羊。。。

      刪除
    9. //咁用乜野方法制衡黑暴,答案當然係木宰羊。。。

      可能係用天使的愛 XD

      刪除
  3. 建制近乎全軍覆沒。只能講原來民生是不重要的。

    喵遊俠

    回覆刪除
    回覆
    1. //民生是不重要的

      民生在現時來說是不重要的. 尊重大多數人的選擇. 新任區議員的辦事能力如何? 不知道. 好嘅就好, 唔好嘅咪食4年C囉!係啲選民自己揀的, 有問題怪不得人.

      今晚呢幾個留言都好類似, 覺得好似「點解明明唔啱嘅嘢都咁多人贊成嘅?」, 有少少唔順氣咁. 我地要改變呢種想法, 民主制度投出來的不一定是最好的, 有可能是群眾一時感性的結果(近年最大鑊的就是米爆), 我地要接受呢一種不完美...

      雖然我自己也很痛恨為了遷就大眾, 明知前面係牆都要撼埋去的感覺...

      刪除
    2. //雖然我自己也很痛恨為了遷就大眾, 明知前面係牆都要撼埋去的感覺...

      輸了就要認。這次選舉日過程沒有大的紕漏。

      民意不代表正確,但制度要受到尊重。自己的孽自己背。

      刪除
    3. //民意不代表正確,但制度要受到尊重。自己的孽自己背。

      黃C成日話制度不公義,明顯不是事實。如果販民出盡吃奶的力,是可以大勝的;問題是選民唔到「非常時期」唔出嚟投,導致建制派訓係度都贏而已。

      販民動員唔到支持者出盡吃奶力,那就是自己的問題了。誰說選戰可以 hea 住贏?

      刪除
    4. //非建制派的總得票率達57%,總得票數約167.7萬票,奪得389個區議會議席;建制派的總得票率則為42%,共約123.8萬票,但在單議席單票制下只取得60席,僅佔總議席的13%//

      咁算唔算"制度暴力"? 當區議會未能有效反映民意,係唔係可以爭取取消區議會選舉?

      刪除
    5. //咁算唔算"制度暴力"?

      建制派唔識反咬一口的...

      刪除
    6. //區議會選舉

      又係冇危機感,上次大比數同今次大比數根本兩者都係欠缺公平,班豬炳西又吾提出。

      刪除
  4. 正常64開
    結果建制全滅
    結果正常合理
    亦都係阿爺玩比例代表制嘅主因
    不過就係弱智在玩最大餘額法

    回覆刪除
    回覆
    1. 又變返當年殺人政權諗住用比例代表制保住蛇齋黨的初心... 點知販民又唔爭氣, 搞到建制派真係「贏」足咁多年, 令販民反而變成比例代表制的得益者.

      刪除
    2. 其實第一城嘅得票就很能說明問題了

      2019年 5122 : 2753
      2011年 1582 : 3060
      (2015年自動當選)

      其實建制鐵票就係咁多,係泛民好多支持者平時覺得區議會唔重要,唔出嚟啫

      刪除
    3. //其實建制鐵票就係咁

      其實傷民「反共」(反對共產黨在我城的管治權)從未下降;但在「和平時期」,一般人不會出來表態,而且販民歷年地區工作都做得不好,於是這班人便寧願唔出來投票。到非常時期,才以販民或非建制派來做 proxy,將區選政治化當成是公投,表達自己「反共」的意向。

      刪除
    4. // 販民歷年地區工作都做得不好

      呢個真,就算自命淺黃嘅我都係咁話。何秀蘭2003-2007觀龍就係咁。尤其是80年代靠做地區工作起家嘅泛民(民協、街工)式微,新人又覺得佢哋太溫和,不屑同佢哋學嘢,更加係咁......

      刪除
    5. //其實第一城嘅得票就很能說明問題了

      證明呢條係廢柴,好多建制其實都有200-500的進賬,但暴徒仍然大勝500-2000票。

      背後代表的意義是非常大鑊,只能講新一哥大鑊鳥,香港大鑊鳥...

      刪除
    6. // 證明呢條係廢柴

      咁佢作為業委會主席,不單止想搞用(相當唔受歡迎)嘅人面辨識代替密碼(計劃已經放棄),仲要俾人發現佢個quote貴過市價... 做咗十二年,開始complacent,就係咁

      刪除
    7. //新一哥大鑊鳥,香港大鑊鳥

      天要下雨,娘要嫁人。你我覺得唔妥,一係就跳船吧。唔跳船就要接受賽果,始終呢場係公平比賽。

      就算真係去到解散警隊,那就解散吧;好似米爆咁,花一兩年討論點樣 replace 警隊囉。我唔明點解撐警派可以咁死忠,凡事都可以改可以 improve 架馬!

      呢次選舉結果係傷民的選擇,唔好好似天跌落嚟咁。

      //背後代表的意義是非常大鑊

      如果背後的意義是反中反共巷蜀,那就讓黃C跟殺人政權在政治上決一死戰吧。這也是傷民的選擇,輸了唔好喊就得。

      刪除
    8. //做咗十二年,開始complacent,就係咁

      咁佢自己攞嚟衰,與人無尤。

      建制派好多時都有好多甩漏嘢俾人捉到;popo 都係一樣,成日甩手甩腳。你軍紀嚴明,凡事做到盡善盡美,縱有小差錯,都是在可控範圍,咁人地想攻擊你都無咁容易喇。

      刪除
    9. 四大造謠文宣:爆眼女,八三一,新屋嶺,被自殺

      哪個是因為不盡善盡美導致的? 根本媒體工具在對家手裡,可以任意造謠抹黑攻擊。

      刪除
    10. //我唔明點解撐警派可以咁死忠,凡事都可以改可以 improve 架馬!

      因為這是顏色革命,警隊是維護香港不成為敘利亞烏克蘭的唯一屏障。對手不是想improve警隊,而是想打垮警隊,進而打爛香港。我希望警隊有改善,但是不是在現在的環境下被對手主導改進。政府17萬公務員已經大部分尸位素餐甚至背叛政府,香港只剩下警隊去抵禦暴徒。

      刪除
    11. 警隊不完美,不會導致汽油彈滿街,不會導致李伯羅伯被謀殺,不會導致地鐵被破壞,不會導致私人商鋪被縱火,......我只可以毫無保留支持警隊,羅伯在天上看著

      刪除
    12. //造謠抹黑攻擊

      人地造謠抹黑攻擊,你公信力夠,受眾自然不容易相信。警隊公信力低,自己成日甩甩漏漏犯錯,一定關事。

      //因為這是顏色革命,警隊是維護香港不成為敘利亞烏克蘭的唯一屏障。

      如果是顏色革命,殺人政權自會處理;那麼警隊就不是「唯一」屏障。

      //警隊不完美,不會導致汽油彈滿街,不會導致李伯羅伯被謀殺,不會導致地鐵被破壞,不會導致私人商鋪被縱火

      保障唔到良好市民的生命財產,的確是警隊的問題喎。

      //政府17萬公務員已經大部分尸位素餐甚至背叛政府,香港只剩下警隊去抵禦暴徒。

      那不是政府自己的問題嗎?一間機構請埋啲員工,個個都係反骨仔,你說是競爭對手的出茅招還是自己管理層的問題?

      //不是在現在的環境下被對手主導改進。

      人地進攻你,你就更加要打好防守,做到滴水不漏。點可以話打輸了,就怪對手太厲害呢?再似保你大咁,明顯有進步,做返自己應該做的表現,咁就值得撐。

      //我只可以毫無保留支持警隊

      我尊重各人有各人的 stance.

