（公司部門內，一眾小妹多數是８０尾或９０後。）
小妹Ａ：我地下個禮拜六去ＸＸＸ（地方名）玩咯！
小妹Ｅ：好呀，去邊度集合。
小妹Ａ：我地去馬料水集合，再搭的士去。
小妹Ｙ：馬料水即係係邊？
魔術師：馬料水即係大學站，係鄉大，唔係藍大。
＊＊＊
小妹Ｅ：哎呀，我張卡俾櫃員機食咗！
小妹Ｙ：咁點算呀？
小妹Ｅ：我打咗電話去銀行架喇！
魔術師：你係咪提款呀？
小妹Ｅ：係。
魔術師：咁你有無攞到錢吖？
小妹Ｅ：攞咗。
魔術師：咁即係你有攞返張卡喇。而家啲提款機你一定要你攞返張卡先至會吐錢出來。
小妹Ｙ：乜係咁嘅咩？我真係無留意...
＊＊＊
（投票前數天）
小妹Ｇ：嗰個頭髮好亂的女人係乜水嚟架？
小妹Ｙ：...陳肉哦？
小妹Ｇ：哇！係呀係呀！呢個女人好難頂。
魔術師：係地梗係無睇《城市亂彈》，佢次次都拎住個牌寫住「撐ＣＹ」的。
＊＊＊
小妹Ｅ：我想投Ｗｉｋｉ，同埋皇上。
小妹Ｙ：乜你投到皇上咩？
魔術師：Ｗｉｋｉ都係公報私仇啫。你不如投羅３７，都係搞巷蜀。
小妹Ｅ：（不屑地）妖，傷港ＪＪ！咁我投原嚟明囉，佢啲皮膚好靚。
小妹Ａ：（望住某民調網頁，網頁只顯示名單中第一位候選人）乜佢有選咩？
小妹Ｅ：我都係鍾意投人力。
＊＊＊
小妹Ｙ：魔術師你住係邊個區架？
魔術師：我住屯門，屬新界西。
小妹Ｙ：我住大埔，係咪都係新界西？
＊＊＊
（投票後）
小妹Ｍ：結果我都係聽從配票指示，投咗鄺神。
小妹Ｙ：嘩！小三贏咗黃郁，小Ｌ老Ｃ又贏。
小妹Ｅ：我最後投咗俾戲子陳，同埋逃緊生。
小妹Ａ：（見李美人咁多票）李美人係忠定奸架？
哈哈，魔兄你呢篇又遠沒我想像中震撼。我通常最唔抵得頸的是層層根據一些錯誤事實去推論並大放闕詞（記住「層層」是重點），但呢班妹妹仔好似通常第一層就斷左，佢地唔接落去而聽既人亦唔知點接落去！
回覆刪除//
小妹Ｅ：我想投Ｗｉｋｉ，同埋皇上。
小妹Ｙ：乜你投到皇上咩？
魔術師：Ｗｉｋｉ都係公報私仇啫。你不如投羅３７，都係搞巷蜀。
小妹Ｅ：（不屑地）妖，傷港ＪＪ！咁我投原嚟明囉，佢啲皮膚好靚。
小妹Ａ：（望住某民調網頁，網頁只顯示名單中第一位候選人）乜佢有選咩？
小妹Ｅ：我都係鍾意投人力。
//
我懷疑呢位E仲停留係人力的「復刻版」：皇上仲係人力成員。
另外「巷蜀」呢個話題對佢地可能太深，正如之前所言原來好多人撈亂晒「巷蜀」、「自決」、「自治」....
至於講開政治好似好有選擇咁，突然一句牛頭唔搭馬嘴的「皮膚好靚」，俾我會當堂啞左，睇佢地平時講野都係咁的，係魔兄你先會同呢班人搭爹！佩服佩服
//我懷疑呢位E仲停留係人力的「復刻版」：皇上仲係人力成員。
刪除//另外「巷蜀」呢個話題對佢地可能太深，正如之前所言原來好多人撈亂晒「巷蜀」、「自決」、「自治」....
