2017年5月29日 星期一

新聞雜評(一百五十三)


做乜事打開份人言報,竟然見到呢份「同方中信分手」嘅聲明?仲要係由一隻魔術師聽都未聽過的「瑞士名表」品牌發出的,究竟係乜傢伙?
【有圖】邊個令邊個尷尬?方中信遭女嘉賓樹熊抱唔敢推

方中信突然遭代言9年的瑞士品牌手錶怒炒,更刊聲明指摘方中信「言行失當,完全與其品牌代言人的身份不符,以致公司管理層及在場嘉賓尷尬萬分,更嚴重破壞本公司及DOXA瑞士時度表品牌經多年建立起來的形象及聲譽。」故終止代言合約。
品牌聲明用字極重,但未有交代事發經過,引發網民熱烈猜測,亦有不少人戥方中信不值。至晚上8時許,方中信所屬的經理人公司英皇發聲明,證明方中信當日確已盡代言人之職履行合約,並圓滿完成相關工作。
至於傳聞指事件涉及「飯局」,英皇聲明中也證實了此事,不過就不是飯局,而是酒會。英皇於聲明中謂,當晚方中信是以個人身份、用私人時間出席該品牌的晚宴,席間的一切活動實屬私人活動,與代言合同無關,故品牌指摘方中信「完全與其品牌代言人的身份不符」,並不成立。
但品牌於「炒魷聲明」中稱方中信的言行「致公司管理層及在場嘉賓尷尬萬分」,到底係咩事呢?
網上流傳一張,活動當日方中信遭女嘉賓樹熊式抱抱方中信,胸貼胸熱情如火,方中信雙手垂下,一臉無奈。
有網民喺品牌官網微博留言:「難道你們解約是因為方中信不肯回應女嘉賓的擁抱,搞得她好像自己掛在方先生身上嗎?作為代言人,合約有寫的必須做,合約沒寫的可以不做,取決於藝人自身,並不是所有的條件必須答應。況且不是說Doxa代表高貴嗎?沒底線的人怎麼高貴的起來?以你們的公告來講,難道為了商業利益可以出賣尊嚴嗎?」
問方中信係咪真?佢短訊回覆:「真的不想再多提,謝謝。」對於網友群起力撐,方中信表示:「多謝大家關心。」太太莫可欣則稱:「我唔會回應佢工作嘅嘢,交畀佢經理人處理,我唔擔心佢。」
1. 原來又係疑似粉絲熊抱 and/or 飯局唔肯陪酒/宵夜/直落/扑嘢之類。呢類蝗富又真係幾乞人憎,睇怕又係唔知去邊樹買個牌子返嚟威威兼走資用(見舊文《消失的名牌:德律風根》,或香討有關CCTVB膠劇《不懂撒嬌的女人》中林文龍同宣萱戴嘅錶的討論帖),順便咪嗒埋啲男女奀星囉!又,唔知如果有「政壇方中信」之稱的商家黨主席終割賓遇到呢類事件,佢會點處理呢?

2. 魔術師都發現近年有旺角、尖沙咀等地多了一些非傳統大牌子的「名錶專賣店」(中環金鐘無售),好似B字頭、M字頭,同P字頭咁,又係唔知係邊樹忽然之間爆出嚟(伸延閱讀有列舉某些真名錶例子)。話說公司都有同事戴P仔,魔術師見之就唔多開胃,可能真係唔識欣賞呢類潮牌喇!
【公關災難】方中信被單方面解約 手錶公司指嚴重破壞公司形象
撰文: 黃梓恒 發佈日期: 2017-05-26 16:11 最後更新日期: 2017-05-26 20:39
昨夜突然爆出方中信被與合作了九年之久的鐘錶品牌DOXA解除合約,而DOXA公司在剛剛亦已在網上發放聲明,並以大字標題寫著:「DOXA不再與藝人方中信合作。」咁究竟係咩原因?原來在今個月二十日的時候,方中信作為該品牌的代言人,在廣州為其旗艦店開幕作剪綵嘉賓。不過DOXA聲明中就指方中信出席活動時言行失當,完全與其品牌代言人身份不符,以致公司管理層及在場嘉賓不十尷尬,而且嚴重破壞公司及DOXA多年來的品牌形象,嘩!好誇張喎。
記者翻查當日的新聞稿,方中言並沒有甚麼言論被刊登出來,該次活動方中信壓軸出場,期間方中信還即興與現場觀眾大玩互動遊戲,並親自為得獎幸運兒送出大禮包及名貴腕表,睇落又好似無乜嘢。而《香港01》記者致電DOXA公司公關查詢的時候,他就指因為已經進入了法律程序,所以所有事情都不便透露。其實方中信已經為呢個品牌做代言人做咗九年,地位都十分受到重視,幾年前仲用佢做公司年度簡報的封面,估唔到最後不歡而散。

