2016年9月8日 星期四

蝦餃家書之飛越瘋人院

魔術師朋友:
蝦餃說過停筆,甚至跟大陸雜誌說過要暫時退隱山林,但這兩天看到垃圾結果,嗅到大動盪的的先兆氣味,不能不說話。看到這樣的結果,心情比較沈重,最佳處理就是寫文章抒發,於是一下子寫了一篇約三千字的長文。除了發給大陸雜誌,也發給一些在香港想法跟自己比較接近的朋友看看,在自己的網誌說過要停筆,當然不能再在那裏發表,我也好久沒有去過那裏看生意狀態。
相信你會在你的攤檔談這個垃圾結果,我還沒有看,因為在寫此文章之前,不想太多的外來思維干擾。我只是根據網上看得到的新聞報導與報紙評論寫我的想法,網上評論就百花齊放,什麼門派說什麼話了。
不多說,有興趣看了文章再討論。
蝦餃
2016-09-07(白露)

飛越瘋人院
香港選垃圾的新聞我沒有興趣看,但香港的垃圾消息卻不斷在手機中出現。最新的發展,更讓我大吃一驚,不能不多說兩句。這真回應了我們傳統說法:樹欲停而風不息,老頑童心想退而地動搖。
從手機傳來資訊談選垃圾的消息,說什麼雷動計畫等,到最後出來的結果,都讓我聯想到一齣奧斯卡電影《飛越瘋人院》。那齣電影,出資拍攝的是美國人。這回在香港籌備拍攝的新版本,出資的依然是美國人。
拍電影最重要的是劇本與選角(西方說法,casting) ,香港的版本,劇本是港獨或任何可以跟中央對抗的議題(之前有反國教、佔中、驅蝗到最新的民族自決等) 。這個劇本打從香港回歸以來就沒有改變過,只是不同包裝,主調就是要跟深圳河北岸劃清界線。你走你的,我忙我的,你我本來就不是同路人。寫這個劇本的人,不知何許人也,有說是山姆大叔,有說西方人士或潮流說法:親西方人士。
但一齣電影要成功,除了劇本還要選角。山姆大叔拿著這個老劇本,過去找的一群跑龍套從來沒有出色表演過,都是港人說法“呃飯食”(騙吃騙喝) 。隨意做點門面功夫就耍弄了山姆大叔。最讓他怒火的是前年的佔中,眼看事成最後一敗塗地。為什麼?就是選角有間題,在最後與重要關頭,那些跑龍套都沒有按劇本演戲。從那個時候開始,山姆大叔就想找自己的 casting,也通過這次選垃圾大會,找到他需要的角色。
這次選垃圾大會,最讓人吃驚的是一個叫雷動計畫的活動,主持人是前年佔中的發起人戴耀廷。一個多年吃 CIA 奶水的人,由他發動與主持的活動,不管是什麼雷動或雨動,都肯定是山姆大叔動。
不管它叫什麼名稱,整個活動就是非常反民主的配票行動。什麼叫配票,就是投票人是根據指示投票,他們根本不知道投的是什麼票,或候選人是誰。如果這也叫民主,我情願嬴政當家,起碼他對國家統一有重大貢獻。這種配票行為,在台灣已經見怪不怪,想不到也殺到香江來。
當時的反對派,特別是那些小黨派,不知就裏就胡亂答應,以為可以通過它配一些邊緣票,能讓他們上車。最後全都上當,因為配票結果是將他們的票配給其他人。香港垃圾會選舉有非常嚴謹的選舉法,任何千擾投票人意願的活動都有可能觸犯選舉範例;這個山姆大叔出資的雷動計畫,從任何層面看都抵觸香港的選舉法,但我可以保證,戴耀廷不會落鑊(香港說法,惹官非) 。
這次戴耀廷不負老闆所託,雷動計畫終於配票成功,替山姆大叔找來他需要的角色。首先將老木偶清新掉,之後換來更激進,更高能量與更聽話的新傀儡。這些新貴,之前不見經傳,現在卻以票王之態進入垃圾會。所謂民主遊戲就是這樣荒謬絕倫,任何選舉結果都可以操控。更讓人看清楚,山姆犬叔玩地動山搖遊戲的水平,的確驚人。
我不知道中南海對這回香港垃圾會選舉有什麼看法與總結,但我看到非常心驚,是香港未來大動盪的先兆。首先,香港有一群一切聽“黨”指揮的“革命群眾”。他們會跟隨“黨”的意志,往東走,往西走,甚至碰穿頭。這些“革命群眾”的數量,少的有十萬,多的有數十萬。如果用兩百二十萬投票人這基數來看,這個跟隨“黨”意願的”革命群眾“就更驚人,有四分之一。
這些數據是怎樣得來,看選舉結果。地方選舉最高票數的候選人是朱凱迪有841121票(魔按:蝦餃兄原稿有誤,應為84121票),通過區議會參選的候選入鄺俊宇有491667票。朱凱迪代表新界西,鄺俊宇的票是來自全港。兩人都是不同組別的票王。兩個月前沒有幾個香港人知道這兩人是阿水,但在“黨”的關懷下,他們都是這屆垃圾會的票王。
蝦餃文章談到的黨與革命群眾都有用上括號,說明它們的意思跟我們正常看的名詞有差別。這裏提到的那個“黨”,“黨中央”在華盛頓。
在“黨”的特別關懷下,雷動計畫特別關照這兩人,打造兩個票王。此外,“黨”也選了不少聽話的角色,根據報導,這一屆有八名年輕激進派進入議會。這些人在競選之前已經高調宣揚過港獨或自決,但為了避免抵觸新的選舉遊戲規則,他們在這方面都有所收斂,這只是戰略退縮,不等於他們會放棄港獨理念。
香港對選舉經費有嚴格限制,但像雷動計畫等打著學術招牌的活動就沒法規管了。雷動計畫的技術支援是一家叫雲閃的公司(Cloud Flare,它的名字在任何顏色革命聖地都出現過) ,微軟則免費提供專用伺服器搭載雷動的民調系統。如果再加上其他宣傳與後勤支援工作,整個計畫經費保守估計需要大約三千萬港幣,絕對不是一個普通學者或公司能支付得起。這三千萬究竟是誰埋單?當然是“黨”咯。但“黨中央”在華盛頓,怎能照顧到偏遠香港的需要?肯定需要一個全權代表,他也是全港婦孺皆知的黎智英。
兩年前佔中,”黨中央“發動”革命群眾“通過街頭行動奪權不成,現在更上層樓,通過議會來癱瘓特區政府的工作,但所花費用就少得多。兩年前的佔中,很多人估計的”軍費“是幾個億,現在才不到之前的十分之一,但破壞力能量肯定比之前更大。
選舉結果出來了,各方各取所需,有說民主勝利,有說港人發聲。建制派陣營說能守住陣營已經是勝利,梁振英更說反對他連任的人都失敗。無論建制派也好,梁振英也好,面對暫時穩定局面就沾沾自喜。他們卻不知道目前只是暴風雨來臨之前的片刻寧靜,香港的災難片在一個月之後就會上演。
山姆大叔找到適當的角色,配合多年的劇本,在香港上演一齣災難片有什麼困難?
梁振英的大禍很快就會臨頭,到時他在垃圾會不但遭遇到掟蕉或玻璃杯,旺角街頭的磚頭,不知什麼時候也會出現在垃圾會。反正我們想得到的垃圾,肯定在垃圾會出現,都用來招呼梁振英。也虧他說出反對他連任的人都落選這句話,且面帶笑容。只能用一句廣東話罵他:殺到埋身仲笑得落?
垃圾還是小事,頂多是換套衫或之後沖涼,但議會暴力升級,甚至會出現致命的催淚氣就不是開玩笑。烏克蘭等那些通過雲閃程序地動山搖的國家,之後我們都看過議會掟催淚彈的事。難道香港要找幾個革命先烈?
很多朋友看到垃圾結果都非常喪氣,甚至有說躲進小樓成一統,管它春夏雨秋冬。更悲觀的就說未來的香港變回小漁村不是夢。說到漁村很多人談香港仔,因為香港的名字因它而來,但很多人忽視了在新界西部的青山,今天叫屯門。它歷來都是一條小漁村,因為偏隅一角,所以那裏有全港無人不識的精神病院。在香港提到青山兩字,大家都知道是什麼回事。
有什麼樣的選民就會有什麼樣的議會,香港回歸青山(小漁港或日後興建的瘋人院}不是指日可待的事,是從下個月開始。我等無權無勇,無財無勢的蟻民,沒法面對大時代的激烈變化,更不可能改變它,唯一可以改變的就是自己。躲進小樓是一方法,但風暴會吹進任何一角落,反正在風眼的範圍,那裏都不能逃避。
蝦餃有不少年齡相若的朋友,對未來都非常擔憂。以我們這個退休或將近退休的年齡,這個時候是安享晚年的開始。但新世代的退休層,或在變幻莫測的香港退体層,如果想未來二十年有好日子過,或日後住安老院的時候不會被人利用作為他們的抗爭道具(到2047年,絕大部份蝦餃的同齡層不是找馬克思就是住安老院) ,這是我們從頭學習與適應新環境的開始。
最新的電影是互動,也是說觀眾都可以變作主角,說不定你或我就是Jack Nicholson(《飛越瘋人院》的主角) 。怎樣飛越這瘋人院就看各人本事了。
蝦餃
2016-09-07(白露)
後記
蝦餃在《閒話銷售》之後就說過準備暫時退隱山林,想不到心欲退而山動搖,看到大動盪的先兆,老頑童不能隱而不聲,就算是說錯話也要說。
也在此告誡神州朋友,不要輕信那些所謂公知(跟公雞沒有大差別,唯一差別是公雞可以煲湯)妄言。民主是每一個人的理想,但怎樣走民主的路非常重要。慘痛的經驗告訴我們,無論在台灣或在香港,玩民主遊戲都要付出極大代價,山姆大叔的魔爪也會隨之伸進來。他是玩民主遊戲的高手,當今誰也玩不過他。港台兩地的所謂民主發展,都看到他的魔爪肆虐。
配票的民主,倒不如回到秦始皇的時代吧。
香港的所謂反對派,無論是打著公民黨或民主黨等招牌,其實都是一個樣,都是為在華盛頓的“黨中央”打工,都要聽從全權代表黎智英的指示。
香港另一“黨中央”的活動,已經從地下走上地面。且堂而皇之地進入港人視野,不但攻佔了我們的司法系統(佔中發生兩年,有多少人被控或入罪?整個司法系統已經聽從“黨中央”的指揮,一切按“黨”的意志辦事) ,現在更進入我們的垃圾會。所謂三權分立,已經有兩個半被攻陷,剩下的行政,除了特首,所謂中立的公務員有多少是中立?不知道在北京的黨中央,看到這個外來的“黨中央”在香港積極行動,為什麼還沈默不語?難道真的要讓香港六十歲以上的人再用腳來投票?
http://www.elections.gov.hk/legco2016/chi/rs_fc.html?1473270307783