妹妹仔們都係笨土fans，小妹E係會話「我最憎共慘黨」的，不過複雜啲嘅議題都係知啲唔知啲，連「蝗國歷史比傷港短」的歪理都唔識。
又，今日 This is very 7 的 iPhone 7 開售, 妹妹仔們都拼命申請準備去炒(唔好短炒變長揸就好)，小妹Ａ就一個人抽咗８部，我講咗句：「咁同走水貨有乜分別？」
無人出聲，Ｅ回咗句：「咁點同呢？」之後 dead air。
//但呢班妹妹仔好似通常第一層就斷左，佢地唔接落去而聽既人亦唔知點接落去！
//睇佢地平時講野都係咁的，係魔兄你先會同呢班人搭爹！
以前妹頭話我unapproachable，黃Ｃ上司依家又叫我social啲，都係因為我不屑同班語言無味的前／現任同事打交道。點都好喇，我咪有一句沒一句的睇心情加兩句嘴囉。
//層層根據一些錯誤事實去推論並大放闕詞
刪除摩兄有冇d親身經歷分享下呀?
//iPhone 7
今日老婆同我講話有條片,講有人幫個鬼妹upgrade 部iPhone 6去7（但事實上係呃佢的), 個鬼妹試過部偽iPhone 7後即刻大讚,速速提款買.
/叫我social啲。 不屑同班語言無味的前／現任同事打交道。
叻人好多都唔鐘意social, 個性獨來獨往.
//妹妹仔們都係笨土fans
刪除//不過複雜啲嘅議題都係知啲唔知啲
四眼鄭是皇上同黨，在港島的街頭廣播其中一句是"港島唯一本土派"，擺到明連傷港JJ都唔放在眼裡，E話自己係笨土派fans卻走咗去投wiki或人力，睇嚟呢個fans對自己擁戴既派別都非常"知d唔知d"。
//又，今日 This is very 7 的 iPhone 7 開售, 妹妹仔們都拼命申請準備去炒(唔好短炒變長揸就好)，
又係知d唔知d之作，新iPhone的溢價越來越低是常識吧?
//以前妹頭話我unapproachable，黃Ｃ上司依家又叫我social啲
//我咪有一句沒一句的睇心情加兩句嘴囉。
//我講咗句：「咁同走水貨有乜分別？」
你唔講好過講嘞，唔講最多被人話沉默寡言，但你句句窒住晒仲顯得更加unapproachable。
或者一d唔使企邊的話題可以搭幾句廢話，立場有conflict的就沉默是金算嘞。
//摩兄有冇d親身經歷分享下呀?
政治反而一時諗唔起例子，但曾經面對得最多的就係耶撚。
成個理論架構經常都穿鑿附會，先一個歪理開始滑坡，滑到無可再滑就用另一個歪理滑去下一層。
團契的宣傳刊物通常無咁hardcore，以上通常發生在耶撚defend自己信仰，每個人講既都唔同（所以我一時quote唔到實際用詞），但架構都是一樣的。
一些演員和營業員是內向性格或害羞的，非工作須要，就會獨個兒做自己的事，他們很少跟其他人Socialize的。
刪除至於unapproachable，佛洛伊德和行為心理學之父屈臣氏也是如此。屈臣氏退休之後，瑟縮在自己的農莊，與動物為伍。
無想:
刪除//講有人幫個鬼妹upgrade 部iPhone 6去7（但事實上係呃佢的), 個鬼妹試過部偽iPhone 7後即刻大讚,速速提款買.
問題:
1. 個騙子係西人定華人?
2. 個鬼妹是否胸前偉大?
//叻人好多都唔鐘意social, 個性獨來獨往.
我啲舊文都有寫過我的性格似貓.
摩摩:
//四眼鄭是皇上同黨
//E話自己係笨土派fans卻走咗去投wiki或人力
E有提過四眼,不過話佢樣衰投唔落(同皮膚好靚相呼應),一句起兩句都無.不過成個部門最關心正字就係佢,返緊工仲睇緊開票,好似跑馬咁,又好關心戲子陳贏唔贏到.
