忙碌一周

尋日同朋友講起，呢排真係忙到甩碌．朋友就問魔術師上個禮拜點過，最弊既係，五日工作魔術師既然只係數得出三日，其他兩日竟然完全唔記得自己做過ｄ乜．
終於，響今晚食飯既時候，魔術師終於完全找回自己的記憶．

＊＊＊
二月廿五日　星期一
返工．放工去聽音樂賞析，返到屋企成十一點．
二月廿六日　星期二
返工．放工去太古城接返支整左好耐既ＡＦ－Ｓ　Ｎｉｋｋｏｒ　２４－７０ｍｍ　ｆ／２．８Ｇ　ＥＤ，盛惠三千多元，比預期少，返到屋企都要成十點．
二月廿七日　星期三
返工，兼夾做導遊領隊帶鴨仔，又要去到鬼死咁遠幫人映相，搞搞震返到屋企又成十點．
二月廿八日　星期四
返工．放左工先救援老細同葵鼠，再要同美國開電話會議，講到九點半，返到屋企樓下食魚蛋粉，食完已經十一點．
二月廿九日　星期五
返工．較為平安，做到八點收工，返到屋企九點幾，有改善．
三月一日　星期六
訓到十一點，落樓下食早餐墥到小妹妹．然後同個理財顧問嗲一輪，點知佢就介紹個ＢＸＢ既１０１　Ｐｌａｎ俾魔術師，頂佢個肺，簡直係浪費時間．然後去上紫微斗數班，返到屋企又成十點．
三月二日　星期日
七點幾起身，然後去上ＣＦＡ雞精班，好好利用政府賜與既持續進修基金，食完飯返到黎又八點．
＊＊＊
魔術師諗諗下，自己既行程表可能比怕貓個仔既課外活動表更繁忙．
2008/03/02  20:30:57