一人飯局（2026年5月）

魔術師最近工作比較忙，好難先約到靚姐姐撐枱腳，夜收工的話多數逼住都係要一人食完趕返屋企，活像是個工資奴。

1. 元気寿司 (屯門時代廣場北翼)

屯門時代廣場地下呢間元氣壽司係魔術師食堂之一，貪佢今時今日截單的時間可以去到晚上十時。疫情令我城無哂夜市，正苦搞極夜繽紛都搞唔起，在非旺區有食肆咁夜先截單，一定要捧場啦！

（圖片來源：Openrice > 餐廳 > 香港 > 屯門 > 元気寿司 (屯門時代廣場), captured on 23 Nov 2025)

記得曾經有網友留言讚話元氣不時有新菜單，魔術師都認同，元氣在更新菜單呢方面算做得幾好。好似去年開始就有軟雪糕做甜品，最近仲有粟米濃湯味，聽落去已很正：

辛苦工作一天，魔術師有時都會先返屯門食飯再返屋企，咁去屯市簡單食個壽司餐都好容易。食咁乜唔重要，學 DSE 題目話齋，「眼前的甜點令這頓飯別具意義」，算係一天完結的獎勵：

＊＊＊

2. 紅茶(屯門時代廣場北翼)

魔術師一向對「新潮冰室」或者「連鎖冰室」都無甚好感，只係因為前一天已吃過元氣，這天晚上又來到屯門市中心，便去元氣對面的紅茶冰室試吓：

(圖片來源：Openrice > 餐廳 > 香港 > 屯門 > 紅茶, captured on 17 May 2026）

晚餐叫了個煎雞扒配炸洋蔥圈、紅湯、咖啡。想不到跟餐可以揀薯菜（一小個焗薯），魔術師最怕就係多汁撈飯（或意粉）呢種「茶記佬飯」賣相。

上菜速度夠快，餐湯加餐包、炸洋蔥圈同雞扒起碼都係熱的，焗薯都算係在水準之內，起碼成個餐魔術師都叫食完，無話要提早走人。美中不足的是杯咖啡太細了吧。

魔術師餐單：Set dinner 煎雞扒配炸洋蔥圈跟薯菜、紅湯、咖啡，盛惠 85 元，可以以支付佬俾。

＊＊＊

3. 美心MX (中環中華總商會大廈)

講起放工食晚飯，中環的美心 MX 都係魔術師的飯堂之一（同一條街仲有多個月前被因大度燒棚網而停藥的大X樂，呢單嘢之後大埔屋苑的工人仲「唔知驚」...）。中環美心收夜晚 9 點，放工不能太遲才過到去食了。

(圖片來源：Openrice > 餐廳 > 香港 > 中環 > 美心MX (中華總商會大廈), captured on 17 May 2026）

本來印象中係頹飯格局，但點知上到去，又「赫然」見到有魔術師最喜愛的「海南燒雞套餐」...其實呢知「海南雞套餐」的變奏（由白切雞變燒雞）都出咗一段時間，但魔術師卻偏偏記唔住，證明美心的味道（尤其是醬汁）俾唔到印象魔術師也。

魔術師餐單：「海南燒雞套餐」跟菜，另加咖啡及啫喱（「眼前的甜點令這頓飯別具意義」），盛惠 66 元（Eatizen app 有 coupon 扣減也）。

＊＊＊

伸延閱讀：

一人飯局（2025年11月）

DSE中作試答2026：眼前的甜點令這頓飯別具意義