城市論壇論垃會（２０１６年９月１８日）

信報　2016年9月15日
無綫棄直播《城市論壇》
香港電台老牌議政節目《城市論壇》，自1980年啟播以來一直在無綫翡翠台直播。無綫日前通知港台，決定由周日開始，不再直播新一季的《城市論壇》。
港台將在其模擬頻道31A台及數碼頻道31台自行直播該節目。翡翠台在周日較早時段播放由「梁粉」陳建強擔任主持的自家製節目論政節目《周日龍門陣》。港台《城市論壇》是香港首個不經刪剪直播出街的時事評論節目，自開播時已在維園舉行，一直由無綫翡翠台負責直播。
港台機構傳訊組總監伍曼儀確認，周日起《城市論壇》將改在港台播放。《廣播條例》並無規定無綫電視須在周日日間播放港台節目，因此新做法合乎法例規定。
除了《城市論壇》，港台其他王牌節目包括《鏗鏘集》、《頭條新聞》及《議事論事》，亦會由過往晚上7時提早1小時至6時播出。
有港台員工坦言，無綫在晚上6時的收視率僅得個位數，相信收看人數會有影響，但部分節目的網上點擊率不俗，港台亦會在31A台及31台重播節目。

大家唔好以為無咗《城市論壇》，原來只係被CCTVB河蟹咗啫！

城市論壇：立會換屆新格局, 一登票王竟招風？得失勝敗算不盡, 問誰背後操盤中？ (Will New LegCo bring hope?)
RTHK 香港電台
發佈日期：2016年9月18日
論題: 立會換屆新格局 ,一登票王竟招風？　得失勝敗算不盡, 問誰背後操盤中？
Discussion on :
Will New LegCo bring hope?
張國鈞 Horace Cheung Kwok-kwan 候任立法會議員(民建聯) Elected Legislative Council Member ( DAB)
鄺俊宇 Roy Kwong Chun-yu 候任立法會議員(民主黨) Elected Legislative Council Member (DPHK)
朱凱廸 Eddie Chu Hoi-dick 候任立法會議員 Elected Legislative Council Member
李梓敬 Dominic Lee Tsz-king 自由黨青年團主席 Chairman, Liberal Party Youth Committee
主　持 　： 蘇敬恆
舉行地點 ：維多利亞公園 Victoria Park
時間 : 1200-1300

１. 朱大乳（１：５５－２：５５)
主持：朱仔最近人身安全受到威脅，連上《城市亂彈》都有黑警保護，是否由當選到依家一日都無返過屋企，是否真係打算長住垃圾會？
朱仔：一個當選的垃圾會議員要搞到每日都要諗下住邊度，呢個係傷港一個好大的警號。希望以後能夠有一個較好嘅安排，能夠令我既能履行議員嘅職責，亦能保障我家人嘅安全。
主持：似乎好難想像一世住係垃圾會，咁你始終有落任的時候，咁你點算？
（觀眾大笑）
魔：古有大禹治水，三過其門不入；今有朱仔治土，四年住在垃圾會，果然叫人動容，在此替朱太點隻歌俾你聽：

２. 三英戰個軍（１０：５５－１１：５５）

由理止莖到朱仔再到鄺神，話要用權力特權法查周永含被勸退的事件，三個圍政一個將個軍，問蛇齋黨支唔支持。呢隻將個軍又係唔敢表態，成日話題目唔清晰，要查乜都未清楚...咪就係「周永含被勸退」囉！「周永含被勸退」有幾多成真，是否有足夠證據立案就真係唔清楚，不過過題目本身就係清楚嘅！因為查完之後，可以係「查明之後，並無此事」吖馬！
３. 懶得戚
將個軍：有啲人講笑話不如由票王去做喇...當然年齡係關鍵因素，未夠４０歲做唔到喇。（１５：３０－１５：３７）
魔：鏡頭一轉，朱仔的表情竟然係咁，係咪有啲當仁不讓、捨我其誰之外有啲啲唔忿氣？

將個軍：如果以票王票后來做標準，咁我就覺得唔係好適合。因為在比例代表制之下，任何一個政黨如果出到票王票后，即係浪費咗選票，一個成功的選舉策略，係唔應該有票王票后嘅。（１５：４０－１５：５５）
魔：將個軍講完仲要好似好得戚咁：

呢條笨實，人地朱仔個土地正二聯盟得嗰幾丁友，咁都算係「政黨」？人地又無黨友一齊拍住上，選乜Ｑ舉策略？以為政擊到人，但其實只係打空氣，呢條將個軍咁嘅口才都做到蛇齋黨副主席？不如撬容靚靚過檔算吧啦！
４. 朱仔真心膠？（１７：１２－１７：４２）
朱仔竟然話支持非建制派做主席？做到主席就可以反映分區直選的大多數民意？乜佢唔知主席唔投得票嘅咩？咁多年來主席個位都讓俾保皇黨做，就係因為可以進一步削減建制派力量，朱仔究竟係太傻太天真定係無知真心膠？
５. 游小三的口厚愛（１７：５５－１８：１０）