      刪除
    13. 這裡最大好處就是大家可以表達不同意見

      接下去香港會繼續沉淪。慘敗也能讓大大放棄幻想,下決心蕩滌背後的各種罪惡。

      刪除
    14. //人地造謠抹黑攻擊,你公信力夠,受眾自然不容易相信。

      補充一句,做好公信力,依守則執法不違規,是防止受眾相信謠言的必要條件,而不是充分條件 - 人地要攻擊你陷害你的話,你是防止不到的,防守(被人造謠分化)的目的減低損傷而己。

      黃C成日藉詞「杜絕謠言」,以「解散警隊」來「改善公信力」,是將事情劃上等號,將公信力扭曲成「必要及充份條件」,那是黃C的詭辯。

      刪除
    15. //接下去香港會繼續沉淪。慘敗也能讓大大放棄幻想,下決心蕩滌背後的各種罪惡。

      咁又未免太灰爆,可能又一新景象,講真吖,咁多年跑通脹真係好疲倦,物價又貴,交税又多,揾既嗰度刮呢度刮,冇乜淨,退休金大升大跌打個和,到真正退休真係會收幾多呢,香港做多些手作自家制設計,吾好主要倚靠賣地起樓搞政治,多D質数好既新鮮食物有質素的用品入口出口,有 heart做生意既人存在就改變好多了。一個成功的人,創意加良好品格一定吾少得。

      刪除
    16. 暴力不停,哪裡還有民生? 返工返學週末自由出行的自由都被暴徒剝奪

      刪除
    17. JS,香港通脹的原因主要是老美量化寛鬆令資產價格上升,而日常食用,就是中國大陸工農剪刀差已不再實施的結果。這些事情無論誰在任,都改變不了。

      刪除
    18. //天跌落嚟

      唔係話天跌落黎,係度吹得水根本就已經接受結果。

      借用建制派常用的一句說話「這場選舉結束,便是下一場選舉的開始」

      如果呢個結果可以回復平靜,咁都輸得抵。

      不過明年9月有立法會選舉,12月有特首的選委會,2021年3月特首選舉,連場選舉,我估計都幾難平靜落黎。

      而且以黃絲有青的歪理,暴力有效,暴力成功;

      所以我先話新一哥大鑊鳥,香港大鑊鳥。

      刪除
    19. //Yau2019年11月25日 上午11:31
      JS,香港通脹的原因主要是老美量化寛鬆令資產價格上升,而日常食用,就是中國大陸工農剪刀差已不再實施的結果。這些事情無論誰在任,都改變不了//

      結果不可改變,原因可以改變
      結構可以改變
      依家係有產階級發達,無產階級仆街
      搞到香港仆街冚家鏟
      無產階級拉埋有產階級落水
      一齊仆街,共同沉淪,至少我開心
      又可以話政府無能赤共打壓
      政治贏埋
      佢轉頭同你講,我系政府學校教書,無乜影響

      -- Dogdogchi

      刪除
    20. //吾好主要倚靠賣地起樓搞政治,多D質数好既新鮮食物有質素的用品入口出口,有 heart做生意既人存在就改變好多了。一個成功的人,創意加良好品格一定吾少得。

      屯門市中心依家真係少咗好多自由行掃貨團,行得舒服咗好多。耳根亦清靜。做唔住的多是藥房等店鋪,商鋪結業,租金自然有下調壓力,笨土民生店又會有返商機,有青都會有返機會搞下偽文青創意手作。其實有危亦有機,我城社會又可以試下行下其他路。

      //返工返學週末自由出行的自由都被暴徒剝奪

      無夜街去,生活都健康咗。

      //以黃絲有青的歪理,暴力有效,暴力成功

      以攻份垃圾會暫緩修例,以掟汽油彈贏取區選,我城就係咁犯賤,唔見棺材唔流眼淚,唔係俾個拳頭你,政府都唔識驚。唔怪得有青認為暴力可以解決問題喎。

      //無產階級拉埋有產階級落水
      一齊仆街,共同沉淪,至少我開心
      又可以話政府無能赤共打壓
      政治贏埋//

      即是攬炒。

      刪除
    21. //我城社會又可以試下行下其他路

      整條女人街或廟街畀班友仔玩下,依家文青嗰啲開係啲隔攝位,冇乜人去。

      //無夜街去,生活都健康咗

      魔術師點畀人整都吾會香咁。


      刪除
    22. //整條女人街或廟街畀班友仔玩下,依家文青嗰啲開係啲隔攝位,冇乜人去

      都好嫁. 777話搞青年舞會俾有青發洩精力, 娘到好似70年代咁; 依家有青當選, 可以大搞貼合潮流的活動, 都未嘗不是好事.

      刪除
    23. // JS2019年11月25日 上午11:18

      //吾好主要倚靠賣地起樓搞政治//

      貪曾既例子, 教導我們, 唔賣地, 唔掂地產霸權既蛋糕, 最可以安安樂樂就收工

      - dogdogchi

      刪除
  5. 宜家已經係夜深,突然街上傳來嗌口號加拍手掌聲音,My God!究竟世上還有那些人未傻呢?!

    回覆刪除
    回覆
    1. 世上傻人多, 清醒的人少. 我們要尊重選民的決定; 至於選出來的人好唔好, 要俾4年時間佢地去玩 況且, 起碼選管會點票制度未受質疑, 也算是一件好事. 學田二少話齋,如果黃C有青覺得在選舉場上有希望的話,希望可以減低一些暴力程度, 那麼建制輸也問題不大, 況且建制派也真的有不少人是not doing their job, 早應撤換.

      刪除
    2. //田二少話齋,如果黃C有青覺得在選舉場上有希望的話,希望可以減低一些暴力程度

      田二少唔弓理解黃絲邏輯
      佢地只會認為既然選舉大勝
      政府仍然唔肯放權俾佢地話事
      暴力只會更加升級
      因為佢地有叫意支持

      刪除
    3. //黃絲邏輯
      //政府仍然唔肯放權俾佢地話事
      //因為佢地有叫意支持

      田二少都話選舉結果代表咗民意,政府唔能夠唔考慮黃C的意見。

      如果話有民意支持,咁黃C有 point 喎。政府點解唔能夠放權俾佢地話事先?點解一班人有咁清晰民意支持,唔係講吹水遊行人數,面係在正式投票都打贏你時,你做乜要唔服氣先?如果一大班區議員走出來表達訴求,區議員也是「建制」中人,依規矩行事,政府再唔理佢地就係政府唔啱喇。

      又,就算俾佢地話事,係咪一定會搞衰我城?我都唔知。我係反暴力反裝修反鶳反謠言反假新聞反黃C歪理。但如果係做正經事,民生事務,咁俾佢地話事有乜問題?如果你話佢地凡事反政府,咁咪反囉,唔能夠話自己唔鍾意就唔俾佢地反,只要大家肯承擔後果就是了。
      再者,依家係區選,個scope 去唔到五大訴求,更去唔到解散警隊。放權最多都係地區行政,同埋1200人選委會組成面已。

      再退一萬步,即係好似米爆咁,就算明知前面係牆都要撼埋去,都要無奈地接受。鬼叫我地係玩民主呢個遊戲咩?除非係留進逃,我地離開唔同佢地玩啫。呢個就睇個人的經濟能力、家庭關係好等因素喇。

      刪除
    4. // 即係好似米爆咁,就算明知前面係牆都要撼埋去

      我住英國。問題係東歐移民減少的確令到勞工不足,脫歐亦會影響同歐洲嘅貿易,但係失業率、薪金(而家)係改善緊架喎!

