西洋菜煲牛肉

政府修例禁持酒牌食肆、酒吧賣酒　促私人會所關閉康樂設施　2020/03/23 17:48

【有線新聞】政府宣布，將修例暫時禁止持有酒牌的食肆、酒吧等，售賣及供應酒類飲品。
行政長官林鄭月娥表示，近日有不少確診個案都在酒吧感染。目前有8600多間食肆、酒吧及會所領有酒牌，政府將引用法例第599章《預防及控制疾病條例》訂立規例，暫時禁止這些持有酒牌的食肆售賣及供應酒類飲品。
行政長官林鄭月娥表示：「酒吧的環境內消費，顧客的行為更加高風險。有時到餐廳酒樓吃飯都可以坐遠一點，可以分餸來吃，但很多時候在酒吧會除掉口罩，喝酒談天，甚至喝醉一點會有更親密的行為，令交叉感染風險增加。」
政府亦會與餐廳、酒樓業界商討措施，減少婚宴及慶祝活動舉行，降低傳染風險。如果自發行動沒有效，政府會在禁止售賣酒精飲品的條例上進一步管控食肆的營業模式，包括縮短營業時間及限制座位數目。政府亦要求，所有在私人遊樂場用地上的私人會所立即關閉康樂設施、更衣室及波波池等。

今日禁酒吧，明日會否禁食肆、甚至乎連酒都唔俾擺？其實係唔係禁「甚至喝醉一點會有更親密的行為」（咁就唔止係用 pat pat 打招呼）會更有效？

好似魔術師呢啲獨居廢中，早就是「無飯一人家庭」，常日如果一面要 work from home，食晏仲要出街買定餸煮晚飯，真係情何以堪？
前陣子我城疫悄稍為受控，多咗巷豬顧客，部分早前提早收鋪（晚上８點就閂！）的食肆又開始收遲啲；但係隨着最近唔去旅行的會死的傷民加上黃皮白心留學ＡＢＣ「大逃巷２.０」，社區傳播又嚴重番。魔術師有見及此，為免可能真係要自己晚飯自己煮，便演習一次，試吓煲返個菜湯做宵夜，睇吓功力有無生疏到。
材料：
西洋菜（魔術師其實想買芥菜膽，但係買唔到）
牛肉（其實豬骨都得，但魔術師唔想太油；而且在超市見到已醃好的牛肉，懶病發作慳返唔使買個樽裝生粉）
豉油、糖、生粉等醃料（如果是自己醃的話）
南北杏
薑
鹽（無入鏡）
生油（無入鏡）

隨便幫幾年前入伙時買落，但係一直都用唔上的「媽人牌」廚具開封洗淨：

鋒利嘅刀第一件任務竟然便是拍薑：

聽聞 Youtube 的某些 for dummies 系列中，How to boil water 的 hit rate 絕對唔低，好似呢條片咁竟然都有６０幾萬 views，仲有６千幾 like（２００８年２月８日上載，截至２０２０年３月２５日）：

魔術師當然唔會低智到連煲水都影一餐，直接跳過。總之就係水滾後先放入西洋菜和薑，滾１０分鐘左右，再放入已醃好的牛肉（自家製的話就要將牛肉切片，再醃２０至３０分鐘），滾起便成。可以酌量加些鹽和生油調味：

魔術師個煲唔算大，但亦唔好睇少佢，倒出來都可盛滿兩湯碗：

有湯飲有菜食（牛肉煲湯主要是用來吊味，魔術師唔多食）都算大滿足，不過菜湯來說始終都係淡咗些少，可能下次啲牛肉真係要自家醃。
同埋，飲完呢兩碗湯做宵夜的後遺症就係半夜要起身去廁所。
＊＊＊
伸延閱讀：
我kiss都和律師kiss啦！