忍得辛苦

這天魔術師在樓下茶餐廳吃早餐，搭了中年師奶Ａ的檯．本來平平安安，但這是卻來了師奶Ｂ及其女兒（都有成廿歲），在座位與座位之間的空隙鑽過來跟師奶Ａ搭訕，兩人都是豆沙喉，一開聲便知是煙酒過多．接著兩人便像街市婆一樣說過不停．
師奶Ａ：你擠唔擠得過呀？
師奶Ｂ：我個女話要我陪佢食早餐，擠唔過都要擠得過啦，唔係咪即係話自己肥？
（魔術師：擺明你就係肥喇！）
這時師奶Ａ不小心弄趺了一隻湯匙．
師奶Ｂ：晨早流流，做乜掟野呀？
師奶Ａ：係呀，我發脾四呀！
（魔術師：無聊，無野搵野講．）
兩師奶說著說著，便說起電視劇來．
師奶Ａ：以前ｄ武俠片真係好好睇架，呢，果套呢，白彪做郭靖果套呢．．．
（魔術師：嘩，竟然有人講佳視．．．）
師奶Ｂ：係呀，果套叫咩話．．．
師奶Ａ：．．．係嘞，叫「射鵰」！古龍ｄ故事真係好睇！
（魔術師：吓！古龍！？）
師奶Ｂ，Ｂ女：（齊聲）係金庸呀！
師奶Ａ：呀，係，係金庸．．．不過古龍ｄ古仔都好好睇架，好好笑．你地有無睇過「歡樂英雄」？
（魔術師：「歡樂英雄」咁偏門你都識？主角係郭大路喎！）
師奶Ｂ：未聽過！
師奶Ａ：咁你都唔識？小魚兒果套呀！
（魔術師幾乎要噴通粉．）
Ｂ女：果套係「絕代雙驕」喎！
師奶Ａ：．．．係咩！？咁梗係以前「歡樂英雄」，而家改左名叫「絕代雙驕」嘞！
（魔術師：你咪死撐啦！仲要自己催眠自己！）
Ｂ女：（懷疑地）係咩！？
師奶Ａ：（得意洋洋）古龍另外有一套都好好睇架，叫「武林外史」．．．
（魔術師：沈浪同朱七七呢次會變成邊個呢？）
師奶Ｂ：又係未聽過！
師奶Ａ：（有點懷疑自己的記憶力）ｅｒ．．．唔係，係叫「儒林外史」至真．．．
（魔術師：唔係化，明明啱都可以講返錯！但係你又竟然識「儒林外史」喎！）
Ｂ女：吓？係武俠片黎架！？
師奶Ａ：（肯定地）係呀！
Ｂ女：都唔似既！
（魔術師：哈哈哈哈哈．．．）
魔術師在這時實再也忍受不住眼前這人，胡亂拉扯倒還罷了，仲要句句都係錯，無句啱．再坐落去魔術師怕自己會忍唔住去糾正佢，便連忙結賬離去．
2008/03/10  22:58:24