魔按:蝦餃兄今次寄來的是 PDF,不過就遇到 PDF 常見的問題,就係原始文檔中文 fonts 似乎唔太跟用家(即魔術師)部電腦 compatible, copy and paste 唔到落 notepad 之餘,亦 convert 唔到去 MSWord,全部出亂碼。幸好魔術師的解難能力沒有荒廢,靈光一閃將文件打印出來再用 OCR scan 一次,竟然有接近100%命中率,錯的反而是英文字母,都算奇事一樁。

89 則留言:

  1. 嘩!蝦餃叔出山!先俾個 like。聽朝再睇全文!

    回覆刪除
  2. 蝦餃兄太睇得起雷動計劃了。在下住係外國,無得投票,但係都裝咗個Telegram app入雷動做CD-rom。結論就係,如果老美真係比咗錢,美國佬今鋪肯定係所託非人,甚至被人落咗格(笑)。當然,你可以當係beta版,下屆會再改進,但今屆真係有好多bug。

    超區:2012年何俊仁民調一直領先,涂謹申有落選危機,結果大量民主黨支持者轉保涂謹申,推到佢變票王;2016年涂謹申民調一直領先,鄺俊宇有落選危機,結果大量民主黨支持者轉保鄺俊宇,推到佢變票王。冇雷動係咁,有雷動又係咁,你話雷動有咩用?If anything,就係累到涂謹申今屆贏得仲險過何俊仁上屆。

    新西/朱凱迪:雷動由頭到尾都無叫過人投或者棄朱凱迪。朝早喺度話郭藥師、黃村長marginal,叫人保佢哋,夜晚無啦啦轉為叫人保你張枱,結果咪俾何棍搖冷手執個熱煎堆囉。

    港島:非建制得50%左右票(唔計Wiki),啲票點分到係三席架啦。雷動只不過係將陳淑莊啲票分咗比羅三七。

    九東:個group有大量疑似人民力量打手係度嗌「一票不投黃洋達」,結果決定「保」快必,私怨大過天嘅情況下,「非建制」(佢哋已經一盤散沙到無名可以形容......)咪再次贏票輸議席囉。

    九西:建制只出兩條隊,非建制點都係四席,問題係邊四個人。同上,有一大堆疑似人民力量打手係度嗌「一票不投黃毓民」。

    新東:雷動叫人平均分票,講咗等於無講。

    結論?如果我係CIA,又真係畀咗三千萬戴大教授,結果非建制都係以55%票攞到54.3%(19/35)嘅議席,我會嬲到叫戴耀廷回水。我睇,都係戴大教授自作多情,唔知自己百無一用,以為識得幫人配票,結果都係廢。

    回覆刪除
    回覆
    1. 補多句:民調領先真係唔值得高興,因為香港人太鐘意自作聰明,覺得你夠票就會投你啲黨友,但自作聰明得嚟又有羊群心理。個個都覺得你夠票,結果就係會(爭啲/真係)唔夠票!建制方面,有王國興;泛民就有涂謹申、陳淑莊;「中間路線」就有Wiki... 但係要自己嘅民調唔太高(否則俾人話夠票),唔太低(否則會成為棄X保Y嘅X),真係好蝦人。

      刪除
    2. 我覺得應該立法禁止「公開發佈選前民調」,避免民調結果誘導選民投予某人,另外都可以廢配票武功。同時禁止選舉日2至3天前一切拉票宣傳活動,俾選民一個冷靜期。盡可能將選舉導回選民憑個人看法分析投出心儀人選的,而非充當選舉棋子。

      不過按港人性格,咁做法,會唔會投票率即刻創新低?

      刪除
    3. 恭喜蝦餃叔出山!祝身體健康及生活如意=)

      "不過按港人性格,咁做法,會唔會投票率即刻創新低?"
      哈哈Wanderer弟,無論投票率創新高定新低,港人都有方法來搬龍門,來合理化自己的行為乃"政治正確"=P

      另魔兄,文章最後一段好像有小typo(應是"compatible"?), 你有空不妨改番~

      刪除
    4. 匿名:

      //你可以當係beta版,下屆會再改進,

      四年先upgrade一次??