其實不少人網民都是力撐網中信(魔按:方中信)的,更有人說他為了DOXA服務了九年,卻換來這樣被解僱,十分令人心寒。亦有不少自稱當時在現場的網民指其實是其實嘉賓令到方中信十分尷尬,而不是DOXA在聲明中所說的情況。看來網民都是一面倒傾向方中信,就看DOXA之後如何解釋這些事件吧。

直到晚上,英皇電影(香港)有限公司終於為事此發出聲明,內容指方中信是在活動完成後以私人名義參加DOXA邀請的晚宴,所以在席間的行為和言論一切與合約無關而且直指在出席品牌活動時言行失當而影響品牌之形象及聲譽是不成立的。唔知方中信究竟喺宴會中得罪了甚麼人物,令到DOXA要急急將合作了九年的代言人解雇呢?

3. 睇返鷹皇竟然「唔怕得失個客」(當然呢個客未必係大客)出返份聲明,真係算唔話得架喇!以魔術師公司來說,好多時客戶都有 out of the scope,但又唔想俾錢嘅要求。麻煩就麻煩在唔係魔術師唔肯去配合(好多時都只係舉手之勞),一旦做多咗就好易俾黃C上司抽秤話「咁樣做義工法會責害公司嘅利益」;之但係一旦話唔做「合約無寫明嘅嘢」,個客又會投訴,要 strike a balance 實在唔係一件容易嘅事。
4. 諗返當年在妹頭組,真係乜都應承會做,葵鼠呀,同事A呀,甚至乎博士K等都參與過唔同嘅活動,亦能夠擴闊自己嘅眼界。有時在工作上「做義工」,只要唔係好似方中信咁疑似要「陪酒」,唔怕蝕底都 okay 架。
***
信報 2017年5月27日
改文件風波
UGL專委會補選 何俊賢替周浩鼎
民建聯周浩鼎早前辭任立法會調查UGL事件專責委員會職務,立法會內務委員會周五通過該空缺的補選安排,下月2日內委會將選出替補委員及副主席。民建聯何俊賢承認,將出選頂替周浩鼎,但不會競逐專委會副主席;民主派則擬由社民連梁國雄出戰,但料當選機會甚微。特首梁振英周五離港前,被問任內是否已出售原本持有DTZ日本分公司三成股權,他稱交給信託人處理,並根據制度作出需要的申報。
何俊賢周五表示,今次事件被高度政治化,做委員已有一定壓力,「入去主要係學吓嘢」,相信不會出任副主席。有傳民建聯起初屬意由有律師背景的張國鈞頂替周浩鼎。何俊賢稱,問過黨內有否其他人選,經考慮個人工作量及能力,覺得應「盡力而為」。被問若梁振英再就調查私下接觸他會怎樣處理?何俊賢說會吸取經驗,向委員會滙報。周續任平機會遭抗議
泛民方面暫以梁國雄出選機會較大,但因內會建制派人數佔優,料梁勝算不高。內會周五討論專責委員會補選安排,獨立議員毛孟靜指過去調查委員會一般有13人,建制派和泛民委員比例應為7比6,而非今次專委會的7比4;她促請建制派考慮專委會的公信力,不應由民建聯「世襲」周浩鼎的空缺。
民建聯蔣麗芸批評專委會無特權法授權,調查勢淪為「吹水會」;她又忽然高舉民主黨林卓廷及委員梁繼昌的大頭相,質疑二人沒資格留在專委會。立法會外則有10多人示威,不滿梁繼昌在專委會內有角色衝突,要求他退出並向公眾道歉。
另外,周浩鼎再度獲委任為平機會委員,引起性小眾團體、人權組織及政黨聯署抗議。「關注平機會委任聯盟」約20人周五遊行至平機會,批評周曾多次發表帶歧視性的恐同言論,又指他出賣議會監察職能、誠信破產。平機會主席陳章明接收請願信,被追問是否歡迎周續任時稱:「個人立場,我覺得好有問題。」
周浩鼎回應說稱,平機會應聽取多元意見,他強調對不同性傾向人士不存在歧視,更與平機會消除歧視的方向一致。另外,高等法院早前裁定,1名公務員在外國註冊結婚的同性伴侶可享有本港的公務員配偶福利,律政司已決定就裁決提出上訴。
5. 真係俾魔術師講中(見《城市論壇論頂爺(2017年5月21日)》),果然係俾漁民賢跑出!唔得,又要回帶賢哥仔炮打小LLC的片段:

***
信報 2017年5月25日
成都大學一班出15對情侶
四川成都一間大學的四年級某班,同班43名學生(17女、26男)有15對情侶,其中8對已註冊結婚,近日該班畢業旅行,順便舉行了集體婚禮。消息成為內地互聯網熱話,有人認為很浪漫,但更多網民不看好這批年輕人的婚姻前景。
這批情侶21日在重慶一個風景區舉行集體婚禮,對着高山大喊「山無棱天地合乃敢與君絕」誓言。《成都晚報》報道 ,他們都是就讀工程造價管理專業的畢業班學生,班長劉超(化名)是活動策劃人又是新郎,他說有7對雖然未領結婚證,但已在和家長溝通中。
有網評嘲大學成婚介所
尚未踏出社會,在21、22歲的年齡就結婚,被認為過於衝動。《成都商報》在微博發布消息後,2萬條評論裏,熱度最高的前數十條沒有一個表示祝福,居多不以為然、調侃,有的說是跟風,也有稱「不好好讀書」,有人笑指剩下的13人很慘,要準備30份賀禮。網友「股市欠我一百億」留言:「這不是大學,是婚介所啊!」
對於質疑,劉超表示:「有什麼比身邊的人更珍貴呢,把握好現在對我們來說才是最重要的。」
6. 實在係難以想像!同一班同學裡面,43人17女26男,點可以搵到15對拖友,仲可以結到婚?乜蝗青的生活圈子真係咁窄?同埋,剩低無同同班同學拍拖嗰11位男同學/2位女同學,究竟係太過宅男/豬扒定係向外發展?
7. 點都好,人地一畢業,唔使諗住搵工,就可以結婚拎正牌扑嘢(仲不怕肉麻「對着高山大喊『山無棱天地合乃敢與君絕』誓言」,好似去咗迎新營咁),證明在蝗國上樓無難度(唔好理係咪要靠父幹),呢樣嘢就羨慕死以游小三為首,日日夜夜要為「私淫空間」打拼的有青喇!
***
原來舜文趁傑志鬥熱刺,便乘機跟堅仔做了專訪,笨土球迷不容錯過(但係要用 Firefox 先睇到,Chrome 唔得):
足球 - We are HK:林志堅 2017/05/24 15:08

自小在德國漢堡長大的林志堅,是港德混血兒。林志堅喜愛足球,曾效力漢堡,今季他決定回流香港,並加入傑志,協助球隊成為三料冠軍。
8. 教練話堅仔初來埗到時適應唔到我城「呢個新國家」的潮濕氣候,pre-season時表現好辛苦,好似透唔到氣咁,狀態要去到季中先有改善。嗯,咁唔知相對起其他外援,堅仔的適應速度算係快定慢呢?

9. 原來堅仔的踢波風格就係一咪靠衝打快攻(傑志真係「啱哂佢」?),唔怪得係德國俾人叫佢打閘佢要同教練嘈喇!

10. 言下之意,堅仔即係招認左自己係90後性格,唔適德國教練高高在上的「專業權威」,反而鍾意我城圍威喂柴娃娃式的 we are a family,得閒又可以同教練隊友傾下心事咁...魔術師只可以話人各有志,有啲人會適合做有規矩有制度的大機構,有啲人就喜歡做家庭式山寨廠,好難話啱定錯嘅!

11. 哈哈,帶埋女朋友來,係唔係想「增加借貸力」買樓?不過,咁搞法豈不是無得充洋腸呃港女?

12. 堅仔叔叔 Peter 佬就話堅仔來港時就立定決心要代表龍獅軍踢世界盃(外圍賽)同(代表球會)踢亞冠(附加賽?),真係差啲就俾客席主持摩摩講中話「未攞特衰護照,但又代表龍獅軍卻在聯賽仍是外援」!

***
伸延閱讀:
香討:想買林文龍果隻錶
消失的名牌:德律風根
新聞雜評(一百五十二)
城市論壇論頂爺(2017年5月21日)


39 則留言:

  1. 方中信都幾多代言㗎!如果一個客仔抹黑,令其他客戶都失去嘅話,咁梗係要力撐信信啦!

    我今日返西環,係 Meeting Point 餐廳見到長毛。佢都冇曬火啦!應該唔會陪班疑神疑鬼精神病人玩囉!

    回覆刪除
    回覆
    1. //方中信都幾多代言㗎!如果一個客仔抹黑,令其他客戶都失去嘅話,咁梗係要力撐信信啦!

      咁又係,既然對方率先玩大,咁又無理由硬食嘅。

      //係 Meeting Point 餐廳見到長毛。佢都冇曬火啦!

