2016年12月11日 星期日

蝦餃家書之孤狼回家

魔術師朋友:
曾經說過要退隱山林不敲鍵盤,但因為他,我不能不從操故業再敲一下鍵盤,再次廢話連篇。過去幾年,老頑童的廢話很多都是圍繞著他,如今他說不玩了,我沒有理由不為他破例一次。
過去幾年,他不知養活了多少騙稿費吃飯的寫稿佬,反正寫一堆垃圾罵他,都有很多讀者量。香江寫稿佬什麼本事都沒有,但製造垃圾卻是他們的專長,可以無風起浪或茶杯裡起風波,甚至無中生有之後小事化大。幻象的浪越大,繼續追看垃圾文章的人越多。
蝦餃文章從不收錢,所以從不罵他,更明瞭他的苦楚,文章經常以同情的態度來評論他甚至寫詩鼓勵他。所以老頑童也經常給人罵。呵呵,老頑童老皮老骨,笑罵由人。如果怕罵,江湖怎樣行走?
說了一大堆,究竟他是誰?不同人有不同稱呼,因為他的姓氏諧音,他出道之後就有狼的稱呼。之後更有一個數字稱呼他-689,說他當年的得票數。但同樣一堆數字,台灣的最近兩位當家都是得票689,但沒有人會用數字稱呼他們。或者有強辯,人家是689萬,這裏沒有萬。美國歷屆大選,各候選人打生打死都是為了搶奪270票咋!這是體制的問題,跟數字無關。強用數字來作羞辱符號,說明港人是什麼水平。
很多人說有什麼樣的人就會有什麼樣的政府與領導人。這句話只解釋了部份圖像,畢竟當領導人的是少數。很多人忽略了另一個更重要的指標,就是有什麼樣的反對派,就說明當地的民智與道德水平。如果用這標準看港人的民智與道德水平,就是無知加無恥。
而無恥之最,就是那位第一個用狼稱謂他的人-蔡子強。蔡多年來不斷炒作狼兄問題,如果沒有就無中生有之後無限擴大。根據蔡的文章,蔡跟狼兄交惡是狼兄當城大校董會的時候出現過節,而當時蔡在城大搞秘撈。蔡一直在中大教書。會否狼兄在城大斷了蔡的秘撈路,所以一直懷恨在心?我不是當事人,但有權猜。為了釋疑,蔡有責任向公眾交代。
蔡最無恥之作,就是炒作狼兄的家事,利用人家患病的女兒來做文章,甚至用到「虎毒不食兒」這句話來作人身攻擊。蔡只是極致,但其他一眾反對派都是孟子所說的:「無恥之恥,無恥矣。」
蔡子強:如果是你的子女(政客版)
一眾反對派天天呼喊他下台,究竟他們在說什麼?他們號稱民主代表及有民意支持。他是通過正式程序上任,有正式的程序結束任期,也是他下台之日。民主的重要意義是一切跟隨程序,突然要某人下台,那是極權,跟民主南轅北轍。香港有這些所謂民主派,是民主之恥更是香港之恥。
蔡稱他是狼,所以在黃巾之亂之前蔡幾乎天天打狼。但出了大事之後,蔡也跟其他聲大大的反對派一樣,齊齊練習龜縮大法。如果他是狼,蔡就是龜。
以他過去的作為,他的性格有點像狼。但一匹怎樣善鬥的狼,就算加上老虎的本領,如果有豬作隊友,結果是連任人欺凌的小綿羊都不如。有了一群豬隊友,這頭狼溫純到連自己的狼崽都沒法保護。他四年多的工作,深刻演繹了這種動物學的高級變化。
或者我們可以這樣說,是體制殺人。盎格魯留下的所謂法治體制就是一頭漂亮木馬,它在適當時候就會出來作亂。木馬屠城記的故事,相信大家都聽說過,現在是真實版本。黃巾之亂兩年了,有誰為此付上刑責或為此坐牢,為什麼?有了這頭木馬,就算狼群出現都沒輒,因為最終裁決權由木馬控制。如果狼群也沒法應對這頭木馬,他這匹孤狼就只能變羔羊了。
這頭狼是回歸之後的第三位當家。前兩任一個是有心無力,另外一個是無心無力。也是最後那個一無建樹的無心無力,將所有問題累積,到了他當家的時候整體爆發。他上任以來一直在清拆前任埋下的不同類別地雷,期間更要面對不少重磅炸彈轟炸。
如果我們能平心靜氣來評論三位當家,他絕對是最投入與付出最大的一位。為了他的工作,無聊人找不到他的麻煩就網絡欺凌他患病的女兒。最終他為了家庭為了女兒宣佈不再跟那些無聊人妥協,不玩了。
很多人批評他,最大也最致命是性格孤僻人緣差。作為一個個人,性格孤僻不是問題,但作為一個政治人物與領袖,可能是問題甚至是大問題。看看今天韓國出的問題,就是有一個性格非常孤僻的總統,最終惹出大禍。在香江這小地方,性格孤僻的領袖不會出大禍,但因為跟其他人的化學反應不良就會將優秀人才排出團隊之外。一頭狼,沒有狼的隊友也要有狗的隊友吧?結果他找到的是一群狽或一群豬。很多人罵他,其實主要是罵他的豬友。
有不少人討厭他但有更多人喜歡他。老頑童文章談過,他是歷來最能牽動港人感情線的政治人物,有這樣特質就是天生當家的料。他不玩下去有點可惜,日後港人可以再罵誰?
反對派之前大肆吹噓ABC,或者眾咒生靈吧;他一如反對派所願,不繼續玩,回家照顧狼崽去。但最失落的是誰?沒有他,寫稿佬就難復昔日的寫意生活了,反對派也頓時喪失方向。除了開罵狼兄,反對派根本就什麼都不懂。狼兄不玩,寫稿佬與反對派就要為自己的存在及生活擔憂了。
他不玩但遊戲還需要繼續,猜馬仔遊戲要從新再來,坊間馬上湧現好幾個馬房。退休法官早就說明出來跑馬仔,但會否中途脫腳就難說,完全看他背後的人,有點簡單常識的人都知道他只是一個木偶。另外的木偶就是那個硬闖紅燈的鬍鬚佬。
此外有兩位是沒鬍鬚的參賽者。一個在收到老闆不去馬消息之後說會認真考量。他在昨天的聲明中,似乎在釋放一個明顯訊號給她。他要玩下去,她當然沒機會了。另外一位英雌就是曾經統帥香江一眾紀律部隊的前高官。她因為23條而引咎辭職最後遠赴花旗邦深造政治學,回來大展拳腳,期望更上層樓。
老頑童不賭馬,對跑馬仔沒興趣,當然也沒法提供任何跑馬仔貼士。不過在翻看昔日文章的時候,就嗅到一點松鼠的氣味,冬眠十多年的松鼠,或者是時候出來曬太陽了。
蝦餃
2016-12-10
後記
1)說過停筆,就不能再在自己的平台發表文章。數月來我也金盤洗手,很少敲鍵盤。但為了他只能破例重出江湖一次,但要驚動魔術師朋友的地盤。僅此致謝。
2)兩年多前,老頑童為他寫了一首詩,重溫一下:
試問有誰不同情
3)之前答應過在美國大選之後會給大家解讀一本非常特別的磚家報告,是美國蘭德顧問公司特別為巫婆寫的報告,中文題目《與中國開展》,英文原文是《War with China - Thinking Through the Unthinkable》。蘭德是政府與軍方的智庫。如今巫婆回家,這份報告就跟廢紙無異,因為癲佬絕對不會那麼傻跟中國開戰,成本太高。所以解讀報告一事就不用繼續了。答應過的事,就算不做或做不到都要交代清楚。
蝦餃老兄實在太客氣了,查實是魔術師叼了老吧的光才對,起碼「蝦餃家書」系列能給一眾蝦餃粉絲不定期的慰藉,又能夠提供多角度思考的養份,而且魔術師又有新題目可議,此等「義務勞動」魔術師高興還來不及,那不甚麼驚動不驚動呢?只要蝦餃老兄發個訊來,舉手之勞,魔術師定當效勞。
蝦餃文中提到689女兒的「病情」,據報可能是情緒病。魔術師不諱言,對此病認識不深,甚至乎是難以理解,沒法勾起任何同理心。我們不能控制有沒有遺傳病或某些腫瘤癌症,而其他例如糖尿、高血壓、或肺癌等也可以以控制飲食和改變生活習慣(例如戒煙)等方式減低誘發因素,但壓力、不快經歷等人人都遇上,是無法避免的,是不是可以經「學懂處理壓力」,調整自己的心態,就可以減免「情緒病」的發生呢?也就是說,你自己可以做的可以有幾多呢?如果你的「病發原因」,並非人力可以補救的話,那就沒話說;但假如你自己明明可以做些什麼去紓緩及改善病情,但你都不去做的話,那就是咎由自取了。
而情緒病有幾多係「自行攞嚟」,魔術師沒法理解,沒有同理心(也沒有同情心),甚或覺得只是「患者」(例如某些港女)不願面對壓力和挫敗的藉口,所以言談間也可能特別刻毒涼薄亦說不定。
***
伸延閱讀:
香港中文大學 香港健康情緒中心:認識情緒病
信報 2016年12月10日
梁齊昕傳入院 行李門涉濫權
梁振英不參加下屆行政長官選舉,宣稱是由於必須在未來一段時間照顧家庭,在社會責任與家庭責任之間作出負責任的選擇。外界除了揣測梁振英可能已被中央「轉紅燈」而放棄連任外,也有意見認為,事件與梁振英現年25歲的次女梁齊昕有關。
梁振英及其太太梁唐青儀近日分別出現在沙田威爾斯親王醫院,其後有報道指梁齊昕已住院約兩個月,入住該院主樓暨創傷中心大樓6樓的私家病房,估計與其情緒狀況有關。梁唐青儀日前稱,前往探病屬個人私隱,與公眾利益無關。梁振英昨晚由深圳返港,也再到威院探望齊昕。
梁傳昕亦被指利益衝突
梁齊昕曾於2014年6月於網上上載手腕受傷流血的照片,疑似自殘行為;去年3月,她又聲稱要離家出走及跳樓自殺,並有救護車出現在禮賓府門外。去年萬聖節,梁齊昕於中環蘭桂坊消遣後與的士司機口角,梁唐青儀趕往現場,其後被梁齊昕掌摑,過程被到場的傳媒攝錄下來。
梁振英育有長子梁傳昕、次女梁齊昕、三女梁頌昕。今年3月,梁頌昕在機場準備登機前住三藩市時,遺漏行李在機場禁區外,最後機管局職員把行李送進禁區,涉嫌違反規定,梁振英被指懷疑濫用權力干涉事件。梁頌昕早年於摩根大通實習,也被指涉嫌利益輸送。梁傳昕在劍橋大學修讀博士研究幹細胞,其後於卡羅琳醫學院進行博士後研究。去年2月,港商劉鳴煒向該學院捐款近4億元,促使該學院來港開設海外分部「劉鳴煒復修醫學中心」,被指與梁傳昕的工作有利益衝突,特首辦澄清,該中心沒有計劃聘請梁傳昕。