      //我睇,都係戴大教授自作多情,唔知自己百無一用,以為識得幫人配票,結果都係廢。

      睇戴當家在人言報專欄,總係覺得自從縮骨遮革命之後佢被拉下馬之後,佢都係唔忿氣,成日都想做返武林盟主,lead住班販民、笨土、瀆派(以學生為主),但又無人show佢。

      //自作聰明得嚟又有羊群心理

      港豬就係咁,配票都配到亂七八糟,個個都係性格大師,以為有自己的一套,一啲紀律性都無,唔怪得隻隻黃C都話「誰也代表不了誰」。

      Wanderer:

      //立法禁止「公開發佈選前民調」

      「打壓言論自由可恥!」「打壓思想自由可恥!」「維護柒心價值!」

      //不過按港人性格,咁做法,會唔會投票率即刻創新低?

      我諗暴動都似,仲投乜鬼票?

      春花:

      //另魔兄,文章最後一段好像有小typo(應是"compatible"?), 你有空不妨改番~

      謝提醒,已改。

      刪除
    5. //「打壓言論自由可恥!」「打壓思想自由可恥!」「維護柒心價值!」

      吓....我只係想個選舉盡量少干擾(例如羊群心理或玩野投最少票個個),選民憑候選人表現、政綱、政見等因素做決定。我覺得私下做民調研究就得,但就唔好選舉期內公開發佈。話時話,我最憎d人第一下就講咩自由,完全ban左之後d討論......真係「若為自由故,甚麼都可拋」。

      //我諗暴動都似,仲投乜鬼票?
      如果我話選議員應該要有個門檻考試,考中英文水平、是否熟悉議事規則、政府架構(咩人負責咩野)等等基本硬知識(絕不觸及政見),點睇?係咪要即刻革命,打倒審查制度?lol

      刪除
    6. //結論?如果我係CIA,又真係畀咗三千萬戴大教授,結果非建制都係以55%票攞到54.3%(19/35)嘅議席,我會嬲到叫戴耀廷回水。我睇,都係戴大教授自作多情,唔知自己百無一用,以為識得幫人配票,結果都係廢。//

      我代兜 : 你呢3000萬駛得抵, 唔係點抗衡赤共花費億億聲既配票系統, 雖然建制派除佐亡國卿就入得既都入晒.....

      刪除
    7. 算吧啦,連“在專屬經濟海域開採天然氣”咁x膠都寫得入政綱既人都可以靠個樣當選,你要考咁Q多嘢就無候選人架啦。

      我睇到魔兄quote呢個政綱真系笑x左,心諗:乜“專屬經濟海域”唔系屬領海以外到公海之間的一個非主權純經濟開發範圍咩?我假設你巷蜀成功,你傷港帝國個領海最多只能緊貼蝗國領海,你唔x系要蝗國俾你巷蜀之後仲要成個南海放棄做公海再俾你“專屬經濟”呀哇?定話你要宅男兵們幫你去蝗國南海領海開油,然後全部被拉去三沙市勞改?

      https://zh.wikipedia.org/wiki/%E4%B8%93%E5%B1%9E%E7%BB%8F%E6%B5%8E%E5%8C%BA

      https://zh.wikipedia.org/wiki/%E4%B8%89%E6%B2%99%E5%B8%82

      憑呢個政綱,我斷估有人隨時連地圖都唔識睇、wiki都唔識查、所有事情都系屬於自己幻想世界...最弊系連叉能廚佢的對手,都講唔出最大謬誤:“傷港的專屬經濟海域在哪裡?”...Wanderer兄要人考咁多嘢,太hurt人了。

      刪除
    8. 引用網友William Lam的說法,老共一天揸住萬山群島,你大香港國唔駛旨意劃到EEZ。
      咁又係,班友沙田都話建國囉,香港國當然可以劃九段線啦。國際法? I am the Law!

      刪除
    9. //連“在專屬經濟海域開採天然氣”咁x膠都寫得入政綱既人都可以靠個樣當選

      佢地聽咗沈旭暉講嘅「次主權」,就當咗香港同主權國家一樣都有EEZ。

      刪除
    10. //如果我話選議員應該要有個門檻考試,考中英文水平、是否熟悉議事規則、政府架構(咩人負責咩野)等等基本硬知識(絕不觸及政見),點睇?

      咁痴瘋仔呢啲有讀寫障礙的就永遠唔使入局喇!抗議篩選!歧視讀寫障礙可恥!

      //唔係點抗衡赤共花費億億聲既配票系統, 雖然建制派除佐亡國卿就入得既都入晒.....

      亡國卿又要將蛇齋餅糉總花費除返配來的票,計下每一票等於幾多隻糉喇!

      //你傷港帝國個領海最多只能緊貼蝗國領海,你唔x系要蝗國俾你巷蜀之後仲要成個南海放棄做公海再俾你“專屬經濟”呀哇?

      大傷港帝國震懾殺人政權!

      //我斷估有人隨時連地圖都唔識睇、wiki都唔識查、所有事情都系屬於自己幻想世界...

      我真係見過!(下篇寫)

      //最弊系連叉能廚佢的對手,都講唔出最大謬誤:“傷港的專屬經濟海域在哪裡?”

      元秋、鼠王等人的建制派都係水鬥水...

      //咁又係,班友沙田都話建國囉,香港國當然可以劃九段線啦。國際法? I am the Law!

      咁佢地又唔會咁粗暴話 I am the law 就大哂嘅,佢地一定會做返啲 research,然後得出一啲似是而非的結論(例如蝗國的歷史比傷港短云云...)

      //沈旭暉講嘅「次主權」

      呢條友潛咗水喇!

      即將離港發展 沈旭暉:香港未來十年不需要我 2016/4/24 — 11:02
      國際關係學者沈旭暉今日接受≪明報≫星期日訪問,提及自己將離港發展。他自言,離開原因之一是在港推廣國際關係已近極限,香港未來十年不需要他。提到香港未來,他又說港港內部有北京「虛權實化」的問題,又指港獨的可能性接近零,但仍有推行價值,因會得到意想不到的回報。
      今日的≪星期日生活≫發表題為〈什麼人訪問什麼人﹕人生的下半場:另一條跑道〉的文章。文章中,沈旭暉表示決定離開香港,夏天後先往新加坡過一年,再按工作計劃到不同地方居住。
      他表示自己懷念九十年代的香港,指當時英國殖民主義的高壓消失,而中國國家主義一套又未至,香港社會可以用「自己的方法」解決。然而回歸後,北京對香港有「虛權實化」等問題,令香港「一切水清則無魚」。
      回歸前無為而治,大家都做「SAS-SSS」那樣的傻事,卻培養大量精英,現在才崇尚阿媽教仔的 micro management。(沈旭暉)
      談到年輕一代的不滿,沈旭暉直指,上一代強調經濟,新一代則更在意認同。他說,自己早前曾出席一宴會,席上一中國精英既自豪自己來港 25 年不懂一字廣東話,不看一則香港新聞;又指中港矛盾只因懷香港人喪失優越感等。他自言別說是年輕人,連自己也受不了這般態度。
      特首選舉方面,他指出,香港是中國不同利益集團的戰場,無論誰當特首,利益受損者都必然反撲。種種問題一浮面,本土主義必然回應,誰當特首都不能不處理,若手段放軟,便是自己被處理。沈旭暉直言,他看不到上世代有能解決此矛盾者。
      沈旭暉又估計,未來本土派思潮只會繼續壯大,成為一代人的主流;另一方面,中國民族主義則在未來十年會轉強。他直言港獨的可能性「無限接近零」,但相信本土派亦明白這點,只是由於認為港獨運動就算無法達到目的,亦可以有想像之外的效果,才會推動港獨繼續發展。因此,人們無必要搬出博弈論等教條,說港獨不可行。
      任何能幫助香港 identity 在世界長存的事,溫和、激進、建制、本土,都是有價值的,唯一沒有價值的,只是在舊遊戲被屈機。(沈旭暉)
      他自言離開香港的原因,是因為香港最少在未來十年不需要他。沈旭暉說,他本身對社交生活與政治操作強烈厭惡,當年回港目標主要是普及國際關係學科,但推廣工作始終有限度,再做下去只會適得其反。

      刪除
    11. //元秋、鼠王等人的建制派都係水鬥水...