      佢老喇!販民又唔肯派啲後生出嚟汲取下經驗!

      刪除
  2. //網上流傳一張,活動當日方中信遭女嘉賓樹熊式抱抱方中信,胸貼胸熱情如火,方中信雙手垂下,一臉無奈。

    港產片之王即時諗起呢段:

    http://www.dailymotion.com/video/x59aulm?start=2460

    當然這擺到明是穿鑿附會,呢幕其實非常感人,吳君如擁抱方中信時強忍眼淚是因為她知道眼前擁抱著的是一個“曾經單戀但永遠得不到”的男人。當年吳君如憑這部片攞最佳女主角絕對是實至名歸的。

    //內容指方中信是在活動完成後以私人名義參加DOXA邀請的晚宴,所以在席間的行為和言論一切與合約無關而且直指在出席品牌活動時言行失當而影響品牌之形象及聲譽是不成立的。唔知方中信究竟喺宴會中得罪了甚麼人物,令到DOXA要急急將合作了九年的代言人解雇呢?

    我相信呢個先系重點。有可能是“熊抱女”繼續抽水而方中信按奈不住斷言拒絕,而呢位“熊抱女”是VVIP,所以DOXA只能斬纜了。

    //果然係俾漁民賢跑出!

    有能力就應該上位啦.

    //證明在蝗國上樓無難度

    系租屋無難度。蝗國供樓隨時月供比屋租高五成至一倍的,所以傷港收租仔所講的“以租養供”在蝗國是行不通的。

    //原來堅仔的踢波風格就係一咪靠衝打快攻(傑志真係「啱哂佢」?)

    傑志話就晒佢,俾佢打佢最想打的位置嘛。

    //唔適德國教練高高在上的「專業權威」,反而鍾意我城圍威喂柴娃娃式的 we are a family,得閒又可以同教練隊友傾下心事咁...

    每隊球隊一隊都幾廿個球員,連工作人員隨時五十人以上,你唔系特別重要,職業波的主教練根本唔會成日逐個球員傾偈,更枉論傾心事勒!除非你在隊波中特別重要啦!

    尤其你在德國時,人人都知你是土生土長的,最多只是離開漢堡去格雷特霍夫系由北去南,如果個個本國靚仔都穿州過省都要關注其生活一番,間球會多多資源都唔夠死,有呢啲資源都留返嚟應付外援啦(不論大牌或加入青訓的)!你在傷港被當成上賓,只是因為人地覺得你是VIP外援,唔系舜文得鬼閒訪問你?由唔見佢訪問曾經於德國低組別效力過、一早攞正特衰護照的聶凌峰?

    http://books.sina.com/bg/blogbook/city/2007-06-18/ba6196.html

    「泉涸,魚相與處於陸,相呴以濕,相濡以沫,不如相忘於江湖。」
    他說的是有一天,一眼泉水干了,兩條小魚被困在了一個小水窪,為了生存下去,它們彼此從嘴中吐出泡泡,用自己的濕氣來濕潤對方的身體,互相扶持,互相依賴。但,與其在死亡邊緣才這樣互相扶持,還不如大家找到一條水路,開開心心地回到廣闊的江河湖海,回到各自的天地,彼此相忘,自由自在。

    堅仔你在德國的狀況就是“彼此相忘,自由自在”,其他的我就唔elaborate落去了。

    //堅仔來港時就立定決心要代表龍獅軍踢世界盃(外圍賽)同(代表球會)踢亞冠(附加賽?),真係差啲就俾客席主持摩摩講中話「未攞特衰護照,但又代表龍獅軍卻在聯賽仍是外援」!

    個case apply唔到落佢度的,只會apply落居港兩年以上七年以下、未代表過蝗國的蝗援。

    我覺得要佢阿叔講,反證其本人未下定決心放棄德國國籍攞特衰護照。

    傑志已穩佔18年的亞冠小組席位,不過正如前文所言,19-20年傷港就肯定無default一個小組名額了;至於堅仔本人,好似今年附加賽傑志都無同佢報名...所以我就話其表現在港超亦不太顯超班

    //係 Meeting Point 餐廳見到長毛

    嘩C嬸仲乜走到去新一田樓下。話時話西環一田開咗咁耐我都未入過去!

    今日鹿肆遊行嘛,我五點幾返屋企坐巴士在西營盤塞到pk,乾脆落車轉地鐵算數...

    回覆刪除
    回覆
    1. 睇新聞,只見你作人十分落力。呢排冇野撈乎?

      刪除
    2. 嘩, 當日佢落選,喊到如喪㛈妣就知啦.