98 則留言:

  1. 「孤」用得很貼切,然689之孤是由來有自的。有沒有想過,為什麼無論左中右媒體的記者,都會在自己媒體立場可控範圍之內將佢有咁衰寫咁衰,而從不會在他身上多用幾個褒義詞?勿以惡小而為之,即使是無心之失,也有長遠的後遺症,從政者不可不慎。

    回覆刪除
    回覆
    1. 例如係咩小惡呢?

      刪除
    2. //勿以惡小而為之,即使是無心之失,也有長遠的後遺症,從政者不可不慎。
      //例如係咩小惡呢?

      例如僭建,例如N年都唔選,例如UGL,例如行李,例如「親疏有別」...總之樣樣嘢你係令人地睇你唔係咁順眼,但又咬你唔入的「小事」;係無錯,講道理未必係你輸,但總叫人恨得牙癢癢的, 即係好似踢波咁,你都羸到6比0, 就無謂串串貢挑釁對手, 人地悩羞成怒踢傷你係人地唔啱,但換來的隨時係自己要收山,唔着數的始終係自己.

      所以,所謂whiter than white, 我唔會理解為 meet audience expectation,而係做到「滴水不漏」的防禦工事。

      刪除
    3. 哈哈哈哈哈!魔術師,你好有做港女潛質!無中生有濕濕碎碎都俾你諗到咁多!我就真係 fili-fele!
      要求聖人咁嘅條件 (TVBB 劇主角?),咁真係邊個都死!
      雖無過犯,面目可憎。罪過!罪過!