      我講緊黃逼暈呀...

      刪除
    12. 係喎,睇錯咗,成日諗住販民會錫住小三.

      刪除
    13. 下一次垃圾選舉,其實不會遠
      先不說選舉呈請,導致選舉無效
      旺角暴動除時有一批人判多於三個月
      再加確認書的發假誓,提名無效
      到最後超區辭職公投

      下一次選舉應該在半年到一年之間
      小弟一小小公務員,做兩次選舉剛好可以換iPhone

      刪除

    14. //先不說選舉呈請,導致選舉無效

      依家笨土入到局,會唔會再繼續呈請,令人生疑(個case有啲似米爆後脫OUT派申請定再公投一樣)

      //旺角暴動除時有一批人判多於三個月
      //再加確認書的發假誓,提名無效

      假法人未必受理.

      //超區辭職公投

      蟲蟲唔想走,到時自然會有藉口.

      刪除
    15. 摩摩, BIG 暈黃真係令人頭暈. 仲黑人僧過劉姥姥.

      刪除
    16. Hawks 兄:沈旭暉

      佢係FB扮很哂嘢咁講國際關係. 唉......

      刪除
    17. 摩摩: // 我睇到魔兄quote呢個政綱真系笑x左,心諗:乜“專屬經濟海域”唔系屬領海以外到公海之間的一個非主權純經濟開發範圍咩?我假設你巷蜀成功,你傷港帝國個領海最多只能緊貼蝗國領海,你唔x系要蝗國俾你巷蜀之後仲要成個南海放棄做公海再俾你“專屬經濟”呀哇?定話你要宅男兵們幫你去蝗國南海領海開油,然後全部被拉去三沙市勞改?

      DIU. 係OFFICE睇到你呢句, 真係差啲笑出聲.
      佢以為自己多炮兵, 可以守得住個"經區". 海軍啲船都唔知係邊度搵返嚟啦. 打機咩. 儲夠金幣,鐵,等三日, 就可以收成.

      刪除
    18. //BIG 暈黃

      謎面:上水火車站(猜一當選垃圾議員)
      謎底:蝗逼暈

      //佢係FB扮很哂嘢咁講國際關係

      咁人地個牌頭真係寫住話「國際性關係」...

      //佢以為自己多炮兵, 可以守得住個"經區".

      所以小三只是「笑而不語」,呢part政綱佢走硬數。

      刪除
    19. //佢以為自己多炮兵, 可以守得住個"經區".

      佢個"海"可能夠大,泊得入好多"炮兵船",成為佢個"經濟區".

      刪除
    20. //佢個"海"可能夠大,泊得入好多"炮兵船",成為佢個"經濟區".

      水深港「闊」?

      刪除
  3. 喜見蝦餃叔出山, 可喜可賀
    蝦餃叔知識既深且廣, 往往可以從一個宏觀既角度分析全局
    睇唔返蝦餃叔既發文, 不時若有所失
    希望蝦餃叔打爛齋砵之後多多發文

    回覆刪除
    回覆
    1. 同意呀!巧同意呀!

      刪除
    2. //蝦餃叔知識既深且廣, 往往可以從一個宏觀既角度分析全局

      去蝗國雜誌發文喎, 黃C實話佢係「高階版維園阿伯」喇...

      //希望蝦餃叔打爛齋砵之後多多發文

      睇怕佢比freelancer更freelance.


      //C 嬸

      你得呢幾句從旁吶喊助威架咋?

      刪除
    3. 魔術師://睇怕佢比freelancer更freelance.

      你叫我呀? 咩事?

      刪除
    4. 你個回應咁鬼C嬸 style...

      刪除
    5. 係咩?係咩?係咩?係咩?係咩?係咩?
      係咩?係咩?係咩?係咩?係咩?係咩?
      係咩?係咩?係咩?係咩?係咩?係咩?
      係咩?係咩?係咩?係咩?係咩?係咩?
      (小三對BING BING EYES MODE)

      刪除
  4. 至於香港/立法會內會唔會更亂
    我就覺得蝦餃叔有點過慮

    香港廢青錢就識收貨就交唔到可以話係定律
    大概歸納為三不做
    打交唔做 - 唔郁手係高尚傷港人既驕傲之一, 郁手就變佐無文化既大陸人(^O^)
    會有案上身唔做 - 搞事一定大大堆人先出手, 以祈警察拉唔到咁多, 掟磚者全部幪面以防秋後算賬
    自己有危險唔做 - 食兩粒國際標準既催淚彈就呼爺喊娘, 想佢流血? 你諗下好

    金鐘旺角淪陷, 魚蛋革命, 都係搏人多搏大霧, 認定自己可以逃離法網, 對手又只係手執無重量無質量警棍既慈母先咁"勇武"
    入到立法會, 咁多支鏡頭映住一兩個搞事既, 走唔甩架喎
    黃郁人掟CY 都搞到一身蟻, 後來者仲敢??
    一個唔該入佐, 無佐議員每月近廿萬薪津, O米見財化水

    長毛同黃郁人, 基本上已經打緊擦邊球
    老經驗如黃郁人都尚且燒鬚過界
    班新丁又點敢造次

    四年立法會薪津過千萬
    對泥班新世代好夠

    同會諗要搵夠退休既老一輩唔同
    佢地小富即安, 無大志向
    儲得10萬8萬都要抖返兩個月先搵返工

    有過千萬佢地唔會諗下屆
    想用幫手連任去引誘佢地做更激行為? 好難

    我估計, 都係新瓶舊酒
    以空氣為目標掟下野, 拉下布
    胡胡混混又四年

    回覆刪除
    回覆
    1. //入到立法會, 咁多支鏡頭映住一兩個搞事既, 走唔甩架喎
      老經驗如黃郁人都尚且燒鬚過界
      班新丁又點敢造次

      其實依家班販民已經去得好盡下,又睇下班有青有乜新意可以打到擦邊球又不死不傷。

      //有過千萬佢地唔會諗下屆

      咁都要用架!收入多咗自然一闊三大,仲有捐一半人工呢!

      //一個唔該入佐, 無佐議員每月近廿萬薪津, O米見財化水

      有假法人守護,入罪機會唔大,反而可能係會因為「私人原因」而告退(游小三成日以女神定位先收到咁多兵,佢仲有無可能結婚)

      刪除
    2. //其實依家班販民已經去得好盡下,又睇下班有青有乜新意可以打到擦邊球又不死不傷。

      有青有假法神功護下體, 無有怕!? 欲練神功,必需自宮. 就算自宮,未必成功.

      刪除
    3. 最弊佢地都係韋小寶 - 假太監是也.

      刪除
  5. D 阿拉伯數字個OCR都認錯左.

    呢鑊之後,多左人懷疑大當家係「鬼」了.同郁人派同功能.

    回覆刪除
    回覆
    1. //D 阿拉伯數字個OCR都認錯左.
      0 會認錯做 U, 已改.

      //多左人懷疑大當家係「鬼」了

      咁佢唔現身仲好, 咪等販民一盤散沙落去鬼打鬼囉.