      刪除
    3. //吳君如擁抱方中信時強忍眼淚是因為她知道眼前擁抱著的是一個“曾經單戀但永遠得不到”的男人。

      歸米派都想擁抱佢地永遠都唔會得到的居英權...

      //有可能是“熊抱女”繼續抽水而方中信按奈不住斷言拒絕,而呢位“熊抱女”是VVIP,所以DOXA只能斬纜了。

      呢個係最直觀的想法...甚至乎件豬扒有可能以方中信「笑得太生硬」而要罰阿信酒.

      //系租屋無難度。

      咁在蝗國,父幹也是無難度的.

      //你唔系特別重要,職業波的主教練根本唔會成日逐個球員傾偈,更枉論傾心事勒!除非你在隊波中特別重要啦!
      //如果個個本國靚仔都穿州過省都要關注其生活一番,間球會多多資源都唔夠死,有呢啲資源都留返嚟應付外援啦

      牛龜咁大隻仲要人呵...要人關心...

      //堅仔你在德國的狀況就是“彼此相忘,自由自在”,其他的我就唔elaborate落去了。

      相濡以沫,係要有個對手的. 唔通跟堅仔一起噴泡泡的就是佢女朋友(唔好話俾我聽係舜文呀吓!)?

      //至於堅仔本人,好似今年附加賽傑志都無同佢報名...所以我就話其表現在港超亦不太顯超班

      咁教練同隊友仲肯聽你呻呢樣呻嗰樣都算唔話得了.

      //我覺得要佢阿叔講,反證其本人未下定決心放棄德國國籍攞特衰護照。

      阿叔真係此地無銀.

      //話時話西環一田開咗咁耐我都未入過去!

      莊總走咗去康暈,又可以考慮返去幫襯一田了。

      //睇新聞,只見你作人十分落力。呢排冇野撈乎?
      //當日佢落選,喊到如喪㛈妣就知啦.

      咁佢真係無嘢撈喎!

      刪除
    4. //相濡以沫,係要有個對手的.

      佢條女未嚟前,咪佢口中一眾傑志同事囉.

      查實雖然莊老學說系出華夏,但華人文化受儒家荼毒較深,人際關係梗要不甘寂寞搞到諸多恩怨(所以才咁多C9劇言情劇)才安樂; 反而日耳曼及北歐人似乎更體現道家思想,大家保持距離才最快活。(正所謂君子之交淡如水,小人之交甜如蜜...)

      堅仔已是德國土生土長尚且如此,似乎血統論有時都有啲根據的。

      刪除
    5. //華人文化受儒家荼毒較深

      傭家教人患孝唔係唔好,不過好易過猶不及,由飲水思源變成左膠式愚忠愚孝。

      //反而日耳曼及北歐人似乎更體現道家思想,大家保持距離才最快活。(正所謂君子之交淡如水,小人之交甜如蜜...)

      道法自然,無為而無不為,即係「積極不干預」?

      //堅仔已是德國土生土長尚且如此,似乎血統論有時都有啲根據的。

      傷民DNA可不是咁容易清洗的。

      刪除
    6. //君子之交淡如水,小人之交甜如蜜//
      翻查咗一陣,呢句應該係《禮記·表記》。所以屬儒家吧!
      「君子之交淡如水,小人之交甘若醴」出自《莊子·山木》,屬道家。
      「淡如水」是清澈如水,有坦蕩蕩之意。淡另一說法是不含名利。無論如何,並非距離之意。
      恩怨多與名利有關。多少人能淡泊名利甘於平凡?算吧啦!

      刪除
    7. //《禮記·表記》
      //《莊子·山木》

      C嬸果然勤力,俾返個叻你!

      //恩怨多與名利有關

      仲有「權」,販民同笨土都係想奪權啫!

      刪除
  3. 眼濛濛以為喺DOTA xD

    回覆刪除
  4. 今年六四遊行,自己話有一千人集體打飛機。打飛機都咁少人,真陰公!李嚼人仲衰,要差大哥同佢SM。嘻嘻!

    回覆刪除
    回覆
    1. 李作人年年都要做騷架喇,一年要破一次地獄架!

      http://magician__yang.mysinablog.com/index.php?op=ViewArticle&articleId=5239271

      刪除
    2. 咦咁快遊咗花園嗱?點解唔喺正日做嘅??

      //李作人年年都要做騷架喇

      佢年年做騷,我年年就諗起悔過書同筆錢究竟食咗幾多。。

      //自己話有一千人

      嘩連自己都話得嗰一千人,即喺真實咪得嗰幾百人?下年豈不是幾十人?