//又係知d唔知d之作，新iPhone的溢價越來越低是常識吧?
//你唔講好過講嘞，唔講最多被人話沉默寡言，但你句句窒住晒仲顯得更加unapproachable。
//或者一d唔使企邊的話題可以搭幾句廢話，立場有conflict的就沉默是金算嘞。
層次唔同,真係唔講好過講.
／／但曾經面對得最多的就係耶撚。
耶撚就係讀鄉大時見得最多，依家街上傳教的已經很少了。有一次我坐在公園看書kill time，給幾條中女走來傳教：「先生，你咁有文化係度睇書嘅？」我即時一句：「你地要傳教就免問。」
佢地仲要７到問：「你點知架？」
我沒有回答，自行離去，心想你地個造型咁７，無端端哄埋嚟，係人都知你想做乜喇。
//每個人講既都唔同（所以我一時quote唔到實際用詞）
即係有一個懶人包template，由各信眾各自insert自己的見證。
佛爺：
／／一些演員和營業員是內向性格或害羞的，非工作須要，就會獨個兒做自己的事，他們很少跟其他人Socialize的。
即是個性使祭，強迫別人去socialise，其實也不是尊重diversity的表現.
//個鬼妹是否胸前偉大?
刪除冇乜料到.
http://9gag.com/tv/p/aMdYvy/first-look-apple-iphone-7-jimmy-kimmel?ref=fbl9
//佢地仲要７到問：「你點知架？」
刪除因為我係上帝嘅神！ XD XD XD
"unapproachable" 係呢件事意思係「唔認同我哋嘅低能」。Approach 係佢哋主動過去 social 而只係佢哋想 approach 嘅目標佢哋冇能力 social 到，並唔係目標故意自閉。
喜歡一個人，同唔界意一個人，係有分別。
//因為我係上帝嘅神！ XD XD XD
刪除上帝不是三位一體的嗎?
//Approach 係佢哋主動過去 social 而只係佢哋想 approach 嘅目標佢哋冇能力 social 到，並唔係目標故意自閉。
即係打機過唔到關就賴個game太難打一樣.
//三位一體
刪除幾多位一體，佢都係 under 我！ XD XD
//賴個 game 太難打
呢個係事實，不過佢哋美化原因做 「unplayable」！
//呢個係事實，不過佢哋美化原因做 「unplayable」！
刪除咁係佢地手腳慢腦筋壞啫.
無想:
刪除//冇乜料到.
原來Steve Jobs 是被氣死的.
我以前讀過一些選舉策略，內容沒有去研究政綱的，因大部份選民唔知政綱講乜，但就要去爭呢班唔知政綱喺乜嘅選民嘅選票。咁，心理學家就作了研究，一直用到今天。
回覆刪除這個策略不只是用在敵對政黨，就算自己黨內都咁樣用。美國共和黨或民主黨的當權派，若果見到某個候選人民望高企，但他不是當權派心儀的，該名候選人就突然會有八卦報刊爆出佢坐名模大腿之類的照片，咁，該位民望高企的候選人就玩完。喺自己黨內做低佢。
但今次共和黨總統候選人特朗普就唔同，共和黨當權派搵唔到令他足以致命的瘡疤，唯有發動傳媒狂鬧佢，尤其是共和黨黨報華盛頓郵報，日日狂插特朗普，因為萬一佢贏咗，兩年後的國會選舉，共和黨將會大敗，所以，共和黨的華盛頓郵報，對民主黨的希師奶讚不絕口，寧願希師奶做總統。
有興奮可以看一下「陰道邁出選舉路」
http://forbiddenfruitnews.blogspot.com/2012/03/blog-post.html
//我以前讀過一些選舉策略，內容沒有去研究政綱的，因大部份選民唔知政綱講乜，但就要去爭呢班唔知政綱喺乜嘅選民嘅選票。咁，心理學家就作了研究，一直用到今天。
刪除豬真係好使好用.