      刪除
    2. 票皇都多左10倍票呢~~

      刪除
    3. 蝦餃老兄來稿有誤,合更正。

      2點幾整太眼訓,今次校對係差咗少少,咁鬼多錯。

      刪除
    4. 謝謝更正, 今晚發個依貓去問候下佢老人家先~~

      刪除
  6. 戴當家的雷動計劃,一味作動,陣痛,震痛之後,生了幾隻怪胎。問題喺,幾隻怪胎都喺隆胸嘅,撞得太大力,可能佢地都驚自爆。

    回覆刪除
  7. 我同事反映左香港人民智~
    一個女仔話投同志全因為哨牙楊夠票~
    就算建制配票都冇泛民咁公然LA....

    689都幾小人得志...俾你駁得羸又點...
    我確實認為佢越搞~D小學雞越覺得觸及痛處~於是係咁搞港獨...
    搞港獨最簡單3點~天時地利人和~
    天時~而家時機錯哂LA~香港衰退緊~
    地利~香港冇地利~所以自給自足問題完全未解決~
    人和~根本冇一個人行出黎可以團結呢群人~邊個出頭其他眼紅...而且冇政策只有口號...
    當然都要多謝689果班豬一般O既隊友局長LA....
    而家議會繼續彊持...咩都做唔到...689又想借民意搞泛民?
    問題係泛民都有好多小學雞鐵票可以保留佢地夠人入局...
    我係佢真係唔好意思講連任LA....

    朱奶滴~咪就係未入立會之前O既長毛LAW~
    收錢示威...公文袋B隊....
    咩官商鄉黑勾結...講到咁勁~仲可以做左6 7年烈士都未死~
    一入立會就住安全屋~呢D咪愛惜生命LAW~
    馬泡泡單野唔駛再講LA~收完錢再霸地
    菜園夠威LA~寮屋租戶惡過地主...咁正義港英時期唔聲討?
    又一借題發揮~呢D爛仔其實入去係咩都做唔到...

    肥佬黎~佢因為幫老美~
    老美入主緬甸佢都有得分~
    原來民主真義就係開托新市場再分封諸侯~

    而家立會繼續拉布~民主原來係少數唔駛服從多數~
    如果講到議員唔係普選....
    我朋友話功能組別係制衡民粹...似美國參眾~英國上下議院咁...
    而功能組別本意唔係面對社會大眾~為業界小眾發聲咩?
    而家得個制衡~但係冇辦法解決....都幾悲哀....

    回覆刪除
    回覆
    1. 以個人名義投票的功能組別,亦已經民粹化...教慾界...劣師界...燴計界...都係只按立場揀業界代表,你問下佢地對垃圾會,甚至個社會有咩貢獻? 我估d 業界代表會答你,佢地成功拉布拉足4年!

      刪除
    2. //而家時機錯哂LA~香港衰退緊~
      香港繁榮就攪唔到獨立

      //佢真係唔好意思講連任LA....
      佢話「反對他連任的人都失敗」啫,佢冇話連任呀化?

      //咁正義港英時期唔聲討?
      欺善怕惡囉!

      刪除
    3. //我確實認為佢越搞~D小學雞越覺得觸及痛處~於是係咁搞港獨...

      基本上係鬥氣!
      媽咪:唔準講粗口!
      阿仔:你唔準我講,我偏要講!DLLM!DLLM!DLLM!

      //馬泡泡單野唔駛再講LA~收完錢再霸地

      好耐無見佢蒲頭,唔提真係唔存在。

      //民主原來係少數唔駛服從多數~

      民主係要保障少數要有發聲的權利,包括一人拉布拉死所有人。

      //而功能組別本意唔係面對社會大眾~為業界小眾發聲咩?

      怪醫做得到!

      //個人名義投票的功能組別,亦已經民粹化...教慾界...劣師界...燴計界...都係只按立場揀業界代表

      佢地會好 proud of 成功給業界「爭取利益」的。

      //香港繁榮就攪唔到獨立

      最弊依家衰退緊...

      //佢冇話連任呀化?

      但支持佢連任的娥姐、私煙等連選舉按金都輸埋呢...

      //欺善怕惡囉!

      黃C呢樣真係好consistent。

      刪除
    4. //佢地成功拉布拉足4年

      當見到星洲奶美又奶共~左右逢源...
      D黃絲仲要講到人地福利好好....
      咁佢地應該反省下自己做緊乜....
      689做野差~但係實際上佢都係要起公屋...不過議員唔會理~照拉~政治行先...
      橫頭磡~鄺舞王有份傾又最多野講~朱奶滴就連同一D假村民去狙擊區議會主席梁志祥...
      呢D咪叫實幹law~八鄉朱奶滴~~

      //香港繁榮就攪唔到獨立

      港人根本上都係憎人富貴厭人貧...
      又眼紅霸權又睇唔起窮親戚...
      但係窮又點搞獨立呢?
      要自我解決佢地可以去西環自焚...

      //佢話「反對他連任的人都失敗」啫,佢冇話連任呀化?
      佢咪又係借民意想講D人企佢果邊....
      最弊阿爺當佢忠臣...建制派都覺得佢係豬一般O既特首~又被迫撐佢...

      //唔準講粗口
      所以我一直都話港獨同打飛機冇分別
      而過度手淫只係會對身體有害...而唔係對社會....
      但如果公然推廣~討論手淫...咁就可能變左格劍野戰...所以呢個係法律上o既問題xD

      //民主係要保障少數要有發聲的權利,包括一人拉布拉死所有人。
      呢d係失控又或者叫得意忘形~係小學雞o既特質...
      而家賴制度~入議會就係為左拉布...新玩法...

      //怪醫做得到
      怪醫皮已收,庸醫何聊生?

      //佢地會好 proud of 成功給業界「爭取利益」的。
      其實我個界別...會計界~基本上身邊同事朋友都係投超區...
      泳褲昌是廢的...除左婚外情同搞差佬...基本上佢冇做過野...
      當然~會計野~好多係法律上爭議同埋會計準則都好似唔關立法會事...
      確實又冇咩做~標準工時又俾兩邊工字頭搞臭哂...

      刪除
    5. //當見到星洲奶美又奶共~左右逢源...
      //D黃絲仲要講到人地福利好好...

      前一排有線樓盤傳真連續幾集有講獅城樓市(連稅項),可以一看。

      //要自我解決佢地可以去西環自焚...

      所以佢地睇《十年》可以好感動。

      //如果公然推廣~討論手淫...咁就可能變左格劍野戰...所以呢個係法律上o既問題xD

      「我都無叫佢地格劍野戰,係佢地自已諗多咗。」

      //標準工時又俾兩邊工字頭搞臭哂

      會計界無資格談標準工時(乜標準工時唔係淨係適用於基層員工嘅咩?專業人士應無法受惠。)

      刪除
    6. //前一排有線樓盤傳真連續幾集有講獅城樓市(連稅項),可以一看。

      唔係講蝗地產商個"新加坡旁"取巧樓盤吧? XD

      http://www.forestcity-bgy.com

      刪除
    7. 其中一集有講呢個... 有幾集的, 仲有其他唔同區分的獅城樓睇.

      刪除
    8. 重點係...如果用新加坡模式D人又係咪接受呢?
      起公屋(組屋)俾本地窮人...起豪宅俾土豪(美國富豪)
      而家唔係就係嘈緊土地用途咩....
      朱奶滴唔係要守住新西唔俾人起樓咩?

