班手足日日都扮死

（幕開）
（夜。）
（漆黑的校園內，猶如戰後廢墟。
（黑暗中忽然亮起一點光亮。）
（一名年輕女子，手持手電筒，在校園內躡手躡腳，小心翼翼地四圍搜索。）
（一名頭髮稀疏、剛步入老年的男子，緊隨女子身後。）
男子：（輕聲）阿雪，你係度搵乜呀？呢度又唔係我地校園，搵到嘢我地都唔能夠拎返去架！
阿雪：（伸手制停男子）殊....爸爸，你咪嘈住！呢樣嘢對我地嚟講好重要架！
爸爸：（拉了拉阿雪）阿...阿雪，你唔係想搵呢班同學用剩嘅汽油彈，想帶返我地校園做儲備吖馬！
（阿雪不理爸爸，獨自搜索。）
（忽然，阿雪用電筒向前一照，急步向前，拾起地上一件物事。）
阿雪：（大喜）哇哈哈，我終於搵到你喇！「任劍揮」！（唱）
「為何滯留在家中　呆看老套國語片
夜已掛了上窗簾　快把TV關了電
YOU BELONG TO DISCO SCENE
YOU ARE DANCING QUEEN
願你快快跳出街裡面勁舞像雷電
任劍輝　白雪仙　亦要PUT ON DANCING SHOES
讓這天　像唱片　轉出高溫火焰
曹探長　石堅　亦要PUT ON DANCING SHOES
讓忠的與奸的跳著勁舞像雷電」

（爸爸也亮起手電筒，照向阿雪手上的物事。）
爸爸：（驚訝地）阿雪...怎...怎麼是個湯勺！
（忽然，黑暗中傳來一把男人的聲音。）
男子：（伸手向着阿雪）把「任劍揮」...還給...我...
（爸爸大吃一驚，將手電筒照向男子。）
（那是一張被星條旗包裹着的臉。）
男子：（轉為伸手探向爸爸）你...你為甚麼用強光...照向我？你...你是不是 PoPo？
爸爸：（大驚，躲到阿雪背後）阿...阿雪...這...這間學校是不是死過人？就像那個地鐵站一樣，會有喪屍出沒呀？
阿雪：（回過頭來，溫柔地）爸爸，不用怕。這人是人不是鬼。（取過爸爸手上的湯勺，轉交男子）廚房哥，你認得我嗎？我是阿雪呀！在暴大裡你為我們手足煮過飯呢！我們還在飯堂打過招呼呢！
廚房哥：（定過神來）你...你就是那位問我要不要慰藉的阿雪？你專程來這裡找我？你是不是要帶我出去呀？（唱）
「一天一天的我在期待放學
一轉眼卻要告別校園
一張一張的快樂同學笑臉
粉筆似的消失不再遇見
終於終於不懂得老師所講
祇知道　此刻想多聽一遍
終於終於不需要再管積分
祇恐怕　更多的考試未見
這校園　這班房　這走廊　這禮堂
告別時　是我心的家鄉
到未來　那一方　人飄泊　路茫茫
仍然在這裡找到一點點光」

（阿雪踏前一步。）
阿雪：（柔聲地）係呀！廚房哥，我地係嚟接你走架！
（廚房哥退後兩步。）
廚房哥：（耍手擰頭）不不不！我應承過班手足，我會為佢地煮食，直至最後一刻！
阿雪：（不解地）吓？你會留低為班手足煮食到最後一刻？唔係掛？你連「任劍揮」都丟在地上...
廚房哥：（頹然坐倒，拋下湯勺，雙手抱頭）班手足...班手足...佢地唔肯食我煮嘅嘢呀！
（阿雪大驚，連忙坐到廚房哥身邊。）
阿雪：（柔聲安慰）點解嘅？
廚房哥：（語帶哭音）班手足...班手足...幾日前就開始開唔舒服，話無胃口，我叫極佢地開餐，佢地都唔出現，都唔嚟抗爭飯堂食！我知架！佢地扮病詐死之馬！(唱）
「只差一點點　即可以　再會面
可惜　偏偏　剛剛　擦過
十面埋伏過　孤單感更赤裸
總差一點點　先可以　再會面
彷彿　應該　一早　見過
但直行直過　只差一個眼波　將彼此錯過」