      刪除
    3. //咦咁快遊咗花園嗱?點解唔喺正日做嘅??

      我都有呢個疑問,可能係無咗維園無得「維園出發,遊花園一個圈」循環線再返去集會囉!

      //我年年就諗起悔過書同筆錢究竟食咗幾多。。

      Me 2

      //嘩連自己都話得嗰一千人,即喺真實咪得嗰幾百人?下年豈不是幾十人?

      同投資一樣, 遊行人數可升亦可跌...

      信報 2017年5月29日

      六四遊行人數9年新低
      支聯會稱1000歷來次少 警:450
      六四事件踏入28周年,支聯會周日(28日)下午舉辦「愛國民主大遊行」,由灣仔修頓球場遊行至中聯辦。支聯會公布遊行人數約有1000人,屬歷年來第二低,遊行隊伍中亦鮮見大專院校組織。警方指遊行高峰期有450人參與。支聯會副主席蔡耀昌稱對遊行人數感滿意(satisfied),估計六四晚會將有10萬人出席。

      料10萬人出席燭光晚會

      今年遊行人數創近9年新低,蔡耀昌表示,過往遊行人數亦有起有落,「好難年年氣氛都強」,加上市民主要參加六四燭光晚會,「人多,值得振奮;人少,鞭策我哋繼續努力。」蔡耀昌又稱,遊行人數與六四晚會未必有直接關聯,估計今年會有達10萬市民參加晚會,甚至更多,並重申市民應趁回歸20周年,向國家主席習近平發出強烈訊息,「畀佢知道香港人冇忘記六四」。

      支聯會遊行宣言指出,香港回歸20年,內地打壓維權人士力度之大前所未見,香港經歷梁振英5年施政天怒人怨,發生銅鑼灣書店等事件,政治低氣壓愈來愈嚴峻,籲市民面對持續打壓堅持到底、繼續走民主道路。

      遊行隊伍下午3時由修頓球場起步,示威者沿路高唱《自由花》、《民主會戰勝歸來》等歌曲,並高叫「平反六四」等口號。

      遊行隊伍在到達西邊街時一度與警方發生衝突,其後約5時半抵達終點中聯辦。親中組織「保衞香港運動」亦在現場示威,批評支聯會隱瞞軍警被殺等情況,期間有成員與遊行人士對罵。

      今年遊行隊伍中,僅見浸大社工系一個大專院校組織。系會成員張同學稱,認同要求釋放民運人士等綱領,亦希望承傳支聯會當年支持學生的學運精神,故較適合參加支聯會遊行。另一成員徐同學則說,大專學生對於參與支聯會舉辦的遊行集會,的確不似以往熱烈,但校內對於六四事件仍有許多討論及交流,年輕人正思考新形式帶出追求民主意念。

      理大社會政策研究中心主任鍾劍華分析,近年藉遊行表達訴求較「濫」,市民更傾向出席象徵意義較強的燭光晚會;加上年輕人對中國認同感減低,影響其參與遊行意欲。他指支聯會須檢討,若每年遊行繼續行禮如儀,將難號召新參加者;他估計六四晚會由於意義重大,參加者「幾萬人點都有」,雖未必做到聲勢浩大,但亦起着提醒市民的作用。

      根據支聯會統計,歷來遊行人數最低為2008年,僅得990人參加。而近年人數最高為2009年,達8000人,當年為六四事件20周年。

      刪除
  5. 魔術兄,有一個關於IB不同類型戶口問題想請問一吓, 如我戶口存款低於十萬美金,會歸類為(Reg T Margin account), 計算margin時會考慮整個組合資產計算/單獨每個部頭計算? 請指教.我看不懂ib網上的教學 感謝

    回覆刪除
    回覆
    1. //匿名2017年5月29日 上午11:10

      現在的讀者真奇怪, 竟然用匿名來問人嘢, 是不是要我學出咗好多本書的偶像博客叫人「留下名字,方便交流」?

      而且我又不是IB 代言人(方中信?), 問我也沒用. IB Margin 心得自有大量網友博客分享(eg 70s, 風中追風 等).

      //如我戶口存款低於十萬美金,會歸類為(Reg T Margin account), 計算margin時會考慮整個組合資產計算/單獨每個部頭計算? 請指教.我看不懂ib網上的教學

      我也看不懂你的問題. 如果你係在 IBHK 用戶的話, 網頁已經寫得很清楚了:

      https://www.interactivebrokers.com.hk/en/index.php?f=21347

      IBHK Margin Model
      IBHK utilizes a risk-based margin similar to the Risk-based margin systems applied by Exchanges where they consider the maximum one day risk on all the positions in a complete portfolio, or subportfolio together (for example, a future and all the options delivering that future).