      至於稅收呢個好有趣~我會去睇下星洲咩玩法...
      不過講真~低稅制其實唔可能動搖...重稅邊個黎做生意~
      而低稅引發O既~老美屈你避稅天堂事件~得阿爺力撐...
      泛民睇唔到~本土無知...試問你搞港獨點處理呢個問題?
      而同唔同地區簽訂O既DOUBLE TAX ARRANGEMENT佢地又點搞呢...
      好多問題根本搞到2047都未必解決到...

      刪除
    9. 避稅係一個good point
      我甚至認為呢個先應該係香港未來嘅主業
      香港現在剩低嘅優勢係1)普通法,2)美國管唔到,3)阿爺唔方便管
      香港真係啱晒用嚟避稅
      剛巧蘋果避至愛爾蘭也被歐盟追殺,真係可以搵人引佢嚟香港

      刪除
    10. //泛民睇唔到~本土無知...試問你搞港獨點處理呢個問題?
      佢地只要提出訴求,唔理是否practical的,萬一一個唔覺意贏咗咪扮「功成身退」走頭囉(同脫out派一樣),一係就扮應一人之力無力打贏大多數的豬(蟲蟲的出路)。

      //至於稅收呢個好有趣~我會去睇下星洲咩玩法...

      樓盤傳真 2016/07/02 第二節 2016/07/02 22:29
      英國脫歐令資金轉向亞太區市場,金融市場地位僅次紐約倫敦的新加坡,是否適合投資?

      樓盤傳真 2016/07/09 第二節 2016/07/09 22:41
      在新加坡購買俗稱組屋的資助房屋,可以用公積金作首期外,還可以有政府補貼。而且供應量多香港七倍,卻沒有見逢插針問題,是否值得香港借鏡?

      //剛巧蘋果避至愛爾蘭也被歐盟追殺,真係可以搵人引佢嚟香港

      咁加企業稅加富人稅來做免供退保咪無行?

      刪除
    11. 今日老闆唔o係度~我又繼續借題發揮下先?

      紐倫港幾時變O左紐倫星?真冇質素...
      我之前講做納粹銀行都見識過呢一代玻仔有幾懶散~
      同香港D精英MT一樣低劣...而玻妹依舊係正過港女...呢樣令人眼紅...
      老實講~星洲同香港差唔多~都係係咁食老本...
      而發展方向真係好接近~真係你諗過O既人地都做左~好似聖淘沙搞遊客取向賭場...
      跟住搞海水化淡...係飲得入口果種...不過O係香港~環保份子唔搞你就奇....化淡耗電....

      我依舊唔認同福利主義~甚至我係覺得公屋或者配套唔需要俾咁多...反而杜絕濫用先重要~~歡迎反對意見指教~
      尋日朋友講起4叔棟新樓又150呎...香港人住屋連狗都不如....
      其實都唔係第一棟la~m巾盤都係百幾呎~不過棟新野收7蚊管理費又咩都冇就真係抵俾人插la...
      講返公屋...
      首先都係香港人o既劣根性~貪小便宜~既然政府有公屋~
      冇需要都排...大學生未做野排...好似blackjack拎pair拆兩門~有幾多輪幾多...
      住落o既有錢都唔換私樓...根本冇可能活化...
      白居二~俾你綠表價去買居屋~跟住賣家即時加價~將補地價差自己袋埋...

      第二~自私~將軍澳堆填區果陣反對~哪吒可以當係政績~
      o係無減廢目標下唔擴建根本係弱智~最後咪其他區硬食law~而家係一個區自私全港受難...
      跟住公屋都一樣~d鄉紳居民怕迫爆~元朗橫洲公屋唔俾起~當然俾朱奶敵拎黎搞建制...明明鄺神都有份...
      而朱奶敵一樣打住八鄉要耕田~唔俾人發展...再拖埋基建落水~大舊果陣仲要要求拆機場起公屋....
      乜其實住屋唔係最迫切問題咩?

      第三~d人講公屋就會講配套~即係房署唔想理賣俾領展o既商場~
      於是好快loop到去回購領展...因為商場貴租迫走小商戶公屋居民被迫買貴野...
      例如天水圍咁...要行十五分鐘係政府街市~d居民頂唔順...
      我唔敢講係咪其他區極端~用我住o既北區做例~其實一切都係供求問題~
      因為領展未搞商場~商場d細藥房仲o係度~但係d野唔平~可能係平百佳幾蚊~
      如果我行15分鐘去上水d藥房...因為水貨客~d藥房大手入貨~平價密食...
      水貨藥房貴租vs屋邨商場平租?點解貴租仲平?咪就係競爭同對象law
      同樣地~上水街市d租金確係平~但係d鋪賣野一d都唔平...
      朋友成日講貴租一定冇平野~平租d人做生意又會變左開善堂?新年照樣起價3倍又如何?
      而政府o既補貼根本就係另類o既唔公平~君不見大埔街市圍標有錢齊齊搵~法庭都判冇罪~前老廉2打6去左邊?
      跟住街市個鋪位係世襲~遲d仲會取消劃位~我有個朋友已經決定~佢阿爸第時留俾佢佢會放租...

      細商戶拉遠少少....商場如戰場~如果幾十年唔變唔提高質素~俾人淘汰有咩出奇?
      當日蟹將軍俾佔中迫害~黃絲都可以話係佢做生意屎...
      何況香港人貪小便宜~誠哥以本傷人你地冇風骨...咁怪咩人...
      而家d商場係好冇遠見~個個都一模一樣係大型連鎖~其實香港人仲係有唔去買野o既自由...
      點為之冇得揀?

      如果撇除真係d傷殘~或者問題家庭~點解d人寧願攤大手掌問政府拎錢都唔出去搵野做?
      係出面個市俾唔起?定政府福利夠佢地衣食住行呢?
      而家d小朋友出去搵工~office admin都叫萬5蚊~肯做努力工作價更高...
      乜真係咁民不聊生咩?

      刪除
    12. //我之前講做納粹銀行都見識過呢一代玻仔有幾懶散~

      我最近有個project同坡仔一齊做,佢真係可以全場發夢的.

      //而玻妹依舊係正過港女...

      呢個未有幸見識過.

      //杜絕濫用

      無哂濫用都唔夠分俾啲申請人

      //首先都係香港人o既劣根性~貪小便宜~既然政府有公屋~
      //冇需要都排...大學生未做野排...

      以前寫過,年輕一袋咁需要私人空間,其實都只係因為性早熟而已,所以根本無point去買樓,廉租屋最實際.

      //o係無減廢目標下唔擴建根本係弱智~最後咪其他區硬食law~而家係一個區自私全港受難...

      佢地會話每區都要起啲厭惡性設施咁先公平,咁中區不如起間愛滋病醫院,夠哂優皮。

      //當日蟹將軍俾佔中迫害~黃絲都可以話係佢做生意屎...
      何況香港人貪小便宜~誠哥以本傷人你地冇風骨...咁怪咩人...
      而家d商場係好冇遠見~個個都一模一樣係大型連鎖~其實香港人仲係有唔去買野o既自由...//

      有商場行又話多蝗,又話千篇一律;俾個街市你就話人地唔衛生,DKLM。

      //而家d小朋友出去搵工~office admin都叫萬5蚊~肯做努力工作價更高...

      係搵唔到 dream job 啫.