      以下都係全年實質增幅:
      GDP: 2014 3.1%     2018 1.4%
      薪金: 2014 0.6%     2018 1.1%
      失業率:2014 6.0%     2018 4.0%

      其實好可以理解點解啲勞工階層嘅人投脫歐。

      當然你可以話,如果經濟增長放緩,由勞工緊絀引致嘅薪金增長都唔會長久(雞腸「not sustainable XD)。最好當然係企業加薪,或者政府通過稅收同福利,令到社會整體都可以分享經濟成長嘅好處,咁就最和諧啦... 

      但係過往n年都冇做吖嘛!

      所以話呢啲係共業。或者以英國向來都係歐洲最低稅、最自由市場嘅角度嚟睇,啲上流人士係「有咁耐風流,有咁耐折墮」。唉.... 我唔介意交多少少稅(或者平時俾多啲錢俾嗰位羅馬尼亞鐘點)去換取唔脫歐架。

      刪除
    5. 修正:失業率係全年平均,唔係增幅.... 

      刪除
    6. //又,就算俾佢地話事,係咪一定會搞衰我城?我都唔知。我係反暴力反裝修反鶳反謠言反假新聞反黃C歪理。

      我相信一定會。泛民 = 暴力,謠言,歪理,假新聞

      香港人自己的孽,就自己去捱咯。

      刪除
    7. //政府仍然唔肯放權俾佢地話事
      暴力只會更加升級
      因為佢地有叫意支持

      依句都係,我諗都好多人咁諗,如果咁樣認同而可以換嚟太平盛世,濟得過,咪畀機會佢哋擔大旗,我吾客氣,我區都好多嘢要做。

      刪除
    8. //咪畀機會佢哋擔大旗,我吾客氣,我區都好多嘢要做。

      的確。佢地咁鍾意做,咪俾啲地區濕碎嘢佢地做囉。佢地做得好嘅,當然無問題,大家都係想咁啫;佢地毫無建樹的話,又自然面對唔到街坊。激情可以維持幾個月,無可能維持幾年。

      刪除
    9. 用台灣做對照組,民生只會變得越黎越唔重要

      "沒有民主就只能要飯吃", 那在要飯吃之前,民生都不會是重要的

      刪除
    10. //那在要飯吃之前,民生都不會是重要

      「要飯」的意思,就是做乞兒囉。

      刪除
    11. //武光2019年11月25日 上午11:29

      用台灣做對照組,民生只會變得越黎越唔重要

      "沒有民主就只能要飯吃", 那在要飯吃之前,民生都不會是重要的//

      呢個涉及台灣/香港人既"尊嚴"問題

      對住歐美日既上等人, 卑躬屈膝先有生意做, D 錢都係香既

      對住大陸人呢D系牛棚爬出泥, 平等論交有生意做, D 錢都係臭既 - "要飯吃", 賺大陸佬錢幾咁折墮

      尊嚴係主觀既, 生活滿意度, 都係主觀既

      祝願香港人台灣人可以享受民主菲律賓式既過去3-40年民主快樂,
      出國打住家工一樣可以咁快樂, 一面滿足咁幫西人主子抹屎抹尿

      --Dogdogchi

      刪除
    12. //呢個涉及台灣/香港人既"尊嚴"問題
      //對住歐美日既上等人, 卑躬屈膝先有生意做, D 錢都係香既

      呢啲尊嚴建基於做人地嘅奴才,而自己做左人奴才之後重要靠踐踏其他人去帶出自己賤得黎重有人比自己低級嘅優越感..

      我都唔知呢啲是什麼樽鹽呢。

      刪除
  6. 魔兄,用心看畢這帖 留言及回應後,你的分析 理據和胸襟實在令我敬重。多謝☺

    回覆刪除
    回覆
    1. 投資我一向唔會哭股喪, 前年摔傷了腿揸咗幾個月柺杖也不會意志低沉, 因為事情已經發生咗, 無辦法改變, 積極面對就係自己唯一可做的事.

      刪除
  7. 啲人成日話建制係蛇齋餅糭,偏偏一浪浪需要協助嘅長者,呀姐,呀叔,係去票站投泛民,唔通建制係想用蛇齋餅糭叫人投泛民?
    仲見唔少有青監住呀媽投泛民,而果啲呀媽要蓋完印唔對摺俾有青睇完先一齊走,呢啲係咪叫愛?
    今次年青選民投票率咁高未必係壞事,但泛民嘅勝利,係年長者都有功!
    口口聲聲話班“老野”種建制票嘅職員,仲一直叫人返去訓嘅職員,係開票時有無檢討下你地嘅偏見?諗下條數有無可能單靠後生果班啦!泛民種嘅就唔叫種,係叫良知?

    回覆刪除
    回覆
    1. 有個落敗咗既譚失志 喺街鬧啲老人家話就係因為佢哋投建制 害死後生仔 叫佢哋食屎

      刪除
    2. //仲見唔少有青監住呀媽投泛民,而果啲呀媽要蓋完印唔對摺俾有青睇完先一齊走,呢啲係咪叫愛?

      真?邊個票站發生?俾人睇選票應該屬於舞弊,職員點可以容許咁做?有無去選管會投訴?

      //有個落敗咗既譚失志 喺街鬧啲老人家話就係因為佢哋投建制 害死後生仔 叫佢哋食屎

      自己輸賴選民,極度無品,真PK是也。

      刪除
    3. //真?邊個票站發生?俾人睇選票應該屬於舞弊,職員點可以容許咁做?有無去選管會投訴?

      職員勸又點,要睇一啲都唔難,賴皮加唔係投票間摺埋選票就已經得

      刪除
    4. 唓,我尋日親眼見到個仔推住中風頭耷耷阿媽坐住輪椅嚟投票啦,假手於仔,咁點喎。

      刪除
    5. //我尋日親眼見到個仔推住中風頭耷耷阿媽坐住輪椅嚟投票啦,假手於仔,咁點喎。

      票站有 procedure 處理要家人代投的個案。

      刪除
  8. 下年立法會選舉泛民如無意外都會攞多啲議席,反而想知佢地會唔會成功挑贏功能組别,如果贏咗連政策上都會向泛民傾斜,就可以真正睇下泛民治港4年會有咩後果了。

    ~C

    回覆刪除
    回覆
    1. 下年販民已肯定拿下區(一)議員互選,超區隨時坐三望四。

      //想知佢地會唔會成功挑贏功能組别

      如果係,「制度不公義」之說不攻自破,販民咁多年都輸係因你你地從無盡過力而已。

      刪除
    2. 算啦,人性輸打贏要,贏咪人民意願,輸咪制度唔公平囉

      刪除
    3. 賭仔姓賴,輸錢一定係莊家出千XD

      刪除
  9. 上次功能組別都已經好多反對派。
    事實證明大部分香港人都不是理性的,身處這樣的環境真的很悲哀。

    回覆刪除
    回覆
    1. 如果選民有諗過才投,就不是不理性喇。況且販民輸咗咁多年,輸到要發爛渣,俾佢地贏返次,世界不會末日的。

      刪除
    2. //如果選民有諗過才投,就不是不理性
      唔知點先算“有諗過”。

      刪除
    3. 悲哀的原因,其實係見到太多人做事不擇手段,用晒啲陰招嚟攻擊建制派。

      刪除
    4. //唔知點先算“有諗過”。

      「有諗過」的意思,就係自己獨立造出來的決定,而唔係「受他人影響」,例如「人地叫你投乜便投乜」。
      就算係個盲毛,乜都唔識,只係覺得游小三幾靚女便去投佢;在盲毛心中,依然算是理性的選擇。
      所以選民以政治立場去投,佢知自己做緊乜,對佢來說依然是理性的做法;反之,有中學生被煽動去掟汽油彈,只因受朋輩影響怕被孤立,那就不是理性的行為。
      當然,盲毛的一票,跟魔術師的一票是等量的,那就是一人一票的「缺陷」。