阿雪：（亂了手腳）你...你唔好喊喇...
廚房哥：（抹了一把眼淚）我知道....班手足私底下話我煮啲食物臭...但...但係，唔通我煮啲嘢臭得過條坑渠咩！班手足依家寧願爬坑渠都唔食我煮啲嘢呀！阿雪...你話我做人仲有乜意義呀！
爸爸：（搭訕）呢位哥仔，人生不如意時十常八九。少少挫折啫，唔使睇唔開嘅！你係呢度嘅伙頭大將軍呀呵！你做廚房啫，都無參與暴動，無事嘅！來來來，跟我們一起出去吧！
廚房哥：（抬頭望向爸爸，帶點敵意）阿叔，你又係乜水呀？
爸爸：（挺直腰骨，整一整衣襟）失禮了！我就是阿雪的校長。
廚房哥：（站起身來，不屑地）嘿！又是校長嗎？來來來，跟我去廚房做清潔！
阿雪：（也站起身來，擋在二人中間）廚房哥，不得無禮．爸爸是我的校長，不是保你大的校長。你還記得跟我們在校園來唱校歌的日子嗎？在那幾天攻防日子，就是全靠爸爸盡力保護我們。難道你不記了麼？那些我們一起吃着你煮的美食，一面唱校歌的日子啊！（跟校長、廚房哥一起合唱）
「人生於世上有幾個知己
多少友誼能長存
今日別離共你雙雙兩握手
友誼常在你我心裡
今天且有暫別
他朝也定能聚首
縱使不能會面
始終也是朋友
(始終我地我地是朋友)
說有萬里山
隔阻兩地遙
不須見面
心中也知曉
友誼改不了」

廚房哥：（定過神來）阿雪，好多謝你來探我呀！我心情好得多了。不過，我應承過班手足，我點都唔會走架喇！
阿雪：（無奈地）咁好喇！你不如都應承我，如果聽日班手足都唔食嘢，咁你都幫唔到手咯，不如就走喇！
廚房哥：（也是無奈地）咁好喇！我會食飽先至走架喇！係呢？點解你咁想我走嘅？
阿雪：嘻嘻！呢個星期日大選呀！你留係度咪無得投票囉！
廚房哥：（不解地）吓？就係咁簡單？
阿雪：（古惑地）其...其實...今次班和理非形勢大好，我驚佢地贏咗選舉之後將我地班手足當 condom，所以我想你幫手俾啲顏色班和理非睇！
廚房哥：（雀躍地）吓！真架？我可以點幫到手呀？
阿雪：（走近廚房哥，耳語）嗱，我地學校附近有位叫岑哥仔的和理非出嚟選...
（廚房哥搲了搲頭，從頭髮中掉下一隻曱甴。）
廚房哥：（不解地）但...但係我唔識裝修架喎！？
阿雪：（強忍住不作嘔）佢就算選到都未有辦事處喇，點裝修呢？嗱，如果佢贏咗，不如就由你煮餐到會賀吓佢慶功吖！佢俾人打過幾次，唔會懷疑我地嘅！
廚房哥：（猛力點頭）好呀好呀！我一定幫手！
阿雪：（拍拍廚房哥膊頭）咁你今晚好好休息，明天等你消息喇！（唱）
「放下愁緒 今宵請你多珍重
那日重見 只恐想見亦匆匆
懷裡情人在怨 相愛偏不能容
情人無言地哭 心怎不隱隱痛」