鄺神：都多謝厚愛喇！游小三的建議真係非常有趣，但係呢一個其實係...返返嚟我地要睇返點能夠有一個公平公正而我地要覺得符合民精神嘅候選人...
魔：做乜鄺神講講下游小三就岔開咗話題嘅？唔通游小三心儀鄺神，想發動「兵變」捧鄺神做「民間垃圾會主席」？魔術師問咗一大輪谷歌神都無結果...
６. 流會的責任（１９：２５－２１：２５）
主持：建制派依家有４０席，要保持３５人在場確保會議的法定人數會愈來愈難，這會否是一個挑戰？
魔：將過軍又出返嗰招，話主持唔公平，講到好似只有建制派有開會的責任，而販民就好似奉旨唔使開會咁。喂係人都知所有議員都有責任開會，但販民奉旨拉布，咁唔開會就係佢地嘅norm，無得鬧佢地唔開會嘅；就好似販民鬧殺人政權治下無人權咁，人地攞正牌係殺人政權，無人權擺到明係天經地義，有乜好鬧？唔通你expect佢地開善堂？
７. 傻粉的智慧（２５：３５－２６：１５）
蛇齋黨現場觀眾話鄺神嗰４９萬票係呃返嚟，而鄺神就即場爆 seed，話唔可以侮辱呢４９萬港豬，４９萬名港豬運用了他們的智慧去投票，點可以咁講嘢呢？故此要求蛇齋黨觀眾收回呢句說話。
魔：乜當日鄺神唔係話多謝逃緊生「過票」俾佢嘅咩？票都可以「過」，咁呢啲所謂「智慧」，又值幾多錢呢？
８, 提防白鴿（３７：１０－３８：２０）
朱仔擔心民煮會投向建制，捧鴿派特首，通過改良版普選方案，對民主自決不利（主持補充民煮黨加建制派有47席，剛過2/3，甚至可以修改議事規則）。
魔：朱仔實在是過慮了。有排都未到２０４７，販民仲要靠玩選舉搵飯食，咁早投降豈不是又要票債票償？
９. ＡＢＣ以後（４１：３０－４２：２０）
將個軍又挑朱仔機，淨係話Anyone but CY，咁都要搵個人做特首。
朱仔：我地有公墓園系統，可以支撐呢個社會，唔好要一個壞嘅人做特首就得嘞。
將個軍：咁你想邊個人做特首呢？
朱仔：都話Anyone but CY咯...
將個軍：不能咁不負責任...
魔：朱仔無腦架？如果佢只係接受Anyone but CY的話，咁搵攞飯焦分來做都得喇！佢一定係合資格的 Anyone 喇！
１０. 贈慶酒會（４４：５０－４５：３６）
主持問朱仔會否去國慶酒會。
朱仔：我諗我唔會去嘞，我寧願爭取多些時間陪屋企人好過。我相當討厭呢類衣香鬢影，只係招待權貴的場合。傷港正正就係要打破呢一種由權貴壟斷的社會政治，我地要有民主有自由...我地覺得要慶祝時自然會慶祝，唔使逼我地唱國歌開香檳。
魔：朱仔此言差矣？以我城港豬怪獸嘉獎的價值觀，要子女學十八般雜耍入名校搵好工就係為了將來要做權貴，你下下都咁草根，實在太離地了。又，去國慶酒會又唔使着西裝嘅，長毛都去得喇！如果去酒會都帶埋黑警去，幾個Ｇ４跟身做保鏢，豈不是更能落殺人政權的面子？
又又，唔知係咪就係因為怕咗國慶無面，黑警今次又「迅即破案」：

六人涉朱凱廸威嚇案被捕 更新：2016/09/21 15:19

警方拘捕六名男子，他們涉嫌與候任立法會議員朱凱廸報稱受威嚇的案件有關。據了解，部份人有黑社會背景。
被捕的六名男子中午被押到大埔的新界北總區警察總部接受調查。其中兩人黑布蒙頭，雙手鎖上手銬。據了解，他們年齡介乎十九至五十三歲，分別在荃灣、屯門及元朗八鄉等地被捕，部份人有黑社會背景。有些負責策劃，有些則收到指示，在九月四日、投票當天跟蹤朱凱廸。警方扣押兩輛用來跟蹤朱凱廸的白色私家車。據了解、警方調查工作仍未完成，不排除會有更多人被捕。
朱凱廸在 Facebook 回應指，年初跟進橫洲發展計劃時，已受到威嚇，樂見警方拘捕涉事者，但不代表已經解除威脅。會繼續配合警方的安排，由探員貼身保護他。
過去逾一星期，警方多次在元朗進行大規模反黑行動，突擊搜查多間娛樂場所。據了解行動正是針對朱凱廸受威嚇的案件，目的旨在打擊黑社會活動。

＊＊＊
伸延閱讀：
維基百科：土地正義聯盟