      刪除
    5. 我唔覺真係咁多人有諗過先投

      刪除
    6. 今次個個合埋隻眼係民主黨就投

      刪除
    7. //就算係個盲毛,乜都唔識,只係覺得游小三幾靚女便去投佢;在盲毛心中,依然算是理性的選擇。

      咁樣不問後果,只求一時快慰的所謂理性,正正就是民主经常失敗的原因。

      刪除
    8. //今次個個合埋隻眼係民主黨就投

      起碼目標為本,有清晰 target,的確係理性選擇。

      //咁樣不問後果,只求一時快慰的所謂理性,正正就是民主经常失敗的原因。

      一人一票,等量齊觀,就係唔理你投票背後有乜理由。「理性投票」已經係一個比較門檻低的「良好意願」,實際上無法執行,因為去到票箱,最終都係鬥人多而己。

      刪除
  10. 呢個浪可延申到立法局。
    政府冇可能施政。

    趁夾着所有香港人既氣勢,同場加映:再一次兩球人出街,比政府最後通碟,解散警隊,徹離理工,暴徒冇罪,林鄭下台,票選特首,躯逐共軍,停一五零,抵制陸客。

    回覆刪除
    回覆
    1. TBB,美♡?執笠。毒果擴充?

      刪除
    2. //毒果擴充
      //TBB執笠

      容乜易,大家都係TKO。

      刪除
  11. 其實而家無得抵賴係得後生仔咁諗, 即係變相講緊啲人反共心態程度係比社會早日回復秩序來得重要, 呢個就係事實, 無奈都要接受. 而都證明了黃C成日話中央干擾係無出現的.

    不過黃C點講大陸要靠香港先生存都冇用, 過去咁多年有事都係國家隊救, 而救港惠港明顯係無助管治, 重搞到而家呢個大頭佛出來. 既然香港大部份人都否定/唔想中共統治, 咁黎緊會唔會出事再去救港, 或者甚至是否繼續一啲惠港政策? 恐怕都未必.

    我唔想話所有投黃的人都係唔清醒, 但民賤聯作為第一大黨咁多資源, 或者其他建制班友, 咁輸法唔覺得醜? 搞23條, 修例果陣佢地做過啲乜? 田二五重飛上京勸止添囉.

    如果中央玩窮港, 班友同地主都係無運行了.

    而家咁, 同前宗主國玩脫歐一樣, 贏果陣好興奮, 慢慢就知架嘞....班黃人唔知有冇覺得同米國connect左, 咁應該開心啦.

    回覆刪除
    回覆
    1. //既然香港大部份人都否定/唔想中共統治, 咁黎緊會唔會出事再去救港, 或者甚至是否繼續一啲惠港政策? 恐怕都未必.

      我城的存在對蝗國始終係功利主義. 正常的揸弗人都會防止我城成為 single point of failure.

      //而家咁, 同前宗主國玩脫歐一樣, 贏果陣好興奮, 慢慢就知架嘞....

      巷中分隔也是笨土派所想的吧? XD

      刪除
  12. 建制的錯不在於沒有勸阻23條和修例,而在於長期放任教育,媒體,社工這些洗腦界別被敵對方控制,自己空擁資源毫無作為,不僅沒有支持到政府,還成為負資產。

    回覆刪除
    回覆
    1. 咁樣贏法好似用那渣招,學晒老美。

      刪除
    2. //長期放任教育,媒體,社工這些洗腦界別被敵對方控制,自己空擁資源毫無作為,不僅沒有支持到政府,還成為負資產。

      建制正一敗家仔, 自己太疏懶, 無危機感, 抵死了.

      刪除
  13. 今次投票睇到應該唔止200萬加1支持泛民!我去投票時見到真係好多年輕人去投票

    想講投票的程序真係好低智,明明分開身份證號碼排隊,出面卻只排一條隊,結果條龍水蛇春咁長,又冇長者和傷殘人士隊,D長者見條龍咁長要排成個鐘又冇得坐梗係走啦,點解唔可以分開英文字同加長條者和傷殘人士隊呀?

    仲有檢查投票人資格咁鬼落後,仲要印晒D資料出來對,唔可以寫個system用電腦對咩?人手對又容易出錯又浪費時間

    仲有好多反泛民人士真係唔爭氣,自己日日鬧暴徒,但又唔去登記做選民,就算登記左都唔願意去投票,我親人中就有人係咁

    仲有建制派又係散沙一盤,又唔識宣傳,又唔係有乜建樹,立場又模糊唔堅定,真係要好好檢討

    希望今次比泛民賣win左可以停止暴亂,都唔旨意佢哋有乜貢獻,但求佢哋唔好再拉布令政府正常運作就已經好好,好多機建工程hold住左令好多人手停口停了,真係唔該佢哋

    回覆刪除
    回覆
    1. //想講投票的程序真係好低智

      依家有 blockchain 技術,搞網上投票並唔難,要 hack 並唔容易。而且選區零散,人數少,要出術的難度大。如果有網上投票,起碼可以分流不少排隊人龍。

      //仲有好多反泛民人士真係唔爭氣,自己日日鬧暴徒,但又唔去登記做選民,就算登記左都唔願意去投票,我親人中就有人係咁

      販民自己未盡全力,輸足咁多年自己都有責任。

      //建制派又係散沙一盤,又唔識宣傳,又唔係有乜建樹,立場又模糊唔堅定,真係要好好檢討

      呢班友知識程度應該比較低,無可能追得上形勢了。

      刪除
    2. //販民自己未盡全力,輸足咁多年自己都有責任

      其實我係講緊"反"泛民,因為反泛民唔等於支持建制

      刪除
    3. //仲有好多反泛民人士真係唔爭氣,自己日日鬧暴徒,但又唔去登記做選民,就算登記左都唔願意去投票,我親人中就有人係咁

      我家人也是這樣,選管會早就叫佢更新地址,佢死都唔肯。我勸佢改左先,到時唔想投可以唔去,佢話嫌煩唔做。到今次佢想投票,無得投啦,結果攻民黨贏左,怪得邊個?

      刪除
    4. 投票最快係整部過關閘機帶touch screen
      插張身份證入去,嘟指模
      自動彈出候選組合,然後一㩒就係

      刪除
    5. //"反"泛民,因為反泛民唔等於支持建制

      我係反黃,反黃不等於藍,更不等於撐警。

      //選管會早就叫佢更新地址,佢死都唔肯。我勸佢改左先,到時唔想投可以唔去,佢話嫌煩唔做。到今次佢想投票,無得投啦,結果攻民黨贏左,怪得邊個?

      自己攞嚟衰。

      //插張身份證入去,嘟指模

      最弊場地係借返嚟,你 set 咁多機隨時要做一整天 testing.

      刪除
  14. 這個是新媒體時代的必然趨勢。建制不與時俱進,自然差距越來越大。

    但是以謠言煽動作為宣傳,又不是一個理性人能夠做到的事情。所以需要政府規管毒媒,犯規就出局。

    政府要明白,已經輸無可輸,懷柔無用,要頂住罵名,從制度上去做一些改變,建制也要從零開始艱苦耕耘

    回覆刪除
    回覆
    1. //但是以謠言煽動作為宣傳,又不是一個理性人能夠做到的事情。所以需要政府規管毒媒,犯規就出局。

      非常同意

      刪除
    2. 頂住罵名? 林鄭話我收份人工,點解要我做衰人? 唔好阻住我四年後退休過英國養老

      你估CY 咁易搵

      --Dogdogchi

      刪除
    3. 諗返轉頭 其實咁多屆特首 最做嘢嘅好似真係CY 雖然我之前都唔係咁like佢 但起碼佢夠硬淨又襟鬧夠厚面皮 叫做真係做到野:雙非、限奶令、重建居屋、處理佔中等 總好過唔做嘢扼飯食嗰啲

      刪除
    4. CY做KOL都好得心應手!