阿雪：（叫醒呆住了的爸爸）爸爸，得喇，我地走得喇！
（阿雪挽着爸爸的臂彎，轉身離去。）
（臨出學校門口前，還轉過頭來，跟廚房哥單了單眼睛，來個回眸一笑。）
（廚房哥即時打了個冷顫。）
（幕下）
＊＊＊
伸延閱讀：
關於黑警向 PolyU 播歌（立場新聞　2019/11/21 — 13:07）
中大煮完過理大　39歲廚房佬用「任劍揮」醫肚：我會留到最後一個細路離開（眾新聞　２０１９年１１月１９日）

【11.23．理大】廚房佬撤離校園送院　社工輪更做伙頭大將軍
撰文：楊婉婷 賴雯心 陳浩然 孔繁栩 2019-11-23 17:10 最後更新日期：2019-11-23 19:14

每日在理大校園內大叫「出嚟食飯喇」的廚房佬，曾揚言與示威者共同進退，留守至最後一刻，惟今日疑因情緒受困，在教會傳道人袁天佑妻子陳錦美陪下送院。「抗爭飯堂」失去主廚，五名社工表示將以輪更制進入校園煮食。
每日在俗稱「抗爭飯堂」的理大餐廳內為留守示威者準備三餐的廚房佬，曾表示會堅持留守到最後，就算警方攻入校園，亦會對抗，「我第一日就話，我會守到最後一秒鐘，只要有一個抗爭者需要食飯，有需要食嘢，佢嚟搵我，我就畀嘢佢食。」他每日在校園叫嚷匿在理大隱蔽處的留守者出來吃飯。隨著高峰期逾千人，在警方圍堵理大一周後，至今只餘數十人，到食堂用膳的人數亦急減，廚房佬昨日仍稱「會留守至最後一刻」。
不過，據悉廚房佬情緒受困多時，需要接受治療，人稱「袁天佑師母」的陳錦美極力遊說下，他今午終自願離開，步出理大封鎖線及登上救護車。沒有了廚房佬，「抗爭飯堂」無人掌廚，有五名社工聽聞廚房沒有主廚，表示會協助準備餐點。他們以輪更制進入校園內協助學生，待會將評估校內食水及廚房狀況。
昨今留守者人數減無人吃飯　廚房佬情緒受困
陳錦美陪同廚房佬送院，陳指雙方認識數日，她曾在飯堂洗碗，互相信任，當廚房佬見到她時亦放下戒心。陳稱，由於他情緒有起伏，時而悲傷時而平靜，而且大部分學生已撤離而感失望及失落，「煮咗出嚟冇人食」，亦擔心學生的情況。但廚房佬並不想離開理大，因他曾向學生承諾會留守至最後一刻。
無法入睡，疲憊不已
由於情緒受困，他無法入睡，疲憊不已，情況持續一至兩日。他擔心有臥底警員潛入校園，希望有記者陪同，故昨徹夜有記者相伴。而今晨他發現有記者偷影他，感到氣憤，故向陳錦美求助。
陳隨即趕往理大了解情況，並勸喻指學生已離開校園，部分亦已送院，勸他入院休息，「或者向醫院會撞到啲手足呢！不如搵手足傾下計啦。」最終他自願離開送院，經醫生初步診治，他身體上沒有大礙，但需要休息。
據陳了解，現階段警方暫未有拘捕行動，她亦曾向警方解釋廚房佬有情緒上困擾。有警員目送他登上救護車，但未有隨同送院。
首日煮食團隊無效率　廚房佬接手掌廚
年近40歲的廚房佬曾透露，任職飲食業超過20年，擅長煮西餐，坦言「中菜就麻麻地」。廚房佬曾表示，早前辭去日式麵包店工作，知道理大內有不少示威者決定留守，需要膳食，因此到校內協助煮飯。他憶述，首天到理大廚房，發現煮食團隊毫無效率，「佢哋煮唔慣大鑊飯，呢度幾千人，一定要快」，又稱「班人飯都未煲得好，好似食沙咁！」
警方17日當晚多次警告理大內群眾離開，廚房佬坦言，「掛住煮飯，聽唔到」。至於離開理大後會否繼續做廚？廚房佬搖搖頭，抽一口煙，盡在不言中。