介紹返：《歲月如歌》（六）

明明第五集已經躬身謝幕，點解伸有第六集嘅？原來就係搵幾個歌手去外國（其實只係泡菜國同埋大馬）同他國歌手交流 crossover 合唱，推動一下「廣東歌」係幾咁好，再加埋一啲疑似是綵排片段的剪輯...當然，成集都唔係無亮點嘅，睇埋落去就知曉。

1. 鄭恩地 x 雲浩影

打頭陣嘅係巷妹 Cloud 雲浩影去到泡菜國跟鄭恩地 crossover (fusion?) 含唱。出乎意料地魔術師竟然聽過雲同埋鄭個名，值歌就唔識喇。完整版中，兩人例牌擦一輪我城方言歌鞋之後，便來個真含啫...但魔術師一面睇一面納悶，點解巷女同寒妹咁似樣嘅？衫、頭髮、同面形都好似差唔多咁，唔開到口講嘢真係分唔出：

2. 陳慧恬 x 譚嘉儀

當年 CCTVB 都曾「力捧」過譚嘉儀，搞到魔術師都在 Youtube 「被推薦」聽過佢喲歌；今次佢去大馬「交流」的陳慧恬當然不為魔術師所識，但在完整版傾談之中提過今次唱嘅《只想一生跟你走》有巫啟賢的國語版《不該讓你等太久》，加上國語同廣東話在大馬都算普及，「文化衝擊」應該無去泡菜國咁大。

3. 譚嘉儀

HOY TV 跟手又剪咗一首又係張學友的《每天愛你多一些》疑似綵排版，由譚嘉儀 solo 表演。係就係唱得唔錯嘅，CCTVB 捧佢（過去式）唔係無原因嘅；不過衰就衰在譚鍾意「撚」技巧（見第二集），玩一輪轉 key 轉假音咁，未免太賣弄。

4. 莊錠欣

呢首《愛的替身》，唱高咗幾個 key，好似就嚟走音咁，驚驚（唔知點解 Youtube 留言有讚無彈）。

5. 黃淑蔓

黃淑蔓出嚟個形象比較 pure 同 true，可愛又無乜撈味，係可以加分嘅。完整版中，黃淑蔓開口埋口「伊健哥哥」，睇返維基原來伊健係 1967 年生，都差唔多係搭兩蚊車的年紀，「陳浩南」都老了。

6. 林德信

林子祥囝囝唱返佢老豆的經典《我愛你》/《Uptown Girl》，關興跟關羽之比，只能顯得阿 Lam 的唱腔和感覺只此一家，別無分店。

7. 任昌丁 x 林奕匡

又係泡菜國之旅，林奕匡同《祝君好》的原唱任昌丁夾歌，任仲可以用我城方言唱返幾句，唔係揸流攤；林奕匡都算唱得好，壓軸出場係有原因嘅。

8. 任唱丁

任昌丁的韓版《當年情》，又再加幾句城我方言，又再一次人肉證明了歌是老牌歌手唱的好，對比依家啲後生真係唔掂，睇返第一集的洪嘉豪就知（唔知係咪 MK 豪唱得太難聽，搞到 HOY TV 要將片段從 Youtube 下架，要聽只能睇第一集完整版）。再想，當年（1986）張國榮唱《當年情》時係30歲（張生於1956），都唔算係年紀大，但對比起今日的巨嬰，依家的有青又真係遲熟咗一啲。

9. 康志維 & 洪韻騏

唔識佢哋，網上版先有，電視版係無的。有啲唱 K 的感覺，囡囡唔係着條短裙仔就有分加的。

＊＊＊

完整版如下：

＊＊＊

伸延閱讀：

介紹返：《歲月如歌》（一）

介紹返：《歲月如歌》（二）

介紹返：《歲月如歌》（五）

維基百科：鄭伊健