      講返投票,人手對身份証真係好落後。而家簡單如用手機都可以識別到信用卡上面啲字。搵個scanner去掃下張身份証去識別人名同ID然後用database去對好難咩而家?
      再唔係圖書館唔係應該有啲智能身份証識別機架咩?set到佢唔駛入密碼去認張身份証咪得囉。

      咁做根本唔駛唔同身份証號碼唔同隊先啦。

      刪除
    5. //要頂住罵名,從制度上去做一些改變,建制也要從零開始艱苦耕耘
      //最做嘢嘅好似真係CY 雖然我之前都唔係咁like佢 但起碼佢夠硬淨又襟鬧夠厚面皮 叫做真係做到野:雙非、限奶令、重建居屋、處理佔中等 總好過唔做嘢扼飯食嗰啲
      //CY做KOL都好得心應手!

      其實689唔係咁差, 有啲似侵侵, 唔怕得罪人.

      //搵個scanner去掃下張身份証去識別人名同ID然後用database去對好難咩而家?

      因為呢個正苦派錢4000元,搵vendor寫website online form 都要搞一年....

      刪除
  15. 其實不需要失望,香港不是獨立國家,而且現在都只是六四開,就算七八成支持獨立的西藏同新疆,中央都沒有放棄過管治權。所以乜野五大訴求同解散警隊,黃屍癈青發夢時high下就算了,香港特區政府無權去答應任何一項。今次選舉結果只不過是另外一次二百萬+1遊行,給了犯民同黃屍endorsement去同中央對抗,但不會有成功結果。

    上面有人提過"餓港",這事應該都是9成肯定,今日"窮台"政策,淘空台灣人才產業,未來大灣區吸納香港人同錢。今日不再是2004,共產黨不會再讓利香港了。

    回覆刪除
    回覆
    1. RE: 所以乜野五大訴求同解散警隊,黃屍癈青發夢時high下就算了,香港特區政府無權去答應任何一項。

      政府已經答應了一項了.

      RE, 就算七八成支持獨立的西藏同新疆,中央都沒有放棄過管治權。
      香港不同西藏同新疆. 中共無左香港, 產能走不出去, 外資走不進來, RMB 更無可能國際法. 香港對中國發展係超級重要, 唔可以同西藏同新疆混為一談

      刪除
    2. //香港對中國發展係超級重要

      梗係吾係啦,只要習總加快開放,香港吔屎食屁彈,外資直入中國喇,咪睇得香港咁重要,中共只不過自閉得耐,防禦保衛好強,正正漢奸又何其多,所以有青先咁劣,驚做棄嬰又吾夠人爭冇淡好食,情願做呆灣翻版。

      刪除
    3. 香港只不過做中國橋樑filter咋

      刪除
    4. > 香港不同西藏同新疆. 中共無左香港, 產能走不出去,
      產能如何走不出去? 香港貨運量同客量運佔比只會越黎越細
      新合約一係走BRI, 一係由中央直接簽署

      > 外資走不進來,
      BASF直接投資左中國
      無左香港, 外資真係走不進來?

      > RMB 更無可能國際法.
      我覺得中央對人仔國際化已經無乜所謂
      世上只會有一種儲備貨幣
      近十年都只會係美元
      除非美國繼續不停作死
      否則大陸可以操作既空間都不大

      > 香港對中國發展係超級重要, 唔可以同西藏同新疆混為一談
      曾經超級重要
      依家只係睇大陸有幾多勇氣開放

      刪除
    5. //所以乜野五大訴求同解散警隊,黃屍癈青發夢時high下就算了,香港特區政府無權去答應任何一項

      落實雙普選就唔係777可以話事;其餘成立獨立調查委員會、特赦等,理論上正苦有櫂答應,不過就無 grounds 去答應啫。至於「撤回612暴動定性」根本就係偽命題吧。

      //依家只係睇大陸有幾多勇氣開放

      前海、上海自貿區呢啲都係一啲試點。蝗國無大張旗鼓話「XXX(城市名)將會於2047取代香港」啫,時間仲有,人地鴨子划水,你又點知?

      刪除
  16. 輸就要認,其實都無咩好講,後果自負

    回覆刪除
    回覆
    1. 改變唔到人唯有改變自己,始終有錢才是最實際,才有選擇權

      刪除
    2. 我自己作為反泛民就接受結果,但相信如果結果掉轉係建制大勝,暴徒是不會承認結果的,到時分分鐘亂到九彩,可能當中有好多和理非買佢哋怕

      刪除
    3. 這是主流民意,大家都只能接受,誰大誰惡誰正確,現今香港人喜愛這模式,你也沒辨法...
      曾玉成也沒講錯...不能夠永遠建制著數晒既...反而應該問點解建制派霸左咁多年都會輸...
      或者香港人真的想求變..舊的一套唔岩口味了

      刪除
    4. //相信如果結果掉轉係建制大勝,暴徒是不會承認結果的,到時分分鐘亂到九彩,可能當中有好多和理非買佢哋怕

      起碼依家有段蜜月期俾販民威威, 長期來說等佢地同勇武內鬥都係好事.

      //反而應該問點解建制派霸左咁多年都會輸...或者香港人真的想求變..舊的一套唔岩口味了

      因為建制派個思維仲停留係二、三十年前!

      刪除
  17. 昨天投票時見到街道上有很多人且大部分人都很守禮, 感覚有點回復昔日香港的面貌,喜歡用文明理性的方法去表訴求。

    事到如今民心所向, 或許年青一派上場會為香港帶來新氣象, 就讓時間來證明他們的成績吧。

    回覆刪除
    回覆
    1. 對於鏡頭前那些只問立場,不講道理的年青人十分沒有好感。

      希望成功站在台上的人,與那些青年有點不同吧。

      刪除
    2. 突然有一個純粹搞笑的想法: 支持建制派的市民可以集体要求民主派的議員上任後立即修復所有社區設施以及想辦法防止社區設施再受破壞, 看看他們有什麼反應, 哈哈!

      刪除
    3. 泛民淨係識得破壞同批評 叫佢哋做建設性嘅野 好難囉 大家放長雙眼睇下 其實我都希望我睇錯泛民 咁香港可能仲有得救

      刪除
    4. //市民可以集体要求民主派的議員上任後立即修復所有社區設施

      根本就係要佢哋搞返好

      刪除
    5. //事到如今民心所向, 或許年青一派上場會為香港帶來新氣象, 就讓時間來證明他們的成績吧。
      //希望成功站在台上的人,與那些青年有點不同吧。

      如果班後生拎到budget, 唔好再搞咩嘢大媽舞健康班之類, 給社區注入多啲活力都係好事.

      //要求民主派的議員上任後立即修復所有社區設施以及想辦法防止社區設施再受破壞
      //泛民淨係識得破壞同批評 叫佢哋做建設性嘅野 好難囉

      坐得區議員民個位就要做架喇!岑哥仔尋日都話係機會做返啲實質民生嘢,唔好重蹈覆轍, 可能佢會搞多啲LGBT event 都說不定.