魔術師，借你呢到用。
刪除佛爺！佛爺！你個 blog 好肚餓，食咗我個留言啊！
我已經打撈了出來。
刪除Yeah! 多謝！
刪除我呢度愈嚟愈似社區中心.
刪除搵番親人。呀，唔係，係搵番啲文。 XD XD
刪除／／搵番啲文
刪除哈,你呢句真係萬能key．
摩摩, 佢哋嗰一代, 碎片化得好緊要,同佢哋講嘢, 話題係跳嚟跳去, 講兩句三句, 就會轉話題, 又講兩三句,轉去第三個話題,又係兩三句,可能返去第一個話題, 又或者第四個話題出現. 好難傾到啲深入嘅嘢.
回覆刪除我都係80尾
刪除當然有例外啦, 永勝兄. XDDD
刪除大部份只睇港媒,非死不可嘅, 都以為自己知道天下事啦.
而家啲人係咁講嘢：
刪除我：食咗飯未？
人：飯。
我：A 定 B？
人：係。
我：唔好困住啲野生動物，所以我唔去海洋公園。
人：我鐘意去迪士尼。
我：有 A 餐，B 餐，C 餐。食咩？
人：Great idea!
人：揀呢個就錯！
我：點解錯？
人：因為揀呢個囉！
人：（好細聲）1 2 3 4 5
我：聽唔到。
人：（解釋）即係唔用 A B C D E
人：1 2 3 4 5
我：唔明。
人：（大聲）1 2 3 4 5
點解呢？冇科學研究，只係大膽假設。
初初係為求快。譬如啲售貨員，經常亂猜，一般人會問 A，所以你問 B 佢照答你 A。
上一代唔認真，同下一代溝通時亦好隨意冇要求。過程中冇更正方式同時 enhance 咗壞習慣。
少咗面對面溝通，少咗離開學校認識世界，埋堆埋到宅。冇正確 role model 示範，冇練習，冇從錯中學習嘅機會，唔認真，對話技巧係零！
//話題係跳嚟跳去
刪除因為佢地attention span短,好難不斷咁講同一個話題,一接唔到落去,就會轉台.
//上一代唔認真，同下一代溝通時亦好隨意冇要求。
最真幾十歲人學人講BB話, 例如「便便」...
//冇正確 role model 示範，冇練習，冇從錯中學習嘅機會，唔認真，對話技巧係零！
我呢排係公司做咗寫信佬:班電車男寫email係可以堀到好似鬧返個客轉頭咁, 一啲修辭都無.
//寫email係可以堀到好似鬧返個客轉頭咁
刪除嘩哈哈哈！寫！寫！寫！寫！
做testing, 個客問我地啲software係咪有bug，條金毛飛電車仔可以一句得返埋去please check XXX at your side...
刪除就算真係個客的incoming data錯,搞到「好似」我地出錯咁,都唔好咁直接呀!
我真係幫佢兜都兜唔切.
可能講中文都會咁倔。
刪除但係啲人投訴人哋時又識話人哋態度唔好㗎喎。
真係妙！
//可能講中文都會咁倔。
刪除//但係啲人投訴人哋時又識話人哋態度唔好㗎喎。
可能啲人而家覺得講嘢婉轉少少就係語言偽術, 同埋唔去諗我含蓄地講一啲嘢背後其實係俾面你:例如婉拒, 大家好來好去,生意不成仁義在;同大大聲鬧鬼你叫你過主係另一回事.
不過依家好多人面皮幾丈厚, 明明唔係做sales都好似做緊sales咁，死纏爛打, 唔喝走你唔make you look bad都唔得。
佛爺:// 因大部份選民唔知政綱講乜
回覆刪除最L慘係, 佢哋唔知, 又唔認, 以為自己知哂. 嗰下大能鑊嘛.
有人話朱敵唔係本土, DIU, 佢個政綱一條標題, 咪就係本土囉. DKLM.