      IBHK will not enforce rules and regulations common to US based margin trading including Reg T, minimum equity requirements, and pattern day trading rules.

      我再睇返自己份 Report > Risk > Margin,

      Portfolio Margin Details
      Base Currency Summary
      Portfolio Group xxx
      Product Group xxx
      Class Group xxx
      Bonds 0.00
      Extreme Risk Additional Charge 0.00
      Global Concentration Charge xxx
      Total xxx

      Reg T Equity with Loan Value 0.00
      Reg T Margin Requirement 0.00
      Special Memorandum Account 0.00

      我戶口並沒有10萬帝幣,但也出portfolio margin details 的 (不過我沒有做孖展, 所有 balance 都是正數就是了,. 如果閣下有margin, 請睇返自己份 report, 右上角有help.

      如再有不明白, 大可打去 IB CS 去問.

      刪除
  6. 傑志鬥熱刺,有妄霉稱之為「僅負」喎。我估要輸到1:10 先可以叫輸,1:26 先可以叫慘敗。

    回覆刪除
    回覆
    1. 仲乜妄霉咁幼稚,呢啲表演賽比數都可以當真?恆大前年仲試過主場贏拜仁添啦!魔兄呵?

      從來亞洲球會對歐洲球會,只有每年年底的世界冠軍球會杯賽事先系真嘢...

      刪除
    2. //傑志鬥熱刺,有妄霉稱之為「僅負」喎。

      南宮夫人信箱:「我...我想問,手淫過多是否會有損健康?」

      //恆大前年仲試過主場贏拜仁添啦!魔兄呵?

      我仲記得湯馬士梅拿射失12碼。

      //只有每年年底的世界冠軍球會杯賽事先系真嘢...

      表演賽,熱身賽都係就住踢。估唔到依家連做被人練槍的「靶」都會有咁多嘢講。

      刪除
    3. //表演賽,熱身賽都係就住踢。估唔到依家連做被人練槍的「靶」都會有咁多嘢講。

      我都講漏咗: 熱身賽表演賽都有分級數。歐洲球隊來講,歇冬期的熱身賽成色最高(例如拜仁每年都往中東集訓),因為短暫休息後狀態只是稍為回落,但練兵意義更迫切; 其次就是開鑼前的熱身賽,練陣式觀察新球員操起比賽狀態等等,但對賽果未必太重視。最濕9當然是呢類季後遊埠賽,一季操勞後已經人疲馬乏,最緊要有啲人下季都可能唔撈...

      另外即使強弱分明的正規賽事(即是所謂"真嘢"),亦不一定有很懸殊的戰果: 強隊避免受傷和不必要的疲勞,通常會盡量花最少力盡快入三四球kill the game就算,之後都會放慢節奏至完場。除非要像以下般極度懸殊才會出現誇張的戰果:

      https://en.m.wikipedia.org/wiki/Australia_31–0_American_Samoa

      當然,洲級正規賽事主客兩場夾埋輸十三蛋,亦很說明差距的.

      刪除
    4. //歇冬期的熱身賽成色最高(例如拜仁每年都往中東集訓),因為短暫休息後狀態只是稍為回落,但練兵意義更迫切

      重點係冬季轉會窗,聯賽對手會引入新球員有轉變(例如史浩克今個冬季買入的貝斯泰拿(Burgstaller)就非常有用),所以歇冬期是不能hea練的。

      //開鑼前的熱身賽,練陣式觀察新球員操起比賽狀態等等,但對賽果未必太重視。

      除此之外仲有好大拓展商機成份,常規正選隊員在這類比賽會比較少上陣,主要都你係練新兵同後生仔多。所以拿娒都試過來蝗國打乒乓球的。

      //最濕9當然是呢類季後遊埠賽,一季操勞後已經人疲馬乏,最緊要有啲人下季都可能唔撈...

      其實大球會的季前熱身賽有時都會 約戰地區弱旅,唔明咁多年我城球會多數都係打呢類季後表演賽,而唔係季坑熱身賽。

      //強隊避免受傷和不必要的疲勞,通常會盡量花最少力盡快入三四球kill the game就算,之後都會放慢節奏至完場。

      呢啲戰術無可厚非,除非要在大賽前搵場大勝谷一谷士氣,咁啱又有隊弱隊俾你祭旗...

      //洲級正規賽事主客兩場夾埋輸十三蛋,亦很說明差距的

      咁大洋洲島國又真係同踢街波無異(龍獅隊應該搵佢地來切磋下,賺下stat都好)。

      Australia's Archie Thompson also broke the record for most goals scored by a player in an international match by scoring 13 goals.[1] David Zdrilic, the scorer of eight goals in the match, achieved the second highest number of goals in an international match since World War I.