      刪除
    6. //岑哥仔尋日都話係機會做返啲實質民生嘢

      尋日仲以為佢未宣誓就走去搶犯咁勇,會重點留意佢領導才能,佢心吾係搞巷蜀,我估中共都賞識佢而重用佢,用佢份正義感來愛國愛港。

      刪除
  18. 燒五個月,贏取區議會。燒兩年,雄霸立法局。燒五年,摧毁共產黨。Burn baby burn🔥🔥🔥

    回覆刪除
  19. 這就是香港的命運嗎? 區議會選舉結果顯示出,即使他們的行為明顯是納焠行為,對中資或疑似不支持暴徒的商店破壞和縱火,六成多香港人對幾個月的破壞不在意,仍然堅持不割蓆,不反對。

    本來我對香港人仍有一絲幻想,以為他們和我一樣,是沒辦法為暴力發聲。結果顯示我錯了,原來有六成多人是納粹行為的同情者,香港人的道德和能力,實在對不起他們可以擁有的財富。我恨,恨香港人,我哀,哀莫大於心死。

    回覆刪除
    回覆
    1. 深有同感,目標在大灣區了。

      刪除
    2. Samuel兄,我知道呀,所以說香港的命運是自己選擇的,最少是那些所謂大多數選擇的。我們這些可能會被迫害的"猶太人",可能要出走回大灣區了。

      姑且看未來幾個月,黑衣暴徒會否更聲勢浩大,繼續破壞中資商店,會否發生打死燒傷反對他們的人。

      刪除
    3. Yau兄
      同感,以前成9日講乜L沉默的大多数。今日睇到佢地都係支持攬炒呀。

      刪除
    4. 很多事情是不能逃避的,與其逃避倒不如面對。

      一日中央手握最關鍵行政權,香港是很難亂。

      我反而擔心香港成為另一個底特律。

      或者咁講,香港要自救最關鍵的是建制派要泛民化,以毒攻毒。

      刪除
    5. Chun兄

      明日香港,今日台灣。
      亞爺會加快香港边沿化。成为另一個底特律机乎是肯定。

      刪除
    6. 咪等睇泛民內鬨,或者仲好睇

      刪除
    7. 中央只會保留傷港金融功能,日後美國上市的中概股大多會在香港第2次上市,至於傷港其他功能就收皮。

      政策上鼓勵愛國港人北上大灣區發展避難。

      well

      刪除
    8. 睇見今屆投票嘅結果 原來有過半數嘅人係支持攬炒同暴徒的 等我以前仲咁天真咁以為沉默嘅大多數係支持和平同理性的

      我以前都好珍惜香港呢個家 但係我發覺原來呢個我自以為家嘅地方裏面有過半嘅人都係溝通唔到 咁而家我會調整自己嘅心態 唔再將呢個地方視為家而係寄居嘅地方 搵夠錢將來就會離開 香港人實在太令人失望了

      刪除
    9. 豬先生

      我同你有同樣感受,對巷豬極度失望。可惜我只係打工仔一名.手停口停,無得所謂搵夠就走。

      刪除
    10. //這就是香港的命運嗎? 區議會選舉結果顯示出,即使他們的行為明顯是納焠行為,對中資或疑似不支持暴徒的商店破壞和縱火,六成多香港人對幾個月的破壞不在意,仍然堅持不割蓆,不反對。

      本來我對香港人仍有一絲幻想,以為他們和我一樣,是沒辦法為暴力發聲。結果顯示我錯了,原來有六成多人是納粹行為的同情者,香港人的道德和能力,實在對不起他們可以擁有的財富。我恨,恨香港人,我哀,哀莫大於心死。//

      我從來不是建制派的支持者, 亦從未投建制派候選人一票. 只對以上想法深有同感.

      potato

      刪除
    11. //potato: 我從來不是建制派的支持者, 亦從未投建制派候選人一票. 只對以上想法深有同感.//


      Me too. My vote this time was to voice my anti-violence stance.

      刪除
    12. 豬先生將呢度視為寄居嘅地方嘅講法...
      我覺得黃黑先係寄生蟲,點解要我放棄呢個地方..
      要走嘅唔應該係我地!

      刪除
    13. 因為今之選舉有很多藍絲或反黃未登記做選民。

      如果呢班登記埋和擁有泛民積極政治行動力量

      我相信是55波,但只是台灣化。

      刪除
    14. 要走嘅唔應該係我地

      ***********
      係㗎,王毅話香港點都係中國的一部份

      刪除
    15. 現在一國兩制只是去到2047,要走真係可能黃陣

      刪除
    16. //一國兩制只是去到2047
      某日有黃師朋友話要同下一代爭取喎(注意:此人無兒無女),我地中年人重有幾十年日子而已,而家不爭取將來就冇機會。

      中略一堆例牌黃C爭辯啦,但最印象深刻係我問佢,2047就一國一制了,你而家爭取到時點算?咁佢又話到時無架嘞,佢地無得選擇,又問點解唔俾佢過埋呢五十年呢?

      我話你覺得香港無得救點解唔教佢地移民?咩叫無機會,大把人working holiday出左去啦,我地以前有呢啲機會咩?

      我真係唔明,又係你話要幫下一代爭取,到頭來原來2047之後你都知係一國一制「無得搞」,下一代係無選擇喎。意思是不是到你入土為安果一刻殺人政權管不到你,後邊「下一代無得搞」你就眼不見為乾淨呢?

      到底而家係班黃師、黃社工、黃教會幫下一代爭取緊something unknown定實情係「人地下一代」幫你爭取緊死前不受殺人政權染指的權利?
      呢個我也是醉了

      刪除
    17. 一國兩制去到幾時唔係問題
      問題係香港可以留到幾時
      兩邊陣型有心一齊攬炒,我自己真係冇乜信心

      刪除
    18. 其實我唔覺得啲黃C係真心想攬炒的,只係想做啲野要脅政府啫。佢地破壞嘅野完全不影響佢地本身荷包(全部係政府唔啱!梗係佢出錢!),一樣有工返(最努力返工就係佢地)有糧出,有日本去。

      非黃果啲只係被動奉陪....

      刪除
    19. //原來有六成多人是納粹行為的同情者,香港人的道德和能力,實在對不起他們可以擁有的財富。我恨,恨香港人,我哀,哀莫大於心死。
      //我們這些可能會被迫害的"猶太人",可能要出走回大灣區了。
      //我反而擔心香港成為另一個底特律。
      //政策上鼓勵愛國港人北上大灣區發展避難。
      //My vote this time was to voice my anti-violence stance.
      //王毅話香港點都係中國的一部份
      //問題係香港可以留到幾時

      傷民不珍惜羽毛, 蝗國亦唔需要同你亙惠亙利, 可以發展其他城市取代; 不過又唔會對我城放手,由你自生自滅.

      //要走嘅唔應該係我地

      斷捨離. 要放低家呢個概念. 係唔容易架! 儘量試下囉. 有流氓霸佔咗你家園, 搞到污煙瘴氣, 你自己無能力趕佢地走, 警察又無能為力, 咁為了自身安全, 係要先離開屋企避難架喇!

      //到底而家係班黃師、黃社工、黃教會幫下一代爭取緊something unknown定實情係「人地下一代」幫你爭取緊死前不受殺人政權染指的權利?

      哈哈, 終極boss 原來是呢一代的中年人, 利用有青幫自己爭取好日子 XD

      //佢地破壞嘅野完全不影響佢地本身荷包(全部係政府唔啱!梗係佢出錢!)
      //非黃果啲只係被動奉陪..

      非黃都係「死物」.

      刪除
    20. //原來是呢一代的中年人, 利用有青幫自己爭取好日子

      所以我而家覺得佢地好自私的,但又成日強調自己有「良知」。
      而家先發現原來連教書的思想都咁絕望,個心成日都諗住被共產黨會世界末日,覺得不受殺人政權管束只有搞對抗一條出路,所以默許一啲極端嘅手段去「爭取」。

      如果連教書都係咁嘅價值觀,你諗下會教出啲點樣嘅「人地下一袋」?

      刪除
  20. 區選後day1,李慧琼遞辭職信,岑哥仔搶犯

    回覆刪除
  21. 反對暴力, 支持理性的諸位, 這樣輸了一扙你們便認輸了, 不是太早了嗎?