      刪除
    4. 我反而覺得蝦餃叔的睇法比較接近現實,正係「孤」先可能兩面唔討好,如果真係親疏有別,邊可能兩面唔討好?
      今時今日啲寫稿佬,係將政治新聞當十幾廿年前啲娛樂新聞咁煲,你唔埋堆,懶正直,就會變蔡風華

      刪除
    5. //要求聖人咁嘅條件 (TVBB 劇主角?),咁真係邊個都死!

      只要你能夠做到滴水不漏, 你的「惡」不被知曉,咁「惡」就是不存在.

      //如果真係親疏有別,邊可能兩面唔討好?

      問題係佢「親」嗰班人,無論係執行抑或係論述能力,都唔係班反對派傳霉的對手.

      刪除
    6. //例如係咩小惡呢?
      曾成成有透露過,不過成成應該改編過,唔係行內共知的版本,實際上要嚴重得多,咪點會成為傳媒公敵?

      另,蝦餃叔的嗅覺很靈敏。松鼠。哈哈。有冇人肯受注?池某會買重注。

      刪除
    7. 不過我聽過兩個同689共事過既人,在人緣角度上對佢既評價都認真麻麻...似乎從相處上,689真的是得罪人多稱呼人少之輩--雖然這無關其單打獨鬥時的辦事能力。

      所以我估甚至佢根本「親」唔到咩野人,表面「親」到既,就算有能力都只會同你揸流攤的。

      刪除
    8. 如果根據周顯大師9up,樁秧「俾你估到仲係食神黎既?」,而且係「之後你地會好懷念689」的強硬之輩,我會買個超級大冷門--譚厚唇女士。只是不知佢肯唔肯由政協委員降格做突首。

      松鼠我估佢出山都只會代唔得掂。

      刪除
    9. // ...咪點會成為傳媒公敵?
      啫係衰咩喞, 好衰嘅... =)

      刪除
    10. 若要人不知,除非己莫為。
      的確。
      要搵人啲衰嘢講又有幾難?冇咪作囉!再唔係,話佢面目可憎囉!鐘意點講都得。龍蝦呀!狼呀!吃兒呀!
      當年毒瘤明唔知點樣得罪曬啲全霉?
      邊間邊間屈佢用地撈油,3 個老闆執笠破產,一定又係得罪曬啲全霉。
      今日嘅全霉都係三姑六婆社團化。

      佢損害我利益就更加之要鬥死佢,態度唔好已經死罪!真係易過借火。

      「吓?唔撐我就即係幫佢講好說話。我一句涼粉就可以 discredit 你呀!」

      刪除
    11. 貪曾上場就懷念董伯,CY上場就懷念貪曾,香港唯一50年不變的,就係懷念前特首。

      刪除
    12. 有人懷念肥彭㗎!
      一講完懷念肥彭呢個係腦到彈出!

      A:嘩!好臭!你聞下!
      B:黐線!臭重叫我聞!

      刪除
    13. //曾成成有透露過,不過成成應該改編過,唔係行內共知的版本,實際上要嚴重得多,咪點會成為傳媒公敵?

      呢味嘢,魔術師唔係傳霉中人,無法評論。

      //蝦餃叔的嗅覺很靈敏。

      蝦餃叔的功力可不是蓋的。

      //似乎從相處上,689真的是得罪人多稱呼人少之輩

      可能同佢自細的奮鬥成長史有關,一個慣咗單打獨鬥的人,人緣和親和力自然差一截。

      //超級大冷門--譚厚唇女士。只是不知佢肯唔肯由政協委員降格做突首。

      真係夠哂根正苗紅!

      //樣子唔夠討好啩......
      //當年毒瘤明唔知點樣得罪曬啲全霉?
      //佢損害我利益就更加之要鬥死佢,態度唔好已經死罪!

      面見可惜是藉口,但就足夠欺騙港豬了...背後的真正原因,多數咪又係同利益有關。

      //就係懷念前特首。

      正喎,可以做20170701建制遊行的題目!

      //一講完懷念肥彭呢個係腦到彈出!

      太平清醮。

      刪除
    14. //真係夠晒根正苗紅!

      哈哈,佢先係第一代變色龍,八十年代係港英的明日之星,可後來鬧翻了投靠敵營:

      1990年7月,《壹週刊》揭發譚惠珠身為交通諮詢委員會主席,竟然擁有從事的士牌炒賣活動的「先達的士公司」股份,而且未有申報該利益。由於事件涉及利益衝突,[8][9]更因事件被無綫新聞跟進,而向無綫高層申訴,掀起一場干預新聞自由風波[10],令當時港英政府逐漸與她疏遠,事件成了她政治生涯轉捩點,1991年,譚惠珠不再獲委任行政局議員、立法局議員及交通諮詢委員會主席。

      wiki未必可靠,我覺得內幕可能係肥彭部署來港前清洗衛奕迅派系既人(米帝先係玩政治的宗師)

      刪除
    15. // 譚厚唇女士
      花師奶可不是省油的燈

      // 松鼠我估佢出山都只會代唔得掂。
      佢成個林超英咁嘅樣...

      // 呢味嘢,魔術師唔係傳霉中人,無法評論。
      一日48個鐘都睇唔晒

      // 面見可惜是藉口
      總之阻住人大搖大擺就係你錯啦

      刪除
    16. //佢先係第一代變色龍

      明顯係我唔得閒做research 喇, 斷正...

      //一日48個鐘都睇唔晒

      啲留言就嚟多到答唔哂...happy problem...

      刪除
  2. 能再讀「家書」吊吊癮,實屬大喜之事,讚!謝謝。期待魔兄的相關文章~

    回覆刪除
    回覆
    1. 唔使期待喇, 正經分析睇蝦餃喇! 我啲只係遊戲文章,聽下歌,笑下就算!

      刪除
    2. 又有得睇蝦餃叔文!全靠有魔術師!