選舉志在贏，選民喺咪自認非凡嘅白癡，喺唔緊要嘅。無人關心選民嘅智商，越蠢就越好。
刪除正確!!!
刪除港豬仲有一種技能, 叫"我睇唔到"
刪除做冒險野既時間就扮傻
到舐佐野就賴"你又唔早講"
//有人話朱敵唔係本土, DIU, 佢個政綱一條標題, 咪就係本土囉. DKLM.
刪除年輕一袋唔識睇字,只識睇圖.
//選舉志在贏
有啲人明知無支持度(仲要連按金都輸埋)都要去選,真係唔知係乜原因.
//做冒險野既時間就扮傻
//到舐佐野就賴"你又唔早講"
米豬都一樣.
「有啲人明知無支持度(仲要連按金都輸埋)都要去選,真係唔知係乜原因.」
刪除想出下名，或中年危機，突然覺得要不枉此生，去幹一番偉業。
即係好似我當年無端端走去出本書咁.
刪除我都話㗎啦！大部分人係點投票：
回覆刪除1. 跟身邊人投
2. 睇眼緣
政綱？潮語嚟啫！
就好似餐牌咁。有相嗰項特別多人叫，但唔一定特別好食。
「圖片只供參考」
刪除咁一眾小妹有無好崇拜魔術師？XD
回覆刪除話說呢種女仔好聽叫「天然呆」，唔好聽叫「白痴」，做朋友我覺得還可以（得閒食飯嗰種），做女朋友應該會激死。
//崇拜
刪除唔係掛？咪搵啲咁嘢玩！
//做女朋友應該會激死
佢地好多都自稱有bf，係乜質素就唔知喇！
// 最真幾十歲人學人講BB話, 例如「便便」...
回覆刪除唔通講痌屎咩? 藍血人覺得唔夠高尚馨香
怪獸嘉獎用二三十蚊買套玩具掃把垃圾鏟俾個千金, 我同佢外母講去雜貨舖買支真·掃把 真·垃圾鏟都係二三十蚊
真·掃把 真·垃圾鏟係俾賓賓用架嘛
咁當然賓賓同便便都係一個文雅啲嘅稱呼啫, 不過人地想加到五千就冇得傾嘞
// 我真係幫佢兜都兜唔切.
「你知唔知你鞋面踩到我鞋底?」
// 我講咗句：「咁同走水貨有乜分別？」
「我咪話左我最憎共慘黨的囉!你聽唔明?」
// 我咪有一句沒一句的睇心情加兩句嘴囉。
「優衣庫秋冬裝上左架, 老細你有冇去揀兩件?」
// 佢地好多都自稱有bf，係乜質素就唔知喇！
「個鬼妹試過後即刻大讚,速速提款買.」
//藍血人覺得唔夠高尚馨香
刪除人地西人都係shxt前shxt後...
//咁當然賓賓同便便都係一個文雅啲嘅稱呼啫, 不過人地想加到五千就冇得傾嘞
Oh, bad luck．
//「優衣庫秋冬裝上左架, 老細你有冇去揀兩件?」
尋日開team meeting 我又窒親佢喇.
開會講緊某個用意大利文做名稱的客仔,賣緊某一些現成products，佢話呢個名都唔知點講(其實都唔係第一次,有些保險公司客的名佢又係唔識讀,又係由我糾正).
今次我又口快快咁讀咗個名出來,話呢個brand我有用過,佢呆一呆似乎估唔到...
佢做介紹時無講呢間除咗賣現成之外，仲有design services，而我就係幫襯佢個design services,忽然發現在我面前佢係幾無知的,我再插嘴落去只會繼續make him look bad...
//「你知唔知你鞋面踩到我鞋底?」
//「個鬼妹試過後即刻大讚,速速提款買.」
你真係好鬼抵死嘅啫.
ermenegildo zegna?
刪除well, uniqlo does design too. it can shorten trousers length...
唔係真意大利品牌，係港版扮高級嗰隻。
刪除