我城足球盛事：奧迪足球峰會 2026 拜仁慕尼黑對亞士東維拉

奧迪足球峰會2026拜仁慕尼黑對亞士東維拉（FC Bayern vs Aston Villa）於8月7日晚上舉行，魔術師身為拜粉當然唔貴嘅飛唔買；不過聽講話今場波因為世界盃關係拜仁重點球星例如哈利簡尼（Harry Kane）和奧拉斯（Michael Olise）都無隨隊，又被妄民嫌票價過高（可能消費力已被前幾日的「盛事」消耗得七七八八），搞到只有3萬8千多人入埸：

不過，人「少」唔緊要，只要妹妹仔球迷多就得，好似坐魔術師前面呢位個背影同正面就幾唔錯（右手邊嗰位係搭單走埋去影相的）：

話說魔術師入到埸，坐嘅係468號單邊座位，非常之正：

但去到時只見有一華裔肥青估座。魔術師行到去，示意呢個位係禾的；點知肥青就指一指 469 號座位，以英文提議：「Can you exchange seat with me? Because I am fat...」

頂佢，肥就大哂咩？劃咗位可以任意調？

魔術師舉高手中的手提包和環保袋（魔術師身穿應援波衫，環保就裝住換咗嘅返工衫），以英文回應：「I also have two "hand carries".  And as you are fat, you better sit still and don't move.」

肥青也只好乖乖地坐回魔術師隔離。

在之後球賽，魔術師聽見他又以「蝗話」跟再隔離兩大兩小（470 - 473 座位）一家人搭訕。吖，對住魔術師就講英文，真係夠哂國際化。

而肥青所謂因為肥而調位其實係無 point，皆因佢全埸都幾乖留喺位無成日出出入入，只係臨完場階段走出去球迷區搏簽名。

佢想坐魔術師個位都係想坐近啲通道容易走出去追星而已。

而全埸最煩嘅，當然就係兩大兩小一家人，「他們只是小孩」（見伸延閱讀），當然成日要出出入入飲飲食食去次所放風。

＊＊＊

開波前握手禮，搵到佩佩局長嗎？

魔術師坐拜仁球迷區前排，龍門後側面，見到有小貓三幾隻的旗幟飄揚：

上半埸拜仁由金玟哉頂入，領先1:0，由於魔術師坐前排，對面龍門距離較遠，唯有影大瑩幕：

上半埸的最大福利就是睇住紐亞（Manuel Neuer）個背影：

半埸休息輪到魔術師去放風，見到山頂位居高臨下，睇哂全埸其實都唔差：

半埸返埋座位，見到有個唔識嘅妹妹仔單拖又唱又跳：

本來想影大頭，結果佢跳起咗就變咗影住個胸：

睇返原來妹妹仔叫冼迪琦（小迪）：

下半埸拜仁連環射門都被維拉門將救出：

呢球魔術師就近距離睇住路易斯迪亞斯（Luis Diaz）入靚波，2:0：

接近完埸時維拉扳回一球，但未能改寫輸波命運。拜仁以2:1奪盃，最後由佩佩局長頒獎：

＊＊＊

全場精華：

＊＊＊

伸延閱讀：

我城足球盛事：奧迪足球峰會 2026 拜仁慕尼黑對亞士東維拉前戲篇

陳凱琳仔仔睇戲遭忌廉淋頭　親證已報警：大家對小朋友善良少少（香港01 2026年8月4日）