      刪除
    3. 你就舉手。我就唔敢衣貓佢。
      唔知講咩好。我呢 D little people。 XD XD

      刪除
  3. 人的情緒其實是其腦內分泌的外在反映,例如腎上腺素的急升會造成情緒亢奮; 另外最有名的當然是所謂"熱戀期主謀"的多巴胺:

    https://zh.m.wikipedia.org/zh-hk/多巴胺

    以小弟所知的皮毛,如果是生理學上界定的情緒病,就是腦內分泌失調並異於常人。例如多巴胺分泌異常就會產生抑鬱症; 而因為已經是生理範疇,就必須通過藥物治療, 例如治療抑鬱症多會注射多巴胺。

    和所有內分泌一樣,腦內分泌可以藉健康生活維持在一個健康狀態,例如運動有助產生多巴胺,令人感覺快樂; 當然一個人的取向, 閱歷和思考方法又會反過來觸動不同的腦內分泌,造成(即是牽動)不同的情緒。

    至於造成一個正常人後天腦內分泌紊亂,而形成生理上的情緒病,是否因為其人本身不健康的思想和生活習慣經常擾亂腦內分泌,進而反過來形成腦內分泌慣性的紊亂(一個譬喻是長期攝取過量糖份會擾亂胰島素分泌,輕則肥胖重則糖尿病...雖然胰島素不是腦內分泌一種), 這個已經超出小弟的認知,需要專業的大神回答了。

    回覆刪除
    回覆
    1. 最著名的"大神"--青山醫院(唔係青山新症)有比較詳細描述

      http://www3.ha.org.hk/cph/imh/mhi/article_04_01_01_chi.asp

      刪除
    2. 如果係先天的腦內分泌失調, 咁抑鬱症/情緒病等應該在小時候已經「病發」(現在港孩的壓力也不少呀!);如果係成年之後才「病發」,那會不會是其病者本人「諗唔開」所致呢? 我會比較相信「諗唔開」是「病因」, 腦內分泌(例如多巴胺)失調是果, 再反映在情緒病行為/病徵之上,這就是「終極的果」.

      刪除
    3. //如果係成年之後才「病發」,那會不會是其病者本人「諗唔開」所致呢? 我會比較相信「諗唔開」是「病因」, 腦內分泌(例如多巴胺)失調是果, 再反映在情緒病行為/病徵之上,這就是「終極的果」.
      //抑鬱症病發的原理,就是腦部掌管情緒、行為動機、記憶、睡眠及食慾的部位受損,而受損的其中一個途徑是身體過量「壓力荷爾蒙」對腦部的毒性所致
      //抗思覺失調藥物只能幫助一個人擺脫由大腦的化學活動異常所產生的信念。如果這個信念不是從大腦異常所產生,服食抗思覺失調藥物也沒有作用。
      //大部分精神病是由壓力而引起的腦部損傷所造成。精神科藥物能促進腦部受損部位的修復,糾正腦部化學物質的失衡。

      如果根據青山網頁所講,「壓力荷爾蒙」(以我所知,其中一樣是皮質醇)會損害腦部的內分泌控制;但同一種外在壓力,一個人會筋疲力盡,另一個人卻洋洋如平常;後者當然就沒有什麼「壓力荷爾蒙」的事,也就沒有所謂「腦部受損」。

      類比應該是同一種健身動作兼同一個重量,一個人肌肉骨骼不夠強+姿勢不正確會做成肌肉關節受傷,相反一個姿勢正確的大隻佬就不會受傷之餘更有健體效果。「諗唔開」就如「體格不夠強健和姿勢不正確」,長遠腦部就會被壓力荷爾蒙傷害--就是所謂生理上的「情緒病」或「精神病」。

      如果已經筋骨受損,首先是治癒損傷,逐漸痊癒後才能進行「矯正姿勢」和「力量訓練」;如果長久「諗唔開」導致腦部受損,也會是先需要用精神科藥物治療,之後才逐步進行情緒控制、應付壓力的訓練。

      當然藥物治療只是醫治生理上已造成的腦部損傷,如果治癒後思考方法和抗壓能力仍然毫無寸進,面對同樣壓力腦部最終仍是會再次受損,而且只會越來越嚴重,到最後無可救藥、心理和心智訓練也無法進行了--正如因為飲食不平衡做成的健康問題,不從改變飲食習慣入手,藥物治療救得一次都救唔到幾多次的,到癌症末期食得健不健康都無關宏旨了。

      刪除
    4. 91年出世果啲咁麻煩嘅?

      刪除
    5. //同一種外在壓力,一個人會筋疲力盡,另一個人卻洋洋如平常;後者當然就沒有什麼「壓力荷爾蒙」的事,也就沒有所謂「腦部受損」。
      //諗唔開」就如「體格不夠強健和姿勢不正確」,長遠腦部就會被壓力荷爾蒙傷害--就是所謂生理上的「情緒病」或「精神病」。
      //當然藥物治療只是醫治生理上已造成的腦部損傷,如果治癒後思考方法和抗壓能力仍然毫無寸進,面對同樣壓力腦部最終仍是會再次受損,而且只會越來越嚴重,到最後無可救藥、心理和心智訓練也無法進行了

      摩摩的論述能力真係好強,我無嘢補充嘞!

      //91年出世果啲咁麻煩嘅?

      91年辛未年門陽曲昌,多嘢表達但不甘於為禮樂所拘,夠哂叛逆。

      刪除
    6. 如果民賤聯肯送十個美女俾我我會考慮同佢地效力提高佢地論述水準.

      刪除
    7. // 夠哂叛逆
      游bb 都係91, 睇黎下年689都幾頭痕

      // 咁抑鬱症/情緒病等應該在小時候已經「病發」
      情緒的突然爆發, 快者如被騙學費的小伙子瞬間心跳停頓, 慢者也可一夜白頭
      如果有睇 eastweek 595, 感覺是佢同老豆幾夾, 不過忌印

      // 同一種外在壓力,一個人會筋疲力盡,另一個人卻洋洋如平常;後者當然就沒有什麼「壓力荷爾蒙」的事,也就沒有所謂「腦部受損」。
      當初揀楊利偉首次上太空, 就係心理素質優良嘛

      // 治癒後思考方法和抗壓能力仍然毫無寸進
      「自我完成」係冇得醫架喎, 否則落啲藥響水度咪醫好啲黃絲

      // 如果民賤聯肯送十個美女俾我我會考慮同佢地效力提高佢地論述水準.
      淨係提高果十個美女嘅水準...

      刪除
    8. //感覺是佢同老豆幾夾, 不過忌印

      真係無仇不成父女.

