住戶統計

幾星期前收到政府既來信，要求做個綜合住戶統計調查，魔術師身為良好市民，當然衷誠合作喇．但係點知，一做好人就衰左，前排又收到個，要魔術師做「第二輪」既統計調查．
於是，日前正當魔術師在公司忙得不可開交之際，就有個嬸嬸打黎，話係統計處黎幫魔術師做第二輪調查，跟住跟住開始問問題．魔術師答過一些個人資料之後，愈答便愈覺得奇怪，點解好似成份問卷重新再問一次既？魔術師讀鄉村大學時都叫曾經幫亞太研究中心既劉顧問做問卷調查員，知道問卷調查係要ｖｅｒｉｆｙ，但係都係抽問，唔會全部從頭問一次個喎！
見勢色不對，魔術師便問：「點解你好似從頭問過我一次既？」
問卷調查員便答：「我地係為左確保資料既獨立性．．．」
魔術師沒好氣：「我而家好忙，本來係以為你會抽問幾題先同你繼續講下去，點知你而家係從頭問一次，上次都問左我十幾分鐘，而家我唔得閒應酬你，拜拜．．．」
說完便ｃｕｔ了線．
阿調查員真係鍥而不捨，再打過黎，又係咁講：「先生，我地係為左確保資料既獨立性．．．」
魔術師：「呢樣野你已經講過，我而家真係好忙．．．」
調查員：「咁不如我今晚再打俾你．．．」
魔術師：「唔好嘞，我返到屋企仲有大把野做，（心想：魔術師要做投資紀錄，覆電郵，寫ｂｌｏｇ，溫書．．．）你地無理由為左ｖｅｒｉｆｙ資料而要他人重覆做一ｄ已經做過既野，無ｖａｌｕｅ又浪費我時間，拜～拜～」
今次ｃｕｔ左線之後，調查員就再無打過了來了．
不是嗎？市民既然已經合作過了一次，如政府是夠貼心的話，便應想想辦法，不要太打擾人家；不過，愚蠢的政府官員會這樣想嗎？他們想的，當然是最簡單直接的方法，千萬不要麻煩到自己，市民的時間，當然是用來浪費的啦！
魔術師又想起了一個笑話：為了確保掃街工人不要躲懶，食環署便派出一名主管去看管這工人；然後又為了確保這位主管不要躲懶，食環署便又派出一名高級主管去看管這主管．．．如是者主管的主管的主管，主管的主管的主管的主管，層層疊疊，找六七個人去看住一個人做野，認真夠效率．
2008/03/12 23:57:05