魔術師資產配置（２０１６年１１月結）

受當奴針上場與及美帝加息預期影響，本月REIT和金價繼續調整，魔術師房託組合已跌去升幅一半，收報＄１１１.６１，排第三位；而商品組合更跌破＄１００至＄９５.８６，排行最末，成為魔術師投資組合自２０１６年４月重組以來「蝕得最入肉」的組合，尤幸商品組合只佔總投資額之３％，對總資產值影響不大。
但當奴針上場與及美帝加息卻是金融股的利好消息，以匯豐控股（00005.HK）為主的沉船基金繼續領放，以＄１２０.６６掛首位，足以對沖房託組合的損失；其次則為剛收到股息並將於２０１６年１２月１日以股息再投資的複式盈富，本月收報＄１１３.００，排第二。
排第四就係頗受歡迎，能為不少網友提供靈感的生活基金，收報＄１１０.０４;ＭＰＦ組合則僅僅飲恨，跟最保守作為合格線的收息組合相比輸條馬鬚，分別收報＄１０３.４１和＄１０３.４８，排第六及第五。

流動資產（即現金存款加投資組合）下趺了１.６%（＝（１１７.８４—１１９.７６）／１１９.７６），但總身家不跌卻不跌反升０.５８％（（１２,１８４.８２—１２,１１５.１３）／１２,１１５.１３）：

原因好簡單，就係因為住宅樓價保持平穩向上的勢頭，完全無視１５％ＤＳＤ的勁辣辣招，最差都係有價無市而已。可惜魔術師在４月時已搞好了轉按，仲要捱多兩年半罰息期，短期內無法套現，只係唔知有無得將 outstanding loan 轉做低於Ｈ＋１.７％ 嘅 plan，又唔知罰息期使唔使要重頭計過，睇怕都要再問下先得：