      //游bb 都係91

      689認咗小三做乾女兒喇不如!

      //當初揀楊利偉首次上太空, 就係心理素質優良嘛
      //「自我完成」係冇得醫架喎

      自我感覺良好就是 unbeatable.

      //如果民賤聯肯送十個美女俾我我會考慮同佢地效力提高佢地論述水準.
      //淨係提高果十個美女嘅水準...

      哈哈 XDD

      刪除
  4. //最終他為了家庭為了女兒宣佈不再跟那些無聊人妥協,不玩了。

    可能呢個只係藉口.

    http://www.hk01.com/%E7%89%B9%E9%A6%96%E9%81%B8%E8%88%892017/59094/-01%E7%8D%A8%E5%AE%B6-%E6%A2%81%E6%8C%AF%E8%8B%B1%E4%BB%8A%E5%91%A8%E6%B7%B1%E5%9C%B3%E6%94%B6%E5%8B%B8%E9%80%80%E5%AF%86%E4%BB%A4-48%E5%B0%8F%E6%99%82%E5%85%A7%E6%B1%BA%E5%AE%9A%E7%B5%82%E7%B5%90%E7%89%B9%E9%A6%96%E7%94%9F%E6%B6%AF

    當然,實情係點局外人真係好難知。

    //他不知養活了多少騙稿費吃飯的寫稿佬

    我唔鐘意689,但有時更憎呢班(同埋0個班乜七都話關689事的)人

    回覆刪除
    回覆
    1. //今屆選委會選舉建制派選情相當不利,中央能手握的「組織票」較上屆更少

      又話樁秧係萬能,小圈子選舉係建制派玩哂嘅?

      //有時更憎呢班(同埋0個班乜七都話關689事的)人

      人同此心,心同此理.

      刪除
    2. //今屆選委會選舉建制派選情相當不利,中央能手握的「組織票」較上屆更少
      //又話樁秧係萬能,小圈子選舉係建制派玩哂嘅?

      最主要是「地產黨」唔聽點,集體逆反的話689的確未必夠票選贏。

      不過我覺得好搞笑既係,d友一聽689唔選就話樓價會升返;但其實打地產黨是樁秧政策,壓樓價是維穩之必須,只要唔選煲呔之流出來(所以鬍鬚佬就一定唔得),呢個政策是一定會維持落去的--只是執行會因人而異而已。

      刪除
    3. // 又話樁秧係萬能,小圈子選舉係建制派玩哂嘅?
      問題出在好多人都係個口話好愛阿爺(例如已經冇左打倒一黨專政好多年, 因為阿爺話我就是要一黨專政), 只係唔妥689 (例如明珠台訪問果個 I initially wanted to _ _ _ _ off 689), 所以不可能掌握最後臨場會唔會有人 short short 地
      於是責成 689 行開吓, 一於祝賀到你滿意為止
      哩班好多人就傻眼了, 都未綵排好就要上台跳舞, 啫係企響度
      阿爺話, 咦, 說好了的忠誠呢? 冇呀? 咁我唔客氣架啦
      如果選出來冇1000個信得過嘅, 只會俾兩個極端你選, 例如王國興同23, 華仔、城城同其他人可以雪埋矣

      刪除
    4. 其實係唔係借口, 已經唔重要. 最重要嘅係, 中央諗住點做. 同埋佢有幾多後著.

      刪除
    5. //如果選出來冇1000個信得過嘅, 只會俾兩個極端你選, 例如王國興同23, 華仔、城城同其他人可以雪埋矣

      就係趁成班選委都信唔過,鬍鬚佬先敢衝紅燈:佔中教落,罪不責眾嘛。

      //佢有幾多後著.

      有後着都要有信得過的人去執行才可以成事。

      //其實打地產黨是樁秧政策,壓樓價是維穩之必須,只要唔選煲呔之流出來(所以鬍鬚佬就一定唔得)

      所以「好打得」會較鬍鬚佬勝一籌,起碼「好打得」高度肯家689的功績。

      信報 2016年12月12日
      特首選戰
      財爺「明志」傳快宣布去馬
      林鄭稱變化巨大 轉軚考慮參選
      特首梁振英宣布不角逐連任下屆特首後僅一天,政務司司長林鄭月娥上周六即「轉軚」稱,因應「巨大情況變化」,不能不重新考慮參選特首,暫仍未有決定。另有消息傳出,財政司司長曾俊華對參選態度不變,最快本周初宣布辭職,他昨日先發表長篇網誌回顧在任9年半工作,文末稱「又何懼前路新挑戰?」似對明年特首選戰意有所指。
      網誌:「又何懼前路新挑戰」
      曾俊華連日來未有公開回應梁振英放棄連任決定,僅透過辦公室表示理解和尊重;據了解,雖然曾俊華仍未獲北京「開綠燈」,自梁振英棄選後亦有傳中央對「雙曾」(曾俊華和曾鈺成)皆不放行,但相信曾俊華有可能在日內公布最新決定。
      梁振英昨早到選委會票站投票及下午出席活動後,多次被問到是否支持林鄭月娥參選,及一旦兩名司長辭職會否影響管治,他均不予回應。
      曾俊華昨以〈有你同行〉為題發表網誌,重提特區政府在2008至2009年全球金融海嘯期間推出900億元紓困措施。他憶起當年收到一位市民的字條,囑咐政府積極應對美國次按危機,後來政府當機立斷公布措施穩定金融系統,他之後把那紙條放在辦公室案頭,提醒擔任公職「須時刻以民為念,以民為本。正是這份責任感和使命感,多年來驅使我竭盡所能做好工作」。曾俊華又自言是「多心」的人,特別喜愛接觸年輕人,形容年輕人對理想抱有激情,對社會充滿熱忱,對事物有獨特和新鮮看法。他說,在任財爺9年半,寫了近430篇網誌,近年開設個人社交網站與網民互動,目的是想讓自己「貼地」一些。他在結語感謝同事、家人和太太一直的鼓勵和支持,引述其第一篇網誌寫過:「只要有你們繼續與我同行,又何懼前路新挑戰?」
      另一邊廂,林鄭月娥前日見傳媒時,透露上周四已獲梁振英告知不會爭取連任,她表示完全理解梁的考慮,亦尊重其決定,「我稍為感到悲哀是在現今香港的情況,原來服務社會和保護家庭是兩者不能並存。」她形容擔任政務司司長4年間,與梁振英是「最緊密的合作夥伴」,對方對她的工作給予非常大支持,外界亦公認梁振英非常勤力。她又說這幾年,社會對梁振英的批評不公道,很多時是對人不對事。
      林鄭月娥並明言考慮角逐下屆特首,她說:「(梁振英棄選)變化是非常巨大,我不能不重新考慮我自己的情況,但在這一刻我並未作出任何決定;亦可以很清楚表明,去到這一刻,我並無為下屆行政長官選舉作過一丁點的準備,是完全沒有。」
      她表明,過去一段時間不論公開或私下都表示過希望明年任滿後退休,已料到如今表態重新考慮參選會被批評「反口」,但她認為現時有這巨大的情況變化,為香港整體福祉着想,她「不得不重新考慮」。她又列出三大考慮因素,包括參選是否有利於「一國兩制」繼續成功落實、現屆政府政策可否延續,以及須得到家人支持和諒解。
      劉兆佳:民意會有影響
      全國港澳研究會副會長劉兆佳昨向本報剖析,兩位司長一同參選的機會不大,雖然不會對政府運作有影響,但在中央角度亦不希望有太多候選人,避免選舉要經兩輪投票或下任特首僅低票當選。不過,他不清楚中央心目中人選,中央目前態度應是在明年2月特首提名期前,讓有意者在公眾面前施展渾身解數爭取民意支持,相信民意對今次特首選舉有影響。