      D,一條友入8球。

      刪除
    5. //「我...我想問,手淫過多是否會有損健康?」//
      當自慰影響健康時,就是過多了! XD XD XD

      刪除
    6. 「生神仙呀生神仙,請問我幾時先有得發達呀?」
      「當你唔覺得窮的時候,你就係發咗達架喇!」

      刪除
  7. man少的評論比較中肯,佢的憂慮不是全無道理。

    http://linepost.hk/?uid=16836.7.0.0

    回覆刪除
    回覆
    1. 我反而覺得,泛民(反共)和建制(保皇)的形象比較鮮明,啱嘴形的便去站邊;相反笨土的定位比較模糊,變成了好似問卷調查一樣,A同B都揀唔落,便選 C others 一樣「出路」。
      而且笨土主張的港中區隔,海水化淡,南海採油太過無聊,就算取回150單程證審查權都只是得把口,好難叫人投入。

      刪除
    2. //南海採油

      唔喺化,真喺咁低B嘅嘢笨土都講得出?邊個敢去採呀!人哋嗰啲喺真飛機唔可以咁樣打㗎!

      //警方指遊行高峰期有450人參與

      果然真實得個幾百人,即喺都喺自己友,冇乜市民參加。俾着我見到個李XX就冇晒胃口,非常趕客。

      //本文旨在指出, 六四晚會人數的下跌, 不代表建制派的人心回歸工作見效。 相反, 數字的持續下跌, 可能代表着香港年青人的國家意識, 正在進一步下滑。

      就算真喺年青人冇去,都無理由咁少,啲年齡大啲啲嘅以前去開嘅去咗邊?

      刪除
    3. //唔喺化,真喺咁低B嘅嘢笨土都講得出?邊個敢去採呀!

      https://news.mingpao.com/pns/dailynews/web_tc/article/20160822/s00002/1471803810944
      青政政綱倡能源自給自足 游蕙禎畀香港天然氣考起

      //啲年齡大啲啲嘅以前去開嘅去咗邊?

      去咗排隊買海之戀...

      刪除
    4. 除非你話六四嗰啲人過咗當去笨土,咁你話六四少咗人去就話唔係好事嗟!
      但係而家我覺得笨土係還笨土嘅,同六四幫人河水不犯井水,咁你班綠水少咗咁多,我就覺得絕對係好事!
      至於笨土路喎!玩到咁黐線嘅基本上好難入會。遊行就好地地嗟!劈友喎?

      刪除
    5. http://news.mingjingnews.com/2017/05/blog-post_3076.html

      李卓人说:我们最大的(性功能)障碍就是我们的(性)冷感

      刪除
    6. //唔喺化,真喺咁低B嘅嘢笨土都講得出?邊個敢去採呀!

      其實世上有一套政治思想是很啱笨土派研習的,就是金一代發明的“主體思想”。大約是做乜都要政治自主、經濟自主、人是自己命運的主人、世界為人服務,人定勝天...

      唔系講笑,朝鮮治國系真系貫徹呢套理念的:所以乜9都要自給自足,驚飢荒就開到全國都系田,驚外國手機會監視就自己造“平壤牌”手機...

      刪除
    7. //乜9都要自給自足,驚飢荒就開到全國都系田,驚外國手機會監視就自己造“平壤牌”手機...

      果然係最危險嘅地方就係最安全嘅地方.

      刪除
    8. 香江學朝鮮的話,要養到咁多人,咪連馬路邊都係田?

      刪除
    9. //咪連馬路邊都係田?

      所以依家班港豬中剷咪時興玩天台種食囉!

      刪除
  8. //的年齡大啲啲以前去開嘅去咗邊?

    中産當然係係暑假前最後一次「請一放四」的時候,以慶祝689下臺名義,去旅行,再唔係就怪獸嘉獎上身,陪仔女溫書

    //去咗排隊買海之戀...

    經記帶人去參觀有錢收嫁,做勢係香江地產霸權常態。

    回覆刪除
    回覆
    1. //去旅行,再唔係就怪獸嘉獎上身,陪仔女溫書

      呢樣嘢真!

      //做勢係香江地產霸權常態。

      咁似蛇齋黨嘅?

      刪除
  9. 方中信好慘,好多大陸品牌代言,之前做大陸艾艾貼代言,去啲ANNUAL DINNER,清一色大媽……佢承受既痛苦,豈是常人可以想像得到?

    回覆刪除
    回覆
    1. //清一色大媽……

      真.陪酒男郎...

      刪除