      刪除
  8. //配票的民主,倒不如回到秦始皇的時代吧。

    成篇文最0岩聽呢句,一直都冇睇票站調查或順從任何指令去配票。只是在一堆垃圾中揀件冇咁垃圾,自己的票自己投。
    香港的民主派不嬲都係跟佢果套就係民主,尤以熱狗為甚。

    //香港的所謂反對派,無論是打著公民黨或民主黨等招牌,其實都是一個樣,都是為在華盛頓的“黨中央”打工,都要聽從全權代表黎智英的指示。

    少年你太年輕了,就算「阿爺」都至少分江同習。反對派都可以打著紅旗反紅旗,例如有人話共青柒政係收阿爺錢。
    香港的所謂蟻員(包括建制及反對派),大部份只是為自己的蟻席(AKA利益)打工。

    //香港另一“黨中央”的活動,已經從地下走上地面。且堂而皇之地進入港人視野,不但攻佔了我們的司法系統(佔中發生兩年,有多少人被控或入罪?整個司法系統已經聽從“黨中央”的指揮,一切按“黨”的意志辦事) ,現在更進入我們的垃圾會。所謂三權分立,已經有兩個半被攻陷

    「阿爺」話香港是三權合作,行政主導。冇聽書。整個司法系統已經聽從“黨中央”的指揮?我信退休裁判官多過山中老人了

    「現代審訊制度透明度高,審訊對公眾開放,也有錄音紀錄,與以前單靠法官的手抄紀錄為準進步得多,對法官及控辯雙力的保障極大。法官是否公正,無所遁形。」

    https://billsiu.blogspot.hk/2015/08/blog-post_9.html

    回覆刪除
    回覆
    1. //香港的民主派不嬲都係跟佢果套就係民主,尤以熱狗為甚。

      民主獨栽是也。

      //香港的所謂蟻員(包括建制及反對派),大部份只是為自己的蟻席(AKA利益)打工。

      查實肥佬黎可以早已用完即棄。

      //我信退休裁判官多過山中老人了

      假法人放生黃C應是大眾觀感,preception is their reality。

      刪除
    2. // 民主獨栽

      泛民: 太陽由西邊升起.
      港豬: 這是真理民主嘅化身.

      建制: 太陽由東邊升起.
      港豬: 共奴! 獨裁!

      刪除
    3. 要90後的斷句法才可以理解呢種communication protocol.

      刪除
    4. 只要信, 不要問!
      問嘅話, 你就係奴才!

      嘻嘻, 咁真係佢哋講銀哂.

      刪除
  9. //香港的民主派不嬲都係跟佢果套就係民主,尤以熱狗為甚。
    幾十年前王晶就抽水:《大哥講話你要聽》啦 (^O^)

    //「現代審訊制度透明度高,審訊對公眾開放,也有錄音紀錄,與以前單靠法官的手抄紀錄為準進步得多,對法官及控辯雙力的保障極大。法官是否公正,無所遁形。」
    法官唔公正, 唔介意俾公眾知, 你去打獲佢咩
    香港就係無法官既監管機制

    回覆刪除
    回覆
    1. //香港就係無法官既監管機制

      咁又會要搵人監管負責監管法官個部門,一層層推返上結果又係去咗人大.

      刪除
  10. 都算係當局者迷,遠觀者清。

    回覆刪除
    回覆
    1. 池兄好少回呢類時政post,真係嚇了我一跳。

      刪除
    2. 池某平日就係對住呢D,好厭倦,特別係千篇一律的三幅被評論。

      刪除
    3. 唔怪得池兄要玩金錢遊戲平衡心理。

      金錢遊戲最大好處就是贏就係贏,輸就係輸,黑白分明,無得似政治宗教咁樣龍門任搬,"公我贏字你輸"。

      刪除
    4. //千篇一律的三幅被評論。

      咁我呢個反黃基地也算是一個小小的清泉吧?

      //金錢遊戲最大好處就是贏就係贏,輸就係輸,黑白分明

      但係有得無限補時.

      刪除
  11. 戴耀廷個"雷動計劃"真係笑死人, 要推行民主選舉就應該要俾選民自己揀擇最能代表自己既侯選人, 選優選唔到就排劣, 而家搞雷動同班泛民笑建制掌心雷有咩分別呢? 所以而家我同好多朋友都笑佢地掌心雷動lol

    回覆刪除
    回覆
    1. //公民社會別放棄策略投票,更重要是如何更有效引導選民作抉擇。

      原來公民社會的選民都是豬,沒有獨立思考能力,要其他人來作出誘導.

      信報 2016年9月8日

      配票失誤 戴耀廷自嘲「負資產」
      今次立法會選舉有多位現任議員墮馬,推動選民策略投票的「雷動計劃」被指嚴重影響邊緣候選人選情。「雷動計劃」發起人戴耀廷承認操作上有失誤,低估了漣漪效應,最終參與策略投票的選民遠超預期。對於有相識多年的泛民議員因選民配票落敗,他感到非常難過,又形容自己變成「負資產」,但強調策略投票的意識已植根於選民,今後可由其他人或團體繼續完善有關機制。

      籲勿放棄策略投票

      戴耀廷昨在電台節目解釋,「雷動」原本目標是有20萬人參與,即為投票選民的約一成,最後實際參與者僅約4萬人,逾一半在投票日前一兩天才登入系統;但到投票當天作策略投票的選民卻大增至超過兩成甚至三成。

      在新界西,於投票日較早時段被「雷動」建議放棄的工黨李卓人,最終差約5000票輸給末席當選的何君堯。戴耀廷說,該區有4張泛民名單的民調支持度接近,根據統計學模型運算結果,憑配票只能救兩張名單;經「雷動」內部於9月3日討論並表決後,決定建議集中選票予公民黨郭家麒及社民連黃浩銘。然而,到投票日傍晚投票率急升,「雷動」計劃認為可多救一張名單,故呼籲策略選民支持李卓人,卻因系統受攻擊令訊息延遲發放。

      戴耀廷否認計劃對被放棄的候選人不公平,指社會上任何人或組織都可組成類似「雷動」的群組,「我們沒叫選民一定要跟(投票建議),若說造成羊群效應,是對選民侮辱。」他指事前已料到有政黨會對「雷動」不滿,但希望公民社會別放棄策略投票,更重要是如何更有效引導選民作抉擇。

      刪除
  12. 雷動計劃咪由得佢配lol, 反正佢配錯票, 新西果度戴耀廷以為李卓人入到, 叫班"聰明"選民(都唔知邊忽聰明?)配票俾黃浩銘, 結果何君堯漁人得利:) 何生要多謝朱生之餘都要多謝戴生:)

    回覆刪除
    回覆
    1. //雷動計劃咪由得佢配lol, 反正佢配錯票

      戴當家次次都係咁,縮骨遮革命遍地開花時又話已經管唔到班人,今次配票又話管唔到班選民;其實呢啲嘢係人都可以預見,偏偏得佢一個人自稱話出乎意料之外.

      刪除
  13. 魔術師可以google下"雷動計劃, 累_死人"同埋"雷動苦主大聯盟", 入面d花生夠你寫多兩篇小說:)

    回覆刪除
  14. 蝦餃叔(定係蝦餃伯?!)網誌上收筆後,若有所失甚久...

    //香港有一群一切聽“黨”指揮的“革命群眾”。他們會跟隨“黨”的意志,往東走,往西走,甚至碰穿頭。//

    最吹9漲係一講到贏票輸議席,就唔肯面對個黨既失敗,成日淨係識話人配票,仲要賤到咒長者早d 死,總之長者票 = 收左錢 = 蛇齋餅糭 = 出賣香港,咁講既人都係無同理心同無腦,恐怖既係呢種喪屍響香港越來越多,多到我驚啦...

