小班教學屋

呢一個設計個案真係啱哂財演大師，整得好嘅就連埸租同聘請義工助理 set projector 的成本都可以慳返，想知點整就快啲跳去３７：２０學下嘢喇！

樓盤傳真 2016/11/19 2016/11/19 22:13

「加辣」後近半個月，二手成交量跌價不跌，就連租值也沒有受售轉租影響而滑落。
屯門美樂花園放盤，加辣後維持叫價 480 萬元放售，縱然售出會創屋苑新高，但實情計及洗費接近平手離場。
何文田天鑄，近半億元豪宅，面積也「縮水」。私家電梯大堂已佔去近 80 呎，美其名增加私隱，實情把本應屬公用地方的大堂也賣盡。
退休業主，裝修舊居要兼具三個用途，既是住宅，也是聚會場所及教室。

逸濤灣２００１年入伙，１５年樓齡，業主夫婦一手買入，將近退休，便誠邀鎢絲 sir 幫手設計大裝潢，要善用深而長又有光猛大窗的客飯廳，既可招呼朋友，又可以小班教學（唔知使唔使註冊呢？）賺外快。

連記者妹都串鎢絲sir，「將間屋大反轉，拆得就拆，改得就改」，經佢手的每個個案都會產生不少建築廢料，非常之唔環保。好在今次間屋中間有主力牆（左上），限制了鎢絲 sir 發揮，所以便只好將原來的客廳的電視機和梳化位調轉，移開飯廳中原來的櫃（右上），再將新梳化架上窗台，在客廳放張長檯（左下），出來的效果比較平實（右下）：

房間的牆身可拆，就啱哂 鎢絲 sir 發揮，原上把所有牆拆去（左上）。將床頭架上主人房窗台，細房變衣帽間（右上），有空位就加片唔等使的趙門，用來遮住個 display（左下）。衣帽間櫃與櫃之間之的空位也唔好浪費，可以由洗手間入，化身小小雜物櫃：

洗手間從廚房原來的雪櫃位偷位做企缸（左上、右上）。企缸和廚房枱面無甚花巧，走平實路線：

由於業主要求善用窗台，鎢絲 sir 便將梳化架上窗台去；但問題係咁做張梳化就太高了，於是鎢絲 sir 便又乘機造個地台升高一級（左上、右上）。有地台當然少不了成為「收納空間」，但地台高度唔高，實用性成疑：

去到客廳，靠牆的是黑板，可供上班教學之用，同學仔又可幫手搬下檯椅，以免斜視，搬搬抬抬又可當做運動（左上）；不過貼牆坐的學生睇黑板就會幾辛苦，呢個設計未免怪咗啲（右上）。客廳另一邊全是企身大櫃，以提供儲物（尤其是係書）空間（左下），伸有賣點就係個櫃夠深可以放到本書落去（右下）：咁潛台詞就係鎢絲 sir 以往的櫃都唔夠深去放書？

由於大窗向西南，光就夠光不過會受西斜。天花板用哂盒仔燈（左上），而牆身則用「麻將燈」（右上），相當詭異。由於冷氣出氣口給搬到去了玄關，故此客廳便要整色整水地加個「白燈吊扇」以作點綴：

業主唔怕橫樑壓頂，亦唔怕床頭「掛」在吊吊揈、無依無靠的窗台上風水唔好，反而可能係年紀大咗訓少啲都得，唔怕被日光照醒，所以床頭就一反常態架上窗台上，再加兩旁下下都要起身先調較到角度的麻雀燈（左上）。床架又造儲物空間，可以乜狗Ｘ垃圾都放進去（右上）。洗手間無整水泥 feel，反而用黑白色雲石（洗手間排污屬水，而白為金，黑為水，金生水，黑白配甚為得宜），樸實得來不失雅調（左上）。廚房亦無甚搞作，只係用下啲黑白色磁磚墥下色咁，整個佈局無甚花巧，係唔知點解死都要有個嵌入式蒸焗爐啫！

本案比較平實，使費是鎢絲 sir 專案中相對較少的。設計亦一反鎢絲 sir 的一貫無厘頭作風（例如將房間放出廳，將廳放入房），恐怕係主力牆限制了發揮，加上業主有返咁上下年紀，又教開書，夠 power 壓制住鎢絲 sir 的反斗設計而已!
＊＊＊
伸延閱讀：

學校註冊 - 教育局學校的定義
根據《教育條例》第3(1)條，「學校」是指一間院校、組織或機構，其於任何一天向20人或多於20人或於任何時間同時向8人或多於8人提供幼兒、幼稚園、小學、中學或專上教育或以任何方式提供任何其他教育課程，包括以專人或郵遞服務交付的函授方式。