    的確, 在社會浪潮的衝擊下, 國家和建制派都敗下來了, 但現在的一敗, 絕對不是末日來臨. 相反, 不但是讓建制派裁減冗員, 去蕪存菁, 重整旗鼓的好機會, 也是給西方諸國胡亂指控國家削減香港民主的最佳反擊, 舒緩香港面臨被世界各國圍堵的壓力.

    今後, 香港或將少受國家優待, 但西方亦不會希望民主賊上場, 便馬上崩壞吧? 所以, 即使不認同暴徒的理念, 不喜歡民主賊的嘴臉, 也不用太悲觀. 生活, 仍然是要過的. 可以的話, 讓自己比有青們活得好一點.

    回覆刪除
    回覆
    1. 建制冇鬼用,泛民今次監粗妮亞,希望泛民做場好事,乜嘢對香港有利既加快行或試行,吾作出改變又係死,一味做,又叫奴性強既啫。

      刪除
    2. 之後會到政府放慢腳步。
      一個大区,黨派多多,點分资源,邊度做先,呢D考能力了

      刪除
    3. 現在泛民才是建制噢。保皇黨變成反對派。

      刪除
    4. //黨派多多

      我區都分到一忽忽,又劃分得小,最無謂洗晒落呢啲人工,一個人睇大忽啲,加D市民自發力量,做返公民責任。

      刪除
    5. //現在泛民才是建制噢。保皇黨變成反對派。

      咁咪好囉. 在野黨可以不負責任地指控建制派, 今次販民玩角色亙換唔知玩成點了.

      刪除
    6. 做不好區議員即罵政府不合作咯,簡單粗暴直接有用

      刪除
  22. 我係有青就一定叫所有當選議員拖馬出街堀爛晒自己區既主要通道,支持3大罷

    今次係和理非大勝,勇武暴徒得啲粥水點啱數

    上街半年,最後和理非派擸晒落幕,你濟唔濟

    --Dogdogchi

    回覆刪除
    回覆
    1. 販民和理非無理由唔知阻人返工乞人憎,民眾亦唔會認同郁啲掟汽油彈、同 鶳裝修。今次大勝,主因可能係「孩子們」有同情分,大家同仇(警)敵愾,同埋想 vote 建制派 out (警隊同建制派係政府左右手)。如果黑暴青繼續搞事,受損的將是販民,佢地今次反而自動接過燙手山芋。

      刪除
    2. 成班實有分歧,利益衝突。

      刪除
    3. //如果黑暴青繼續搞事,受損的將是販民,佢地今次反而自動接過燙手山芋。

      我覺得有點像暴大同保你大引埋啲勇武「保衛」學校嘅情況係一樣嘞。引狼入室諗住自立王國,最後養虎為患,好彩就話好似暴大咁趕走到班友,唔好彩咪好似保你大而家咁囉。

      其實暴大同保你大事件就即係香港而家縮影,啲柔口理非爭取呢樣爭取果樣,又唔肯做dirty works,搵埋班Loser暴青出來做前排,最後咪就被反咬攬炒重唔係結果咎由自取?

      刪除
    4. b,這就是令我最擔心的地方。從常理來說,攬炒這個手法是理性的人是不會接受。正常人必定會選擇我贏你輸,或少輸當贏的局面,要攬炒只應發生在一無所有的人身上,即LOSER 但不應是和理非。

      這就是我不明白的地方,班所謂和理非是否不知道,還是不相信連登是攬炒派,高登是焦土派? 還是他們認為自己在取得權力後,就可以停止甚至消滅他們?

      刪除
    5. //要攬炒只應發生在一無所有的人身上,即LOSER 但不應是和理非。

      以我所見,攬炒應該只是一個沒有思考清楚亂叫嘅口號,從因航凶姐高調機場和理非到真係俾人炒收晒皮,暴大班友驚覺火燒後欄趕走班勇武,到保你大班友死都唔肯出來怕被人拘捕要坐監,就知和理非、學生、勇武咩都好,佢地都得個講字,係完全無心理準備作任何犧牲的。

      到呢個時候,你會發現,「攬炒」嘅意思,係炒人但炒唔到自己。和理非黎講我估計係,佢地想像班勇武係一個分身,係「代表」緊佢地自己同政府或其他佢地不滿嘅object攬炒,只係一個分身,唔係返轉頭炒佢地。到真係燒著佢地就識驚,理智返返晒黎架陣就太遲了。

      刪除
    6. //其實暴大同保你大事件就即係香港而家縮影,啲柔口理非爭取呢樣爭取果樣,又唔肯做dirty works,搵埋班Loser暴青出來做前排,最後咪就被反咬攬炒重唔係結果咎由自取?

      如果係真, 到時販民自作自受, 好睇過戲了.

      //班所謂和理非是否不知道,還是不相信連登是攬炒派,高登是焦土派? 還是他們認為自己在取得權力後,就可以停止甚至消滅他們?
      //到真係燒著佢地就識驚,理智返返晒黎架陣就太遲了。

      同意, 係班和理非無諗過點樣去handle 班無理智的拉燈仔啫.

      //「攬炒」嘅意思,係炒人但炒唔到自己。

      拉燈仔係諗住可以同殺人政權盡地一煲的 XD

      //「攬炒」嘅意思,係炒人但炒唔到自己。

      到真係炒埋自己的時候, 就唔識點處理了. 就好似頑童玩火,燒親自己, 就只會啕號大哭, 只識叫阿媽一樣.

      刪除
    7. 和理非既立場梗係唔想同班暴徒癲

      闗鍵係, 暴徒俾人食完人血饅頭, 會肯收貨?

      呢個係乜道理??

      -- Dogdogchi

      刪除
    8. 唔收貨未出動汽油彈,和理非仲肯唔肯割?

      現在有人建議和理非請武勇做議員助理,武勇據何志光估計未被捕都有1500,點樣照顧到他們?

      刪除
  23. 四成選票只有一成多的議員,看似慘敗收場.
    但香港還有下年立會選舉,我們需要投票給與暴力說不的議員.
    讓香港可以繼續向前走!!!

    回覆刪除
    回覆
    1. 江山自有才人出, 期待建制大換血, 讓暴亂不再時尚, 使人心重新歸向.

      刪除
    2. 前提係要有咁嘅候選人俾你揀...
      我成日覺得候選人質素好差...

      刪除
    3. 建制現在用人似任人唯脈,希望轉變下任人唯賢。

      刪除
    4. //建制現在用人似任人唯脈,希望轉變下任人唯賢。

      我對豬隊友不存厚望.

      刪除
    5. 建制最大問題係"意圖迴避政制問題"
      建制有無人夠膽講,民主係唔WORK? 大陸果套先係威?
      OK, 講出泥係倒自己米, 唔講出口都係政治現實
      有無人心裏面係咁諗?
      絕少
      講泥講去, 都係民生,
      個感覺係乜? 我系政制上剝削佐, 虧欠佐市民, 所以系民生上面補償返
      民生, 只係補償, 做幾多都係零和, 唔係正數

      系政制咁核心問題上就覺得自己低人一級
      你唔可能寄望有人可以真心投入

      夠膽講: 政治係要交俾叻人泥決定, 建制先可以真正走上向上路
      那怕一開始仆大街

      -- Dogdogchi

      刪除
  24. 開票前估計最差都攞到3成席位
    坐標北角 作為建制嘅票倉 居然和富只係贏一個馬鼻 堡壘街輸 城市花園輸 炮台山輸。。。 其他選區都冇眼睇
    希望建制好好檢討 重新出發 唔好將責任卸係社運上 盤踞了數年嘅地盤俾人一鋪翹起甚至對方仲係素人 點樣都交代唔到

    回覆刪除
    回覆
    1. 如果政治性延續,按照64開,怎麼做區選結果都無法改變。接下去老人會死,暴動中學生會逐漸拿到投票權。形勢只會惡化。

      但這不是建制不需要徹底改進從在野黨做起的藉口。花20年時間,扎根教育和媒體,和黃媒和黃教正面交鋒,為香港下一代種希望。

      刪除
    2. 谷下建制啲火出泥,成班似隔夜油炸鬼,畀人燒到埋泥都冇火,人哋當面數臭你,咪數臭返人。

      刪除
    3. 教育始終不能推給學校負責,家長都有責任放在教育身上,如果唔想子女變成暴徒,自幼就要開始教育政治課。

      讀多些哲學,明是非傍身。

      刪除
    4. //接下去老人會死,暴動中學生會逐漸拿到投票權。形勢只會惡化。
      //花20年時間,扎根教育和媒體,和黃媒和黃教正面交鋒,為香港下一代種希望。

      司徒老鬼鋪咗幾十年先有今日, 我城正苦邊有咁嘅魄力.