      刪除
    6. //所以「好打得」會較鬍鬚佬勝一籌,起碼「好打得」高度肯家689的功績。

      「好打得」係學道之人(學太極亦是其「好打得」稱號之來源之一),處事會比較從事物肌理去拆解而不會強推,可補689走後之不足。據聞佔中時「大破顏色革命之法」亦是其度出來的。

      老實講我都想佢做,多過鬍鬚佬多多聲(除非鬍鬚佬多年之因循其實是「臥薪嘗膽」之舉).

      刪除
    7. // 鬍鬚佬先敢衝紅燈
      你又知佢係衝紅燈?

      // 就係趁成班選委都信唔過
      睇左幾段訪問得米的新選委, 個個都打689小人, 我打我打我打打打, 但係真係冇講點解要打同打佢啲乜喎
      越專業係咪越萌塞呢?

      // 所以「好打得」會較鬍鬚佬勝一籌
      其實傷民會唔會高估左特首呢個位? 其實特首係做乜架?

      刪除
    8. //鬚佬多年之因循其實是「臥薪嘗膽」之舉

      D,唔L係掛?

      //你又知佢係衝紅燈?

      總係覺得佢等埋選委會結果出爐先講選唔選係有啲景轟.

      //真係冇講點解要打同打佢啲乜喎

      無想唔係講過問啲小朋友,689做過啲乜衰嘢,搞到全城都憎佢, 結果小朋友係答唔出的...
      班選委,同小朋友差唔多啫...

      //其實特首係做乜架?

      做被人打小人的紙公仔.

      刪除
    9. // 班選委,同小朋友差唔多啫...
      唔埋佢地堆就非我族類哩啲係小學雞行為, 但昨日眉飛色舞, 唔知贏左啲咩果啲, 都更年期啦

      刪除
    10. //等埋選委會結果出爐先講選唔選係有啲景轟//
      辭咗職,開記招,居然都重未宣佈參選。
      佢條毛毛嘴,扭扭捏捏,成個女人咁!
      我話如果唔參選咁辭職嚟做乜?
      我家大爺話制止林鄭。真係陰濕呀!

      刪除
    11. 佢係唯一一個終日講自己以前點點點,係外國讀書時又點點點。
      佢煩唔煩呀?

      刪除
    12. //更年期

      想衝紅燈都無得衝.

      //辭咗職,開記招,居然都重未宣佈參選。

      呢個真係想再寫, 下下一篇先...

      //佢係唯一一個終日講自己以前點點點,係外國讀書時又點點點。

      徐大姐都係咁架.

      刪除
    13. //DY2016年12月13日 上午12:28
      睇左幾段訪問得米的新選委, 個個都打689小人, 我打我打我打打打, 但係真係冇講點解要打同打佢啲乜喎
      越專業係咪越萌塞呢?//

      我覺得係專業界別都有自己既專業尊嚴
      呢個專業尊嚴受到挑戰
      就會作出自然既反抗

      只要做成"CY挑戰你地個專業"既印象
      佢地既票就自然歸邊
      要操控佢既票甚至比一般人容易

      專業界別同大學生一樣咁衰
      明明只係精於自己界別/學科既野
      就以為自己高人一等
      乜都叻過D LAYMAN
      唔會肯認, 隔一行既野, 包括政治, 自己都係LAYMAN呢個事實

      刪除
    14. 我對好打得嘅忠誠度有啲保留. 佢老公好似係英國.....

      至於曾老積, 睇住佢點同犯淫眉來眼去, 就眼火爆了.

      刪除
  5. 689收山,巷蜀吖問米吖嗰啲點算呢。。

    回覆刪除
    回覆
    1. 又話689係港獨之父

      ...蛇無頭...港獨點行落去

      刪除
    2. 養不教 父之過

      無咗老豆指引,唯有亂來。

      刪除
    3. 我小過身邊既扮民主派fans:
      《你話689係港獨之父, 一切都係689既陰謀
      而你對689恨之入骨, 宜得食佢既肉飲佢既血

      689留低既陰謀孽種, 係唔係應該剷完再除, 除完又剷先?

      應該支持拉晒D 689之孽種港獨派去坐返3, 5, 7 年
      消滅晒689所有留低既痕跡, 咁先O岩》

      佢答我唔到

      同話梁游係鬼, 又唔支持嚴懲佢地一樣
      行動都支持唔返自己既立場既

      刪除
    4. dogdogchi兄, 佢哋精神分裂無得救架啦.

      刪除
    5. //同話梁游係鬼, 又唔支持嚴懲佢地一樣
      //行動都支持唔返自己既立場既
      //佢哋精神分裂無得救架啦.

