瞬間睇廣告 (二十四)

1. 經濟支柱

保險廣告算是魔術師個 FB 經常被推送的廣告之一。

（FB 截圖）

睇呢個廣告，簡直就係道盡中剷男人之苦：仔細老婆嫰，仲有四大長老要養...嫰妻肯生仔已經好唔話得（增加生育率，比加超錫哂佢），男人仲要養埋嫰妻父母就更唔話得...

最怕就係「萬一自己有事」，嫰妻就搵佬改嫁，孫囝留返俾廢老！

＊＊＊

2. 賤物鬥窮人

在 FB 見到呢個自稱係來自灣灣的「好物」：

（圖片來源：松賀屋 > 增壓瀑布水龍頭, captured on 24 Aug 2025）

但在灣灣網店售我城貨幣的「好物」，在 PDD 只售 32 人仔都唔使，仲一件包郵，真係賤物鬥窮人，搞到魔術師都好有興趣買返個嚟玩吓！

＊＊＊

3. 笑口常開

呢個係由無乜頭緒中，從電腦「圖庫」內抽出來的巴士柯背廣告，攝於去年（2024年）：

第一眼真係唔知呢個廣告賣乜，問過谷歌大神才知原來是隱形牙套（箍牙）廣告，果然令魔術師「笑咗」- 唔係因為「開心」，而係「笑」自己無箍過牙（細個老豆老媽點識冇魔術師去睇牙醫？）！