人間定格

某日早上，搭巴士返工。一上到上層，就見樓梯附近有條柒青打橫倒臥在座位上（椅背竟然有張「反對人大釋法」的貼紙），對腳伸到出走廊。
魔術師輕輕拍了他一下，沒反應，都唔知係唔係死Ｑ咗。
唯有跨過佢對佢向前行。
隨後有些ＯＬ不願跨過呢條友，唯有被逼坐近車頭。

車行不久，有燈位。
煞車急停。
於是柒青便便「飛」到了地上！
柒青爬起來（即係無死到），坐好，又訓過。
然後又慢慢地「倒下」，橫臥在座位上。
睇嚟佢前一晚真係玩得好攰下喎！
＊＊＊
魔術師搭車好多時都會留意八達通有無扣多咗錢。
印象中有一兩次，在屯門公路轉車站轉車，本來應該係可以免費轉乘的，到頭來卻好像給扣了全費。
不明所以。
直至，這天留意到呢一句：

「繳付第一程車費後，八達通卡的餘額必須為正數。」
咁啱要轉車過海，將卡又係負數，無理由要俾多十幾廿蚊喎！
有辦法。
站內有自動售賣機，買枝水再自動增值咪得囉！
得咗！
＊＊＊
上個月，放工回家。
打開信箱，竟然見到呢份由某ＣＦＰ扮大師開財自班的修港郵政通郵廣告！

由教你投資買保險增加被動收入擺脫月光族生涯，到歡迎４０歲以上人士參加的退休講座、甚至乎教你「避免你的下一代因離婚而被配偶瓜分財產」都有（方法就係成立信託）...
睇嚟港豬們真係又有錢又易呃，人人都係咁渴望財務自由 — 不過在未識得以勞力搵錢，然後再錢搵錢的時候，先要學識避免被人搵笨。
又，債「卷」打錯字，應該係債「券」才對。
＊＊＊

伸延閱讀：
女子遇電話騙案失逾 800 萬元 更新：2016/12/06 08:16

再有自稱執法人員的電話騙案發生，事主被騙 800 多萬元。
警方指， 51 歲女事主十一月初在愉景灣，收到自稱是執法人員的男子電話，指事主涉及一宗刑事案件，電話轉駁到同樣自稱執法人員的另一名男子。事主依照對方指示，在內地開設銀行戶口，分三次將共約 820 萬港元存入戶口，並透過電話應用程式，向對方提供戶口資料。事主其後發現存款不見懷疑受騙，昨午報警。