      「恨的反面,就係愛」

      刪除
  6. 有時見到d 咁既選舉結果,教育 / 高等教育 / 法律界都"淪陷"晒,打住ABC口號繼續高票,香港真係幾令我失望。
    https://www.hk01.com/media/images/310372/xlarge/c2347e0351e7ac9a6232d3dcdec90b8d.jpg

    回覆刪除
    回覆
    1. //教育 / 高等教育 / 法律界都"淪陷"晒

      呢幾個界別係黃C重鎮,一向對佢地嘅「理性」無任何寄望。

      刪除
  7. 沒有恨的根源
    真正失望的是反對派

    暫時已宣告參選 我比較好葉劉

    暫時未看到其他潛在參選比葉劉更硬淨

    回覆刪除
  8. 咁多有錢佬,佢要買樓,邊個阻到佢?
    一子政策咁禁止買樓呀?定整到啲樓越買越平?
    辣椒盞益咗政府。

    我有一票我都選葉劉呀!可惜我冇。諗起就把鬼火!

    回覆刪除
    回覆
    1. //諗起就把鬼火!

      都係販民衰,死都唔肯袋住先。

      刪除
    2. //死都唔肯袋住先。//
      其實佢哋可能係驚!
      萬一一人一票顯示大部分人唔再抗拒中國,佢哋就冇生存意義。
      XD XD

      刪除
    3. 一直覺得 高喊要變 要真普選的
      才最不想變
      如果到時要爭取的都得到了
      還可以叫什麼口號

      當然 我描述的都是上層的大粒佬
      與宗教一樣 信徒與上位者 看的信的都不同

      小時候看陳墨評金庸時感受最深的是:
      儒俠有三,陳家洛、袁志承和郭靖
      胸中的墨水是越來越少,但信念卻越強
      能真堅守俠之大者 為國為民 明之不可為而為之就只有郭靖
      其他二人 都是見事不可為 就自稱好廢 赴海外讀書

      真心相信「至理名言」的 都不會是天天論述 的人
      而是不求甚解 相信有真普選 生活就會好起來
      他們深信 只因為他們都沒想過怎樣實行

      刪除
    4. 可能還有一招
      就算到方滿足了你所「要求」的 還可以搬龍門
      明明是ABC 走了只狼 卻即日說不是ABC 更可怕的是 R.IP

      滿足 是每一個香港人一生也得不到的

      刪除
    5. //滿足 是每一個香港人一生也得不到的

      這是終極的推銷手段啊,你想要的,永遠是我下一次"可能"提供給你的,而你下一次要什麼,"全靠"我告訴你...

      刪除
    6. //而你下一次要什麼,"全靠"我告訴你//

      犯民推倒CY,就要推倒CY the II,又要推倒CY the III,仲要推倒CY the IV。。。
      佢地只會恐嚇你呢個唔得果個唔得,犯民越來越得,係因為香港人乜都得唔到,係因為香港人越來越依賴政棍幫你諗埋你要d 乜

      刪除
    7. 這就是民意,即使係幾愚蠢,即使係幾自私。

      刪除
    8. //萬一一人一票顯示大部分人唔再抗拒中國,佢哋就冇生存意義。
      //如果到時要爭取的都得到了
      //還可以叫什麼口號

      失敗民運模式》:
      1. 「販民」政黨明知自己無能力執政,為免事到臨頭出醜露乖,故此亦無野心執政。
      2. 但「販民」政黨始終要生存,進佔道德高地,為自己頭上打造光環,就是突顯自己的「市場價值」的最佳方法。
      3. 「一將功成萬骨枯」,成功的人不可能佔上道德高地。
      4. 是以「販民」政黨的哲學就是「失敗主義」:以刻意的「失敗」,來使自己看起來很偉大。
      5. 陳義愈高,愈能影響權力者和既得利益者的,失敗機會愈高。
      6. 販賣理想世界,要營造一個烏托邦,看起來夠偉大,陳義夠高,影響面廣,也不實際。最重要是只打嘴跑,實行上愈難愈好。

      //明明是ABC 走了只狼 卻即日說不是ABC 更可怕的是 R.IP
      //滿足 是每一個香港人一生也得不到的

      「滿足」就是心靈鴉片,你愈去追尋,就愈不能自拔。

      //能真堅守俠之大者 為國為民 明之不可為而為之就只有郭靖
      //他們深信 只因為他們都沒想過怎樣實行

      郭靖深信,練好武功,就能保家衛國。讀得書最少的,卻是最會實行的:人家練一朝,我就練十天。

      //你想要的,永遠是我下一次"可能"提供給你的,而你下一次要什麼,"全靠"我告訴你...

      呢個先係要點,永遠係 sell side market.

      //係因為香港人越來越依賴政棍幫你諗埋你要d 乜

      「有事要搵民豬黨」

      //這就是民意

      傷民就是豬。

      刪除
    9. //以刻意的「失敗」,來使自己看起來很偉大。//
      嘩!好鬼哀怨嘅女人!「佢唔愛我,我就��自己,摧殘自己!」
      旁觀嘅人覺得佢好純!佢又妄想自己痛,對方一樣覺得痛!
      真係唔知講咩好~

      刪除
    10. //好鬼哀怨嘅女人!

      港豬是飲CCTVB的奶水大的.

      刪除
    11. // 以刻意的「失敗」,來使自己看起來很偉大。
      又係崇人入教的殉道情意結, 其實你犧牲了連牌都不會有一塊

      刪除
    12. 前提係你唔係被女隊冧

      刪除
    13. 689就係俾「佢個女」隊冧(字面上)。

      刪除
    14. 今次提委選舉..... 對香港嘅所謂專業人士, 十分失望.

      刪除
    15. 我都想係葉劉. 但今朝董伯伯抱抱好打得, 唔通係......佢???!!

      刪除
    16. 好打得係各方面的最大公約數,尤其如果"大破顏色革命法"係佢諗出嚟,椿秧更不會懷疑其忠誠度。之後頒個"政務司司長"安慰獎俾鬍鬚佬,繼續做佢上司亦順利成章.

      刪除
    17. // 我覺得係專業界別都有自己既專業尊嚴
      // 呢個專業尊嚴受到挑戰
      // 就會作出自然既反抗

      其實正苦要管甚麼介別, 都遇到同樣的問題, 通常要爆啲大鑊野先肯讓少少, 不過正苦縮骨也是一個問題

      // 只要做成"CY挑戰你地個專業"既印象
      話佢欠缺親和力嘛, 但既然人地係要黎管你, 又點解要同你有親?