      //教育始終不能推給學校負責,家長都有責任放在教育身上,如果唔想子女變成暴徒,自幼就要開始教育政治課。

      最弊家長都係黃呢 XD

      刪除
    5. 教育呢招只應用於非黃家長,黃家長沒有意義xddd



      刪除
    6. 唔明黃家長係點教仔

      咁樣?:

      唔駛讀書, 讀書都無用, 制度暴力令人乞食

      要全心建設反共大業, 反政府大業

      練武, 學習軍事技術X理論

      最多學好語文, 同外國反共勢力互通反共訊息

      叫我勤力讀書? 努力向上? 傻的嗎!!

      先真喎

      -- Dogdogchi

      刪除
    7. 黃家長?努力讀書做公務員,拿雙重國籍,食雙方茶禮,必要時就做無間道將中央政府一軍xddd

      刪除
    8. //唔駛讀書, 讀書都無用, 制度暴力令人乞食

      「是你教我讀書無用的。」

      刪除
  25. 再點樣都實在無法投俾何妖, 有時懷疑佢係無間道, 次次差不多靜D佢又要搞D野出來

    回覆刪除
    回覆
    1. 建制來講佢算敢言,但有時好像情緒淹蓋理性衝動,睇佢fb又幾好笑,支持者都多,佢仇家姓朱都落選,齊齊落選,冇得嘈.

      刪除
    2. //次次差不多靜D佢又要搞D野出來

      見到人哋犯佢先

      刪除
    3. 墥棍搖都係有啲似侵侵, 成日大嘴巴, 唔出聲無人話佢啞.

      刪除
    4. //有時懷疑佢係無間道

      講實話,做咗咁多年人做到呢位,有邊個吾識鷄血,佢蠢咗比人擺上台,你估肥佬泥嗰班冇咩。

      刪除
    5. //有邊個吾識鷄血
      甚麼是鷄血?

      刪除
    6. 吾好 入會 喇,招收年青,你超齡吧。

      刪除
    7. 一直以嚟
      本港政治光譜欠缺暴力保皇黨
      何生而家差唔多係獨市生意
      不過佢對比犯民仍然唔夠暴力

      刪除
  26. 感覺大家都睇得好重要,但呢個又唔係生關死劫,應重新上路。我笑人宗教狂熱,人笑我藍到無腦。
    咁唔顺氣,加入民建聯,開另一字頭,用佢資源。改變建制老土冇用既負面形象先。
    去一去旺角,又多返D自由行。美心,吉野家都要排隊。地鐵又開始十一時收工。一切回復正常,但人心已生了刺。
    錢冇過去咁易賺,過難關都係靠自身。

    回覆刪除
  27. 今次區議會泛民佔9成,下年垃圾會建制睇怕都唔荒掂,最擔心係泛民針對警察玩清算搞事,你話D差人驚唔驚?之後會唔會hea做?佢哋付出咁多得到D乜?得罪人咯!我係佢哋都心淡,上冇上頭政府高官撐,出面就有6成人仇恨對佢哋,唉!希望D人可以對佢哋公道D

    回覆刪除
    回覆
    1. 仲有,由今次選舉結果可以預測到:台灣總統選舉蔡English會贏 因為恐懼的能量原來可以咁大 就算韓國魚做幾多利民好事都冇用 可悲又無知的大多數人

      刪除
    2. 其實是5成7,不過有破局方法即是扭轉劣勢。

      例如內地港人可以在內地投票,或者推動網上投票,鼓勵居住內地和海外港人網上投票。

      至於票站方面,海外開放中國大使館給合資格港人投票。

      內地方面未諗到,在港人居住區整個票站應該唔難。

      我估計居住內地港人應該多過海外港人。

      刪除
    3. 我指的是泛民得到近9成議席 最後幾多議席才是最重要

      刪除
    4. //豬先生2019年11月26日 下午2:44

      仲有,由今次選舉結果可以預測到:台灣總統選舉蔡English會贏 因為恐懼的能量原來可以咁大 就算韓國魚做幾多利民好事都冇用 可悲又無知的大多數人//

      香港又唔同灣灣既
      講壞影響
      香港其實市民只係唔方便三幾日, 無耐政府又整返靚仔晒
      同灣灣捱足咁多年唔同

      最重要係
      民建聯只係廢物一條, 投佢只係純綷抗衡下扮民主派
      又, 有曰: 食窮民建聯, 票投社民連
      民建聯輸佐議席, 唔代表會放棄社區服務, 甚至可能投入更多

      而韓國魚係少數可以附予寄望既人選,
      同時好大可能係唯一可以選佢既機會 - 今次出泥選唔知幾Q難
      今屆唔選佢, 就要繼續民進黨>>國民黨 兩個爛萍果揀一個既死循環
      投韓國魚賭個希望既可能性係大既

      --Dogdogchi

      刪除
    5. // 例如內地港人可以在內地投票,或者推動網上投票,鼓勵居住內地和海外港人網上投票。

      網上: 點樣確保投票保密,唔係喺在場親友/人士嘅影響下投票? 1830年代英國第一次選舉改革嘅重點,就係秘密投票,以免地主、僱主影響。

      內地/海外投票: 唔係唔得,但我住喺英國應該登記做邊區選民? 法國、義大利都有議席留俾海外國民,我哋係咪要開返呢啲位?區議會嘅話,放入邊區?

      (講笑:英國、台灣當然都係離島,馬來西亞呢啲南洋地方就可以放入南區...)

      刪除
    6. 投票保密如何安全,現在大灣區所發展的區域鏈技術是可以用於保密身份。

      現在很多國家學習愛沙尼亞,慢慢地引進線上投票模式。我相信技術問題可以解決到,最終只是是否信任政府問題。

      刪除
    7. 超級區議會選舉作為單一選區應該得。其他未諗到。

      刪除
  28. Facebook上見到區諾軒寫咗篇文,叫直指民主派新丁“大部分勝選者選舉工程根本未達水平”、“單張言不及義”,贏只係借咗反政府嘅浪潮,並提醒佢哋2007建制搵班更有心,更有幹勁(十二年後,仍然係”個個當打之齡”)嘅人反撲,最後只係幫咗對家去蕪存菁。

    句句都啱,不過新當選嗰班有青,有幾多聽得入呢位喺逆境波中贏議席嘅“中生代”講,我就唔知喇

    https://www.facebook.com/story.php?story_fbid=2522642931159419&id=581689778588087

    回覆刪除
    回覆
    1. //有幾多聽得入呢位喺逆境波中贏議席嘅“中生代”講

      梗係吾聽啦,佢哋勝者為王,敗者為寇,全部中至老年者都要死,吾想死就舐佢腳趾尾

      刪除