    //所謂三權分立,已經有兩個半被攻陷,剩下的行政,除了特首,所謂中立的公務員有多少是中立?//

    以前香港英治時期的所謂三權分立,本身就係好似公司分CEO / CFO / COO 咁,每人做一瓣,但只有一個人(港督)俾方向,所以連垃圾會主席都係港督兼任,議員都係港督委任。
    依家三權對立,蛇無頭,點向前行?
    基本上現時的"笨土",奉行的是法西斯主義,可惜帶頭的都只是文弱文青,佢地欠缺的是一個魯道夫·馮·高登巴姆。

    回覆刪除
    回覆
    1. //仲要賤到咒長者早d 死,總之長者票 = 收左錢 = 蛇齋餅糭 = 出賣香港
      最諷刺係呢啲長者幫手建立今時今日嘅香港俾港孩可以氹地扭計。真係不知所謂!

      //依家三權對立,蛇無頭,點向前行?
      飛碟自轉 XD XD XD

      刪除
    2. //仲要賤到咒長者早d 死,總之長者票 = 收左錢 = 蛇齋餅糭 = 出賣香港,咁講既人都係無同理心同無腦,恐怖既係呢種喪屍響香港越來越多,多到我驚啦...

      人多,殭屍係怪物;殭屍多,人就係怪物!

      //可惜帶頭的都只是文弱文青,佢地欠缺的是一個魯道夫·馮·高登巴姆。

      有人出嚟帶頭就先會被同路人圍攻,誰也不代表誰嘛!

      刪除
    3. eeeeeric 兄:// 總之長者票 = 收左錢 = 蛇齋餅糭 = 出賣香港

      洗腦效果.

      刪除
  15. //以前香港英治時期的所謂三權分立....

    認為香港有試過三權分立的人,衷心建議睇下曾主席的文章,https://tsangyoksing.hk/2015/09/21/三權關係/

    回覆刪除
    回覆
    1. //香港在英國人管治下的大部分時間,總督不但是香港行政機關的首長,也是立法機關的主席,而且主要政府官員都兼任立法機關的議員。港英政府管治期間,司法獨立,但行政立法兩權並不分立。

      政府首長和官員兼任議員,佔議會的多數議席,正是英國「議會制」特點。只是香港這殖民版的「議會制」跟英國本土實行的有本質上的區別:政府官員和議員都不是選舉產生。//

      傷港曾經試過有「三權分立」呢個concept,應該係由小學常識科灌輸的洗腦效果。

      刪除
  16. 很久沒有看到蝦餃兄的文章. 多謝魔術師兄的轉載.
    香港前途不看好. 未來棟樑動未來.
    今年太忙,都沒有心情寫文章. 但最心涼是李呃人落選.
    當年貨櫃碼頭工潮,對他已經非常憎恨.
    所以寫了一篇分析文章 "碼頭工潮的談判策略分析", 這是我唯一最多人看的一文.
    https://qualityalchemist.blogspot.hk/2013/04/blog-post.html

    回覆刪除
    回覆
    1. // 多謝魔術師兄的轉載.

      好說,承蒙蝦餃兄賞面,來郵告知文章內容而已。

      //最心涼是李呃人落選
      // "碼頭工潮的談判策略分析", 這是我唯一最多人看的一文.

      呢年事引伸落去, 就係縮骨遮革命中學生跟正苦談判之局面矣.

      刪除
  17. 蝦餃 (魔術師代發)2016年9月8日 下午11:17

    魔術師朋友:

    收到你的電郵,過癮;再點擊你的鏈接,又過癮:看那些回應,更過癮!

    首先,我投稿大陸一份網上雜誌已經有5年,是超級義工,因為從來沒有收過稿費。聽那邊老編說,大陸讀者很喜歡看我的文章。投稿的文章,都是從網誌中挑一些給他們,很少專為他們寫文章,唯一例外就是文章中提到的一個系列《閒話銷售)一共寫了三十多篇。之後告訴自己,也許是時候抖番吓。想不到看到垃圾結果,忍不住又要寫。那篇文章其實是專為他們而寫,因為三千字的文章,有哪一個香港讀者有興趣與時間看?發了文章給他們之後,突然想到你,就順手發埋比你。如果你看文章,風格跟普通香港文章有點不一樣,重點討論對象也不同。

    說過停筆,我就不會再在浪浪那邊重開業務,就算再寫,也不會像以前一樣定期出貨。正在思考應否再玩過,不過暫時看來機會不大,因為不知道哪裏找地盤。

    這次香港選垃圾,我刻意地不看相關新聞與消息,但作為一個港人,無論你身處哪裏,就會受香港的風眼影響,沒法逃避。朋友圈的消息不斷從手機送來,看了之後只能找報紙佬的所謂新聞去核實,一核實就不得了,一發不可收拾。

    蝦餃看法跟很多人不一樣,因為我不會將自己的視野侷限於某點或某個人。這次選垃圾,如果中南海諸公能像蝦餃這樣看,就真是我在文章中提到,殺到埋身啦,仲笑得落?

    華盛頓的“黨中央”已經不將打到梁振英作為他們的目標,這才是我看到的一個戰略轉移,也是我發文章給大陸雜誌的原因。對於人家的戰略轉移,689當然很開心,他又可以坐莊多五年。但從國家層面的考量來說,問題更嚴峻,因為人家打的是全盤否定中共管治香港的牌。硬的不能就學習鄧小平那句話:從娃娃開始。如果我能看透,689及他的團隊沒有理由看不透,所以他才那麼開心,殺到埋身也不是他的問題,是阿爺的問題。他最多在垃圾會接收人家招呼的臭雞蛋或其他垃圾,換套西裝沖個涼就乜事都冇,之後更可向阿爺打悲情牌。

    我在文章談到垃圾會出催淚彈是有點過慮,因為文章本來就是寫給大陸讀者看。不這樣他們看得不過癮,這是針對不同讀者,交不一樣的貨。希望你的讀者能體諒,因為整篇文章的原意不是給同鄉看,只是機緣加巧合吧。

    那班新貴廢青怎樣激進也不至於會在垃圾會掟催淚彈,但將議事廳搞到翻轉肯定是他們的簡單目標。昔日我們罵議而不決,現在連簡單的議也沒有,但決總會有,就是任何事情都用決鬥心態面對並在議事廳談被禁題目:如何自決。於是一輪口水又浪費在怎樣定義言論自由等玩泥沙遊戲上。什麼政府民生議題,政府要討論的議案,關他們什麼事?

    想不到政府沒有提議,港人已經自動將青山擴建,並在金鐘開分院,下個月開始面對民眾。如果我沒有一個港人身分的包袱,是用一個睇你點死的角度看那青山分院開幕,絕對會看得很過癮,更會開香檳慶祝(例如廣州、上海、星加坡、台灣等地,名單太長,不能盡列)。偏偏我一輩子都沒法甩掉那個包袱,是否有點悲劇元素?

    發文章給你,只是讓你看看一些不同的垃圾觀察,並沒有想到你會即時將文章放出街。如果你回電郵時跟我談及,我就會將文章通過電郵版本再發給你一次,省你不少麻煩。一切都是蘋果的問題,年初他們升級,之後所有PDF文檔都只能看不能copy and paste。我給大陸雜誌後來做法是發電子版再加電郵版。

    垃圾結果雖可惡,但它卻是我等行家的至愛,因為又可以亂噴口水呃稿費。越荒謬的結果,越受行家愛戴;這樣的邏輯,是否有點青山的味道?

    蝦餃

    2016-09-08

    回覆刪除
    回覆
    1. 正想說蝦餃的文章太過激進,有點杞人憂天
      原來是目標客群所致

      刪除
    2. 所以呢個follow-up email一定要貼出來。

      刪除
    3. 小弟都想寫下睇法,不過呢兩日比較忙,未必能盡客席主持之責...睇睇周末寫唔寫到d.

      刪除
    4. 留定篇「摩摩家書」俾你 XD

      刪除