      // 就以為自己高人一等
      如果佢地讀果瓣先叻, 咁世上叻過佢地嘅人有大把, 啫係十優生講正字口啞啞

      // 好打得嘅忠誠度
      // 好打得係各方面的最大公約數,尤其如果"大破顏色革命法"係佢諗出嚟,椿秧更不會懷疑其忠誠度。
      佢係有理由地好打得, 所以你要俾個理由佢

      // 之後頒個"政務司司長"安慰獎俾鬍鬚佬,繼續做佢上司亦順利成章.
      咁唔爭在 23 做財嫂啦, 唔乖乖地坐好嘅食自己啦

      刪除
    18. //對香港嘅所謂專業人士, 十分失望.

      意識形態行先, 無嘢好失望.

      //今朝董伯伯抱抱好打得

      拮拮?

      //之後頒個"政務司司長"安慰獎俾鬍鬚佬,繼續做佢上司亦順利成章.

      即係選唔到都有得升職加薪...

      //既然人地係要黎管你, 又點解要同你有親?

      即係同要求黑警唔好打人一樣.

      //唔爭在 23 做財嫂啦, 唔乖乖地坐好嘅食自己啦

      的士司樹、快餐店樓面一定無運行.

      刪除
  9. 如果葉劉上台,凡民無咁他條。正所謂好佬怕爛佬,爛佬怕葉劉!嘻嘻!

    回覆刪除
  10. 突然諗到一招,中央唔派人出選,由得薯片對胡官,玩幾個月,601以上選委唔投票,產生唔到行政長官,人大釋法,京官"暫代"。

    《行政長官選舉條例》569章
    27條(2) 如在有關的選舉中有2名候選人參選則須就該2名候選人進行單一輪投票。
    (2A) 如在根據第(2)款進行的一輪投票中,沒有候選人取得超過600票,即屬沒有候選人在有關的選舉中獲選出,而第22(3)條適用。

    22條(3)如根據第27(2A)條,沒有候選人在有關的選舉中獲選出,選舉主任即須—
    (c) 公開宣布在該選舉中沒有選出候選人;
    (d) 在憲報刊登該項宣布及投票結果;及
    (e) 藉公開宣布,終止有關的選舉程序。

    回覆刪除
    回覆
    1. 咁嘅bug都俾你搵到, 佩服...

      不過,根據

      《基本法》第五十三條
      香港特別行政區行政長官短期不能履行職務時,由政務司長、財政司長、律政司長依次臨時代理其職務。

      *行政長官缺位時,應在六個月內依本法第四十五條的規定產生新的行政長官。行政長官缺位期間的職務代理,依照上款規定辦理。

      一次選唔到,應該要選第二次, 特首之位由政務司司長暫代.

      刪除
  11. 終於可以唔使做特首咪好囉, 我真心為你高興! 為香港人賣命? 唔值喎! 佢地係要以仇恨當養份, 以唔鍾意你當有型, 就算你拆埋禮賓府起公屋, 佢地都一樣會照鬧你祖宗十八代啦.

    事實上, 由你未上任開始, 嗰班怕利益受損啲地產佬, 同埋班別有用心啲反對佬, 已經以莫須有罪名, 用盡資財, 透過傳媒同大專, 推動社會洗腦, 係咁反..., 係咁反..., 佢地一心以為, 以前喺 糊緊塗年代, 老董都俾佢地攪到腳痛, 你估你對腳又可以企得耐咩?! 點知你老哥唔生性, 竟然可以企足四年, 唔單止保住特首地位, 亦保住亞爺嗰執鬚, 對嗰班大帝嚟講, 其實已經輸到貼晒地喇!

    今年五月, 蝦餃哥話唔撈, 離愁之際, 我喺蝦餃哥個 BLOG 度大胆講過, 你因家庭問題已經決定唔再連任, 如今雖不幸言中, 但我真心為你可以甩難而感到高興. 想起當日, 以誤人子弟渡日嗰條 菜屎强 對你家庭嗰種惡毒之言, 我就以為你認真要為屋企諗吓..., 到咗機場事件, 我見你可以放下身段, 脫去政治顧慮, 以爸爸的關懷, 去直接跟職員對話, 我好感動. 唔通你真係唔知道你嗰次對話, 會惹嚟班幼稚鬼講啲乜Q鬼話咩, 所以我想你必已有不作連任之想了.

    唔做特首好吖, 疊埋心水做政協老副仲好啦! 梁特首, 我深信你一定唔會忘記香港, 用另外一種方式去為香港人做實事.

    回覆刪除
    回覆
    1. 鉛筆,久違了.

      //佢地係要以仇恨當養份, 以唔鍾意你當有型, 就算你拆埋禮賓府起公屋, 佢地都一樣會照鬧你祖宗十八代啦.

      仇恨又卻是誰所種,基本上販民是需要敵人來存活: 破壞敵方的建設就是他們的生存目標;如果沒有敵人, 要他們去建設, 就真的是比死更難受.

      刪除
  12. 又估吓啦, 我估 張炳良 出選係一個好好解局.

    回覆刪除
    回覆
    1. 好早之前都以為高永文會係。

      刪除
    2. 高醫生接陳太個位就有份.

      刪除
    3. //好早之前都以為高永文會係。

      高醫生做 politics 未有proven 成績喎...

      //高醫生接陳太個位就有份.

      陳太? 尋芳安心?

      刪除
    4. 睇到有人話殺雞珍可能會選特首...

      刪除
    5. //殺雞珍

      ABC 個 Anyone, 果然充滿無限可能性!

      刪除
    6. 又多一個囡囡出嚟?真喺陰盛陽衰。

      刪除
    7. 高永文我反而唔想唔快出嚟. 佢要浸多一輪.
      珍姐? 我都有啲保留. 佢肯唔肯落返嚟做地區工作? 都上咗大台咁耐啦噃.
      張炳良有少少和稀泥嘅感覺.

      刪除
    8. //佢肯唔肯落返嚟做地區工作? 都上咗大台咁耐啦噃.

      雞珍早就「國際化」了, 同我城環境脫哂節, 又難想像佢會夠票入閘.

      //張炳良有少少和稀泥嘅感覺.

      將抦梁 個形象比較踏實同古肅, 其餘同鬍鬚佬 咪差唔多, 唔會一齊辭職架喇, 唔通真係所有司局長辭哂識去跑馬仔咩...

      刪除