積壓如山煲劇單（2026年8月）

睇咗

1. Amazon Prime：《北斗の拳（FIST OF THE NORTH STAR）》

熟口熟面的情節、角色、配合新派 2D＋3D 畫功、完全係回憶殺。唔夠半小時一集，一個星期一集，等到連載完起碼第一季先至一次性時。第一季14集完，到打完牙一族止。第二季 2027 見，二師兄（？）和三師兄下一季先出場，唔知見唔見到雷奧。

魔術師評分：90分（100分滿分）

2. Netflix：《怪奇物語（Stranger Things）》第一季

Netflix 著名連續劇開始入坑，5季完。以開局來說，第一季係幾好睇嘅，不過想像到小演員長大的速度應該快過劇中的時間線，唔知點樣可以自圓其說。第四季每集都個幾鐘，似睇戲多過煲劇，令魔術師呢位堅持拒絕快播的觀眾睇喺上來有難廈，扣分位也。

魔術師評分：90分（100分滿分，第一季 only）

3. Disney＋：《殺人者的購物中心（A Shop for Killers)》第一季

僱傭兵與組織及組內殺人王理念不合，導致滅門之禍，繼而隱藏身份暗中訓練侄女自幼「獨立成長」，擊退前來尋釁滋事的殺手的故事。橋段有點老套，前段殺手攻堅跟組織內鬥、購物中心會員制度等似乎未能環環相扣，只係靠爽快打鬥場面帶過，令觀眾無瑕思考。男主角顏值比女角高，亦係泡菜片中的異數。可以一看，但唔睇無損人，開咗個頭就追埋第二季。

魔術師評分：70分（100分滿分，第一季 only）

＊＊＊

將睇未睇：

1. Apple TV+：《幸運女神（Lucky）》

有 Anya Taylor Joy，短短哋 7 集完，必睇（唔知有無第二季）。

2. Apple TV+：《海角驚魂（Cape Fear）》

經典驚悚電影同名以劇集形式再現，唔知效果如何，一定捧場。10 集完，等出哂再睇（唔知有無第二季）。

3. Netflix：《紙房子：柏林（Berlin）》第二季《柏林：抱银貂的女子（Berlin and the Lady with an Ermine）》

又係《紙房子（Money Heist）》的死唔斷去衡生劇。上一季由「犯罪片」演變為精裝追女仔，但劇情尚算緊湊，有能力叫魔術師每日一集追看到尾無中途休息。唔知今次柏林濫交完會唔會惹到性病呢？又，衍生劇咁拍落去，會唔會 crossover「怪獸宇宙」拍返套《東京與哥斯拉》呢？

4. HBO Max：《紐約殺人夜（The Night Of)》

以巴人在紐約犯下謀殺案為主題的偵探劇。風評不錯。

5. Netflix：《盜墓者羅拉：不朽傳奇（Tomb Raider: The Legend of Lara Croft)》第一至二季

動畫版盜墓者，以 Netflix 的左膠味應該唔會將羅拉畫成大X妹咁政治唔正確？

6. Apple TV+：《末日地堡（Silo）》第一至三季

Apple TV 其實都有好多劇睇，本劇有 Rebecca Ferguson 助陣，共四季暫時只出了三季，唔使講入咗 list 先講。

7. Amazon Prime：《恐怖民間傳說（Lore)》第一至二季

單元劇式講古唔好駁鬼古，用來攝時間真係唔錯。

8. Netflix：《FUBAR》第一至二季

阿諾主演嘅串流平台劇，《幼稚園特警》式的劇情竟然都可以有兩季（好在第三季被 cancel）。不過，魔術師作為阿諾影迷，睇一齣少一齣，點都會用嚟攝時間嘅。

9. Disney＋：《天龍八部》

CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。

其他：《黑鏡（Black Mirror）》：因單元故事，表現飄忽，魔術師暫不評分。

仲有大量動畫、舊劇、紀錄片，包括《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》、長篇日韓劇、哈蘭·科本（Harlan Coben）系列等...未能盡錄。

熱切期待

＊＊＊

1. Disney+：《幻視征途（Vision Quest)》

Wanda 與 Vison 的感情在《復仇者（Avengers)》系列與及《WandaVision(溫黛與幻視)》中的描寫比較細膩，但在後者劇集忽然爆出來的兩兄弟，即做去到《女巫阿嘉莎（Agatha All Along）》魔術師對兩兄弟的角色就不太有情感投入（可能跟 DEI 有關）。Vision 的故線線如果又係講湊仔經，就真係繼續趕客了。

。

2. Netflix：《武士生死鬥（Last Samurai Standing）》第一至二季

第一季只有六集，好快睇完就無；等到第二季就會唔記得哂啲劇情又要翻煲，不如等出哂至講。

3. Netflix：《終末的女武神（Record of Ragnarok）》第一至N季

熱血格鬥動畫，但劇情愈來愈似《足球小將》，不斷回憶不斷拖戲，究竟會唔會有大結局寶屬未知之數。

＊＊＊

無乜期待中

1. Netflix：《殭屍校園（All of Us are Dead）》第一至二季

未入坑。如果兩季完魔術師都可以有時間就睇：

＊＊＊

為免重覆，或太多片頭 load 死手機 browswer，魔術師推介請見《積壓如山煲劇單 - All time favourite》